玉庭

帝都酒店嘅玉庭幫襯過好幾次，質素非常不錯。然後最近有個住沙田嘅朋友，約我食涮涮鍋，地點係玉庭。我心諗，玉庭係中菜廳，點解會有呢個咁得意安排，原來玉庭而家出埋日本涮涮鍋。來到餐廳二樓，坐得好舒適，感覺都不錯。 先來的精緻刺身拼盤甜蝦、赤貝、帶子、魷魚、法國蠔，全部都好靚好正，特別係赤貝同蠔，好新鮮，絕對唔係普通貨色。你可以叫個全牛拼盤 ，個拼盤靚到不得了，佐賀A5和牛(120克)、九洲A5和牛(120克)同澳洲M7和牛肉眼(120克)及美國安格斯牛小排(120克)，當中最好食係日本嗰兩種，佐賀油份最強，九洲和牛肉味就勁濃。另外兩個朋友點了全日鮮的海鮮餐，波士頓龍蝦2隻、南非孔雀鮑魚4隻、大蜆8隻及北海道帶子8件，個海鮮餐好得，最正係隻孔雀鮑魚，爽甜彈牙！野菜拼盤一客係全晚最好最精采，我自己鍾意食菜多過牛肉同海鮮，因為菜種類繁多，有娃娃菜、小棠菜、番茄、青菊、南瓜、蕃薯、小青椒、秋葵、京葱、大根、冬菇、杏鮑菇、金針菇，就咁食菜都食到飽，最重要係質素好正，全部都好似Donki買番黎個隻日本質素。湯底有好多選擇，普通的有壽喜燒湯，利尻昆布湯，辣味噌豚骨湯等等，不過我地四個人選了番茄鮮蝦濃湯同北

限聚令放寬後，第一次真正的四人同桌，沒有膠板相隔，感覺既陌生又興奮！   難得的四人聚會，我們選擇『豪』一次，來到帝都酒店中菜廳《玉庭》，不過今次不是吃中菜，而是享用新推出的「極尚涮涮鍋」，超讚！    極尚涮涮鍋套餐屬 2人份量，二人一鍋，可選豬、牛或海鮮作為涮涮鍋的主角，套餐還包括精緻刺身拼盤及野菜拼盤，相當豐富。而我們就選了當中的「全牛拼盤」及「全日鮮」。   我們選了北海道3.6牛乳蟹湯 ($198) 及蕃茄鮮蝦濃湯 ($188)，來一次紅白大賽！牛乳蟹湯內附有原隻花蟹，令湯底更鮮甜，個人覺得這湯底配「全日鮮」最合適不過；而蕃茄鮮蝦濃湯內更有多隻海蝦，不但鮮甜，而且令湯底更濃郁，無論搭配「全日鮮」還是「全牛拼盤」，都能令食材味道提升，更鮮！更濃！ 首先登場的，是充滿仙氣的精緻刺身拼盤，當中包括了法國蠔、八爪魚、帶子、甜蝦、赤貝，每款都非常新鮮，久違了的刺身鮮味，實在令人懷念！ 接著主角出場 —「全牛拼盤」，以夢幻的輕煙搭配登場，十分迷幻藥！聽說這道菜是農曆新年期間推出的，更被譽為『步步高陞』！  因為全牛拼盤以層層而上的階梯擺放，吃時由下而上，分別是頂級美國安格斯牛小排、澳洲M

