璟瓏軒

營業中

休息中

一直都想試下鼎鼎大名嘅故宮精品手工點心，果然名不虛傳！特別印象深刻嘅係招牌金魚餃，好食又好睇！精緻嘅金魚造型絕對係打卡之選。人蔘湯蝦餃，好足料嘅蝦餃配以濃郁嘅人蔘湯，未喺出面見過，係一個新鮮嘅配搭，兩者係出奇地夾！最後，嚟過金箔燕窩芝麻撻，作為午餐嘅點綴，除咗有奶滑嘅芝麻餡，仲有燕窩鋪面。無論係創作定係出品，都非常有心思，對得住手工菜呢個招牌。因為最近有推廣活動，折後相對算係抵食，下次再嚟西九亦都會有take two！本身個篇，唔知點解出唔到，試吓重出

近窗位置全部大枱，如果你係人數少啲根本坐唔到大枱，基本上都睇唔到啲咩靚景食物質素麻麻，貴但係冇服務，係0服務！等咗半個鐘頭都未有食物，名過其實，失望而回！仲要開係故宮博物館，簡單影衰香港

這家中菜館，設置在故宮博物館四樓。對住個無敵海景。真係好有氣派。今日去咗睇古玩。順便去埋食個午飯。一入到去，已經見到個機械運輸車，負責送菜。真係好前衞。坐下後，見到個茶壺墊。配合返個璟瓏軒個名。真係設計獨特。前菜係合桃。上等食材。美味。點咗以下菜式：鮮人參湯蝦餃 $26原木花菇燒賣 $58黑毛豬叉燒腸粉 $68白飯 $25前菜 $28龍井茶 $25服務費 10% = $23總計 $253鮮人參湯蝦餃，個湯係人參湯。好飲。用人參湯煮出來的蝦餃。入口清新。蝦肉鮮甜。鮮人參湯混白飯，好美味。黑毛豬叉燒腸粉，叉燒屬上等食材。腸粉晶瑩剔透，賣相滿分。白飯，甘香軟口。混入其他菜式。好好味。原木花菇燒賣，花菇鮮甜美味。前菜合桃，上等食材。美味。龍井茶，明前龍井，色澤清晰。入口清新。上等茶葉。

故宮博物館璟瓏軒參加咗個event舉辦地點好特別香港故宮文化博物館內璟瓏軒，種類繁多偏向中式點心小食，最得意係有「雞蛋仔」食！好香好脆，正！另外甜品都好好味～不得不提，要境真係無敵！對住咗靚嘅維港景又食到港式特色小食「雞蛋仔」成件事係有趣～

聽到國慶日呢度做75折, 全家總動員嚟食飯, 食咗一共十款嘢, 味道唔錯, 但太開心, 食完先發覺原來唔記得咗影相, 唯有同大家分享下呢度嘅好環境, 全維港景色, 天清氣朗, 景觀一流！

食品質素不錯，加上今晚有七五折，性價比高！ 環境安靜，地方乾淨。服務態度非常友善，客人斯文又安靜，雖然菜式不太多選擇，但已經表示了中菜的特色。套餐已經包括了，湯，有雞，有魚及甜品，性價比很高。

Very good view, a good place to talk with friends. Good dim sums and very big hall. No people around so that we could enjoy our meeting exclusively.

3/5叫了午市套餐試試，前菜三款，沙律，都好普通。湯好飲，鮑魚好食，但汁唔夠濃，海參無扣過味般。魚好食，但蕃茄粒多咗，完全唔夾。菜同飯都唔錯。另加嘅燒肉除咗過咸，如果唔係好完美。

