生昌潮州海鮮酒家

營業中

休息中

生昌，在大圍無人不識，開業多年場場爆滿，很少會有位置。不過，大排檔格局所以沒有訂位，如有心去最好六時到，比較穏陣。這裏吃的，是地道的潮州菜，價錢相宜，而且食物水準甚高。先來一條元朗烏頭，來到我們面前，只見身邊不停有黃油滴出，讓我們流哂口水；其情況如李白一樣，「天生我才，比 D 你用」，整條魚甚為新鮮，而且用鹽焗沒有太大腥味；連我這個對魚甚麼要求只吃海班的人也不停吃，可想而知它是很好吃的。𧐢烙絕對是必叫項目，我未見過有那麼大的𧐢烙：入口甘香，而且份量大，八個人也吃不完。𧐢仔很有鮮味，記著點魚露吃。走地雞，好像比較熟，感覺一般。鹵水真是稱皇，大家請留意一下圖中的魷魚，如手掌般大，讓人食慾大增：這裏有隻併，我們拼了生腸，同樣出色。𧐢仔粥：很大窩，八個人可以一人吃一碗。味道很甜，吸收了蠔仔的鮮味，讓人神往，而且吃潮州菜，最重是有碗粥，好過送飯。春菜，不是很多人懂叫，是將菜心煲腍再加肥腩肉而成，識食潮州菜，一定食呢D；其情況有如「煲腍大白菜」一樣。椒鹽九肚魚，也是必叫項目，每條魚有手掌般大，不可置信。生昌，是我們幾位好朋友以後可以定期來的地方，價錢很實惠而且很好吃。

同事升職一大班人去呢度食,叫咗好多野有成十樣凍蟹好新鲜無雪味蟹膏甚豐富 而且肉質味道鮮甜鹵水拼盤成員有蛋紅腸豆腐鵝片大腸,色香味合格有餘豉油皇鵝腸,鵝腸略帶少許肥膏,鵝腸爽口稍有嚼頭元郎烏頭魚身沒甚麼黃油幸入口完全沒泥味,魚身甚結實香炸蟹棗丸上檯時已覺香味入口香脆彈牙無比,咬落又有口感仲有多款小菜都幾好食,其他比較普通所以吾講咯

大圍生昌去親都好多人.10號平日去, 都要搭枱.可見佢d野好得. 有段時間無去食,所以決定食得豐富d.  叫咗龍蝦, 上湯浸白菜仔, 冧酒焗蠔. 生昌d海鮮唔錯,幾鮮味. 幾呼黎親都會叫龍蝦或凍蟹.上湯浸白菜仔,規規矩矩, 嗰湯撈飯ok 好食.冧酒焗蠔好食又野味.洋葱,青紅椒配蠔再送食最好!!  但係好鬼油!!! 減肥者三思!兩個人食左$400零蚊. 久吾久一餐都好ok因為真係好食. 佢地既鹵水鵝都好得, 可以試吓! 

是日家庭飯局~一行6人~揀咗去大圍食潮州打冷~對我嚟講地方都算避~都係朋友介紹~唔係搵食都唔會搵到嚟呢度食~一向都唔太喜好潮州菜式~都算有驚喜啦~全場都坐滿~氣氛感覺上已經都當咗好好食~點咗~~雞湯翅~湯濃足料~大排翅~太足料嘅關係~附上太多湯渣~變相湯太少~~凍蟹~新鮮鮮甜~蟹肉夠實~啖啖肉~正~~蒜蓉粉絲蒸聖子~惹味~聖子鮮甜~粉絲索哂味~正~~滷水拼盆~入門只有中size份量~都算大碟~但唔會因為大碟而覺得抵食~因為都要2佰幾蚊~味道都ok ~~腐乳炒通菜~錯哂~唔知本身棵菜係好老~定還是被炒到老哂~成碟嘥咗~冇人食~~鹽焗烏頭~實情唔知點解咁好食~係枱枱都會點嘅野~但係張枱清得最快就係條魚~咁就當好食啦~哈哈~~冰鎮菠蘿~真孤陋寡聞~真係冇見過有得咁吃~仲要係飯店~係特別嘅~不過唔夠甜又有渣~

