甜姨姨私房甜品 (清風街)

營業中

休息中

天后甜姨姨係我細個嘅回憶，以前放學或者朋友聚會完畢都會去食🤣今次再次嚟到尋找回憶回憶✨★"`'-.,,.-'`"-.,☆,.-`'`-.,,.-`'`★-.,,.-*🤍招牌木桶豆腐花 $45 (製作需時，需要等15分鐘）木桶豆腐花絕對沒有有比之前遜色。第一次食係10幾年前，但到而家一直keep到水準🤍豆腐花好重豆香味，每一口都非常滑。客人可以跟隨個人喜好加紅糖。🤎六小寶 $88係好有驚喜嘅六格小食再加一款沙冰🥤三色啫喱同埋溏心蛋係指定嘅，另可選一款迷你牛角窩夫🧇及三款小食🍢🧇迷你牛角窩夫又我最喜歡嘅奶醬味🥜所以二話不說揀咗，仲整到外脆内煙韌，好滿足🥹另外小食我揀晒三樣炸嘢😂吉列炸蝦🍤炸燒賣、炸雞😂😂完全啱晒我。🥤芝麻豆腐沙冰平平無奇但係非常出色！芝麻味同豆腐味都係好濃郁！味道好清新，非常適合呢一個10月仲係咁熱嘅天氣去飲！

早排同朋友係大坑食完飯，諗住去天后食埋甜品，朋友帶路去左呢間老字號甜品店「甜姨姨」餐廳主打榴連同豆腐系列既甜品，今次叫左幾款水準都好高，值得一試木桶豆腐花 $45豆腐花食得多，原桶木桶上真係好少見，黄豆味香濃，入口又香又滑，大滿足榴槤紫糯米 $58榴槤肉香甜滋味😌紫糯米有咬口，配上椰汁香甜滋味，鐘意食榴槤既朋友仔要試下六小寶 $88用左木盒放幾精緻😀已包懷舊小食、迷你牛角窩夫同街頭小食，打卡靚又好食😋除支基本三色啫喱、醬汁糖心蛋，今次仲揀左草莓忌廉牛角窩夫、吉列炸蝦、椒鹽雞粒同司華力腸，份量剛剛好，特別喜愛椒鹽雞粒，外皮香脆，香口惹味，牛角窩夫有酥脆效果♥️另外仲包左杯芒果豆腐杯，十分冰凍好清爽，豆腐味香濃，加入芒果粒香甜大滿足☺️

首先想讚一讚店內嘅職員好友善好Nice🥺好耐冇試過呢啲賓至如歸嘅感覺🫶🏻憑呢一點已經好推薦大家去食！西瓜涼粉沙冰沙冰嘅質感啱啱好唔會有冰咋！而且飲得出係真西瓜榨成嘅沙冰🍧甜度適中非常推薦！榴槤紫糯米紫糯米煲得啱啱好，唔會太溶爛😳仲食到少少糯米皮嘅質感！榴槤份量都唔惹小😚✨都有幾多下！芒果豆腐西米露呢度啲豆腐花質感真係做得好滑😳芒果份量都好足！有足足半個咁多😋呢個都好推薦！同埋佢位置都好方便，就係天后站5分鐘就到

星期四放工同老公食完kfc之後去左天后甜姨姨食甜品，食完明白所有豆腐製既食物都好出色。木桶豆腐花即叫即撞，所以要等大概15分鐘，但等待係值得既。豆腐花好滑溜，有豆香味，本身已經有甜度，如果想食到糖個種沙沙既口感，可以自己加紅糖，正。芝麻豆腐西米露 (豆腐雪糕)加左$12要小丸子，芝麻豆腐兩種味好平衡，兩種味都食到，豆腐雪糕好重豆腐味，透心涼既甜品。六小寶以六宮格呈上，仲有一杯沙冰飲品。有三色啫喱、醬油糖心蛋，港式奶醬迷你牛角窩夫、司華力腸、吉列炸蝦、炸燒賣，滿足到想食鹹野既心。芒果豆腐杯豆腐沙冰打得幼細，豆腐味濃郁，芒果粒粒都好多，好飲。

