甜記餃子

營業中

休息中

附近做完嘢搵到間靚靚餐廳文清風格 門口位置有打卡位今次分別試咗佢哋嘅牛展雞湯台灣麵&餃子雞湯米粉味道比較清淡如果鍾意濃味道嘅朋友仔可以加佢哋嘅菜脯辣到適中 加咗蝦米鮮提升🦐👍🏻建議加落麵同餃子入面一齊食令成個味道升華除咗太子之外 佢哋喺旺角同埋長沙灣都有分店 下次要去試埋其他嘢食先～～不過有個地方要特別值得留意就係佢嘅門口嗰度按鈕躺門如果小朋友入去要小心因為道門好快自動閂埋 見到好多人入去都俾佢夾親😣

餃子包得剛剛好，唔實唔散，真係幾好食蕃茄湯底好味，菜脯好夠麻辣😋😋😋😋可以俾細狗狗🐶🐶入，環境好cafe嘅感覺，乾淨整潔整體來講，cp值高！值得食！💛

呢日陪朋友去太子買嘢，俾一間日系簡約風格門面嘅街舖吸引咗，望一望，原來係間餃子店，二話不說，即刻入去試試～Menu嘅餃子選擇都幾豐富，有12款，另外仲有麵餐同小食原本想試啲比較少見嘅餃子款式：菜芯豬肉餃、洋蔥薯仔牛肉餃、京蔥羊肉餃…… 只不過係六點幾咋喎，已經售罄 🤷🏻‍♀️結果Order 咗5隻菠菜豬肉湯餃+5隻西洋菜豬肉湯餃 、5隻粟米芝士雞肉煎餃+5隻韭菜豬肉煎餃. 另外再加多款小食🔸湯餃湯底選擇有雞湯或者蕃茄薯仔湯我哋揀咗後者蕃茄薯仔味同菠菜豬肉餃&西洋菜豬肉餃都幾夾個湯好有住家湯嘅風味，唔覺有落味精餃皮薄滑，餡料調味清淡兩款湯餃都好味，不過個人更鍾意西洋菜豬肉餃，因為西洋菜菜味濃郁，同埋西洋菜比菠菜更有口感🔸煎餃Menu 話煎餃需時20分鐘，有哂心理準備要等耐少少，不過食住小食同湯餃嚟等，轉眼就有得食喇～餃子煎得金黃香脆，內裡又保留肉汁韭菜豬肉不嬲都係鍾意濃味嘅朋友嘅首選，夠哂香口個人覺得少見啲嘅粟米芝士雞肉煎餃更出色、更有驚喜！餡料嘅組合有嚟自粟米嘅甜、芝士嘅鹹同雞嘅肉味，出嚟嘅效果係1+1+1 > 3 呢！🔸滷水牛𦟌牛𦟌下面有幾條菜心，補充下今日蔬菜嘅攝取量🤣牛𦟌軟

這間裝修簡潔乾淨，貌似文青咖啡店的餐廳原來是一間餃子店。一改舊式餃子店的佈置，檯同座位間隔闊落，唔怕坐得好迫。📍雙拼煎餃餃子煎到外層金黃脆卜卜，裏面仍然保持多汁飽滿。餃子皮唔厚，咬開已見到滿滿的韭菜豬肉餡，韭菜味唔算好重，對我來說岩岩好。📍粟米芝士雞肉餃湯麵揀左感覺健康的蕃茄薯仔湯，是家常靚湯的味道，清清地幾岩配餃子食。粟米芝士餃既芝士味濃郁，好足料見到有粒粒完整粟米，而台灣麵也是我喜歡的那種結實有口感的麵質。麵餐加4元可配一杯酸酸甜甜的洛神花茶，消暑開胃。📍醉雞餐廳除了賣餃子外，還有多款小食提供。我們點了一份醉雞試試，雞件肉質滑溜，酒味淡淡地唔算話好濃，涼菜好岩夏天食。餃子味道唔錯，價錢經濟實惠，會再來光顧啊！

煎餃麵餐（5隻餃子）煎餃可選 2口味（10隻）湯餃可選 2口味（10隻）餃子好大隻，一家四口中午食夠晒飽。有試到湯餃及煎餃個人覺得煎餃好食d😋外脆內多汁推介 👍🏼 粟米芝士雞肉餃兩個細路都好鐘意食芝士溶晒喺入面唔駛落醋好好食！韭黃雞肉餃 & 西洋菜豬肉餃 合格南瓜忌廉雞肉餃 就一般般當日京蔥羊肉售罄，下次要試吓湯餃：粟米芝士雞肉餃 4.5分南瓜忌廉雞肉餃 4分煎餃：粟米芝士雞肉餃 5分韭黃雞肉餃 4.5分西洋菜豬肉餃 4分

