犇道 (已搬遷) 新店位置

🔹拉絲芝士金雞丼 ($58)🔹日本漢堡蛋包飯($72) ..漢堡扒飯有得揀黑咖哩或者香草蕃茄汁，本身都無乜期望，但一嗒落....哇佢係蕃茄蓉醬！🍅 真係好似落咗成個蕃茄落去打碎咁，酸酸甜甜、配埋超滑漩渦蛋包飯，好順口好開胃～👍🏻 塊扒非常淋身，咬落好juicy，好濃牛肉香，必試！.雞丼飯就係芝士迷一定要叫 😏 一夾起就乜邪惡拉絲都出哂嚟，炸雞醃得好入味，咬落甜甜香香，不過要趁熱食，放淋咗就無咁香口！🍗..🤙🏻: 夜晚仲有各式套餐、有燒牛肉、鰻魚飯等選擇，不妨一試～

今日又同老公撐檯腳，之前食過佢既晚餐覺得唔錯，所以決定試埋佢既午餐😋😋，兩個午餐都包前菜同飲品，抵食👍🏽👍🏽150g 慢煮牛扒一聽到慢煮，等既時間都要耐少少，但係直得等，因為慢煮只會煮到大約6成熟，所以食落非常淋滑，佢仲配埋溫泉蛋同粟米，食落唔會覺得漏👍🏽👍🏽吉列大蝦蛋包飯濃濃既咖哩，真材實料，唔會太辣，而裡面既薯仔都好入味，話明蛋包飯，隻蛋一定係重點，係非常滑，仲有香蛋味，炸蝦新鮮，炸得脆而唔油膩，仲連條尾都可以食埋食炸物食到意猶未盡，另外再加多個明太子燒手羽及吉列珍寶大蝦，燒手羽已去骨，裡面釀滿明太子，口感非常，炸蝦就唔洗多講，食兩隻唔夠喉要再加多隻😋😋今日芒果沙冰做緊優惠價$18，我地都叫左杯，濃濃芒果汁打成冰，好重芒果味，好清甜天氣乾燥又凍凍地，我特意叫多杯柚子蜜潤一潤

因為Fatbrown 唔係新界人,真係好系機會入嚟新界，何況係屯門今次約咗一班屯門嘅朋玩，難得有機會入屯門佢哋亦都特登搵咗一間好嘢食介紹比Fatbrown 食犇道果然係屯門區嘅當紅小店，晏晝去到嘅時候都要排成30分鐘先入到<唐揚金雞$58>Lunchset 都幾多選擇下，大概五、六十蚊一個set最後叫咗唐揚金雞配冷烏冬，唐揚金雞炸到脆卜卜，皮薄肉嫩咬落仲bi 到雞汁冷烏冬好煙un ，烏冬汁清清淡淡好fresh

今晚去咗龍門居犇(音奔)道食好西，小店經營，坐位唔多，好彩早到一步， 唔係就要等位啦😆主打慢煮美國牛扒，其他飯類小食、甜品……睇落都好吸引😚唔係咁飽，單叫咗一份慢煮牛、其他以小食為主，當然最後少不了叫甜品啦😆極上海膽牛扒150g韓國馬糞海膽片片分明，新鮮幾甜，after taste有少少回甘味👍 慢煮牛肉色澤嫩紅， 牛味唔算好濃，但勝在有肉汁，口感嫩滑，配上特製兩款醬汁或抹點岩鹽食，食落更有層次美味😋松露醬燒帶子一上枱松露醬嘅香氣撲鼻而嚟， 帶子size幾大😚 切開中間微帶透明，味道焦香鮮甜🤤芥味八爪魚🐙醬汁不會太嗆，🐙同配菜爽口、鮮甜ar~野菜/牛肉薯餅🥔這兩件係分開叫既，炸漿做得好好，非常薄身脆口， 野菜薯餅相當對味😋， 反而牛肉🥔失色咗少少， 肉味唔夠突出 😆抹茶千層蛋糕/ 日本焦糖布丁抹茶味比較淡，蛋糕口味👌 布丁唔係自家製，但出奇地清甜，口感幼滑😋👩‍⚖食物高汁， 價錢合理，2人套餐相當抵同吸引，下次再來💪💪

