王林記潮州魚蛋粉麵

營業中

休息中

冇魚味仲要係好多味精 真係完全唔好食價錢又唔平，唔明點解仲有人排隊基本上求其一間屋邨魚蛋粉都好過佢，叫碟魚皮，完全唔脆仲要冇咩魚味，就連連杯檸檬茶同阿奶茶都，我同事都話完全唔掂根本唔會再去食

之前食過王林記嘅魚蛋粉覺得好好味今次試吓佢哋嘅王牌切腩豉油王撈粗😋切腩肥瘦都算平均幾有咬口粗麵同埋切腩份量都慷慨大大碟蔥花湯嘅魚蛋係每日新鮮做湯底都會有魚嘅鮮味一啖湯再配一啖撈粗味道真係好夾

嗰日放工未食晚餐，同兩個同事入去呢間麵餔食野。入到去，個阿姐速速埋嚟，乜d服務咁好嘅？原來係埋嚟提醒我地重有五分鐘就八點，last order叫我地速速叫野食。吓，八點就last order, 早左d喎。入面d座位只屬基本嘢，唔預d客坐得耐。粥麵店都係咁喇，d客唔會太多要求。早餐牌唔啱睇囉，夜市囉。呢張就啱，速速睇，速速叫，怕d阿姐喺旁邊用隻眼射住。我兩個老友叫左魚蛋麵同埋魚蛋魚片麵，點知嚟左一碗魚片麵同埋一碗魚蛋麵。雙併加八蚊個喎，唔好攪錯喎。講俾個阿姐知，佢至攞番d魚片嚟，可能係趕住收工攪錯左掛。講番d味道，咁就0K嘅，魚蛋魚片都幾彈牙，調味都唔錯，話晒呢間野係以魚蛋作頭號推介，麵都幾有咬口，煮麵d時間控制都算合適嘅。呢碟撈粗麵泡制都合格嘅，重有d通菜伴碟，算食得過咁喇。呢碟腐乳通菜，屬於大路貨咁喇，好難有乜亮點喇，偏咸就一定喇，食完就一定要揾番d野飲，唔係會好口渴囉。我就肚餓左d，叫左碟牛腩飯食。牛腩調味都唔錯，唔算靭嘅，咬幾下就吞得落，冇乜渣。整體嚟講，呢間麵店嘅出品算係ok, 但趕住收工衍生嘅問題，令我地唔太高興囉，呢d服務要改善吓喇。

筲箕灣東大街有好多野食，其中最出名既莫過於招牌魚蛋粉！之前食過長期大排長龍個間，今次一於試埋佢隔離同樣都頗有名氣的黃林記，試下兩者有咩分別先！.✨魚蛋粉河粉入口順滑，湯底味道清得來有魚鮮味，飲落唔會話有好大陣味精味，個人就比較鍾意呢間既湯底多啲。魚片頭同魚蛋既份量都算多，全部都標榜用新鮮魚製作而成，所以食落口感確實是較為爽彈同有鮮味，食哂成碗都好飽肚！不過飲品質素麻麻，凍檸茶一杯要$20但茶唔夠香濃而且檸檬片得三兩塊薄片，唔夠檸檬味。下次都唔會再喺餐廳叫餐飲，又貴又唔好飲。

筲箕灣東大街除左小食出名之外，王林記和安利嘅魚蛋粉都好出名，我試過之後覺得王林記略勝一籌。魚蛋真材實料，魚味新鮮，咬落爽彈但又帶少少鬆軟，唔會覺得溝左粉。湯底魚味濃郁，河粉比較薄幼同腍身，索湯得來又唔會發脹。其實除左魚蛋粉外，我覺得佢哋嘅切腩撈粗更加正，切腩半肥瘦帶少少筋，腍滑中帶嚼勁。肉質多汁有肉味，好好食！粗麵口感爽彈，有輕微鹼水味，但撈埋醬汁來食又唔多覺，醬汁入面食到腩汁嘅香味，鹹淡適中，真係比魚蛋粉更加好食。

個個落到東大街食粉麵唔係食安利就係食黃林記兩間野都排哂隊架喇基本上 就睇你揀邊間💁🏻‍♀️拿 而Fat9今次就揀左黃林記事關Fat9睇完佢啲切腩就比佢既切腩吸引左😋睇到張相見佢咁吸引 試問Fat9又點抵得住誘惑🥴但點知去到佢竟然同我講話冇哂切腩..Fat9之後sad到世界既盡頭啦 咁唯有叫其他🥲好死唔死 比我試完一次之後我真係完全唔明點解會有人等半個鐘至一個鐘都去食呢間野🤢可能佢既切腩真係好好食 好食到啲人聞名去食但Fat9真係得罪講句食唔到佢既切腩食其他野就覺得佢一啲都唔好食🥺﹊﹊﹊﹊﹊﹊﹊﹊﹊﹊﹊﹊☞ 五香牛腩河 35$一見到個牛腩已經覺得麻麻🥺啲肉勁實既感覺 跟住咬落口好痴牙 同埋個牛腩食落係冇牛味 話係五香又唔覺得話有啲咩特別 說實話就真係認真一般😢但佢個腩汁係唔差 啲河粉亦都唔會話一夾就散 只係佢個牛腩真係完全拉低左個質素🥲﹊﹊﹊﹊﹊﹊﹊﹊﹊﹊﹊﹊✎ 鮮蝦雲吞粗麵 35$反而佢個雲吞就令到Fat9有啲驚喜😳佢既雲吞真係好足料 滿滿既蝦粒 而且啲蝦夠鮮 咬落口夠爽口🤩同埋佢呢個雲吞係冇溝到肉餡 係純蝦粒做餡 而且佢個雲吞有做個調味 食落去唔會覺得淡口 呢個就幾出色既😽👍🏻﹊﹊﹊﹊