臺灣朋友來港，想食港式點心決定來這裏，方便他們之後在西九遊玩海景真的很誇張，加上今日天氣好，非常漂亮朋友們瘋狂拍照這裡樓底很高，環境很舒服星期六來說沒有很多人因為一共有9個人，所以點了很多點心這個前菜合桃很好吃手工天鵝酥，其實就是蘿蔔絲酥餅烈焰燒腩叉，喜歡肥肉的朋友會鍾意這個叉燒脆皮燒金方，半肥瘦，都算脆皮米網鮮蝦紅米腸粉，臺灣朋友激讚XO醤帶子腸粉，不知道XO醬在哪裏黑毛豬叉燒包，算幾好食？？燒賣，有隻迷你鮑魚燕窩流沙包，食唔出有冇燕窩，流心都流嘅花旗參湯蝦餃，我真係唔識欣賞，俾翻傳統蝦餃我黃金豆腐粒拼黑金豆腐，豆腐拼豆腐雪茄蟹肉春卷，呢個我最鍾意，其實係蝦長春卷，好食造型又得意金瑤萵芛絲，冷盤，瑤柱好似炸過咁，脆脆哋醋香紅海蜇頭，呢個我都好中意，海蜇頭唔係咁多地方有得食話梅車里茄，呢個都好食嘅，不過我覺得有啲貴蛋白杏仁茶，呢個做得好，好香，蛋白又滑又軟，我平時唔飲杏仁茶都覺得佢好味棗皇糕，有椰漿夾層，偏甜，我一般臺灣朋友覺得非常滿意，我很慶幸帶了他們來服務就一般高級中菜廳服務，不過不失都係一個飲茶的好去處，可以encore

服務有待改善，今天中午用餐時即場在隔離61號台客人都向經理投訴服務員態度十分惡劣，61號台的客人投訴還都用餐完，問都冇問就收左食物，服務員重即場豪無悔意同客人嘈起上來，我都有同樣經歷，家人未享用完小籠包，連醋同喼汁都分唔到又唔問就收左個醋了，而要求清理台面時，卻豪不願意 ，重要加上“gip" 的一聲。 作為一間代表香港文化既博物館，一年365日都有不同國籍人士到訪，咁樣冇禮貌又冇誠意同不認真更懶得做既服務態度，我作為一個土生土長既香港人都覺得相當失望甚至蒙羞。就算環境有幾優美，都只不過係 金玉其外 敗絮其中，有失香港的國際旅遊形象。同時間，我想補多一句，一分錢一分貨，這不是物超所值的餐廳，茶錢和點心比一般酒樓都貴一倍，重要收加一，咁樣既服務態度對市面的酒樓相當不公平，好此為之了。

前幾日去故宮博物館參觀，中午貪方便去咗四樓飲茶，餐廳環境服務點心造型一流，但味道九流。午餐兩個人嗌咗六樣嘢：花旗蔘湯蝦餃，個湯勁多味精。雪茄蟹肉春卷，啲蟹肉唔新鮮，好腥。有雞先有蛋，其實就係鹹水角加芒果布甸，冇乜特別。澳洲和牛生煎包就係生煎包，唐包點水準。茅台時果杏仁燕窩，就係杏仁豆腐拼罐頭雜果+2滴白酒，有啲失望。黑松露餃冇黑松露味。我食完成餐飯，發覺最好味嘅竟然係我叫嗰杯人蔘烏龍。順帶一提，啲碗碟唔係十分乾淨。如果只係打卡影相，佢絕對可以滿足到你。如果你諗住肚餓食嘢，我建議你去故宮博物館或週邊其他餐廳。

因為想可以喺西九龍睇煙花🎆，所以搵返西九龍附近既餐廳，但可以online book 既唔多，唯獨璟瓏軒可以，約左之後睇佢評價先發覺負評8個好得2個🥶，都真係驚驚地🙈，但除夕好多都冇位或者有最低消費，所以就唯有膽粗粗照去啦～本身book左8點，因為驚封路，所以我同老公都一早到左，7點已經上到去，職員都俾我地坐低先，仲安排左張窗口檯俾我地，餐廳裝修都算堂皇👑，窗外環都好靚，我地等到8點先上菜職員都冇唔耐煩，服務態度都好友善🥰。我地7個人叫左8個小菜，先黎水煮牛肉，牛肉咪都算濃，牛肉嫩滑，辣度適中，再黎香煎龍躉我覺得好有驚喜，魚皮厚滑，魚油豐富，魚肉嫩實好好食，食完呢2個餸已經將之前既疑慮一一掃空，其他每樣小菜都好有水準，就連簡簡單單的手撕包菜味道都很獨特，最後我地再叫埋甜品綠豆糕，綠豆味好濃郁，大家都食得很開心～最難得係其實佢價錢真係一啲都唔貴，我地仲叫左2支酒（好飲）埋單都只係3千幾，除夕時間咁既質素咁既價錢真係好抵，仲要食完飯落樓下就睇到煙花，成晚真係好完滿。💖