晚市禁堂食期間，身邊許多朋友會在家打邊爐，有些會在火鍋店叫外賣，有的就自己搞，街市買些海鮮，切點靚牛，來幾款餃子，非常豐盛。總言之，烚下烚下火鍋關注組，天天都是令人流口水的邊邊照片。筆者反而甚少係屋企吃火鍋，唔好問點解，我都唔識答你。等了又等，晚市終於開放，又得知沙田帝都的中菜廳玉庭加插了火鍋項目，肯定要去大快朵頤。不少火鍋店均有刺身供應，呢度都唔例外，我們點的火鍋套餐，內容是有刺身拼盤的。新鮮的甜蝦，爽脆之赤貝，甜美既帶子，軟腍不韌的八爪魚，以及港人至愛既法國生蠔，作為美好的開始。大家都鍾情於海鮮湯底，所以兩個鍋，一是蕃茄蝦濃湯，另一則是北海道3.6牛乳蟹湯。事實上，兩款都是相當足料，湯頭甜得可以直接先喝幾碗的好東西。套餐有兩款，可揀全牛拼盤，或者全日鮮，均是二人份。我哋一行四人，正好可以試齊兩者，是晚有口福了。全牛拼盤當中，有四款牛肉，加一客牛舌，由高至低層層放好。最低的是美國安格斯牛小排，軟腍有肉香，質素已很不俗。放高一級的有澳洲M7和牛肉眼，肉質更為軟熟。最高的兩層，皆是 A5級數既日本和牛，分別是九洲的薩摩牛，與及佐賀之代表。兩件均是入口溶化的好貨色，個人認為不相伯仲，無謂硬

晚市逐漸回復正常，我又可以跟朋友來個飯聚啦﹗這晚來到帝都酒店中菜廳玉庭，享用他們最新推出的極尚涮涮鍋，吃得滿肚腸肥呢~套餐是2人份量，包括精緻刺身拼盤、全牛拼盤或全日鮮及野菜拼盤。精緻刺身拼盤，有法國蠔、甜蝦、八爪魚、赤貝，每款都是我至愛呀﹗涮涮鍋自選一款湯底，可選壽喜燒/利尻昆布湯/辣味噌豚骨湯，我們就選了柚子清酒大蜆湯$128及木魚鮮人參雞湯$148，一來吃得更豐富，二來味道更鮮甜。( 其他湯底選擇：鯛魚濃湯$158 / 蕃茄鮮蝦濃湯$188 / 北海道3.6牛乳蟹湯$198 / 野菌舞茸湯$108)木魚鮮人參雞湯，鮮甜帶點微甘，火鍋後還可以吃掉那半邊雞隻，好划算。柚子清酒大蜆湯，充滿著柚子的甜蜜氣味，又不失清酒香，最適合搭配全日鮮。萬眾期待，充滿仙氣的全牛拼盤$2021，由上下至分別是佐賀A5和牛、九洲薩摩A5和牛、澳洲M7和牛肉眼、頂級美國安格斯牛小排各120克，中間玫瑰花形的是牛舌。把牛放在蜆湯一邊燙一下，顯得特別鮮味；放在雞湯那邊嘛，牛味更濃郁；嗜牛朋友吃得津津有味，實在不容錯過。不吃牛的，就來個全日鮮$2088，包括了波士頓龍蝦2隻、南非孔雀鮑魚4隻、大蜆8隻及北海道帶子

住在沙田咁耐，真係未黎過呢間酒店食過😅 限聚令二人下，枱坐得闊落，環境舒適，期待食物唔會差吧，果然冇失望先講相信佢因為疫情關係，推出咗非常優惠嘅套餐：兩人可以揀唔同嘅菜式，唔洗掙尤其是個湯，一個要咗胡椒豬肚湯，不過不失；另一個要斑片湯，魚湯味夠濃頭盤都有好多選擇，樣樣都想試結果揀咗海蜇燻蹄及炸雞軟骨，炸得好香好脆我諗最重要嗰個主角要出場啦.... 就係蒜蓉蒸龍蝦，每人有半邊，雖然只係波士頓龍蝦，但都食到嗰種新鮮嘅味道，夠彈牙其餘餸仲有牛柳同班片，都好好食！只係最後沒有甜品或糖水，有點失落，但其實已經飽到上個咀度五星酒店嘅中菜廳，以咁嘅價錢同有咁好嘅水準，真係超值相信都係疫情期間先有，我一定會同屋企人去多次

早前誡了帝港酒店集團的低糖松子月餅🥮後十分喜歡，不過聽聞好似已經差不多售罄了呢🤭！今次就試了酒店另一人氣迷你奶黃月餅🥮，香甜奶黃味道吃下本會太重奶味，乾濕度做得恰到好處👍🏻，吃時用微波爐叮一叮🛎佢才放入口吃就更加可口十分滋味😋，大家如果未買月餅的話真係可以考慮一下帝港集團的各式月餅🥮，最重要是香港製造吃得將別安心嘛❤️，有興趣的朋友可於網上商店訂購，更有低至62折優惠好抵買㗎😉！

