王家沙．花樣年華 (黃埔天地享膳坊)

營業中

休息中

諗到上海菜腦海中總想著那些舊式上海飯店，想不到黃埔天地享膳坊這間「王家沙。花樣年華」佈置得如此優雅。食物種類十分多， 尤其午市套餐甚為抵食。 老火湯加撚手小菜及白飯只是$88，如果選擇$118豪華套餐還可以有點心拼盤。兩款套餐都可以加多十元選擇鮮豆漿、菊花蜜或柑桔蜜作為餐飲。雞腳花生眉豆老火湯， 看色澤應該淆製了兩個小時以上，湯味微甜香濃。 京蔥羊肉爆得十分有鑊氣，羊肉處理到位，淡淡的羊騷味， 相信不愛吃羊的朋友也會十分接受 。雖然是跟套餐，但份量也不少。 豪華套餐的上海話梅骨份量多，排骨味道酸甜可口，十分適合送飯。 跟餐拼盤有炸春卷兩件、上海小籠包和煎肉餃各一。春卷脆口不油膩，小籠包和鮮肉餃的皮很薄， 味道可口。 柑橘蜜應該是來自四季桔醃製，很有home feeling。蟹粉小籠包$78有五件， 每件都肉汁飽滿，蟹粉份量也多。朋友最喜愛的是醉嘉美雞$108，除了雞件外皮與肉之間帶有啫喱，皮脆肉滑，甚至連浸雞的杞子都很甘甜。黃金海中蝦$168，每件都大大隻和薄薄地掛上鹹蛋，脆得連皮都可一起吃下，廚師功力可見一斑。

同屋企人食飯都係首選上中菜館，而黃埔值得推薦的有王家沙·花樣年華。餐廳裝修典雅，富有中式美感，好多梳化位，坐得舒服。無論套餐還是單點，選擇都相當多。上海擔擔麵，可以揀辣或者唔辣。擔擔麵的湯好重要，好湯先有好麵，濃濃的麻醬味，再伴著豬肉碎，蔥花，花生碎，非常惹味。松子桂花魚一大條，賣相很好，肉質鮮甜的桂花魚炸得香脆，配合上酸酸甜甜的醬汁，令人十分開胃，而且魚肉不會炸得太老。上面灑上松子粒，增強果仁香氣，香口好好味。特級醬油煎海中蝦，蝦肉鮮嫩，啖啖肉，醬油煎保留到蝦肉的鮮味。上海咸粢飯，新鮮滾熱辣，糯米飯包住炸物同肉鬆，再加上少量酸菜酸，真係好好味。豆漿有濃厚的豆味，口感綿密，感覺非常有營養，好有益。

今日係黃埔做完嘢，老公話想食小龍包，search openrice知附近有間上海店王家沙，見時間尚早又不用排隊，就入去幫襯。入到店內地方寬敞座位闊落，職員都有禮貌。點菜纸都好多選擇，我地選了:精選滬式涼菜拼盤 $188有(醉嘉美雞，鎮江肴肉，皮蛋豆腐，蒜蓉拍黃瓜，四喜烤麩)最喜歡呢個涼菜拼盤，皮蛋豆腐非常滑，醉雞都好入味，鎮江肴肉都好腍，呢個涼菜拼盤吃完都好醒胃蟹粉小籠包 $78皮薄足料又多汁😋鮮肉鍋貼 $52大大隻脹卜卜，煎到剛剛好，肉質濃味炸黑毛豬扒擔擔麵 $128黑毛豬扒炸到外皮金黃香脆，肉質好軟腍，個湯底我地點咗辣🌶🌶味道香濃，不過擔擔麵質比較腍咗啲。黃金炸蟹鉗(2隻) $96炸到金黃色外皮香脆，內裡足料。原盅雲吞雞湯 $68湯底味道清甜，雲吞都大隻，配料都好足