When people go to Shau Kei Wan, they often think of the On Lee noodle place. However, for me it is definitely this one right next to its rival😋😋😋Whenever I go there, my first and only choice is always won ton stir noodle🍜🍜🍜Their wonton is greatly done to perfection and their noodles are cooked just right😍😍😍 The tenderness of the dumplings plus the chewiness of the noodles make it the unbeatable combination🤤🤤🤤If you happen to find it before you should definitely go and have a try. The only thing

星期二我乘搭港鐵前往「筲箕灣」，光顧位於「筲箕灣東大街」街尾位置裡面的潮州粉麵茶餐廳「王林記」。我本來已經訂下的目標，是想享用「王林記」同時提供的「五香牛腩飯」跟「咖喱雞扒飯」。但是我無意中發現「王林記」，同時有向食客提供時段沒有明確條文規定時間的「午餐」，還有上午十一點至晚上八點都有提供的「飯類」食品，兩者同時有提供「五香牛腩飯」跟「咖喱雞扒飯」。但是「王林記」「午餐」訂定售價，相對就比「飯類」食品售價稍為昂貴一點。「午餐」裡面的「五香牛腩飯」跟「咖喱雞扒飯」賣港幣五十元。至於「飯類」餐牌裡面的「五香牛腩飯」跟「咖喱雞扒飯」則賣港幣四十四元。於是我在有點好奇，加上個人不是太喜歡蝕底的情況之下，選擇大膽直接詢問「王林記」的侍應，究竟哪一款「五香牛腩飯」性價比比較高。結果我詢問完之後，「王林記」侍應立刻回答我，「午餐」餐牌裡面的食品份量相對比較大，「飯類」餐廳裡面的食品份量相對比較小，換言之即是所謂的「一分錢一分貨」。「王林記」這樣決定為同一款食品，分不同餐牌和價錢發售，是否等於把同一款食品，分為大、小不同份量版本出售，我就不太清楚了，因為我最後沒有選擇享用「王林記」的「飯類」版本「五香

【支持黃店】筲箕灣原來都有條美食街：東大街。在鰂魚涌行完水塘，就搭巴士出筲箕灣，好想食中式菜，見到這間食撈粗的黃店當然要支持下啦～( ੭ ･ᴗ･ )੭ 點了一份五香牛腩撈麵，另附送上湯（超多香蔥！）。( • ̀ω•́ )✧ 撈粗豉油顏色深濃且均勻，撈幼麵來講夠咬口夠爽～(๑˃̵ᴗ˂̵)و 五香牛腩份量都不少呀，最喜歡是牛筋膜！真是好滑又不膩～ 絕對是性價比高的港式粉麵餐廳！ᴗ͈ˬᴗ͈ ♡ 

筲箕灣東大街嘅2間大名鼎鼎牛腩魚蛋粉麵店，一間就有多位明星幫襯日日大排長龍，另一間雖然人氣無咁高，但我就反而更加偏愛，講緊嘅就係近街尾嘅王林記喇。幾乎次次黎都係叫坑腩葱花魚蛋豉油王撈粗麵，坑腩比一般牛腩更有咬口，肥瘦均衡，份量亦都幾足料。舖頭由漁民家族主理，魚蛋當然每日用新鮮魚肉打造，粒粒爽口彈牙絕不溝粉。接受到䓤香嘅可以叫葱花魚蛋，葱粒撈埋落魚漿入面，食落啖啖葱香。魚湯湯底亦都勁清勁濃，記得飲多幾啖。配埋自家特製嘅辣椒油，更能帶岀坑腩同魚蛋嘅鮮味。唔夠喉嘅不妨試埋佢嘅奶油多士，實在係邪惡之選。.🐮坑腩葱花魚蛋豉油王撈粗麵 $57.📍王林記粉麵茶餐廳筲箕灣東大街10號地舖

