王林記潮州魚蛋粉麵

營業中

休息中

繼續二人限聚令，令到出街食飯少咗，買外賣多咗😶幾時先可以回復正常呢，所以今日一於簡簡單單食碗麵就算了！筲箕灣東大街出名多嘢食，王林記就係其中一間，以前就喜歡安利，但近年都喜歡食王林記。我每一次去王林記我都只係食片頭河或片頭撈粗，其實佢嘅切腩都好出色，但我對牛腩興趣不太大。雖然淨買魚蛋，片頭唔算好平，但真係一分錢一分貨，味道真係會唔同啲片頭撈粗麵$47片頭好爽口又彈牙，而且好香魚味，一點都唔似出面街市買嘅魚蛋咁，豉油皇撈麵其實係重點之一，豉油撈得好均勻，因為我比較喜歡粗麵，好有質感，麵質又唔會太淋又唔會太硬，煮得剛剛好，又唔會太多汁，另外會跟一碗湯，如果覺得乾身可以添少少湯自己撈下

早上九点多到达已经要在店外拿筹等候幸好轮候时间不长，5分钟就可以进店了。每张桌子都贴有告示，劝人吃完就马上走，感觉没什么人情味。一般来说，见到有人轮候，也不会赖死不走，而且椅子也没靠背，坐得久也不舒服。为切腩而来，即使餐单有不少选择，不会点其他茶餐厅的东西，爽快地下了切腩魚旦捞粗。主角出场了，牛腩捞粗卖相不错，牛腩带少许皮，能咀嚼到牛腩的香味，而且经过长时间熬制，肉质很腍。但粗面带少许梘水味，口感一般。至于鱼旦，味道是好的，不会带腥味，只是成了牛腩的配角。57元不算实惠，但以吃得到的水准而言，也是合理。

王林記潮州魚蛋粉麵, 筲箕灣🍜下晝行完山諗住去食安利魚蛋粉，但網上話王林記既魚蛋粉比安利更出色，所以最後排左大概15分鐘隊試試。最後係無叫到魚蛋粉既😂因為排隊個陣聽到人地話王林記個切腩撈粗好好味。豉油皇撈粗係出色既，冇鹼水味又唔會太咸。當然個切腩係好好味，好軟灂，唔會好硬好難咬。個人最鐘意食佢地個豬手，我諗我一個人一口氣可以食到7，8件。 厚多士就正常發揮，好好食。整體都無咩可以投訴，價錢唔貴，食物黎得快，會再幫襯。.切腩加香蔥魚蛋 配豉油皇撈粗🍜 $57 豬手配 豉油皇撈粗🐖 $47奶油厚多士🍞 $15.📍筲箕灣筲箕灣東大街10號東寶大廈地下A號舖🌟Rating: 7/10💰Price: $50-80 pp

每次去東大街，咁多年第一時間一定衝左去安利排隊，但有日睇完<<難得有傳人>>介紹王林記後，我就心思思想試下其實兩間基本上賣既食物款式都差唔多，王林記仲多少少，有埋碟頭飯，脆脆包坑腩香蔥魚蛋撈粗王林記最出名係手打魚蛋，當然要叫啦，香蔥魚蛋爽口彈牙，仲有一樣佢個魚蛋贏晒隔離舖，就係無咁咸，得3粒真係好少呀坑腩亦都有好多件，真坑腩部位，肉質好腍，牛腩味香濃魚蛋坑腩雖然好出色但都唔夠呢個主角搶眼，就係佢個辣椒油，真係好好好香，非常好食，我筆到停唔到手，就黎成羹就咁放入口架啦😂😂奶醬脆脆豬脆脆豬都烘得幾鬆脆，奶醬又係一d都唔吝嗇，多到漏晒西多士西多士唔夠鬆脆，外層偏淋身，成個質感爭d，一般安利同王林記兩間都各有千秋，我就覺得粉麵王林記勝，安利就多士西多勝，唔掛得兩間係東大街屹立多年啦👏🏼👏🏼

個個嚟東大街都食安利，但係其實除咗出名，切腩柴口、魚蛋無味、撈粗死咸，真心 #唔好啦。隔幾間鋪嘅王林記魚蛋出晒名，雖然切腩賣晒，但係五香牛腩都鬆軟入味，香蔥魚蛋爽口彈牙，豉油皇撈粗香口爽滑，叫埋鮮油厚多加奶，食飽先去逼龍脊！⁣Main Street East in Shau Kei Wan is one of the most popular food streets in Hong Kong. Many people would line up for On Lee before their hike at Dragon's Back - but honestly the Brisket Stir Noodles wasn't even that good there. Wong Lam Kee was just next to On Lee specialized in Chiu Chow fishballs with much better Brisket Stir Noodles. Remember to try it out next time!⁣

