牛陣 (德福廣場1期)

營業中

休息中

朋友住九龍灣 ，喜歡看電影和火鍋。必選牛陣抵食和有至愛雪糕任食，冬蔭公湯底要先用牛肥肉爆香才加配料， 有蝦、蠔、帶子、檸檬🍋和芫茜 、辣椒香味重。牛肉也不錯任食，重有任取蔬菜🥬，飲品。超值。

今日放工約咗同事去牛陣食壽喜燒，見到門口poster有期間限定，係泰式冬陰公湯底，緊係要試吓啦。牛肉款式都有幾款選擇，我地選擇咗穀飼上級牛肉。店員首先幫我地用新鮮牛脂肪起鑊，煎出正式嘅牛油，再將蝦同魷魚煎一煎，店員就將冬陰公湯底倒入鍋中，咋一聲，勁有鑊氣，d冬陰公香味撲鼻，聞到都流口水，呢個湯底會跟一個泰式蔬菜籃，可以按自己喜好，加入湯中。之後店員好快上牛肉、豚肉、牛舌同海鮮拼盤。穀飼上級牛肉真係唔同d,脂肪分佈均勻，唔太肥唔太瘦，牛肉味好重，一d都唔鞋，點麻醬食一流。牛舌好爽口，完全冇酥味，配合冬陰公湯底食好match,唔使點鼓油都夠晒味，好好食。豚肉好爽滑，完全唔韌，overcook都唔會老，而鞋口，完全唔油膩，勁正。海鮮拼盤分別有帶子、蠔同魷魚，呢個拼盤都係任叫，蠔好新鮮，完全唔腥，性價比非常高。除咗呢d任食之外，出面仲有幾十款火鍋配料任食，因為係泰式期間限定，出面都有幾款泰式食品，例如泰式蝦片、泰式紅咖哩同泰式香矛茶，鍾意泰式食品，一定唔可以錯過。仲有多款飲品任叫，原來仲有泰式啤酒同朝日啤酒任飲，真係好抵。呢間分店原有有6款Haagen-Dazs雪糕任食，真係回本之作。

今日同朋友仔諗住去打邊爐 見牛陣有新出既冬蔭功鍋好似幾吸引 所以決定一戰！坐低無耐店員就擺晒啲冬蔭功配料黎 但係我地唔知下一步要點做 所以亂黎一野倒左啲湯落個鍋到🤣店員見到我地呢幕即刻走過黎話會幫我地整嫁原來係要用舊油去煎一煎啲海鮮再加湯🤣嗌呢個湯底仲有一啲海鮮配料 例如 蠔 魷魚 配埋～同朋友都覺得湯底酸味重過辣味 鍾意食辣既朋友睇下有冇得加辣啲 咁就應該perfect池喇🤣個湯ready好就出去拎配料！配料同平時既都係一樣 值得一提既係冬蔭功湯底好襯食麵😋肉類方面 我地嗌左穀飼牛肉 豬肉 同牛舌😋牛舌好爽口 就算襯冬蔭功湯底都依舊好味👍🏻最後甜品係哈根大師雪糕！朋友問我要咩味既時候 我話全部都要🤣嚇到朋友呆左 哈哈 女人for甜品係有第二個胃嫁嘛🤪

經過非常長時間的訓練，我終於等到了星期五，儲氣儲到頂點，放工直衝到牛陣吃哈根大師！時值2030，排隊的人很多，每位$219的上級安格斯套餐還真的是很便宜呢！食物：先留意到的是湯底，原來是冬蔭公，先由侍應以和牛脂肪炒香魷魚跟蝦，再加入冬蔭公湯就成湯底可自行加入香茅，泰式茄子，子彈辣椒，青木瓜跟青檸等調味，非常彈性，酸中帶辣很開胃。此外，牛肉跟牛舌，豚肉跟海鮮都是任添的，我最喜歡豚肉，肥瘦相間，肉質鮮美。牛舌只要不煮過熟，在湯中拖兩下，七分熟起是最正的。海鮮中蠔不用煮太久，兩分鐘左右起就不會縮水，吃起來也不是雪藏無味貨色呢。外面自助吧的驚喜是炸雞跟椰香咖哩牛肉，炸雞長期照著燈還是帶點嫩不會鞋，咖哩不辣且椰香很重，牛筋腩少但非常稔軟！炸蝦片也是意外的爽脆，很有質素。菜的選擇很多，羽衣甘藍是必選的超級食物，維生素跟纖維量豐富，油麥菜跟唐生菜也是我所喜愛，掛湯力奇高。醬汁最基本是鮮辣椒配醬油，酸汁跟日式麻醬都有，非常日式。跟牛豬也十分夾！最後壓軸，哈根大師！六款口味分別花生醬 夏威夷果仁 藍莓 朱古力 抹茶 云尼拿我覺得除了云尼拿全部都值得吃！花生醬帶些花生脆脆爽脆可口，朱古力帶碎澀澀很有層次感