這是大圍顯徑村旁的生昌潮州海鮮酒家 。這裏附近沒有特別的景點，所以會來吃飯的，都一定是特意前來的。地舖由三間村屋連成，有outdoor area，亦有"樓上雅座"。七時來到，已經人山人海。沒有知客，沒有侍應告訴你那邊有位子，全靠自己站在吃客旁等，有點像在快餐店。迷網下走到了其中一棟村屋的三樓，有張二人檯，運氣太好了！蟹棗是我最愛來的原因,外面很少潮式店有買這個菜。它其實時蝦蟹丸，比平常泰式蝦餅少一份彈牙，卻因有蟹肉而多一份鮮甜。加上外面炸得脆脆的，沒有可能不會愛上！大小姐是蟹怪，所以一定有選凍蟹！$100有兩隻，比手掌大一點點吧。一分錢一分貨，當然不能與很大很貴那些凍蟹比較，但這兩隻蟹都十分好肉好膏，可算抵食另外還叫了一碗蠔仔粥和一個滷水三拼(鵝肝，紅腸，墨魚），味道都是above standard 的。不得不提，如果你不介意吃人內臟，一定要試試滷水鵝肝，軟滑的口感不會令你失望。

「生昌」己食過很多次了，多年以前係無咁多人。現在名氣大了，等位已是閒事，尤其假期。不緊要， 唯有早些去攞位。每次食我都係叫個幾款野（下面頭3碟）： 花枝蝦蟹棗，正！推介！有10大粒鹽焗烏頭，好味 沙茶牛肉芥蘭，而碟近期食比以前差咗少少，但味道還不錯（忘記影相） 飯後甜品~ 芋泥（咸），一般另外，叫了一個什麼「海鮮炒河」（忘記了個名），來到竟然原來是「蕃茄海鮮炒河」oh! no! 麻麻地！（見到坩無心機影相了）；其實舊年都叫過「福建炒飯」，來到竟然是~類似白汁的福連炒飯Oh! No! 味道麻麻！ 可能潮州的做法有別吧！PS,人手比較不夠，服務無以前咁好

好多位朋友都話呢度打冷好食,所以抱住好大奇望去食.7點幾8點到步.唔係禮拜都坐滿，真係好生意!一行4人叫左個木檯檯都叫既鹽焗烏頭，蠔仔粥，翅骨湯浸芥蘭,凍龍蝦，牛丸扎肉湯.鹽焗元朗烏頭啖啖肉，有黃油滲出,配上普寧豆醬,美味又健康.蠔仔粥個味好鮮蠔味，有肉碎，蠔仔，方魚,冬菜等等.米粒不多.有朋友話米粒少左D,不過個味度真係好好味.翅骨湯浸芥蘭個湯好濃，配上嫰芥蘭.我一個都清左半碟.凍龍蝦就麻麻地，試過就算.牛丸扎肉呢度都出名.牛丸有兩種，一隻係牛根丸，一隻係牛丸.個人比較愛牛丸多D，我唔識食，只覺同平時食到既一樣.扎肉都ok啦.都係試過就算.Overall呢度都幾有風味,小菜有水準.不過被我朋友們神化了，對呢度有少少其望太高.呢度都會再黎既，但係唔會突登去食咁囉.

我們一般稱農曆正月初一為新年，但其實要立春後方算新的一年，所以繼過年前那頓激氣的團年飯，年三十晚那不值一提的「順X經X」，再加上初四的失望掃街夜，惡人堅決馬年第一頓晚餐一定要吃得滿意！想了想，不如到「生昌」吧！兩年前第一次光顧便愛上，試過兩個月內吃四次店子的室內和室外座位均不少，但每次來也座無虛席。這裡的十二人套餐很吸引，但我和惡人兩人只能散點先到櫃枱看看「展品」這是店子的招牌鹽焗烏頭，一看牌子：『噢！加價了！』再往海鮮部逛逛，生劏懵仔魚？吃完會變懵嗎？點了一條【鹽焗烏頭(細)】，但其實體積一點也不小。魚油豐富，肉質鮮嫩香滑，從不吃烏頭的惡人也讚！(HK$118)【花枝蝦蟹棗】一份有九粒，蟹棗炸得酥脆香口，煙韌彈牙，必吃！(HK$98)【沙茶醬牛肉炒芥蘭】份量很多，打包了半碟回家。芥蘭挺嫩，牛肉較腍 (HK$88)我見識少，初時以為【潮洲笋蝦】是以蝦為材料，原來是笋很好吃，竹筍微辣味濃，伴飯伴粥均一流！(HK$60)還有我最愛的【潮洲白粥】，米香四溢，質感綿滑 (HK$10)服務員原本寫錯了笋蝦價錢，更正後共HK$374。環境氣氛： ★★★☆☆座位較擠逼，室內地板很滑，要小心。室外是港