星期六日閨蜜四人一齊去左帝都酒店Staycation!為左送bridal shower俾其中一位閨蜜同慶祝另一位九月生日既閨蜜，我地book左呢間好抵玩既package，雅緻雙床四人客房包自助早餐同玉庭晚餐，只係$1540，仲可以延遲退房時間到下午4點。呢個package會送一盒馬卡龍，有原味、朱古力、檸檬、紅桑子、咖啡，美味。晚餐book左7:30食，係酒店定左四人位用既套餐，總共有六樣野食。粟米燴雪燕羹、芹香花枝炒蝦仁、紫蘿爆鳳片、鮮魚湯泡時蔬、欖菜肉崧炒飯、是日精選糖水：咋喳。全部都味道正常，無邊款特別出色或難食。酒店會送一個生日蛋糕，我同酒店講最好唔好芝士蛋糕，最後個蛋糕係雜果忌廉蛋糕。

作為酒店外賣第四彈，選來了位於沙田帝都酒店玉庭中菜廳，前身是自己非常喜歡的   City Art，就算換上新裝，年前照顧母親的外傭回鄉，都曾在餐廳設宴送行。遇上有朋友到訪，就算是要自己拎，問題都不大，加上係eshop購買，更可享8折優惠 (相關連結)。潮州滷水拼盤 （$308） 有滷水鵝、腩肉、豬大賜及紅腸，滷水味好香，色澤不會太深黝，又不會死咸，豬腸炆得好稔，整體水準不錯。瑤柱菜膽燉花膠湯 （$832/4碗） 自己係屋企真係無試過燉湯，因為實在好花時間，雖然是外賣，但包得緊密，一點湯水都無滲漏，呷一口，鮮甜到一個點，原來除了花膠外，更加入響螺及雞肉，難怪。海參珍菌紅燒豆腐 （$258） 海參份量超多又大條，扣得入味，滑嘟嘟的，就算無牙都食到，換上了大碟，賣相一點都不吃虧，玻璃芡薄薄一層，絕不過份，值得一讚。黑蒜生炆龍躉背鰭 （$348） 足足有四大塊，肥大肉厚，又少碎骨，絕對可以六位享用，龍躉先炸後扣，骨膠原都跑出來了，帶點黏嘴的感覺，口感豐腴，好啱自己口味，其實伴杯啤酒更一流。陳皮柚子豚肉骨 （$208

疫情期間，一直在家抗疫。「餓茶」一輪，終於可以好好地嘆茶。父母與我，一行三人，坐在獨立的卡位內，舒適寬敞，加上光源充足，感覺特別良好。鐵觀音，茶香，入口感覺......「柔」「滑」，自然多喝幾口。蝦餃、春卷，蝦夠爽及彈牙，加上適量的竹筍，好味！😋雞包仔，那淡淡中芹，久違的味道。今天，特別一讚的是那咸肉粽，連我這個不好粽的人，也印象深刻，值得推薦！😊👍🏻總結而言，8款點心，8折後，覺得物有所值。😊

平時好少食中餐，呢間係少有覺得好味嘅中餐廳😋呢個椰皇燉鮑魚花膠湯，味道清甜，好濃椰香味🥥鮑魚口感好彈牙，花膠都好厚肉👍🏻好好飲脆皮千層糯米豬🐷都係玉庭其中一道招牌菜~燒豬食得多，配上芝麻糯米同麵包係第一次食。上層皮脆肉嫩，下層香軟煙韌，口感豐富，又充滿麻香！很好的配搭！芙蓉金沙龍蝦球🦞本身好鍾意食鹹蛋黃🥚今次主角由蝦變龍蝦就更好味😍特別欣賞呢道菜無一般嘅油膩感~最後呢道菜唔記得左個名😂蕃茄盛載嘅係蟹肉蛋白，不過我覺得個帶子反而係重點😂成餐都好好味😋