唔錯嘅上海菜今晚嚟到位於黃埔嘅王家沙食晚飯。環境都唔細，座位坐得舒適。韭黃炒鱔糊（$128）- 好豐富，韭菜同鱔糊一樣咁多，撈飯食一流。排骨菜飯（$98）- 分量超大，一個人一定食唔曬！排骨炸到好鬆軟，粉漿又唔會太厚身。蟹粉小籠包（$78）- 皮薄餡靚，蟹粉嘅鮮甜好突出，咬落去仲有好多湯汁㖭。特級醬油煎海中蝦（$168）- 呢個份量有啲小，雖然海中蝦煎到好香口，味道又好惹味，但係性價比不高。芝麻豆沙餅（$48）- 有好多豆沙餡，口感煙煙靭靭好好味。

一般上海菜館給人的印像比較傳統，而王家沙 花樣年華 (Bloom by Wang Jia Sha) 卻走年輕路線。環境舒適，座位濶落，古式古香的扇形及六角形框飾併磨砂玻璃。格子屏封間出私人空間，粉紅色的花花牆畫配粉色梳化座位，設計及裝潢古雅中見時尚。供應傳統經典上海小菜和點心，同時注入年青氣息。精選滬式涼菜拼盤 $188~六小碟包括醉雞、肴肉、皮蛋肉鬆豆腐、烤麩、手拍青瓜。醉雞嫩白，酒香恰到好處。肴肉肥瘦適中。豆腐夾著皮蛋和肉鬆很香滑，烤麩入味，配青瓜相當醒胃及美味。蟹粉小籠包 $78~小籠包咬開，溢出有蟹粉香的湯汁。外面還有黃色蟹粉點綴，很精緻。金網燒鴨包 $58~葉形的外皮很柔軟，鴨肉香脆可口。韮黃炒鱔糊 $128~炒鱔糊是上海菜的經典必吃之選，炒鱔糊夠入味，濃淡適中，配韮黃更添清爽口感。火腿蒜蓉粉絲蒸娃娃菜 $98~娃娃菜本身很清甜，配火腿和金蒜，有點香口和鮮肉味。王家沙．花樣年華 (黃埔天地享膳坊)紅磡黃埔天地享膳坊(第4期)地下G16號舖+852 23650669

今晚去黃埔搵朋友食飯, 朋友話想食小籠包, 於是就去左王家沙到食晚飯! 餐廳環境好大, 小妹身體有少少唔舒服, 店員仲好好安排我地坐梳化位置! 🌟招牌蟹粉小籠包小籠包熱辣辣, 皮薄餡多, 咬落去湯汁爆瀉, 滿滿嘅蟹肉鮮甜味!🌟蝴蝶夾包雪白色嘅蝴蝶夾包口感煙煙韌韌, 沾上煉奶, 香甜味美, 打開蝴蝶包夾上鱔糊, 亦有另一番滋味🌟韮王炒鱔糊鱔糊口感爽脆, 炒得好香好有鑊氣, 醬汁惹味, 餸飯一流🌟火腿蒜蓉粉絲蒸娃娃菜E道菜上菜時下面用火慶住, 娃娃菜口感爽嫩, 食落好香蒜蓉味, 底層嘅粉絲吸哂d火腿蒜蓉精華, 非常好味!🌟排骨菜飯炸豬扒大大塊, 食落外脆內軟幾juicy, 菜飯色澤亮麗帶油光, 粒粒飽滿, 整體味道唔錯🌟高力豆沙球高力豆沙熱辣辣出哂煙, 外皮炸得微脆，蛋白輕盈有彈性, 加上甜美豆沙, 甜而不膩

3個人叫外賣叫咗一份嫩雞煨麵一份酸菜魚同埋一份小籠包 小籠包有五隻都算皮薄多汁因為叫外賣個賣相好似差少少同埋湯無分開另外上，所以送到嚟都凍晒，另外啲湯俾d麵absorb晒，冇乜湯剩不過味道都算幾好，嫩雞煨麵啲雞雖然細細粒但係真係好滑另外嗰雞湯都好好味另外個酸菜魚有兩盒叫咗小辣都真係有d辣，個湯夠辣夠酸好野未，如果真係有多啲湯飲就正喇。同埋好足料，魚片大大塊啖啖肉有好多塊，酸菜喺盒底都份量好多啲冬粉好彈牙

