生記滷味

營業中

休息中

買咗個滷水鵝飯（$50）加鵝腎（$20）回到家發現 滷水鵝大部份都是肥膏，肥膏係完全冇肉，擺唔到落口，仲要舊舊都係我想問吓呢個飯叫我點食？老字號？真心非常失望，絕對冇下次

as a "ga gi nang" our standard for chiuchow food is pretty high (especially when it comes to lo shui). have tried many places in hk and most of them is not comparable to the lo shui in chiuchow. expect for this place.. the foie gras is to die for!! literally melts in the mouth. although its slightly on the pricey side ($300 for one) nevertheless should get it when you have a group over for dinner. also tried their gizzard and goose slice is decent and fragrant.. dont feel thirsty afterwards. 

今日早上因為紅雨影響下，我返到公司已經全身濕晒，心情極度差，老公為了我走去西環買我最鍾意食嘅滷水鵝片同墨魚片🦑，佢哋嘅滷水汁真係冇可代替滷水鵝片，每塊都切到厚薄均勻，盡顯師傅手工，而且鵝片又冇乜肥膏吾太肥膩，好正，滷水汁好入味食到停吾倒口，一片接一片！滷水豆腐好Q彈，又吾鬆散睇吓鵝片真係厚薄好適中架，咬落去吾會太油膩滷水墨魚🦑煙煙韌韌，吾太硬，又爽又，塊塊都幾有咬口嘅其實D個甜酸菜先係主角，吾太鹹、甜甜地，好野味，用嚟餸潮洲粥一流

呢間滷水店係西營盤好出名，舖頭外面貼有唔少宣傳名人幫襯。一於叫啲滷水外賣，返屋企加餸。滷水鵝肝 $30- 鵝肝口感比較鞋，少咗一份油脂嘅感覺，食多幾塊都會覺得滯，加埋白醋一齊食會幫助消滯，唔錯。滷水鵝腎 $40- 滷水鵝腎口感爽脆，同鵝肝有強烈嘅對比，不過味道較鵝肝重，滷水鹹味過強，要浸一浸白醋去除過多嘅鹹味。爽口彈牙嘅口感係一大重點，如果想試呢度嘅滷水我會推薦鵝腎。

今晚屋企無飯食，收工就周圍睇下有咩好食啦。行行下見到間鹵味門外痴滿咗明星相，就決定入去試下。我就叫咗個鵝片飯。鵝片幾好食份旺都適中，酸菜就甜甜哋有小小辣但就覺得佢唔夠酸。成餐飯最失望係個飯凍嘅，有啲唔開心。$55一個飯都算係咁！

行過見到門口貼曬相甘，就入去咗買三百幾蚊滷味，D豆腐唔入味、鵝頭同勁又好乾，食食吓發現，點解俾咗錢但係冇咗兩隻豬耳同埋鵝腸，有圖有真相，俾咗錢但係冇左D滷味，真系好滷味見住個落單既女人mark低我要咩，佢再同師傅講，諗住都mark低左唔會有錯啦，點知返到屋企先發現冇左兩隻豬耳同鵝腸，D滷味又唔好味，又呃人，又貴，得，冇下次！！！估唔到大大間舖做生意甘唔老實，可以錢照收，貨又唔比人，想比人呃就去買啦！

本身係潮州人，但這世人未試過食到啲咁好味嘅滷水鵝。呢區屬於潮州人區，就算去到潮州都找不到一樣的質素！成舖明星相，好有星級味道雖然舖頭吾大，但呢間真係真材實料，肉質一流，滷味濃郁，鹹度適中，香而不膩！ 快快脆堂食個碟頭飯得，大大袋加送斬料買反去同屋企朋友分享都得！話你知，識食一定要食，獅頭鵝肉，鵝翼，鵝珍，大鵝肝！！因為味道真係30年不變！老牌跟特製醋😍😍我成日見到佢地俾人訪問。親眼睇到雜誌節目，有放老闆係廚房每朝8點同中午滷新鮮鵝出黎，信心有保證

今次想為大家介紹一間滷味老宇號，名為生記滷味，它雖沒有標誌的裝橫，但絡繹不絕的人流已足夠細說小店的滷味實力。今次得兩個人屬輕食性質，我們點了豆腐滷鵝雙拼飯、鵝腸及鴨腎。豆腐滷鵝雙拼飯豆腐、滷鵝皆新鮮選料，一入口就知，再配上惹味滷汁，把整體味道再次提升。飯餐會加上一碗涼瓜黃豆廋肉湯，湯味清爽與重味的滷味飯成絕配。另外如果大家唔想食豆腐的話，亦可叫師傅走豆腐，咁佢會加多幾塊鵝肉。鵝腸拼鴨腎本人對家禽內臟非全盤接受，但生記卻真的做得不錯, 鴨腎爽口彈牙， 鵝腸香而不膩，是上乘的下酒菜。