星期日約2:30pm去到門口，朋友介紹，唉！我倆個人要等半粒鐘先有位，有單有真相，魚旦係👌有魚味嘅，粉就淥得太淋，下下夾起都爛晒，五香牛腩河粉牛腩實在太少，雲吞淥得太淋，一夾就爛晒，凍奶茶$20一杯冇乜特別，鮮油脆豬好食😋大家不妨一試！

黎食左幾次，只得一次切腩仲未賣晒，好食到驚為天人，仲要唔貴（＄57切腩撈粗）。如果大家黎到有切腩，可謂必必必食！豬手夠淋夠入未，係無咩肉食，主要食個皮同損骨。南乳味岩岩好，唔會過濃。墨丸（圖左) 超有墨魚香，中間仲有墨魚粒，爽滑彈牙；蔥花魚蛋（圖右）超有魚味，配埋個湯厚切既蔥花粒，真係好有食材鮮味，互相配合，無諗過平日成日食既野，呢間店既味道真係原味道，話食到感動都唔係誇張！墨丸同蔥花魚蛋必食，係會掛住既味道！撈粗食左三次，次次個味都岩岩好，甜甜地既醬油味，大人細佬都鐘意。汁料剛好夠乾身，唔會浸住個麵。唯一係一次食到過多簡水味，有苦味後勁差左少少。炸魚蛋同切片炸魚蛋，都非常有魚味，但本人就偏向白身魚蛋多d，因為夠滑，夾埋魚味一流。有次食唔到切腩，唯有食五香牛腩，唔係話唔好食，但同切腩相比差九條街。五香牛腩夠入味，但就好普通既粉麵檔都會食到。魚唇，份量好大，約五六大塊，兩個人叫碗粉再加份魚唇，會飽到好辛苦，因為魚唇好撐肚。建議有番三個人先好叫。講番個魚唇，我比較鐘意食膠質野，覺得魚唇未煮夠，硬到好似軟骨咁，如果煮到再淋 d 一定會好正。啖湯記得飲，有魚唇既鮮甜嫁！紅豆冰，d 紅豆用糖水煮

筲箕灣東大街多野食就係人都知，除咗 #安利魚旦 出名，其實仲有間 #王林記。多謝 慢活。教煮Swank 推薦🙏🏻試左招牌菜：切腩片頭撈粗（$57） 南乳豬手（$70）牛腩用上坑腩，咬落唔癡牙，牛味香濃，帶少少肥膏片頭用湯上，保存溫度，配埋撈麵，perfect!南乳豬手炆得好淋，南乳味唔太濃，食落感覺到豐富嘅骨膠原。Overall 性價比高，服務好好，樓面姐姐keep住好好笑容😊，食完連我都開心埋😂😂😂！📍 王林記粉麵茶餐廳 (筲箕灣)筲箕灣筲箕灣東大街10號東寶大廈地下A號舖#hklocalfood #hkig #foodie #foodblogger #foodporn#eatlikealocal #chiuchownoodle #王林記

一講起東大街既魚蛋粉，應該都係諗起安利，我都唔例外，佢既撈粗好好食. 同街有間都開左一段時間，但每次我都無太大動力試，直至見有人評話王林記比安利好食，咁我就...我個日去到由未係下午茶排到下午茶時間(呢個係另一個原因，我有想過，但好鬼多人等)，但下午茶以魚蛋粉黎講，呢個真係唔係一般既下午茶價錢，但都等左咁耐又坐底左就即管睇下佢乜頭乜路~片頭撈粗 + 可樂 $47+9佢同安利既分別係佢多左芽菜，個撈麵係差唔多既，佢比較少尐梘水味，個湯味精無咁多比較驚喜既係辣椒油有分辣度, 我覺得就咁辣油個個香味重尐，而大辣個個就辣多過香，唔算係又香又辣，但都好食!同埋佢有冬菜! 已經無咩幾多間會咁放係到俾你落!其實佢只係比較貴，值唔值就因人而異啦，overall的確佢係比安利好少少，因為佢味精少尐

[🇭🇰香港- 筲箕灣].🔻“坑腩撈粗"嘅粗麵彈牙,麵質有咬口,粗麵黎講都幾好食,加上唔會太鹹/太油,豉油汁平均勻地撈混喺每條麵😋塊牛腩都值得一讚,大大件,牛肉味濃,入味得黎又唔會過淋👍🏻個人覺得鮮奶油厚多同魚蛋就隔離個間好食啲🤭.🔻🍽 王林記潮州魚蛋粉麵📌 地址: 筲箕灣筲箕灣東大街10號東寶大廈地下A號舖.#tummysready #tummysreadytoeat #tummysreadyinhongkong #tummysreadyatshaukeiwan #tummysreadyfornoodles #tummysreadyforhongkongstyle