沙田帝都酒店中菜廳「玉庭」剛推出了一個名為「海皇盛薈」的套餐，無論四位、六位還是十二位用都可以，價錢便宜得令人難以置信。四人套餐星期一至四原價$1,288，推廣價只收$988，星期五至日及公眾假期原價$1,488，推廣價$1,088；六人套餐星期一至四原價$2,088，推廣價只收$1,388，星期五至日及公眾假期原價$2,488，推廣價$1,488；十二人套餐星期一至四原價$3,388，推廣價只收$2.388，星期五至日及公眾假期原價$3,988，推廣價$2,688，以酒店級中菜餐廳的派頭，雅致體面的環境，優質的酒店級服務，加上豐富又好味道的菜式，性價比滿分，絕對物超所值。雖然這套餐需要另收茶芥、餐前小食和以原價計算的加一服務費，這夜我與多位朋友一起品嚐過這「海皇盛薈」套餐之後，大家都異口同聲，一致同意超值、好味、抵食。「海龍薈生蝦」擺盤漂亮，大隻新鮮彈牙海蝦，蘸以薑蔥豉油，為這晚餐帶來一個好開始。「金鈎椰菜苗爆鮮鮑魚」把原隻鮮鮑魚以爆炒方式烹調，口感爽彈，濃郁惹味。「花膠雞茸雪燕羹」集合了花膠、雞茸與雪燕等材料，調成一道味美怡人，在家裡不會烹調，口感味道俱佳，只在高級中餐廳才能喝到的

來過玉庭都有兩次，一路都覺得呢度幾值得推薦，當中有幾個菜式，做得出色。餐廳價錢唔算貴一路都知，上月底朋友P先生係Facebook post左佢同人farewell 食左個好抵食嘅餐，又蝦又蟹又花膠又龍躉，好似好精彩咁，八卦下問一問，知道價錢後先發覺呢個餐真係好值得試下，於是月初疫情尚未咁厲害的時候就過左去食。呢個餐名叫海皇盛薈，以幾個名貴菜式如龍躉、龍蝦和鮑魚等做主角，全部都分量十足。而且唔一定要好多人先食到，你可以四位，六位或者十二位來吃，越多人價錢相對越平。雖然好多人話唔好出街食飯，不過呢到都有不少私人房提供，有必要時，來試試也不錯，個promotion menu 做到月尾。第一個相對最普通，海龍薈生蝦，當然我如果話俾你有幾驚為天人，你都覺得純粹講笑，不過蝦夠新鮮彈牙，就已經好好，點下個豉油汁，已經係最好美味。金釣椰菜苗爆鮮鮑魚就真心要讚，炒得出色，搶鏡嘅椰菜苗係勁好食，完全係無諗過咁出色。兩個前戲後，當然要飲湯，吃一圍一圍菜好多時都喜歡食翅，不過依家都係流行吃燕窩，花膠雞茸雪燕羹的甜美，有養顏滋潤嘅效果，又有名貴嘅貴氣，而且雪燕毫不吝嗇，這個相信無人會不愛。鱈場蟹係近呢幾個月嘅主

剛過去的一年，面對母親的離世，著實感到傷悲，猶幸在之前幾年，一直有位把母親照顧得無微不至的工人姐姐，但過幾天就約滿，為了慰勞一下佢，但又要避開豬肉，除了素菜，相信就係海鮮。正所謂「啱啱遇上剛剛」，早上不經意地打開報章，發覺沙田帝都酒店玉庭中菜廳推出只得一個月既套餐，有點令人眼前一亮，因為差不多完全無豬肉，其中只得一樣，就係單尾既水餃。今次餐廳近日推出「海皇盛薈」套餐，性價比真係難以置信，星期一至四，12位都只不過$2,388，不知就裡還以為是街坊酒樓價，而且仲有4位/$988，同6位/$1,388，當然，逢星期五至日會貴些少，都是加多$100至$300不等。畢竟在酒店用餐，衛生條件都好得多，而且訂房都不過另加$600，至少全是自己人，會更安心得多。家陣就帶大家睇下有乜野食。海龍蒸生蝦每人有兩隻，但都是吃得出的新鮮，蝦殼呈艷紅色，而且肉質爽彈，已經說明了一切。金鈎椰菜苗爆鮮鮑魚如果同樣是蒸的話，就未免太單調了，爆香了蝦乾及彩椒，令新鮮鮑魚份外香口，椰菜苗爆炒至焦香，帶少許甘甜爽口，實在好正。花膠雞茸雪燕羹位上，玻璃芡好薄，吃得出雞肉的鮮甜，花膠切絲，入口滑溜，下點胡椒粉會更可口。香酥薯蓉