今日係黃埔完哂工作，女朋友出黎搵我食飯，好耐冇一齊食過上海菜，所以搵咗間餐廳環境裝修各樣都舒舒服服嘅上海菜食，咁上OpenRice睇王家沙呢一間唔錯，所以同佢就過咗嚟食。可能因為係閑日，所以人唔算太多，又唔會好嘈，可以舒舒服服坐低食餐飯，而且咁啱一坐低見到堂食滿$500有八五折😍即刻覺得食都食開心啲😂😂呢度只係餐單上其中一啲菜式，其實仲有好多，，選擇都幾多下，一定揀得到自己想食嘅嘢鳳梨生炒骨，我特別想叫黎食😂本身自己好鍾意食呢道菜，咁呢間整得唔錯，用新鮮菠蘿再加上酸酸甜甜既醬汁，粉又唔厚，所以幾好食！羅漢果水就好明顯因為我太熱氣，要清下熱喇🤣擔擔面麵條軟硬適中，有勁道，個湯亦夠香濃，我嗌咗小辣，幾開胃，豬扒粉唔厚，亦都唔會話太多油，配搭OK黃金蝦蝦肉好彈牙，每個都沾滿”黃金”，啜起個殼上黎好野味，蝦肉又唔會話太鹹，值得一試！最後我女人叫咗個蟲草花螺頭燉雞湯，燉湯味道好濃郁，飲得出落咗功夫，夠晒滋潤，一人份量啱啱好。總括來講，上海菜佢算係唔錯，下次有機會都想過嚟食吓！

首先聲明：十分失望，不會再來！為什麼需要寫夠200字才可以評分呢？真是奇怪。本人及家人從15年食到現在。最近體驗甚為不好，尤其今天晚餐：菜式加價，份量也較之前有減少。個人覺得加價是合理正常的，畢竟你情我願，我覺得價錢合理才會落單。但是偷減份量是十分令人不齒的，等於暗中欺客！為什麼需要寫夠200字才可以評分呢？另外就是上菜速度奇慢，18:35落單，竟然19:30都未上，真是令人氣憤！為什麼需要寫夠200字才可以評分呢？不會再來。

【唔錯既上海菜】份量比想像中多，賣相也很吸引，除咗麻醬，佢哋亦放咗唔少花生碎🥜，未食都聞到好大陣香味😋！餐廳名：王家沙．花樣年華 (黃埔天地享膳坊)地址：紅磡黃埔天地享膳坊(第4期)地下G16號舖

邊個話後生唔可以中意食中菜？我就係好中意食傳統嘅食物所以今次黎到主打年輕路線嘅花樣年華食餐飽😍因為晚市有八五折 超級抵食啊👏🏻先黎一客招牌蟹粉小籠包($78)咬一啖 濃郁嘅湯汁滿瀉 肉汁非常豐富將蟹粉滋味完全包住係透薄嘅皮入面👍🏻而我咁中意食辣 點少得正宗酸辣湯($58)一碗充滿酸辣鮮香 而且十分開胃 好味道😌另一樣開胃飽肚嘅係老壇酸菜魚($238)一大盤最適合三至四人食 魚嘅份量都多濃湯相當惹味 新鮮雪白的魚肉 嫩滑鮮味底層仲有紅薯粉墊底 實夠飽肚架😋最後一款真係好少見 就係石鍋鮑魚飯($138)雖然得一隻鮑魚 但幾入味 石鍋可以保持溫度所以啲醬汁Keep住左 令飯粒沾上鮮味😝-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