未食過d禁難食糖水鋪重點係店員態度極度惡劣！！！！！座位狹窄帶住嬰兒轉個位竟然話我地坐了人地個位？咩叫坐左人地個位 ！？？我地都係顧客 你安排個禁既位怪我地？？識唔識帶位一d愛心都無係人都可以做糖水鋪？唔該老闆再培訓呢個店員呢d垃圾服務態度你挺汁粒 人地食完唔夠一秒收走東西 趕客？呢個肥肥地女人店員 唔炒唔得 影響市容 香港服務業恥辱d茶凍一陣洗手間茉莉花噴劑位味道糖水水汪汪無料 名副其實糖水還要最低消費 唔係馬？

叫咗一個草莓西米露加左水晶珠、味道都可以、但點知有啲西米係生嘅、一啖西米入面有二三米係生既、吐出來係硬既！諗住同佢反映下，點知話事人話係我問題、話因為我叫咗沙冰底、同埋因為我食嘅時候撈勻咗、呢個甜品係唔可以撈勻黎食、唔關佢哋嘅西米事、我聽完佢答、完全唔明白！佢一直指係我問題、因為都唔知呢個係咩邏輯、所以算吧啦、我都只係想話聲佢知有啲西米係生者！之後睇返其他食評、原來態度不嬲都有問題、伏伏伏！好彩只係第一次食、無下次

糖水店在清風街橋下，坐位比較窄，坐得比較逼，來食糖水人不少。餐牌有太多甜品選擇，可能太多選擇，最後難下決定，結果點了中式熱甜品系列，熱的腐竹白果薏米糖水($40)份量不算大，糖水甜度適中，料較少。其實這店有很多選擇，下次有機會會試下其他甜品。

又行到嚟天后｛甜姨姨👩🏻‍🦱｝食糖水～～佢嘅價錢偏貴，size亦都算細碗，但始終質素唔會太差，算係有心機製作嘅糖水🙌🏻✴️芒果西米豆腐花✴️浸住豆腐花嘅係豆腐花沙冰，豆香味濃郁，而且好冰凍，食落好舒服😌豆腐花反而唔算係主角，因為沙冰嘅存在感太強～西米大大粒有咬口，個人鐘意依啲大大粒嘅西米😚✴️尋榴錦✴️朋友揀嘅甜品，不過由於我唔鍾意食榴槤，所以就評價唔到🤣朋友話榴槤味好濃，加上有一球新鮮榴槤肉，所以味道更加濃烈💥無食都聞到榴槤獨有嘅氣味，相信真係好足料😅

天后以前有好多唔同類型嘅糖水舖，但係因為疫情嘅關係，所以好多糖水舖都執咗笠，而呢一間舖頭係依度已經好耐，就算係疫情都唔可以將佢打倒，呢間糖水舖永遠都會大排長龍，雖然唔係超級好食，但係係同區之中都算係比較好嘅一間今次經過嘅時候就再食返以前叫慣嘅芒果大合奏入面有芒果肉、芒果乾、芒果汁、芒果雪糕同芒果布甸，一次滿足晒你想食到嘅芒果類甜品，雖然價錢都比較貴，要$62，但係因為佢有五種芒果嘅食材，所以你可以試到唔同嘅甜同酸，同埋佢哋嘅質感都唔同，所以都算係識落幾有層次