龍門居出名多野食，但每次都見到呢間「犇道」好多人排隊，今日見到少啲人就排埋一份試下啦！適逢聖誕，就豪爽一個月食個二人餐！包小食、主食兩個、飲品兩杯，相比起單點就平得多了！黃金炸物盛盒有炸蝦、炸牛肉餅、明太子雞翼，配上蜜糖芥醬！格外有份新鮮感，可能唔係配沙律醬啦！炸蝦大大隻炸牛肉餅比較遜色，感覺較為粉，牛肉味較少明太子雞翼，大大隻又充滿明太子味松露慢煮美國prime 極級嫩肩牛扒150mg 可+$22 升級至220mg 配上白飯、沙律、木耳、有不同口感，最重點係慢煮4小時的嫩肩牛扒，口感鮮嫩，配上松露汁，陣陣松露香氣，看落份落唔算多，卻令人難以拒絕！所謂物以罕為貴一口和牛丼一口和牛粒，加上洋蔥，令到口感唔會太單調，除左牛之外，還有一陣清爽感！配上半熟流心蛋檸檬梳打水檸檬+ 梳打水，好簡單卻能消膩解渴，開胃飲品！+$22追加日本蛋糕綠茶千層蛋糕，大約有10層左右，中間有層紅豆蓉，增添口感！

牛牛牛道今日過開來屯門龍門居附近做嘢，就同同事喺呢度食埋午餐，見到呢度有間小店，就咁睇價錢牌真係好經濟實惠，所以就入去試吓啦🧐。我哋嗌左一個滑蛋豬扒飯同埋一個芝士拉絲雞球飯，另外仲有唔同款嘅小食可以加錢揀嘅，我哋就揀咗糖心蛋同埋明太子雞翼。每樣嘢食嘅質素都唔錯，而且性價比好高。值得一讚嘅係嗰個芝士雞，真係拉得出一條條芝士嘅絲，味道都好好食❤。嘢飲方面，我哋就加錢轉左特飲，叫咗一杯柚子梳打同埋一杯有子紅茶，我哋嗌左少甜，果然真係有少甜到👍🏻。最後我哋再叫咗一個千層蛋糕😋😋，叫咗一件兩份share食，完美句號。支持小店！👍🏻

呢日放假黎屯門搵個朋友，平時好少入黎所以唔熟路～朋友就帶我黎左龍門居商場搵食，原來附近都有好多小店鋪頭細細間，不過都算坐得舒服枱面放有調味料開餐喇～先有個前菜開下胃＃大阪唐揚金雞丼我揀左呢個雞丼，朋友介紹話好唔錯平時好少食炸野既我都破例試下果然真係好正！先唔講Ｄ雞肉好滑，個飯配埋溫泉蛋同醬汁好好味。。＃慢煮美國極級嫩肩牛排 (220g)朋友就叫左呢個，牛肉好嫩滑，食落一Ｄ都唔會硬好香好高質！＃明太子手羽 (2隻)雞翼入面塞滿左明太子，好足料~外皮炸到脆脆地仲要係熱辣辣～！配埋個醬一流冬天飲杯熱朱好暖心～Overall出乎意料既好食，雖然餐廳細細間但真係唔可以睇小有機會我會再黎食！

環境較小，座位不多，而且繁忙時間多人排隊，要食就要早些去！「松露燒牛排定食」⭐️⭐️⭐️⭐️選用美國prime頂級嫩肩牛肉，配有黑松露、珍珠白飯、味增湯、前菜等，加$28就有一個龍蝦沙律和布丁選擇。我很喜歡黑松露的味道，牛肉肉質軟霖，再配上特製的兩款醬汁，層次再提升一級，很棒！燒牛肉拉麵⭐️⭐️⭐️⭐️牛肉片有很重的牛味，雖然是薄，但整得剛剛好，肉質嫩滑，我覺得個湯有少少鹹。燒年糕⭐️⭐️⭐️⭐️⭐️這個小食真是驚喜，完全沒有想過燒年糕可以是咸的，而家燒得外脆內軟，再加上紫菜，真是好吃😋龍蝦沙律⭐️⭐️⭐️⭐️想不到個沙律份量頗多，而且啖啖蝦肉，真是好重本呀！炸薯菜和塘揚雞⭐️⭐️⭐️⭐️炸薯菜夠熱，菜的份量不多，但薯仔炸得好，外脆內軟，值得一試，可惜當時沒有牛肉炸薯可以吃，唯有下次再吃！甜品：布甸和綠茶千層糕布甸是外面入貨，就不用講了！雖然千層蛋糕的忌廉不夠滑，但內有紅豆補上，很有心思。