自從11月歐遊回來持續發病了20多天最後竟然還要進廠休養修理😥，幸好冬至前身體勉強恢復可以與家人一同過冬，真是不幸中之大幸👍。今天家中長嫂吹雞一同到故宮博物館4樓的「璟瓏軒」共進午餐，只因她和長兄剛剛於昨天來過吃午餐，感覺環境非常開揚，有落地大玻璃設計，還有270度的全海景，非常漂亮，所以希望與家人一同分享，家中有如此長兄長嫂感覺真的很幸福🥰。「璟瓏軒」 位於故宮博物館4樓， 從地下可以乘搭升降機直達，酒樓門面闊大，樓底甚高，頗有氣勢👍；而且酒樓室內間隔四正，呈倒轉L型，全部向海，視野寬廣；部份更新面向西九藝術公園連維港景色；內裡還有一個大禮堂可以作為讌會場地，環境確實一流，從這個角度欣賞海景比在101所看到的漂亮得多😍。由於我早到，所以先點了兩壺茶，普洱🫖和鐵觀音🫖，但服務員把兩壺茶放上枱面後我發現兩壺茶完全沒有識別的名字，於是我詢問這位服務員那一壺是普洱？那一壺是鐵觀音呢？如何分別呢？ 難道每次斟茶都要打開茶蓋看？(因為一般較高級的酒樓都有把茶葉名稱印在一個紙圈上並套在每壺茶的茶蓋部位，令客人容易識別)。令我驚訝的是情發生了，這位服務員的回應竟然是：「對不起，我不知道那一壺茶是普洱

今日同朋友行到故宮博物院，中午肚餓諗住喺呢幢大樓醫肚，聽餐廳名璟瓏軒覺得非常高大上，上到去餐廳，餐廳嘅裝潢實在10分豪華，景觀望住尖沙咀海景，然後坐低開茶，一壺香片茶味道十分讚，跟住攞餐牌嚟點點心，點咗幾個廚師推介，同時間打開OpenRice Apps見到啲人嘅評價，覺得中伏。唔緊要，試一試啦！至少環境係非常鍾意嘅，點咗蘿蔔糕、脆皮燒腩仔、花旗參蝦餃、蘿蔔絲酥餅。落陸陸續續上到嚟，覺得味道真係一般。跟住我哋就唔想再嗌更多嘅嘢！埋單差唔多$600 ，人均都要二百幾蚊，我個人意見是改良餐單，點心嘅份量加大，因為我哋三個女仔都覺得食唔飽，或者呢間餐廳真係識環境，唔係講求出品，總之覺得有需要改進，出品唔好真係浪費咗呢間餐廳嘅位置。

點了乾隆花雕醉雞，$168例牌，肉質粗糙，無酒味，唔掂又點了個素腸粉，粉皮滑，但份量很少，餡好少蟹黃百花卷，平平無奇，蟹黃醬很多油，但又唔香，拎醬用小匙有污漬唯一好食係個招牌炒飯，份量ok，但個飯都濕個頭，唔夠乾身叫經理幫手影張合照，點知張相黑到睇唔到樣…..最後4人食左以上4樣野only, 承惠$8xx。 好快肚餓，隔無來再要搵野食。 旅遊景點的餐廳都唔預好得去邊，都係呃遊客去，本地人都係出面餐廳食好啦…..