今次黎到九龍灣食咩好？！行完成個圈 最後簡咗牛陣 原來咁啱推出咗冬陰公湯底 於是就試下嗌呢個湯底啦 冬陰公湯底有好多材料 本身已經有蝦、魷魚、牛脂肪等 之後仲可以不停refilling 啲蠔咁 鐘意食seafoodsss既朋友仔可以考慮下呢個煲 而且呢個湯 酸酸甜甜好開胃架都 自助吧仲有唔少泰式野食添 有紅咖哩配飯、蝦片、炸雞同薯格等等 真係「泰」有風味 炸度都幾夠而且夠脆夠熱 都唔錯架 另外仲有多款Hagen daz任你簡 食多幾杯都已經值回票價啦 哈哈 😄！

Tastes:4/5Service:4/5Environment:4 /5經過牛陣門口原來先知牛陣出咗冬陰功湯底既煲 有冒險精神既我 當然要率先試味啦！！！個湯底酸酸地有帶點甜同辣味 辣度可以自行調整 因為辣椒都係放係食物籃上面 想落幾多都得 我就唔係好食得辣 所以剩下加咗二個辣椒 不過都幾夠味 辣味好快入到湯底！唔錯 唔錯 另外不得不提既係佢湯底個材料 冬陰公湯底有蝦、魷魚、牛脂肪 都算幾豐富而且新鮮！唔夠喉既話仲可以去自助吧睇睇 有雞塊、魚片、肉丸、獅子狗、豆卜、各種蔬菜、麵條等等 除此之外仲有Hagen daz ice cream 任你簡 所以一定會空肚入捧肚岀餐廳架

雖然市面氣氛緊張，時不時聽到市民話擔心冇車返屋企，擔心商鋪落閘，但係我地去完exhibition 後都係決定食返個打邊爐先回家。九龍灣德福呢個角落好多食市，好驚訝呢間六點幾已經要拎票排隊，一直排到八點半。店內都幾大煙，好似每張枱都有個抽氣扇，所以大煙得黎係冇麥味架。四人枱有d係兩個爐有d係一個爐，今次我地去完泰國好回味冬蔭功，就點左冬陰功湯底。簡單黎講係咸咸地唔太辣果種冬陰功，係港式口味。係泰國飲過甜版同稀版冬陰功，食到後期係辣味慢慢攻上黎狂飲水果種，呢度當然會調返近港人口味。食物好多款同高質新鮮，冇蚊蟲。值得食既係炸蝦片，炸雞同象啤，雪糕一定不可錯過。但係我地去食時要等四五個人，而且雪糕好難不。建議有個店員幫下手好d.埋單五百蚊有找，明白到高質就一定有人幫襯。店員都好快手。飲品多數係汽水，我不太好，最後發現了香芧茶實在太正。小朋友90cm以上收小童價。約100蚊。湯底可以自製都可以係店員幫手。最抵點既係牛肉同海鮮

牛陣第一次食，今次黎到九龍灣德福分店。周五晚7點已經唔少人在門外等位。雖然店舖位置唔算寬敞，但非常欣賞像日式設計嘅小擋板，兩人座位都可以有私人空間。店舖最近有期間限定泰式主題，冬蔭功鍋！$219/1位 自助吧有泰式咖喱、香茅茶供應，泰味十足。店員率先用牛脂熱鑊，然後再爆大蝦、魷魚。之後再倒上濃郁冬蔭功湯。附上青檸、蕃茄仔、小米椒等天然香料。想要什麼口味，自行調配。價錢就包埋泰國象啤任飲，超開心海鮮盤都係叫冬蔭功包埋。在自助吧拎左白魚蛋、魚柳吸收冬蔭功湯精華。豬、牛肉類無限添加，最愛食牛舌。爽滑牛味夠。前後食左4碟。小檔板隔住，有私人空間狂影都唔尷尬。牛陣以呢個價錢竟然有6款哈根大師任食，堅抵！ 芒果、夏威夷果仁、比利時朱古力、野莓、藍莓、花生醬。我最中意就係花生醬口味，味道夠特別又順口，仲有花生粒。埋單時，店員仲遞上泰式椰子糖同清潔芒布送添！