在西營盤有兩家比較出名的潮式滷水店，就是正斗滷味，另一家就是生記滷味。們之選擇了去生記，其實他的出名程度跟正斗差不多的，他的店裡面的已經放了很多名人的光顧的照片，就好像你曾蔭權啊、B哥哥啊等等的名人，還有不少雜誌也有採訪。反正你看他的餐牌基本上不是很貴＄40一個飯這樣的水平，我今次就點了一個鵝飯和一個小的鵝肝，滷得很入味，他還有就是每一個餐都會送一個湯，聽說那個湯是有降火的作用，是可以解毒嗎？如果要兩家滷味店要比較的話，我覺得是不相伯仲了，兩家都值得嘗試。

老豆係潮州人，自細就有接觸開d潮汕滷味，有言潮汕滷味味甲天下，而生記係我係香港食到最貼近我係以前係鄉下食到既口味。生記鹵味近地鐵西營盤A1出口，有時收工後都特登搭車去買份外賣再返沙田晚餐加餸，可想而知我對佢係幾咁執著。透過櫥窗見到入面擺住既潮汕滷味就覺得好肚餓。好味既野自然多人支持，店內貼滿左報章報導，甚至見到前兩任特首曾蔭權同梁振英都幫襯過。滷水鵝係呢度招牌，味道濃郁得黎唔會鹹，一d都唔油膩，鵝肉本身鮮味都冇被遮掩到，經過十幾個鐘頭滷製都好，鵝肉依然有嚼勁。滷豬手加滷水蛋———滷水蛋好掂，經過滷製後雞蛋索盡滷水汁既味道，食起黎好香甜，鹹淡適口，嚼之有勁，一d蛋腥味都冇。豬手好Q彈，一咬落去就feel到豐富既膠原蛋白質，豬皮韌而不硬而肉唔會鞋，連d骨頭都有味道。豬頭肉蓋飯，豬頭肉本身會有種異味，但系生記處理完冇曬d異味和肉腥味，香濃味美，肥肉酥爛不膩。而飯係長身米，好乾身粒粒分明，係我中意既口感。鵝肝大腸雙拼飯，鵝肝齒頰留香，超級粉嫩；滷水豬大腸冇肥膏，滷水味入曬去，冇臭豬味，越嚼越香，配埋鹹酸菜好開胃惹味。整體而言，生記真係食潮汕滷味既首選，黎親都一定要排隊。店唔起眼但名氣大。外賣一

------------✏️滷鵝飯$45滷鴨飯$40好食指數:6.7/10真係第一次食滷水飯 滷味係地道 最能代表本土既菜式 今日黎到西營盤食呢間老店 入到小店 見到成塊牆貼滿唔同既報道 裡面賣既全部都係滷味 小至豬耳 大至鵝肝小妹小試牛刀 試下最多人叫既鵝同鴨鵝片 比較多油脂 食落咸香感高d 因為油脂高 所以比較嫩 比較淋 鴨脾 比較瘦 不過勝在啖啖肉 不過有d位皮比較厚 肉比較少不過兩者同樣 滷得不夠入味 可以再濃味d 不過可以咁諗 都好既 唔會過咸滷豆腐 就比較入味 配飯一流期待有更好既滷味舖 俾我再次麻甩一番而家出行食飯 動輒都要至少一百蚊左右 所以搵到呢d 細小老店 幫一幫接近糧尾既銀包手 食下懷舊既味道 都係一件樂事----------------生記滷味西環皇后大道西263號和益大廈4號舖

Located in Sai Ying Pun, this small eatery which specialized in brine foods has a long history in the neighborhood, where a lot of Chiuchow migrants used to live. So generally it gave me the confidence that the quality of its brine food should not be bad. When we arrived the first impression I got was it was meant for takeaway, as there are only two and a half tables for dine-in. Fortunately we came quite early in the evening so we could get a table straightaway. We ordered the signature Brine

呢間野主要係外賣, 但都有堂食, 但只會俾個發泡膠盒載住D 飯送....叫左老水鵝飯, 有5,6件老水鵝+ 2 舊老水豆腐, D 鵝係凍GE.... 定係我少食老水野? 我EXPECT是新鮮斬下來暖的...ANYWAY, 都幾入味GE....但無特別LAW, 豆腐都是凍的, 但幾好食, D 飯....基本上無汁...點食...乾哽....

因事關係，有幾年冇寫食評呀！ 心血來潮想寫今日食晏經過 。剛好喺西環，泊低架車，同老人家去咗生記滷味食晏。知道好出名但未試過，叫咗鹅片（$260，唔平），另有半只雞，同豆腐、旦。 鹵水果然味道深厚，當中有一陣獨特香味。雞就真係做到食雞有雞味，得！ 可惜一邊食一邊驚抄牌，冇影相😕

中午黎呢盒買飯盒，廚窗放了很多鹵水食物，包羅萬有，我叫了盒鵝飯拎走。肥哥哥今日心情好，斬左個脾比我佢地鹵得好入味，鵝肉嫰滑，夠霖，夠油份，而且𡁻落仲有鵝既香味，係鴨既身上食唔到，配菜酸菜又好送飯唯一有様野要彈，就係佢地d飯，食過幾次都食到硬粒，唔知d米唔靚定煮既問題，其實有心做生意唔差在d米，整好小小客人會食得更加開心，希望會有改善。