珍煮丹 (已結業)

平時係銅鑼灣都會飲旁邊果間大甲芋頭鮮奶，今日經過見到呢間都有芋奶鮮奶，仲有配芋圓，就決定試下呢間😛😛😛。店員整好之後有細心提我哋要上下搖勻先好飲，一入口好香甜，應該係加左黑糖，牛奶好滑，芋泥好綿身，我哋都好中意，因為我哋好怕d芋泥係整得求其，仲會咬到好多粒芋頭。另外，加左芋圓口感好煙韌，細細粒好容易食，仲食到有番薯同芋頭味🥰，我唔中意食珍珠，平時飲品店多係得珍珠揀，所以好中意呢間，口味岩晒我！

一直鐘意食珍煮丹嘅珠平時飲開茶底嘢，唔飲奶類（除咗豆奶）今日心血來潮。望吓餐牌top 10 list好～～試吓黑糖紅茶豆漿先原來排第5受歡迎茶、豆漿 我都飲得由於嘢飲當lunch，於是+$4要埋珍珠黑糖紅茶豆漿+$4珍珠（半糖，少冰）啲冰係碎冰我攞返公司飲，行15分鐘啲冰融晒以為變奶水但一飲，超級濃係濃到似似緊豆腐花勁有豆味唔知係未我加咗$4黑糖珍珠 定佢本身杯 黑糖紅茶豆漿已有嘅黑糖杯嘢溶晒冰但係啲黑糖味勁香唔係甜係明顯黑糖香超正相反，茶味相對就冇咁出$4加珍珠，多到呢～～～半杯珍珠女仔飲完真係唔洗食lunch佢一如以往，啲珍珠超級入味同煙un我唔鐘意淋pat pat嘅珠珍煮丹嘅好好食飲完仲有好多珠剩成杯嘢$28（已包括$4珍珠）超高質飲咗成杯豆腐花咁好味好正

好多人都話呢間珍珠奶茶幾好飲，珍珠控嘅我終於走左去試。星期六，下緊雨有幾個人係度買，人氣都okay。飲品眾多，諗唔到飲咩都可以係佢個人氣list度揀飲咩。我目標明確，揀左number 1 嘅黑糖珍珠厚鮮奶。朋友揀左柑橘檸檬。講左我個厚鮮奶先啦，牛奶味好濃郁少少creamy，應該唔係開奶粉。同黑糖味好夾。 珍珠份量同大細都適中，好煙Un, 我like!試左朋友嘅柑橘檸檬，呢個飲品令我好驚喜。好refresh好清甜，少少檸檬味，少少柑橘味，解渴一流，岩晒係炎熱嘅夏天飲！成個廚房都open, 店員製作過程都比你睇到，廚房嘅衛生情況都一目了然，另外舖頭仲有一張無添加餐飲食品發展協會嘅認證，令我飲得好安心。唔使擔心飲到肚痛。

最近因為疫情關係好耐無飲過肥仔水😖咁岩要同朋友去銅鑼灣sogo thankful week買氣炸鍋，血拼前周圍行下，見到有間茶飲，裝修得幾靚，又唔洗排十世，決定入去try try佢😛珍煮丹個名聽就聽得多，不過就未真係幫襯過🧐好怕坊間啲假味黑糖⋯一味得個甜！不過行過又想飲就比次機會佢啦！我叫左杯黑糖珍珠厚鮮奶，話曬都係推介list中第一名，應該唔錯既😛😛😛佢啲野飲就有得揀甜度同冰度既，第一次試我就無加加減減，原汁原味咁叫😆等左陣終於有野飲啦🥳店員好細心提我要搖勻先飲，我即刻倒轉上下，店員就再提我可以左右輕輕搖，因為佢啲黑糖好厚，倒轉都唔會點郁😅😅😅一啖飲落去😱好好味！佢有一朕花奶香味，成個感覺好thick好濃，超超超正評👍🏻👍🏻👍🏻👍🏻啲黑糖珠珠又唔會好甜，好岩我口味，可以唔洗少甜個啲都得！朋友就想試啲新鮮野，唔飲佢個推介list，所以叫左杯十份芋圓鮮奶🍼平時好少見做芋圓做配料，見到當然要試下佢啦😬😬😬我見朋友杯野飲仲有層芋泥，好似好正咁🤤佢話好似飲緊甜品咁，超正，方便過要等十世先食個啲芋圓甜品，芋泥將成杯野提升左，仲問我點解咁好飲會唔上榜⋯我心諗⋯杯杯都好飲唔通一日印一張推介排行榜咩😂