今日終於試下樓下呢間餐廳本來見到都有人幫襯 就諗住唔伏啦入到去 12:08落單先後冷麵同湯麵都上到但食到12:30 另外朋友既丼飯都仲未到 而見到其他食客既野都上哂多次問職員個飯幾時到 佢淨係話「等多陣啦」最後 丼飯等到12:38先到我地其他同行食完 呢個飯都未到而原因係因為餐廳連埋隔離枱個丼飯加外賣一齊上隔離枱落單只有10分鐘 而我地要等足半個鐘！！非常失望 廚房因為想一次過整就要客人等足半小時咁樣既服務態度，啲野食幾好味都無用！

依間位於龍門居既餐廳，一直都有睇過唔少佢既評論咖喇，終於有機會去食下，去到門口原來都好多人排緊隊了！-1️⃣松露燒牛扒定飯 (220g $128)⭐️⭐️⭐️⭐️選用特選美國Prime 頂級嫩肩牛肉，配有祕制黑松露醬、珍珠白飯、前菜、味噌湯我原本係個唔算太好黑松露既人，不過個祕制黑松露醬，真係唔令人抗拒，配上頂級嫩肩牛肉，牛十分新鮮嫩口，成個層次提升☺️/2️⃣人氣No.2!! 慢燒極上牛排丼 (150g $93)［滿星］⭐️⭐️⭐️⭐️⭐️‼️Prime 頂級嫩肩牛肉經4小時慢煮、配有溫泉蛋個人黎講就比較中意依個多過定食，除咗有溫泉蛋外，仲淋左牛排汁係飯到，溫泉蛋整破後加牛排汁，令到成個飯一啲都唔乾，送飯一流！而且，慢燒牛排比較腍、肉較嫩，份量仲一啲都唔小☺️/3️⃣明太子手羽 $28 +唐揚金雞 $39⭐️⭐️⭐️⭐️ 明太子手羽食落以為係泡菜黎，個味道真係一樣😂😂口感就係雞翼包飯咁，都幾好食☺️ 唐揚金雞就炸得勁香脆🥺🥺雞好嫩滑-環境：7/10服務：8/10好味指數：8/10回頭率：8/10

行到又攰又餓係時候搵食啦，經過見到呢間，食日式西餐，快啲試吓！呢度係主菜加$28有味增湯，湯夠熱。日本龍蝦沙律，食落淡淡龍蝦肉。日本漢堡蛋包飯，好大堆頭，漢堡扒咬落好有口感，食到粒粒肉碎，仲好有肉味，蛋好滑，而且好夠汁，正！厚燒鰻魚飯配黑松露炒滑蛋，真係原條鰻魚，好抵食，粒粒珍珠米，食落軟綿綿有咬勁。松露醬燒帶子，原粒大大隻帶子，鮮甜新鮮，食落好爽身！跟餐有甜品，係日本焦糖布甸，個匙羹好得意，成塊膠布咁！跟餐飲品原價減$10，我哋叫咗熱柑橘同凍朱古力。