記得之前睇過小儀，金剛介紹，一直都想嚟試試，咁啱尋日去大埔街市摸門釘，於是同老婆兩個嚟生昌，睇吓點解咁旺，仲諗住如果好食就同屋企人再嚟，好彩兩個人試先啫!去到好爆，坐嘅廚房出口張長枱，對面竟然有人照搭枱……好似食大家X咁!講返d嘢食，叫咗d普通打冷嘢，但價錢唔算普通，一百零幾嘅例牌鵝片，件數唔多，底下嘅豆腐咸到食咗兩件算!紅腸墨魚，呢個ok(如果呢個唔得就死啦！），老婆跟隔離枱叫個牛丸札肉，一碗嚟到先知七十幾蚊，諗住總有道理喺裏面啦，原來係咸得有道理至真，牛丸冇事，d札肉咸到要送飯，大拿拿成八十蚊，結果我一人獨享!跟住叫蝦乾炒雜菜，得呢碟碟頭大，但油淋淋，同埋可能蝦乾較貴，所以有好多差唔多形狀顏色嘅唔知炸魚片定咩，味道同碟菜原全唔夾，好似食魚片炒菜!個人認為食打冷嘢，碟辣椒油好緊要，呢樣嘢等大家去比較吓，自己領會吧！幾碟嘢四佰幾，除便一間大牌檔嘅質素，我結論唔會同屋企人專登嚟食，係咁多!

半年後再聚，今趟坐室外位，吹着清風用餐份外滋味。是晚美食如下：滷水拼盤：中拼盤已很大碟，來有鵝肉、墨魚、大腸、鵝腸、生腸、紅腸、豆腐等等。滷水汁略鹹，食材夠入味。但內臟食材眾多不算太合意，下回還是指定滷水美食更佳。椒鹽走地豬：不夠香口，走地豬頗肥，味道很一般。鹽焗烏頭： 本地烏頭，味道甜鮮，不錯。金銀蛋豆苗：豆苗嫩度中等，微甜並帶點爽。蠔仔粥：蠔仔多，味甜，湯底略鹹。糖醋兩面黃：兩面黃夠脆，紅酸味道差一點點。

申報一下地理環境，此刻居住於沙田的隆亨邨內，而窗外對著的，除了田心消防局之外，沿著的就是名為下徑口村的村屋群，至於村頭處的生昌潮州菜館，每當入夜之後，這裡更成為人頭旺盛的聚腳之地，不少人更會專程駕車前來光顧，卻是自搬來以後，所光顧過的次數，有否五次也成疑問，如不是要為家人慶生的話，也不會造就這躺嚐味之旅。雖不是出自自己的主意，不過既然有人提出，也沒有特別反對的理由，反正吃完後也能立即回家。基於店內「不吃套餐不得訂位」的制度，惟有於六時半過後，就要到店內取檯，卻是菜館的戶外區域，亦已被坐得一個不剩；總算於舖內找到一張圓檯，由於內堂面積著實不大，坐起上來也較為擠擁，加上菜館所主打的街坊風味，所以侍者在放底熱茶碗筷之後，亦已沒多大的理會。由於要等候遲來的家庭成員，期間亦需要計劃點些甚麼，所以亦親身到了打冷區一看，見到的選擇也是不少，當中更有馳名的鹽焗烏頭等物，而旁邊處更置有一個「五臟俱全」的海鮮檔。到了人齊之後，除了依計劃點上諸款菜式之外，更因為慶生關係，大家亦想吃得豪一點，就於櫃檯處拿了兩隻大凍蟹，兩隻合共約三百六、七十元，看份量及賣相可為吸引，實情卻是.........當晚的首道菜式，正

要去生昌食飯，一定要一個字~「早」，今日知道會去生昌，收工即閃。生昌老闆同佢亞媽好好傾，而且揀烏頭同凍蟹我一定要老闆亞媽媽出馬，包無甩拖。今晚又係嗰幾味，哈哈，老闆已經話我地成日食都係嗰幾款，咁好味嘛，兩個人又食唔到咁多，唯有食我個必食LIST囉!