其實我一直以黎都冇飲過珍煮丹🤣 上次去到韓國都見到佢 今日天氣熱到癲 就決心要試試佢飲野當然要飲皇牌 叫左杯佢嘅鎮店之寶奧利珍🤭🤭 望落已經好吸引 好似cookies and cream嘅雪糕咁 攪勻飲果刻嚇親 口感同味道都好豐富 脆脆嘅oreo碎 奶好creamy 有陣陣黑糖香滲出 加埋彈彈嘅珍珠 正呀喂！欣賞佢飲完成杯都唔覺好heavy或者好滯 恰到好處 犀利💕另外呀媽中意啲fresh啲 比較消暑嘅野飲 所以佢要左杯黑糖冬瓜檸檬愛玉 佢黑糖味比起奧珍更濃 好有養生feel🤪 普通甜味加上檸檬嘅微酸 生津止渴 我差啲想搶埋黎飲🤫 更正嘅係佢都係有野咬架 愛玉好似jelly咁 成件事好match首次嘗試珍煮丹感覺唔錯 無論係heavy 類定係fresh類都冇失手

第一次飲珍煮丹係早喺黑糖珍珠鮮奶熱潮未嚟到香港前，去台北旅行時台灣朋友介紹我飲嘅，以前淨係識飲珍珠奶茶，第一次飲黑糖鮮奶覺得好好味，印象非常深刻。因為掛念台灣嘅味道，就幫襯咗香港呢間分店，揀咗飲品推薦排行第一嘅黑糖珍珠厚鮮奶。黑糖珍珠好煙韌入味，佔咗差唔多三分一杯。面頭有類似奶霜咁嘅厚鮮奶，店員提醒要搖勻先飲。黑糖厚鮮奶夾埋之後飲落好順滑濃厚又唔會死甜，揀半糖少冰就啱晒～比較過幾間喺香港出名啲嘅黑糖珍珠鮮奶台飲店，始終都係覺得珍煮丹嘅最好味！

珍珠奶茶超級粉絲認證呢間過江龍真係超級高汁同幾個朋友去完Hysan好想飲珍珠奶茶一定會去利園山道 有好多選擇但比珍煮丹大大聲播既榮光吸引左今時今日好少店舖會勇敢表態架啦！仲要啲飲品都好吸引 一定要支持下我同朋友分別叫左奧利珍同黑糖芋芋茉莉拿鐵朋友話奶味幾濃厚 茉莉味聞到好香 不過飲落唔算好突出 勝在味道夠平均芋頭綿密細滑 但亦保留左細細粒既芋頭 口感豐富另外朋友都讚有溫飲option岩哂女士們 即使唔方便個幾日都可照飲無誤至於我個杯呢，當然都係超好飲 仲非常邪惡我一拎到已經急不及待想飲 都無好好打卡一番奧利珍其實即係oreo口味杯中有現煮既黑糖珍珠 淡奶 奶蓋 oreo碎同一塊原整Oreo奶蓋好重手 攪勻飲落口感好thick仲有啲脆脆既oreo粒粒 好似飲緊杯oreo雪糕咁真係十級推薦 好好飲！

宜家嘅珍珠奶茶開到成行成市 雖然有好多種唔同嘅選擇 但我始終鍾情於奶味重又有黑糖味嘅珍珠奶茶見今日出開銅鑼灣 點都要飲番杯過吓癮嘅☺️大家對珍珠奶茶嘅熱情仲未減退🙈其實除咗珍珠奶茶同埋黑糖飲品之外 都仲有好多其他唔同嘅選擇👍🏻•黑糖珍珠厚鮮奶🍼•-我自己當然就叫返我最欣賞嘅招牌珍珠鮮奶啦🙈因為本身好鍾意厚鮮奶好creamy嗰個味 而且呢一間嘅黑糖珍珠做得相當入味 每一粒咬落去都會有黑糖味滲出嚟👍🏻而且加埋面頭嘅芝士 口感仲好豐富添☺️