在繁忙的街頭很難會略過這家店本來以為是咖啡文青店　想不到是餃子店太子區本身就有很多餃子店　很多都是小店文青的店面　無印的感覺木色系的裝潢　好像去了台灣裡面很寬鬆　空間感很大店員都偏比較年輕的麻辣口水雞蒜蓉味挺重 麻辣味沒有太融入雞內雞肉挺鮮嫩 不會嚐到乾柴口感雞肉本身有腌制過 不會說一點味道也沒有菜芯豬肉餃在其他餃子店比較少看到這款餃菜芯和豬肉配合下菜芯味的內餡很甜　很鮮甜的菜味不會說把其他的味道搶走他們兩者配合的很好　韭菜豬肉餃基本款的餃子口味　只要韭菜夠新鮮就能很好吃韭菜味很香　帶有點辛香感皮薄嫩滑　把韭菜的顏色赤裸的透出店裡很有我平時看的台灣文青餃子店會吸引更多的年輕人去嚐　去推薦

這件餃子店在長沙灣的時候人頭湧湧，最近在太子開了分店，新店的裝潢和本店截然不同，有種日式的恬靜，加上有很多座位，有足夠的空間感。🔹椰菜冬菇雲耳豬肉餃 菠菜豬肉餃 $42湯底我們選擇蕃茄薯仔湯，不過味道上覺得還好，蕃茄湯比較似蕃茄水，幸好餃子自身味道已經很足，前者有爽口感覺，豬肉醃得咸淡適中，咬開還會爆出肉汁！不過說到深刻的話就是菠菜豬肉餃，裡面滿滿綿綿的菠菜中有豐富肉汁的豬肉，就算湯底普通，餃子都很美味😋🔹粟米芝士雞肉餃 南瓜忌廉雞肉餃 $46很多人都說芝士雞肉餃很好吃，所以我們叫了這個煎餃，還有我最愛的南瓜餃，其實這兩款都是幾危險的選擇，因為伏的時候真的可以很伏😂煎餃需要等一段時間，上桌的時侯可以看到它被煎到金黃色，脆口度不算很高，不過裡面的芝士做到嘅剛好溶化的狀態，和雞肉混在一起，加上甜甜粟米粒，味道比較複雜，反而南瓜忌廉充滿驚喜，一開始以為會很heavy，但吃下去發現味道相當柔和，微微的鹹味和有咬口的雞肉，整體恰到好處，唯獨我自己喜歡傳統有冰花的煎餃🤭

這間餃子店，一路都好想去食，可是幾次想去長沙灣總店食都係遇著佢星期六休息。我唯有轉目的地，去佢哋太子新開的分店。估唔到太子分店以淺灰水泥x木系簡約風設計，不看餐牌一定會以為係日式咖啡店😂煎餃 (HK$50/10隻)．我揀咗2款餃子口味 — 洋蔥薯仔牛肉餃 & 南瓜忌廉雞肉餃．等咗10分鐘左右就食得啦，整體真係皮薄、脆口、爆汁多餡．洋蔥薯仔牛肉餃 — 呢個煎得好香脆，牛肉比較淺色 (可能是半肥瘦牛肉吧)，多薯仔粒，洋蔥粒好甜呀．南瓜忌廉雞肉餃 — 呢款嗰餃子皮好似不一様，煎得比較軟身啲，好軟滑的南瓜忌廉，雞肉也好滑呀醉雞 (HK$50)．好有份量的一份醉雞，多件雞髀肉😍．酒香，不過食落個酒味不太濃，可以食到雞的鮮甜原味道．我覺得雞肉比較結實、多骨一啲

Geo條👅評分：⭐️⭐️⭐️⭐️⭐️(5⭐️最高）香芹芫荽豬肉餃子湯麵 $44+ 豆腐1枝 $6甜記嘅餃子真心世一，見喺太子開咗新舖即刻入去食😂新舖裝修好闊落，好舒服，有文青feel 😛 叫咗芫荽餃子湯麵，番茄薯仔🍅🥔湯底🤤呢個湯底真係冇得輸，好香甜嘅番茄薯仔湯，真係可以湯咁飲晒🎂芫荽餃子喺旺角舖成日賣晒，今次可以食到喇😛淡淡芫荽味配上啖啖肉嘅豬肉，仲有餃子絕對唔細粒，一啖咬落去滿足晒！再加上個麵真係飽到上心口😂大家一定要配麻個辣蘿蔔配菜食，好爽口加上個辣味，會上癮！唔知有冇得買呢😂🤣

《甜記餃子🥟》平時好少出街食餃子，今次都真係第一次。呢間太子分店靚到cafe咁，寛闊啲坐得。————————————————————————#西洋菜豬肉餃 💰46/10隻呢款係湯餃，無睇清楚其實可以揀兩種口味。西洋菜幾好食，皮薄啲餡夠飽滿，食落好滿足！湯可以揀雞湯/蕃茄薯仔🥔，今次揀雞，都唔會話好重口味。#粟米芝士雞肉餃 💰50/10隻呢款就無湯餃咁出色，芝士份量比較少，啲餡無湯餡咁飽滿，不過味道都幾好。總結：下次都會食湯餃！同埋！佢個辣菜脯都好辣下😛😂