有一晚，突然想去龍門居搵嘢食，係個條細細既食街，俾我搵到呢間小小小店！原來係食牛既餐廳，間店舖細細，5張枱左右，好五臟俱全既感覺！我地叫咗個二人餐，揀咗個溫泉蛋沙律不錯啊～～賣相顏色吸引！主菜叫咗鰻魚飯同松露牛肩150g牛肩都煮得啱啱好，唔會好韌，松露唔會太濃蓋過牛肉既味道👍🏼鰻魚飯既滑蛋煮得好好，唔會太老又唔會太水🤤最後，有兩個胃既我，緊係叫埋個甜品啦～個日焦糖布甸無貨啊，抹茶布甸代替，細細杯過下口癮啱啱好啊！店舖仲俾客人自助形式斟水，唔使怕尷尬啦！總括都係一間有心思既小店，6點晚飯時間都開始多人啦，想食既早啲拎位

1.慢煮美國極級嫩肩牛扒~122$~牛扒的確係下過功夫，表面係有燒過既焦香，內裡嫩滑，而且牛味都好足，係質素好既牛肉。-配溫泉蛋丼飯溫泉蛋嘅蛋汁融化係飯上面，再混合埋牛肉上流落黎嘅牛肉汁，同埋飯素，簡直係多多飯都唔怕食。-凍朱古力，可以再濃味一啲就更好 2.犇廚brunch~78$~-厚切吉列豬扒炸粉並唔厚，好香口，爽而不膩；仲有一塊隔板隔走啲油係細心既表現。豬扒醮啲honey mustard既醬係好夾。-松露炒日本滑蛋-迷你蕃茄湯稻庭烏冬穠稠既蕃茄湯底，似係落足料有新鮮蕃茄既湯，烏冬口感好滑，’迷你‘但都唔係少。成個份量brunch既份量好夠飽。-柚子梳打~+16$~柚子梳打用玻璃樽裝住別有風味，令到成個brunch更加賞心悅目🤩

龍門居除咗有龍門餐廳同係掃街熱點之外其實都仲有啲小店 今次就去咗犇道試下一睇招牌就知佢主打食咩啦hahaha入面其實真係有啲細嘅 得3張4人枱同2張2人枱夜晚7點去到都已經有兩三枱客食緊 好彩都可以坐張2人枱唔駛搭枱😛筆者8點左右食完 入面已經完全full house出面仲要等位添屋苑小店嚟講其實個人流都好犀利呢雖然係主打食牛 但其實都幾多選擇呢到嘅餐牌都仲係節錄咋 仲有沙律拉麵同飲品甜品嘅每張枱會有個調味架有黑胡椒同岩鹽俾大家配牛肉食✨龍蝦沙律 $33其實跟餐嘅話都有龍蝦沙律 不過因為筆者淨係想食龍蝦沙律 所以就決定單點一個喇不過嚟到有小小失望嘅 因為佢嘅份量同餐嘅無咩分別 只係多咗啲蟹籽😢不過個沙律係食到龍蝦仔嘅肉 而唔係一pat野咁嘅 味道上都好係鹹咗小小啫✨黑松露醬薯條&明太子手羽 $38&$28薯片份量都唔少 熱辣辣嘅粗身薯條配埋黑松露沙律醬好好味 明太子雞翼入面饟咗大量嘅明太子鹹鹹辣辣咁幾好食✨北海道野菜薯餅 $18筆者初初係打算嗌牛肉薯餅嘅 不過無晒就試下野菜啦 估唔到有意外得著呢外層炸得剛剛好 薯蓉好滑 帶啲蔬菜嘅甜味好食😋✨火山牛丼 $92好抵讚嘅係實物同相係一樣嘅大

餐廳位於龍門居嘅一間小店中，外表平平無奇但晚餐時段比較多人。咁都要大約30分鐘左右我們才可以入座，點了極上燒牛肉壽司，黃金盛盒，日本醬燒年糕，220G松露燒牛扒定食餐黃金盛盒中有天婦羅大蝦，炸蟹鉗和明太子雞翼。比較出色的是天婦羅大蝦，不會揸得很乾而且還有下的彈牙感。日本醬燒年糕感覺比較特別，因為甜甜的小朋友應該很喜歡吃，但一份有四件所以容易吃不消。擊傷燒牛肉壽司是我高度推介的，因為牛肉口感嫩滑而且還附上一碗牛肉醬汁，一口吃掉壽司有非常高的滿足感！