I’m really completely honest, but Jenjudan offers the BEST bubble milk in town!Its different from the normal bubble tea that you can buy elsewhere. Instead of milk tea, it’s mixed with pure milk, so it doesn’t have the unique tea aroma and the bitterness of tea leaves. Though milder in taste, the milk is slightly sweet with the gratifying flavour of the black sugar bubbles, which are also gelatinous and chewy!Highly recommend to everyone who’s only tried bubble tea!

冬天想飲珍奶夏天想飲珍奶其實女仔對濃郁嘅厚鮮奶同煙un嘅黑糖珍珠係咪會完全無抵抗力架??成日出街都話想飲…今次就陪下女朋友飲啦，$30就可以比到幸福嘅感覺，何樂而不為haha我就喺咁多選擇中揀左黑糖形珠布丁鮮奶，少糖正常冰D布丁好滑而且好香蛋味!加埋d珍珠有兩種口感厚鮮奶半糖岩岩好，唔會太甜女朋友就揀左珍珠伯爵鮮奶茶，佢係偏向奶茶同厚鮮奶嘅感覺唔同茶味會出d，飲落清爽d不過女朋友揀左微冰，飲落就唔夠涷下次再嚟試其他啦

今日出左去探朋友，路經飲品店，於是就順手買飲品請佢飲睇MENU見呢到D飲品種類都幾多下，黑糖、奶蓋、芋頭、檸檬、豆漿、果茶、純茶等等都應有盡有，實會搵到杯啱你心水嘅飲品。仲有唔同配料可以追加，有布丁、椰果、仙草(+$3)、或者珍珠、愛玉、紅豆(+$4)，咁就可以多D變化如果覺得真係花多眼亂，佢仲精選左TOP 10有埋SAMPLE相等你可以容易D揀今次我就揀左 蓋世抹茶($34)加紅豆(+$4) 、幫朋友點左泰泰珍珠鮮奶茶($32)落完ORDER等左陣就有得拎蓋世抹茶加紅豆：本身喺TOP10見到宇治抹茶紅豆已經想飲，但貪心D又想飲埋奶蓋，於是就點蓋世抹茶額外追加紅豆，咁樣落單就可以一次過滿足晒杯頂蓋特別設計，可以扭開部分位置，咁就唔駛又要成個蓋拆出黎咁麻煩，可以直接品嘗到上面D奶蓋奶味香濃，質感亦濃厚抹茶味都幾好，帶有少少抹茶當中嗰隻苦澀味，啱晒我口味同埋因為追加左紅豆，所以雖然落單叫左少甜，但溝埋紅豆本身D甜味後，整杯飲品甜度適中泰泰珍珠鮮奶茶：朋友好中意食泰國菜，而每次食親都一定要叫泰式奶茶，所以今次就幫佢揀呢杯，賣相睇落色澤都幾濃。朋友話飲落拍得住泰國餐廳奶茶D水準，茶底色香味俱全

同朋友去某"生果店"睇電話 點知佢心大心細揀好耐 我就諗住出黎行下就見到呢間珍煮丹我知佢黑糖飲品出名 就叫杯黑糖冬瓜愛玉檸檬比自己試下 至於女友人我就揀杯葡萄柚檸檬綠茶比佢 我個杯幾岩夏天飲 立即個人好Refresh 夠凍 成杯飲品都好台灣 冬瓜茶同愛玉 一流 唔會太甜 仲有檸檬平衡下朋友大讚我揀咗一杯超級啱佢心水飲品 入面有粒粒葡萄柚肉 而且唔會太甜或者太酸夠曬解膩 比起就咁飲果汁 呢杯有綠茶同埋檸檬 比較輕盈呢到裝修同台灣鋪非常相似 去唔到台灣住就先回味以前