當日9點左右去到呢間甜品舖，朋友好耐以前食過話好好食🥹所以就陪佢一齊去回味一下…當日餐廳都有啲座位，但店員就將我哋安排左基本上佳喺條街嗰個位，每個行過嘅路人都要望兩眼咁，已經感覺麻麻地餐廳使用手機點餐，沒有實體餐牌提供。豆腐芝麻糊 $40應該係我畢生食過性價比最低嘅芝麻糊，份量少，價錢貴，味道差。感覺似飲緊水，基本上食唔到芝麻味，入面嘅豆腐仲要有啲酸酸地🙏🏼成碗野完全係唔合格一定冇下次，各位謹慎考慮先好食

嗌咗個合桃糊 明明order咗一個，點知嚟咗兩個，本身好好態度問店主 點知佢好冇禮貌講「 嗌咗冇得退」 好粗魯咁掉返個甜品俾我。冇態度都算啲嘢食仲要差。個甜姨姨三寶腸粉魚蛋算正常 但係燒賣仲乾過7-11..四個人食咗35x 完全唔值！

付款時感覺不良好，收銀員黑口黑面，態度就好似完全唔志在做生意。食物質素一般，價錢又貴，環境極度擠迫。感覺令我最差嘅都係嗰啲服務員，尤其是個收銀員！以後都唔會再食呢間嘢！

天后呢邊真係好多嘢食，食完個晚餐兜咗個圈，個甜品胃又開始發作，即刻搵咗呢間屹立不倒嘅甜姨姨，入到去都幾多位好快就睇咗個Menu叫咗個芒果大合奏，佢啲選擇都唔少，但係價錢真係有啲貴，之前經過都好似冇咁貴，上菜好快芒果大俠就係幾好食，但係我反而唔係咁鍾意啲芒果乾，因為好痴牙，成日都要撩返佢出嚟，我個朋友識嘅紫米露就冇影出嚟，但我試咗一啖都幾香加埋啲椰汁價錢平啲，下次可能會想試呢個，本身想叫榴槤沙冰，但係真係太貴要成百幾蚊，真係食唔起。

咁啱經過天后，想食啲港式甜品，見到依間甜品店有甜品又有小食，咁就試吓佢啦🥢甜姨姨三寶 💰$35甜品店入邊有小食係好唔錯👍🏻唔使全部都淨係食甜品，甜姨姨三寶有腸粉、燒賣同魚蛋，醬汁方面都俾得好足夠，腸粉夠滑、燒賣冇蒸過龍，仲係好彈牙，魚蛋都冇煮過龍，魚蛋同燒賣各自有三粒🥢 雞軟骨三串 💰$38雞軟骨炸到金黃色，食落都幾香脆，而且有三串，價錢上都OK 🥢 芒果豆腐西米露 💰$52芒果好夠甜，依個西米露冇用椰汁加糖漿，反而用咗豆漿，食落去好似飲緊一啖淡豆漿咁，依個口感未食過幾得意，西米露煮得夠淋🥢 尋榴敢 💰$69食榴槤嘅朋友最啱，呢一款甜品有好多配料，包括椰果、涼粉、綠茶果凍、黑珍珠、豆腐花、水晶珠，最重要係有鮮榴槤肉，食落去有多重口感職員態度好好，會主動俾多兩個碗我哋，亦都會問吓我哋想食啲乜嘢再推介俾我哋👍🏻甜品店環境都算大，坐得唔迫，如果成班朋友食完飯去食都夠位坐

叫了$48的芒果布甸，諗住係最穩陣的選擇，誰知布甸是硬的。問店員有冇花奶，他第一劈頭說沒有；跟著話楊枝甘露才有花奶；再跟著話加花奶要加錢，咁我當然不加喇。$58的芋圓椰汁豆花，芋圓唔知有冇5粒，豆花少得可憐，成碗野水汪汪的，椰汁甜過乜，絕對唔值差唔多$60 －碗。還有，我最唔明的是聖誕要加附加費（加10%），水都冇杯，紙巾當然也沒有一張，唔知有咩服務可言。我覺得好差，收咁嘅價錢，咁嘅食物質素，所以要寫劣評。