約了友儕們吃開年飯，有人提議到帝都酒店的玉庭，説這裡的「海皇盛薈」宴席十分划算，平日一席12位用也只是$2388，大家當然全無異議了。是晚助興的House White是來自澳洲的Sauvignon Blanc ($400/支)，甜度及酸度平衡，是支簡簡單單的開胃酒。海龍薈生蝦～肉味鮮甜爽彈，醮少許辣豉油更將滋味突顯。金鈎椰菜苗爆鮮鮑魚～鮑魚細嫩，好像是意料中事，反而椰菜苗更有驚喜，嫩綠爽脆；與蝦乾爆炒後更是惹味！花膠雞茸雪燕羹～一向很喜歡雞茸粟米羹，這個昇華至花膠版，當然是正上正啦！薄薄的芡漿加上剔透的雪燕；爽滑稠黏，口感更豐富。香酥薯蓉鱈場蟹腳～外酥內軟的滑薯蓉包藏了鮮甜的鱈場蟹腳，無人不喜。海參扣原條龍躉～原條龍躉經酥炸過後被澆上混了大量海參的醬汁，肉質依然外脆內軟，連「海參汁」同吃，很下飯。單點項目 - 片皮鴨 ～皮脆、油香滿溢，裹於餅皮內配以紅椒、青瓜、京蔥及海鮮醬同吃，多多也可KO掉。瑤柱扒皇帝苗～以皇帝苗代替豆苗，同樣的翠綠、滑嫩無渣。豉蒜波士頓龍蝦配香煎新竹米粉～近年大熱的煎米粉菜式，配搭多樣；這裡的是龍蝦，爽甜的肉質以豉蒜調味，惹味非常；香煎過後的新竹米粉，吸收了龍蝦及

初五剛過去，各大酒店、餐廳又再推出優惠，這晚去了沙田帝都酒店的「玉庭」，他們剛推出「海皇盛薈」套餐，九道菜特價由$988起，每人平均二百多元已經可以「炒蝦拆蟹」，吃盡各款海鮮美食，實在抵！海龍薈生蝦說是「炒蝦拆蟹」也不盡正確，因為蝦不是炒的，而是白灼的，哈哈！從來只有新鮮靚蝦才可以白灼吧，這碟鮮甜又大隻，蘸些辣椒豉油吃，一流！金鈎椰菜苗爆鮮鮑魚調味十分惹味，鮑魚鮮美，菜苗爽口，大家都很喜歡這一道菜。花膠雞茸雪燕羹我是湯怪，這碗矜貴的「花膠雞茸雪燕羹」實是我的最愛，花膠一絲絲的，真材實料，雞湯味道香濃，再加上雪燕，滋補養顏。香酥薯蓉鱈場蟹腳以為是百花蟹鉗？錯了，大廚用薯蓉包著蟹腳肉來炸，口感有點像芋角，更添海鮮香氣。海參扣原條龍躉新年怎可以不吃魚？這是很大的一條龍躉啊！魚皮炸得香脆，朋友們都讚不絕口，我則更愛伴碟的海參，炆得軟腍入味，而且十分有益呢。片皮鴨 (另點，$488)新年吃豐富一些，我們加錢要了隻招牌片皮鴨，鴨皮香脆，鴨肉軟嫰，不錯呢。這鴨是兩食的，另一食法可揀選蹄香炒鴨崧 (跟生菜片) 或涼瓜炆鴨件。瑤柱扒皇帝苗很久沒吃皇帝菜了，之前多數用來打邊爐，這晚大廚用了來炒，淋上海量瑤