獨當一麵 (已結業)

早兩日，我同太太行街冇嘢做，遊吓車河入咗元朗，發現咗一個小確幸，佢竟然比我搵到一間驚為天人嘅麵檔。呢度專食胡椒豬肚湯麵！個湯底超好味，成碗都比我飲晒，同平時阿媽煲嘅湯一模一樣，加上對面係靚女，食得特別開胃！

不管限期何時屆滿 您永遠是我的獨當一麵由未搬到元朗，我們一直是「獨當一麵」的擁躉！作為擁躉，我們並沒有把您常掛在咀邊，更沒有怎樣推介給朋友，皆因您個性倔強，不跟潮流；獨沽一味，不會變通；就連那股嗆辛也不是每一個人也懂得欣賞！您會問胡椒豬肚湯有啥特別？我會答真材實料就是了！現在的食肆不是流行偷工減料麼？每每發現吃這個味不對、那個味又差了什麼似的，我們已進入連豆漿也沒有一杯合格的世代！可是真材實料又如何？ 八年間做到滿身汗水，只換來苟延殘喘，也許就是大家要偷工減料的「硬道理」！「獨當一麵」要頂手了，在我心呯呯的敲著，頂讓後又有誰可給我一碗香辛暖胃的胡椒豬肚湯？！胡椒豬肚雞腳豬骨湯鮮黑椒牛筋丸米麵 HK$51 胡椒豬肚雞腳豬豬骨湯雞腎上海扁麵 HK$64 鐵板豬扒 HK＄15附有豬肚、雞腳、豬骨、酸菜、唐芹的胡椒豬肚雞腳豬骨湯，包米線、油麵、公仔麵的基本收費是 HK$43，其他如上海麵、菠菜麵、魚茸麵則需另加 HK$3 至 HK$5。可自選走腳、走肚、走骨等，還有自選胡椒湯底的辣度！微辣是 5%胡椒湯加 95%豬骨湯、小辣是 20%胡椒湯加 80%豬骨湯、中辣是 50%胡椒湯加 50%豬

尋日中午朋友帶我去試呢間胡椒豬肚米線，凍凍地既天食一碗咁濃既胡椒豬肚，真係好暖胃😍胡椒豬肚可以揀淨係湯或者加面、米線，今次就試左米線，因為比較入味，但本身米線口感一般。仲有辣度之分，朋友建議我先試微辣（辣係指胡椒的個種辣），已經覺得好濃好暖胃。另外，湯內本身已有豬骨，豬肚，雞腳，咸酸菜等配料，但餐廳好貼心，可以比人揀走雞腳衣d配料。湯本身好入味，豬肚食落好爽，豬骨都會有少少肉都唔錯，雞腳都好入味，咸酸菜就一般般，太軟身。但43蚊一碗黎講，份量算幾夠，配料亦唔會話太少，但味道算係十分唔錯，絕對會想去食多次。

其實點解去呢間野呢係因為比佢個湯底吸引到胡椒豬肚湯 平時係酒樓先食到今次係呢間餐廳食到有別於其他粉麵 呢到湯底係用豬肚湯黎做底 送方面 個餐有埋湯渣 好入味雞腳一咬親散哂豬肚好多牙而豬骨好似老火湯果隻咁另外叫多左份豬扒 好爽口 真係體驗到咩叫一咬親溶

係網上得知舊既旺角著名麵店羅坤發其中一位成員開左係呢度，特登過來回味反當年既胡椒豬肚雞腳湯麵只係賣$23，物價真係漲左好多先來支黑豆漿 $10，豆味唔算好濃，但口感厚而滑，反而飲到黑芝麻既味期待以久既胡椒豬肚雞腳豬骨湯麵(油麵)終於來喇，同以前比較就爭d喇，首先來到個湯係唔係好熱，雞腳未算好腍，反而豬骨就好腍，咸菜份量少，可能小辣關係，胡椒味唔算濃郁，下次要再辣d先得另外叫左剩湯韭菜餃$22/5隻來之前，店員已經話要等10分鐘，湯底係豬骨湯，呢度既韭菜餃係全韭菜，無放豬肉係入面，本應會有好濃既韭菜味道，但食落又唔覺有wor