與同事出港島做野，做完佢哋車我哋出東大街食嘢，佢哋揀咗呢間食魚旦粉！佢哋揀呢間，幸運門前剛好有車位，門面似茶餐廳，入內幾爆場，要等5分鐘先有搭枱位，桌椅都幾迫店員極爽快落單，粉麵好快到，本來叫埋油菜，唔知係唔係漏單，大家食晒麵油菜都未到，就叫店員取消左（店員都好爽快即攪）魚蛋粗麵（$35）份量正常，不規則的魚蛋（潮州式）並不是全白，是微灰的，魚蛋彈牙有魚味，炸魚片太薄，如果厚少少會有口感啲，魚蛋比魚片出色，粗麵微鹼水味（可接受）爽口彈牙，蛋麵味就不強！湯底清甜，不算好濃味，配蔥花幾清爽！整體好味因同其他同事唔太熟，唔好意思影同事嘅食物😜店員勤快豪爽，唔多說話快快手落單出菜！魚蛋粗麵好味

筲箕灣東大街是飲食界的一級戰場，能夠屹立多年一定有他的成功地方。食了多年的王林記依然美味，今天是外賣回家吃，點了我最愛的切坑腩配豉油王撈麵切坑腩肥瘦適中，還有帶筋的位置，而且炆得十分淋。炆腩是用清湯的方法，所以仍然食得出牛腩本身肉的鮮味。而豉油王撈麵則下了大量麻油，令麵條香味十足，使人食不停口。而撈麵通常伴隨的上湯，此店是比較偏鹹的，但落了大量蔥花，而且溫度夠熱，加少許胡椒粉，就更能吊出魚湯的鮮味😍

入石澳前同朋友先食lunch, 由於隔離某舖大排長龍, 所以決定試下王林記(都要等20張檯架), 等左20分鐘左右入座, 我嗌左：切腩撈粗麵- 牛腩唔錯, 唔會un, 份量都多鮮油厚多- 多士整得幾好, 如果鮮油再多啲就最好總括黎講味道幾好, 下次會再幫襯

筲箕灣東大街牛腩長龍食肆，與同街另一間牛腩店平分秋色。個人比較喜歡王林記的牛腩水準比較高，少一點界外客。今日外賣叫了我最鍾意的牛腩撈幼，口感細緻棉化，肉味濃而不膩。撈麵的味道亦調配得十分好，夠乾身。跟面上的清湯味道亦十分清甜，有蔥花，灑上一點胡椒粉配合撈面同吃剛剛好，少一點有油膩。此店假日會推出限量的香蔥魚蛋，是此店的自創食物-香蔥令到魚鮮味更提升，賣相亦更吸引。此店曾經裝修，可惜店面比其他店比較失色，圓枱及座位較擠迫，貼近廚房位置的座位亦比較熱，用餐環境較為侷促不舒適。

🇭🇰王林記潮州魚蛋粉麵·我哋嗰日本身係諗住想去食雞蛋仔架 所以就嚟咗筲箕灣 點知嚟到我哋又想食撈麵又想食湯粉 食完之後就飽咗😭無位食雞蛋仔 唯有下次再食啦🤤·豬手 魚蛋 豉油王撈粗$52因為撈麵嘅雙拼平啲 所以我地就喺度嗌左2個送😈佢個撈麵都幾出色 好夠味得黎食得出佢個豉油係炒過少少芫荽或者蔥咁樣 唔會太單一 而且加埋佢個辣油係即刻提升左佢個味 多左層次感 勁正🤤佢個魚蛋本身個口感好好 都幾彈牙 而且唔會好腥 個豬手都超入味 煮到勁淋 而且係一咬就分得開晒 不過佢有一舊細既豬手個毛無mung乾淨🙊🙊🙊·片頭湯河$35佢個片頭都係勁好食嘅 不過佢唔係全部都係片頭 有幾舊係魚片 好似無咁開心咁 雖然個魚片都係好食嘅😂😂佢個河粉索曬啲湯好正 因為佢個湯都有少少淡淡嘅魚味咁樣 唔錯🤤·#rbyeat#rby港式#rby筲箕灣 #rby柴灣·📍筲箕灣筲箕灣東大街10號東寶大廈地下A號舖📍柴灣華廈街2號環翠商場地下G03號舖