📍 珍煮丹➖➖同C先生係銅鑼灣睇完戲，黎到銅鑼灣既台式飲品一條街--利園山道飲下肥仔水先。天氣太熱搞到好想飲黑糖既甜野，緊係揀珍煮丹，話曬係台灣最紅既黑糖飲品店，小編都飲過好多次了➖➖朱古力珍珠鮮奶之前黎親都係飲黑糖珍珠鮮奶，今次決定試下新野，試呢個朱古力珍珠拿鐵。朱古力味超級香濃，甜中帶d甘味，而珍珠一定係珍煮丹既招牌黑糖珍珠，所以夾埋飲就啱啱好，唔洗驚兩樣加埋會甜上加甜，珍煮丹既珍珠比起其他一般飲品店係細粒d，但係細珍珠都好煙韌同好有咬口，飲厭左黑糖珍珠鮮奶既美女們，如果想轉下口味可以試下朱古力珍珠拿鐵，一樣都係咁正。珍煮丹既珍殊​除左夠​Q​彈外，仲要係夠足料​，​唔會係嗰種死甜既味道➖➖蓋世不知春 $32蓋世其實係芝士奶蓋黎，不知春係一種名貴d既綠茶，因為產量較低。屬於係青茶既一種。不知春口感較薄，清淡中帶點茶香。奶蓋質感幼滑，有淡淡既芝士味，揀左3分甜啱啱好。➖➖地址: 銅鑼灣利園山道15號地舖

之前嘗過台灣和香港的珍煮丹，不論是最基本的黑糖珍珠鮮奶抑或是升級版的黑糖珍珠厚鮮奶和奧利珍都令人回味無窮，一直以來在我心目中都首屈一指。向來都對芋頭甜品飲品都情有獨鍾，之前知道珍煮丹推出了芋頭鮮奶時已經迫不及待要一試，後來更推出了小芋圓系列實在令人難以抗拒。黑糖芋芋鮮奶 ($34)芋泥份量將近半杯之多，口感綿滑稠密而當中更混有不少芋頭顆粒，雖然黑糖香在芋泥主導下並不算太出眾，但與鮮奶配合起來卻甜而不膩。十份芋芋鮮奶 ($36)這杯十份芋芋鮮奶其實與黑糖芋芋鮮奶如出一轍，不過會在面層灑上紫薯粉並配上小芋圓及地瓜圓，口感煙韌彈牙，細嚼之下更能嚐出芋圓當中的芋粉微粒，層次更加豐富。

收工約左朋友一齊搭車，佢話去「珍煮母」門口等要買野飲，我揾左一陣都揾唔到，原來間舗叫「珍煮丹」，我笑而不語。🍴奧利珍 HK$40本身好少飲台式飲品，連熱潮已過ge黑糖珍珠鮮奶都未飲過。見到高踞十大飲品第二名ge「奧利珍」個名幾好聽，又有我鍾意ge OREO，一於試下係咪咁正。發覺台式飲品好興飲杯野都步驟多多，而奧利珍都有飲用秘訣：插入吸管攪一攪，餅乾下沉時用力吸一口，蹦出新滋味。我就冇跟到，首先就緊係打開蓋，拎起塊OREO擰一擰、舔一舔、浸一浸，然後先攪勻黎飲。表面奶蓋好綿密濃厚，鮮奶幾香滑，OREO碎夠多，黑糖珍珠好好咬，唔會太甜，口感味道都好豐富，但OREO味就唔太突出。🍴蓋世不知春 HK$32朋友飲「蓋世不知春」，見識少，實在不知什麼春來的，原來係四季春，幾香醇甘甜，夾埋鹹鹹地ge奶蓋又幾好飲。🍴黑糖仙草布丁鮮奶 HK$30外賣左杯黑糖仙草布丁鮮奶比朋友，唔收車馬費都要飲番啖啦下話。仙草同布丁都好滑，一啜就滑入口，仙草幾清爽。📍珍煮丹銅鑼灣利園山道15號地舖