專程過嚟試吓呢間潮州粉麵，差唔多午市尾聲唔使排隊剛好有兩個位。嗌左一碗魚蛋牛丸河$43，一碗魚蛋墨丸河$43，再加一碟牛腩豬手$120。價錢來講係算係偏貴少少，不過要再睇睇質素先可以再評論。等緊嘢食之際，見到枱上面有幾樣普通粉麵舖少有嘅，有冬菜，仲有兩種辣椒油，有小辣同埋大辣，幾細心。我就加咗大辣落我碗河粉度，真係幾辣，不過好香，落咗幾滴都已經好夠味。河粉幼滑煮得剛好，夾起嚟唔會爛晒，掛到湯，望落去少少透明，係幾高質嘅河粉。到主角，所有丸都好新鮮，完全冇雪藏味，魚蛋和魚片彈牙，冇腥味，牛丸好有牛味，但係就唔係好夠彈牙，墨丸真材實料，食到墨魚粒，不過都係略欠彈牙，但係整體味道唔錯，碗河粉仲加咗條芥蘭，湯底聽講話係用魚骨煲，有鮮味，我就連湯都飲埋，咁嘅質素喺香港已經少有，自從冇咗香港仔嘅謝記，都已經好難搵到好食嘅潮州粉麵，呢間已經算係比較接近謝記。反而呢度嘅牛腩比起魚蛋更加精彩，牛嘅部位好靚，有啲牛筋黐住啲肉，火候剛好，炆得好鬆軟，好多肉汁，值得一讚，相對豬手就冇乜特別。整體來講質素同埋價錢成正比，會再返嚟試其他嘢！

在筲箕灣東大街覓食，如果想吃港式粉麵的話，以往第一時間必定想起名店「安利魚蛋粉麵」，招牌的「切腩魚片頭豉油皇撈粗」，的確水準甚高，讓人不禁讚好。但其實，在同一條街上的另一間「王林記潮州魚蛋粉麵」，招牌菜除了魚蛋粉，就連切腩也甚有水準，不單不比食物水準大不如前的「安利」遜色，而且有過之而無不及。這一天來到筲箕灣，我與另一半就在這間「王林記潮州魚蛋粉麵」吃了一頓滿意的下午茶。「切腩香蔥魚蛋豉油皇撈粗」（$57）的豉油顏色深濃，均勻地沾在爽口的粗麵之上，口感軟腍，又有肉味的切腩，份量不少，連著筋膜的部分滑而不膩，質素比「安利」的更佳，少許的芽菜能為這撈粗加添清爽的感覺。另碗裝載的上湯內，香蔥魚蛋雖然只有三粒，三粒都不細小，香蔥味不算突出，但魚味夠濃，又夠彈力，都不錯。同樣是雙併的「切腩魚片頭豉油皇撈粗」（$57）是太太的選擇，比魚蛋香口的炸魚片頭，味道比魚蛋濃，也更可口。同場加映的「奶醬多」（$15）多士脆，奶醬甜，我與太太雖然分甘同味，每人只吃了半件，也覺邪惡非常，加上一杯少甜的「凍朱古力」（$20），這一個超級邪惡的下午，實在太滿足了。

心血來潮想食碗麵，印象中食過依間味道唔錯，今日過嚟翻兜。有少少意外咁耐都冇加過價。魚蛋同魚片嘅魚味都好重，食得出係真材實料。魚蛋非常彈牙，優秀！見好多人都喊爽腩下次嚟會試吓。份量算係一個輕盈午餐，男仔一定唔夠食，建議叫撈麵。

無啦啦好想食魚旦粉，上網見到王林記既數一數二，過開港島東就一於試下佢星期日5點到，唔使排隊，可能因為6點已經無堂食，疫情下個分隔做得幾好，啲分隔板夠大，塊板既直徑同張枱一樣大叫左魚旦粉多青同香蔥魚旦粗，枱面有炸蒜任落😍魚旦粉有3塊魚片5粒魚旦，魚旦好重魚味，唔會腥，彈牙又唔會覺得落左好多粉，中上，老公話香蔥魚旦都好有魚味粗麵正常，河粉好滑，不過太薄好快浸到碎濕濕，食左半碗已經唔可以用筷子夾，要用匙羹食，有啲失望，另一敗筆係食完有啲口渴結論:可一試，不過唔係我食過最好食既魚旦粉，因我對河粉都好有要求

🇭🇰香港風味-王牌豉油撈粗🍜 香港地真係好小食到好食既撈粗🍴以往食撈粗覺得好重梘水味 😥但呢到竟然無🤩雖然偏貴 但我淨係鐘意💛食呢到既撈粗 佢地既豉油🥢撈得好均勻 每條麵都掛得好夠味🍝🐂切腩牛丸撈粗 🍜$57肥瘦適中 份量十足 💯🐖豬手 🍢香蔥魚蛋 豉油王撈粗 🍜$52魚蛋口感幾彈牙豬手忟得入味 煮到勁淋 *******************王林記潮州魚蛋粉麵 (筲箕灣)筲箕灣筲箕灣東大街10號東寶大廈地下A號舖