約咗朋友去九龍灣交收，之後一齊食飯， 咁啱行過德福，見到牛陣又出咗個泰式冬陰功湯底，天氣咁熱梗係食啲泰國嘢，酸辣夠開胃嘛。 等咗一陣就好快有位，店員好快就準備好過湯底，而且仲教我哋點起鑊，用和牛脂肪煎出油份先加冬陰功湯，真係好貼心。而且仲有各式各樣嘅香料，例如香葉，泰國子彈辣椒等等， 加埋個泰式蔬菜盤，有我最鍾意食嘅泰國茄子 同青木瓜，夠曬泰國風味，不過怕辣嘅人就唔好落咁多辣椒，因為比平時嘅辣椒更加辣。 我都辣到要叫返兩支象啤嚟飲，解解辣。好快亦都送上牛肉，牛舌，海鮮同豚肉，呢個餐係跟澳洲殼飼牛，肉味香濃，牛舌亦都唔錯，爽口嫩滑。 海鮮都唔錯，有魷魚， 帶子 ，生蠔等等，尤其是生蠔，鮮甜得嚟都夠曬大粒， 好味。食到咁上下當然要出去拎下啲配料啦， 款式都幾多，同埋見到店員定時都會加配料，保持新鮮，抵讚。而且仲有啲泰國小食，例如炸蝦片，炸雞，咖哩牛肉 等等。 尤其係個咖哩牛肉非常juicy惹味， 咖哩味夠曬香， 真係想攞嚟撈飯。 不過用蝦片配埋咖哩食都唔錯， 啲蝦片脆口得來 都幾香，而且唔油膩。食飽飽就梗係排隊拎雪糕啦，haagen dazs嘅雪糕不嬲都有質素，而且都有幾多種味選擇例如藍莓

牛陣很多年前已經經常去食。不過因為搬屋關係所以又好耐冇幫襯過喇。今日約咗朋友去九龍灣嘅牛陣食晚市火鍋放題。 朋友話出咗一個冬蔭功 火鍋 。咁當然去試下啦。一去到門口已經覺得佢裝潢十分華麗講究。同以前的牛陣非常不同的風格 。首先有專人幫你起個鍋。將和牛的肥膏落鑊煎出牛油再放入大蔥洋蔥一同爆香。聞到都口水流 。跟著會奉上一碟海鮮內有魷魚帆立貝生蠔。不過海鮮是限量的。和牛蔬菜豬肉等無限量任添食。最重要係汽水啤酒任飲 。跟著我出去攞 食物 。有雞肉。蔬菜。烏冬等。。仲俾我發現佢有羽衣甘藍 秋葵等 貴價蔬菜。 都是我十分喜愛的蔬菜。 跟著我們總共叫咗和牛豬肩豬腩等共約20碟。 食得非常之滿足。 最後還有六款哈根達雪糕任食。 仲要有我至愛的抹茶味。 我總共食咗八球之多。 今次放題真是吃得非常之滿足。期待下次再來光顧。

今日約咗朋友去九龍灣嘅牛陣食晚市火鍋放題。 朋友話出咗一個冬蔭功 火鍋 。咁就試下啦。這間店比其他店舗更講究。同以前的牛陣非常不同的風格 。首先有專人幫你起個鍋。將和牛的肥膏落鑊煎出牛油再放入大蔥洋蔥一同爆香。流香味四溢。跟著會有魷魚帆立貝生蠔。不過海鮮是一次性的。不過不失。和牛蔬菜豬肉等無限量任添食。最重要係汽水啤酒任飲 。跟著我出去攞 食物 。有雞肉。蔬菜。烏冬等。仲俾我發現佢有我至愛的羽衣甘藍 秋葵等 貴價蔬菜。 都是我十分喜愛的蔬菜。 跟著我們總共叫咗和牛豬肩豬腩等共約20碟。 食得非常之滿足。 最後還有六款哈根達雪糕任食。 仲要有我至愛的抹茶味。 我總共食咗八球之多。 今次放題真是吃得非常之滿足。期待下次再來光顧。