湯麵係會令人上引的食物。呢排諗起胡椒豬肚湯米線🍜，唔講咁多野，我直入元朗！！！比想像中大碗，而且係多配料（我冇加野，得湯同米線）湯超香，最後我飲晒！好鬼正，下次會再食。雖然服務一般，但價錢可以！抵食，成為$43 ～ 高質！

元朗真係特別多好野食，上次食完炸髀飯行去西鐵站途中，見到呢間麵店嘅胡椒豬肚湯好似好吸引，今日一於黎試下。餐廳面積比較細，坐得有d迫，下晝一點半黎到，好彩已經唔需要等位。午市可以揀套餐或散叫，價錢差唔多，轉胡椒豬肚湯加15蚊，一場黎到梗係要加。今日叫咗貢丸胡椒豬肚湯，再加三蚊轉上海粗麵，湯底要小辣，湯底辣度係用胡椒豬肚湯加豬骨湯嘅比例混合而成。胡椒豬肚湯本身已經有豬骨，雞腳，豬肚同埋鹹酸菜，所以上檯嘅時候都好大碗，先試啖湯，胡椒味好香好濃，小辣辣度剛剛好，配埋上海粗麵食感覺一流，豬骨肉都算多，而雞腳亦煲得幾淋，食完麵飲埋碗湯，真係全身暖笠笠呀。

《不負責任胡椒豬肚雞腳湯食評》50%豬骨湯 50%胡椒湯豬骨湯鮮甜 胡椒湯夠嗆辣飲緊個陣好順口 好似飲平時啲湯品咁但飲完就發現原來條脷好辣真係唔使落一滴香都會上癮🤤💛💛💛💛💛--------------------<胡椒湯米線> $39包雞腳豬肚豬骨就咁就唔算貴 但如果再加埋餸同野飲就真係可以六七十蚊一個米線不過 個湯底真係無敵所以已經列入愛店之一🤤—————————如果夜晚去食真係要因住時間做人佢啲湯底好快就賣哂🤦🏼‍♀️

最支持自家經營老牌小店，十分之鐘意飲湯既我，已經將元朗呢間湯麵入選爲十大至愛湯水鋪頭，可惜太遠...如果唔係b先生有車，又經過元朗，好難再黎。湯可選辣度，他是靠調節胡椒湯既比例含量而控制。我選小辣，胡椒湯30%，豬骨湯70%，另可選要或走豬骨、豬肚和雞腳，個人建議唔好走豬骨，煲完湯之後好林好鮮味，想再加豬骨添！另有豬手雞翼墨丸等招排餸，好多選擇；不過店內比較少位，如果peak hours黎應該要等下位，店主和員工十分友善，細心講解，還跟我們閒話家常，十分親切！

經朋友帶路 介紹食 "獨當一麵"，小編是第一光顧這間店鋪的。當天六點有多才去到店鋪，可能正值附近OFFICE已下班/ 晚飯時間關係，等了約五分鐘才能入座。朋友的極力推薦是 胡椒豬肚雞腳豬骨湯& 配料 - 豬骨，湯底可自行揀選辣度因自己沒有看清楚以及第一次品嚐的關係，完全不知道自己點的湯底已經包含豬骨，最後自己額外點了份豬骨 &蟹子丸，碗米線上枱先發現 😂😂😂 整碗米線滿滿的，大滿足呀 😋😋😋 但因為太多配料關係，進食需時，但非常滿足，小編會ENCORE的。但輪性價比就因人而異啦，小編加了兩個餸一罐汽水已經要 $63