新派装修風格路過門口如果不是大大隻招牌寫住餃子店我相信還是以為是咖啡室，店內裝修以木作主調，由於可能是內街關係面積相對較大，感覺上亦蠻舒適。。。先叫來（牛展麵HK$46.）選上了米線底面積比較細幼，質感較稔，湯底選上雞湯，但怪我味蕾遲鈍感覺不上雞湯之餘整個湯底十分之單薄，至於牛展切得十分之（超薄），對於自己這碗麵而言牛展內的筋膜十分之多，而且牛展亦都不算入味，整碗而言自己就覺得絕對有進步空間～至於由於食餃子專門店當然不能錯過餃子這一類，自己就揀選了（羊肉餃子HK$46.）羊肉餃子包紮得較為鬆，咬在嘴裏沒有紮實的表現自己就不太喜歡這種口感，至於京蔥如果可以先將其炸香再攪拌於肉裹，應該更為香口，整體來說都是湯底淡肉質不夠紮實～沒有跟其他店比下去自己也覺得應該有進步空間，如果論裝修這個價錢是對得住價位，可惜食物追不及。

雖然終於恢復晚市堂食，但是小妹（如無意外）應該會繼續留在家中晚餐，無他的，主要是因為家中的冰箱仍儲存了很多手工餃啊！當中大部分是香港的手工餃，其中包括甜記。皮薄、餡料超級無敵多又多汁。1盒12粒（每盒最多可混2款味道），一口氣買了4種味道：粟米芝士雞肉、菠菜豬肉、西洋菜豬肉和南瓜忌廉雞肉。對小妹來說，2款雞肉餃的味道相對較濃郁，粟米和南瓜蓉都很香甜；而2款豬肉餃的味道都不差，只是我覺得菠菜餃帶輕微的澀味。

天氣開始有點熱，有時中午會想食有湯的東西😋成日去基隆都會必定經過‘甜記餃子’，太子分店舖面比較闊，工業泥水風格🥰感覺好舒服，好似cafe😙廚房位置非常簡潔👍湯餃10隻$46韮菜豬肉餃/菠菜豬肉餃各五隻，皮薄饀料多，韮菜比菠菜味道突出🤗配蕃茄薯仔湯，好舒服😋煎餃10隻$50粟米芝士雞肉餃/韮王雞肉餃各五隻，煎餃卜卜脆超級熱辣辣，粟米芝士味道較濃，芝士控必選🧀韮王雞肉相對比較遜色，味道偏淡亮點喺佢自家製既辣辣菜甫身上，爽爽脆脆又夠辣，我地每次都會額外買多一樽，好似$3x🥰

雖然今日只係買外賣，但舖頭感覺簡潔舒服，適合朋友短聚。買了雙併生餃$50-南瓜忌簾雞肉餃及洋蔥牛肉餃，包裝精美及有清晰的煮食建議，很貼心，無難度。南瓜忌簾雞肉餃-整體感覺很好，餃子皮薄，肉紮實，淡淡的南瓜及忌簾的味道適中，不會搶味及滯口，餃子中的清泉。洋蔥牛肉餃-粒狀的洋蔥令餃子有口感，自覺洋蔥的味比牛肉味突出，洋蔥不是煮耐的淋甜，而是半生熟的蔥青味，如不喜歡者就不建議選擇，但整體都是好。外賣亦提供醋及辣菜酺，辣菜酺絕對有提升餃子味道的功效，嗅會覺得很辣，但配餃子時會很好味。2款餃都是好味，個人會偏好南瓜忌簾餃，下次會想現場食，因湯餃會有雞湯或蕃茄薯仔湯底，值得推薦。

雖然我不特別愛吃餃子，不過風聞「甜記」的餃子相當不錯，所以都對它留下頗深的印象。其實經常都會路過「甜記」的旺角分店，不過每次路過，門口通常都有人在等候，所以多番經過，不愛排隊等吃的我都只是過門而不入。前陣子某次路過太子砵蘭街，無意中竟見到之前的那間名字古怪的「神經餵飼」已換成了「甜記餃子」，而且也許因為是新店的關係，店外竟無人排隊，便暗暗記下這間「甜記」，打算找一天去幫襯。終於，這一天來到了，這日趁著在附近蹓躂的時機，到了午飯時間，便入內吃了一頓美味的午餐。新店裝修簡約，樸實無華，但坐得都頗舒服。餐牌分為餃子、麵餐、小食和飲品四個部分。第一次幫襯「甜記」，當然要先試試餃子，便在餐牌中的十二款餃子中，揀選了「菠菜豬肉餃」和「南瓜忌廉雞肉餃」湯餃雙拼（$46/10隻，每款湯餃5隻）做午餐。這裡的湯餃可以在「雞湯」和「蕃茄薯仔湯」兩款湯底中揀選其中一款，我揀了較少見的「蕃茄薯仔湯」做湯底，這湯的味道與平日家中喝的分別不大，湯味甜得來自然，既有蕃茄可吃，亦有薯仔可嚐，雖然湯中薯仔不多，不過大部分精華應已融入湯中，家常但好味的「蕃茄薯仔湯」竟讓我在最後把它喝得一點不剩，實在難得。兩款湯餃，「菠菜