喺黃埔嘆茶🍵除咗酒樓之外其實仲可以嚟呢度 蟹粉小籠包 🦀食得上海嘢梗係要食小籠包 真正皮薄餡靚有湯汁香濃 蟹粉雖然唔多但係都非常香 簡直有畫龍點睛嘅感覺紅油抄手🥟紅油抄手夠大隻 望上去好似好辣咁但只係有微微嘅辣感上海擔擔麵 🍜擔擔麵掛湯力驚人充滿麻醬同埋花生醬香味麵質夠彈牙！必點 溫泉蛋菜螃蟹 🥚有得食菜螃蟹嘅地方好似越嚟越少因為實在太考功夫呢度做得非常好夠滑份量夠多馬拉盞通菜🥬炒得唔錯只係略嫌唔夠辣高力豆沙球🍧同樣係上海菜必點的， 非常高質軟綿綿甜度剛好👍

以前成日去開九龍塘個間食，今日行經黃埔見到堂食有八五折，一於同阿媽入去食。明爐原條桂魚絲呢道菜式好考功夫，要用猛火快炒，將桂魚絲混入蔬菜絲，顏色非常奪目。然後魚頭，魚尾則炸至金黃鬆脆，係明爐上興一興。魚肉夠厚，只係略嫌唔夠魚味，食落都幾滋味。薑蔥爆羊肉薑蔥爆得有鑊氣，羊肉微氈但入口軟淋，更配有四大塊薄餅，薄餅薄得來好煙韌，可以夾住食，並減少油滋滋嘅口感。上海擔擔麵必食！麵條幼身，軟淋帶有嚼口感。湯底好濃，花生好香，能夠完美做到掛湯。肉碎有預先醃製過，食落滋味。招牌蟹粉小籠包一籠五隻，每粒均有蟹黃喺小籠包上點綴，包皮略嫌厚身 ，但餡料飽滿多汁。三絲粉皮比預期中多份量，粉皮涼浸浸有咬口，青瓜絲、火腿絲都切得夠切，麻醬份量適中，只係略嫌雞絲嘅份量有啲少。芝麻豆沙餅芝麻好香，痴得好實，豆沙好綿好清甜。煎得香口，不算油膩，作為飯後甜品，加杯茶真係完美。💡茶芥$12一位

本身打算食壽司，點知等咗一世都未有位😩唯有下世再食啦...好彩隔離就係王家沙，上海嘢都係我favourite😍有位即刻衝咗入去！餐廳座位闊落夠晒舒適👍🏽先整返個冷盤醉嘉美雞：酒香濃郁！雞肉嫩滑！不油膩蘇式小籠包：皮簿肉汁多，好美味！四川回鍋肉：肉薄入味又唔韌！仲帶少少甜味！佐飯一流👍🏽韭王炒鱔糊：韭王同黃鱔嘅比例差唔多，真係有50/50份量好足！乾煸四季豆：看似簡單嘅菜式其實一點都唔簡單😅豆唔老！肉碎炒得好正！家鄉金腿炒飯：熱辣辣即叫即炒，粒粒甘香分明！火腿嘅咸香令飯味提升，兩個人食咗成碟飯，勁多😆

黃埔食飯，好耐冇食過上海菜啦，搵左間餐修環境都好舒服既上海餐廳，餐廳名仲好特別，叫花樣年華，好好聽！2個人，叫左6樣野食，加一個甜品！醉嘉美雞，食得出係同普通雞有唔同，肉質好好，醉雞酒味香濃。蒜泥白肉，重口味既一樣餸，蒜味好濃又不至於好油👍🏻四季豆，新鮮即炒，一上菜仲有煙出，好有鑊氣，份量又多，食完冷盤再食樣熱菜，一流！紅油抄手，食落去又唔會覺得油膩，加埋醋味，非常醒胃！蟹粉小龍包，熱辣辣，一咬入口，湯汁滿滿，加上蟹皇油香，真係好好味！麻辣牛肉麵，因為唔太食得辣，所以叫小辣，呢個面份量十足，牛肉亦都有好多塊，仲要係大大塊，而唔係好似其他鋪既碎牛咁！味道亦都唔錯，麵質爽口！最後嚟多個我最愛既甜品-高力豆沙！為豐富嘅一餐上海菜添上完美嘅句號。