我家住元朗，一天三餐都不愁沒好食。元朗除了甜品，車仔麵，串燒外還有很多隱藏小店。今天想介紹這家一個人也吃得滋味的小鋪。一個人吃飯很煩惱，不想吃太貴又吃不了太多，元朗的餐廳到處都人山人海一個人坐得不舒服。這家麵店店面很小，坐位20個左右，也不見得坐的很舒服不過一定可以吃的很豐富。他們主打麵食，他們的招牌胡椒豬肚湯底麵可以連湯一起吃光，真材實料，不是味精湯。每次吃完肚子感覺暖暖的好舒服。如果胡椒湯不合口味，可以吃普通豬骨湯底或撈麵。湯麵會連豬骨，豬肚，咸菜，雞腳一起上，湯的胡椒味辣的過隱，可以選擇大中小辣。配菜也有很多選擇，上至普通丸類，新式至豬扒也有另外我喜歡他們的上海粗麵，麵質厚身，有咬口，麵粉味香。每碗麵都份量十足很飽肚也不過50元

呢間野好似話自己整麵的, 我地叫左豬骨湯幼麵(佢地叫車仔麵), + 一D 小食。豬骨湯幼麵: 麵質本身無咩特別, 但好大碗, 好大個麵! 豬骨湯唔油, 好清淡。有驚喜係果舊大羅白, 吸收哂D 湯, 好入味。九菜餃: 可能唔係煎, 而係放湯, 所以清淡左D, 不過大大隻幾抵食, 但質素就出面好多食肆好D老水雞翼: 幾惹味, OK, 又平~

今日一家三口又出動, 入咗元朗搵食. 知道有呢間獨當一麵好耐, 係羅坤發老闆嘅仔開嘅, 今日終於有機會嚟試. 又講返想當年喺花園街附近返工, 都幾鐘意去羅坤發食lunch, 最like佢嘅胡椒湯,.叫咗 兩個胡椒湯米線 $39.00x2 (微辣) 加餸  蘿蔔$7.00 牛柏葉 $9.00, 韮菜餃 $9.00 --因為天氣唔凍, 唔想食到成身汗, 又驚太辣百厭仔食唔到, 所以叫咗微辣,  胡椒湯入口偏甜,  食落滲出些微辣味, 配米線一流.  連百厭仔都食到.  另附有豬骨, 雞腳 ,豬肚.  豬骨好味, 豬肚爽口, 雞腳略嫌未夠林, 林返些少會更好.一個胡椒湯 (中辣)--中辣嘅辣度其實幾啱我 (如果係冬天嘅話) 入口唔會偏甜, 又唔會辣到飲唔到.另加4隻炸雞翼 $20.00 非常入味 唔錯喺facebook讚好送炸餃子一隻埋單 $158.00

元朗Yoho Mall附近美食不少 呢間獨當一麵每次經過都好多人幫襯 但唔鍾意排隊既我總是擦身而過 今日咁岩有兩位 好 突入！小小的店面 尚算乾淨企理 如果再熱啲應該就會唔願入去了胡椒豬肚雞腳豬骨湯配上海粗麵$39+3一碗微辣 一碗小辣 各有千秋 湯暖胃奶滑 豬肚乾淨 不錯！加配的韮菜餃同豬肉丸都幾好味本來想點鐵板豬扒 賣晒了 下次再來！！

當年係花園街既 #羅坤發麵家 仔仔開既舖頭🐾🐾 #胡椒豬肚雞腳豬骨湯幾好飲!成碗飲哂都唔會口乾😚湯底有分大中小辣 大胃D我就揀左中辣試試 覺得還好 辣度夠 反而覺得胡椒味唔太重 雞腳唔淋 比較難咬 雖然個湯底係幾好飲 但好似有d奶味 定我味覺失靈?仲有鐵板豬扒幾好食 好惹味 帶少少甜味 個個都讚👍(鬆肉粉應該落左唔少😶 肉質都幾淋)#韭菜餃 咖哩角 即叫即炸 餡料足 熱辣辣 不錯吃😌..三個90後吃貨不斷開心share美食💓💡Facebook:三個90後吃貨 3bad_foodies🚩Instagram: 3bad_foodies📍OpenRice: 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_元朗美食推介