一年一度慶祝宅女老一歲的大日子又來臨了! 早在個多星期前, 老媽便走來問我去哪裡吃飯慶祝好, 反正不想他們花太多錢, 便讓他們拿主意好了. 可能近來老媽都有留意到宅女的文章, 知道高級華麗餐廳一向不是我杯茶, 反而越麻甩越快樂. 正好最近他們剛跟朋友在生昌吃過飯, 說那裡打冷很不錯. 聽到打冷二字宅女頓時兩眼發光, 便馬上點頭叫好, 讓老媽先訂位去了.這家生昌聽說吃潮州菜是非常出名, 就連蔡瀾亦曾大讚過. 不過因為地點在大圍,感覺跟我出沒之地始終有點遠所以遲遲都沒有光顧過. 還記得這天來之前預先找過GOOGLE MAP看位置, 果然是跟大圍火車站有點距離, 本來打算坐的士去便算. 怎料出了火車站看到等的士的人實在多得嚇人, 正開始著急之際, 同行的大爺提議說不如跟著GOOGLE MAP行去吧, 反而好像只是走十多分鐘. 沒辦法之下唯有照辦好了. 我們沿途不時有問途人, 原來位置就在田心警署對面. 未到門口遠遠巳見到非常大的店名映照著, 旁邊就是大排檔式的一圍圍食客在打冷, 好不熱鬧.雖然坐露天滿有風味, 不過那麼熱的天氣, 當然還是坐室內有冷氣比較舒服了. 餐廳分了2邊, 一邊就是露天

朋友生日提議試這間, 但睇食評知道這間大多是露天位, 而近來天氣不穩時常落雨, 都預備定多一間做後備. 感恩這晚天氣至是落咗一陣大大雨, 而飯店已做好準備放下帆布遮擋, 只是靠邊既朋友背後有雨水從帆布缷下來...在又迫又無冷氣既環境中加了涼快感 ^o^  而我哋坐近走廊位既就成晚閃來閃去食飯, 因為每枱好迫, 走廊位好窄, 侍應好勤力地不停拿著一大盆熱粥, 熱餸在好"洗"既走廊上衝來衝去, 又要誇過食客既頭頂及背部, 過完一枱又一枱先可以安全將餸送到每枱, 我哋坐近走廊就成日要閃避佢個盆, 十分驚險. 不過大排檔feel既食店有這情況都不足為奇.  >_<~開飯啦!! 我哋7個美女(^^)order了煎蠔餅, 炸花枝丸, 卥水鵝腸, 鹽焗烏頭, 金不換炒蜆, 方魚肉碎粥, 炒油 麥菜, 冰鎮菠蘿.  蠔餅 - 好大塊好脆, 但不是啖啖蠔, 而蠔都不是太大隻. 如喜歡啖啖蠔既朋友, 我提議你哋可以試太子既陵發, 啖啖蠔又大隻.  炸花枝丸 - 好大個, 幾彈牙, 有啲似泰式炸蝦丸. 方魚肉碎粥 - 好大鍋, 好多料, 方魚炸得好香, good!  鹽焗烏頭 - 真係用大籠

一行六人到生昌食潮州菜~~ 之前已經食過一次, 只係記得好好味, 但因為冇寫食評, 所以都唔太記得食過啲咩 ^^'' 唯一記得既係呢度餸菜名好多好都攪笑, 例如 "今生無悔白果芋泥" 今次要一一記得, 因為每樣嘢都好鬼好食!   鹵水鵝片+鹵水豆腐超入味, 鹵水味好香, 塊鵝片好軟熟, 好多汁!個鹵豆腐都好好味, 唔會太鹹, 個豆腐皮都好似特別香咁!但呢碟嘢就貴咗啲, 差不多一百蚊, 鵝片唔多, 但真係好好味, 要試一次! 蠔仔粥平時我唔鍾意食粥, 特別係潮州粥, 因為水還水, 米還米咁, 又淡, 所以少食. 但好興幸表弟叫咗, 因為佢係我全晚最鍾意既一味! 佢啲蠔仔都唔"仔", 幾大粒吓, 仲要幾肥美! 隨便撈都會見到有蠔, 好足料. 除咗蠔仔, 裡面仲有好多豬肉碎, 大地魚, 菜絲, 好似仲有芹菜. 味道豐富, 一啲都唔會寡! 每一啖都好有"內涵" (拍手) !! 豬油渣炒白菜仔真係貪得意叫, 因為一碟炒菜收$68個大洋, 貴!不過多人SHARE, 又可以食平時唔容易食到既豬油渣, 都OK!豬油渣好味就唔駛講, 碟菜仲好有鍋氣, 小心辣咀! LIKE 酸甜咕嚕果肉不嬲都麻麻地酸甜,