冬陰功鍋 $219 / 1位牛陣新推出冬陰功鍋🍲，惠顧$219以上的放題便可享用🤗。惠顧冬陰功鍋還可享免費任飲象啤🍺。•店員會為你用豬油炒香蝦🦐和魷魚🦑，之後加入冬陰功湯。待湯底滾後便可加入配料，例如：秀珍茹、青木瓜、香草🌿、青檸、辣椒🌶️等。不吃辣的朋友建議不要加辣椒🌶️，因為店員再三叮囑辣椒真的很辣🥵。沒有加辣椒的湯底酸中帶微微辣，我覺得已經很美味。不得不讚它的湯底的確很冬陰功👍。除了常備的打邊爐配料，還有一些泰國小食😍，包括我最愛的蝦片（我refill 了很多很多次🤩）、日式炸雞、炸薯格、紅咖哩飯（椰香味重，一點也不辣，也嚐到濃濃的牛肉味））共有6款Haagen Dazs 雪糕🍦口味，必試花生🥜醬味，根本與吃真的花生醬沒有分別，還有粒粒花生🥜。賣單時還會送贈抽獎劵、抺手機屏幕布和$29現金劵。

今日去開九龍灣做野，放工就諗住係附近食埋野先番屋企！牛陣好多人排緊隊，但係排左15分鐘左右就有位啦！我地揀左上選套餐90分鐘放題，柚子鹽湯底！個湯底嘅柚子味好重，不過打打下邊爐開始覺得有d柚子皮嘅甘甘地味。肉類係每次想要幾多碟向侍應講，其他配料係自助形式！牛肉比較韌，可能揀更加高級嘅套餐會比較好味！反而豬肉比較好食，淥一淥又唔會好鞋，幾好味！另外最欣賞佢嘅Häagen-Dazs雪糕任食😋有5-6種味揀！

今日約左朋友去九龍灣既牛陣食晚市火鍋放題。一入再去餐廳，鍾意食辣既我地就叫左餐廳最新出既冬陰公味湯底火鍋，價錢為$219。套餐提供了泰式子彈椒，青檸，香茅，可以自己DIY湯底既酸辣度，十分體貼客人既個人口味。食物方面：任食澳洲上級長期任食穀飼牛：雪花分佈平均，只刷5秒能保持肉味及其嫩滑既質感；任食牛舌：l,只涮5秒左右，十分有咬口。其餘有任食海鮮(墨魚,蠔,元貝)，仲有任食自助吧: 泰式香茅茶, 泰式紅咖哩、泰式蝦片、炸雞、薯格，仲有其他自助吧火鍋配料、 飲品。最正係HAAGEN-DAZ雪糕任食。餐廳既職員表現出應有既服務態度，除左上菜速度快之外，還願意教導如何調較湯底既酸辣度，並用心解答我地既問題，服務態度良好。

牛陣不再是以前的牛陣以前有一段時間覺得牛陣的質素下降，不論是牛肉(通常第一碟都比較好，第二碟就一般)，還是自助bar上的配菜，都令我有點失望。隨著火鍋業的競爭激烈，又無意中發現牛陣有冬陰公湯底，我就不防多給一次機會，再試一次！環境: 裝潢跟以往的風格很不同，我特別欣賞他們在部份枱加上木版，分隔開兩群不同的食客，增加私隱度，不用你眼看我眼👍🏻食物: 主角來了！冬陰公湯底及配菜！除了這個湯底的料，此湯底套餐亦包了牛肉，豬肉，海鮮，還有無限任飲多種罐裝飲物(非只有汽水，還有茶類及韓式飲品)。先將海鮮煎香，再倒入湯。冬陰公湯底完成，就可以開始打邊爐！餐包括的肉類同海鮮類，今次無論refill多少次，都是新鮮，質量一致自助配料的冰櫃夠凍，完全保存食物的新鮮，這非其他餐廳也有做到！配料亦非常多！醬料區也不弱！蔬菜區域更是另我喜出望外熟食區有泰式小食整個套餐完結當然不少得我最愛的泰色甜點最後當然是無限♾任食的haagen dazs雪糕🍦總結，我不得不說我對牛陣完全改觀，從環境，食物，甜點，到服務都比以往大大改善令我有想再食的心。