生記滷味

營業中

休息中

噚晚買咗半隻鵝外賣回家，真係名不虛傳。肉嫩、香滑，而且唔覺好多味精（雖然一定有）；Ｄ醋的顏色則較深，但点落都算幾好，豆腐則較乾。整体印像好好，可以再幫襯。Ｄ份量好多，食咗兩餐\先食完。

聽媽媽講,原來係因為上次買大隻先肥,今次我地4個人食, 買細隻d就唔肥,好明顯係有肉唔係齋膏!滷水味夠, 肉都juicy, 好味10倍!!

呢間野d 滷水鵝好出名,團年o個日勁多人排隊, 我都買左2隻..不過.......... 肥得不能接受.....搵啖肉都難... 咁就浪費了.......

20050430 7pm響City Super 買了兩支Sake, 男友suggest 話不如買o的咩o野食返屋企飲左佢~ 都好wor~ 哈哈~先響附近燒臘舖買o左$20燒肉, 再過o黎生記買鹵水鵝, 一望, 老闆唔響度, 心感不妙, 不過照幫襯啦. 買o左半邊中下鹵水鵝, 一個鴨腎(定鵝呢? 唔記得), 同埋$10鹵豆腐. 鹵水鵝好肥, 又切到鬼咁大舊, 唔好食.咁就$70. 貴.p.s. 反而支Sake 幾好飲, 係純米吟釀(Junmaiginjo Namachozoshu)出o既叫做遊花(Yuka), 宜凍飲, 偏甜易入口, $70幾/300ml, 推介.

20050413 7.30pm一人晚飯唔想煮, 路過生記見人頭湧湧, 諗諗下食個鹵鵝都好啵~呢次個鹵鵝就超級正, 肉嫩, 入味, 配埋o的潮式鹹菜, 一流. 而且我得到既係鵝髀wor! 呵~$20大大盒飯仲送例湯.點解兩次差別咁大? 秘訣就係........登.登.登.凳~ 老闆阿生記響度坐陣!!!!下次見到佢響度先o黎幫襯就無死錯人了.

我冇叫鵝呀, 我叫左半隻鴨拎走, d鹵水幾好味, 尤其係隻翼, 而隻鴨就普通啦..可能鵝會好d...下次有機會會試下食鵝..

20041203 8.30pm放工超支力唔想煮飯, 係樓下求其買o的o野食.呢間o野我食過幾次o的鹵鵝鹵雜, 算OK平同幾好食, 不過今次勁唔掂. 都係比個喊面好o的.豬頸肉超肥, 最核突o既係連埋皮, 快皮成寸厚, 仲要o的毛係無去過!!!! 一枝枝牙擦咁o既樣. >.<食得雜預o左食內臟, 但係佢比買果的位勁嘔心, 比o左果o的鵝潤呀, 心呀咁樣. o的鹵汁又無味, 仲油到飛起.送例湯(今日綠豆海帶豬骨), 不過好淡. 味精水.

下午來到都幾多人，呢度係鹵水專門店，菜色全部都係鹵水食物，單是鵝都分獅頭鵝同普通鵝，價錢當然有別。今日一個人來到，叫了鹵鵝拼腎飯，陳年鹵水幾夠味，但鵝片就較韌，反而腎就幾好味，所以下次來叫鹵水雞翼拼腎應比較好。碟飯20蚊，飯底很多，唔會唔夠飽亦不算貴。<br />臨走時敵不過鵝掌翼的誘惑，買了一些返公司作下午茶，鹵水掌翼味道一流，當中又以鵝掌風味比鵝翼為佳，個人覺得俱比鵝片更勝一籌。可惜公司不方便渴酒，如果唔係一路啤一路食掌翼就真係正。鵝翼大隻的要8蚊，鵝掌大隻的要15蚊，價錢唔平但物有所值。<br />

呢度幾乎清一式賣滷水o野，包括出名o既獅頭鵝，同埋各式滷味，好似滷豬大腸、鵝翼、鴨腎、鴨舌等等。地方雖然"up dup"，但味道唔錯，樣樣都滷得好入味，o個D經過歲月洗禮o既滷水汁尤其好味。呢度D鵝比較大隻，有時會整得太熟變"鞋"；如果唔係太多人o既話，可以花D時間揀隻嫩Do既！

呢頭有好多潮州鹵水店，我同bf 多數去呢間賣。好似話呢間老字號Ｄ喎～！其實我都唔係好識分鹵水鵝同鹵水鴨的分別，我淨係知呢度Ｄ鹵水鵝/鴨好味，啖啖肉，再用Ｄ鹵水汁撈飯～正！我仲鐘意鹵蛋同豆腐。如果食碟頭飯仲附有潮州配菜，例如菜甫同羅白，更加開胃。但係環境就...老字號小店，多數係咁！所以我建議大家外賣，鹵水鵝送啤酒，嘆～呀！