生記粥品專家

營業中

休息中

20050323 7.30pm放工後有事到信德中心一趟, 男朋友接我之前食o左個豬扒飽打晒底, 但係我又好肚餓, 食粥就好啦, 我又夠飽時佢有o岩o岩好.久聞生記魚粥出晒名, 事前亦早響openrice forum 問定路. 都係亂行o左一輪先搵到呢度. 小巷好難搵.2人吃-* 我食- 魚腩肉丸粥($29), 粥底的確係好綿, 不過粥底本身就無味, 又真係好鬼大碗, 魚腩都OK, 唔算多骨, 但係味不夠鮮, 我一路食一路諗, 其實我食到碗粥有味好大可能只不過因為有碗點魚食豉油, 豉油粥乎?? 肉丸麻麻地, 黃枝記好食o的.* 男友食- 滑牛粉腸粥(細, $23), 試o左一舊牛肉, 都幾好, 粉腸就唔知了.* share食- 油炸鬼($4) - 唔掂, 淋bat bat, 可以不叫. 唔知同夜去食有無關.o的阿姐都幾惡, 環境都係預o左佢逼o架啦, 不過尚算幾乾淨, 起碼地板唔會濕立立先.在魚粥言魚粥, 期望大, 失望亦大, 我明白生滾粥不可能有o的咩味滾到出o黎, 但係個人口味而言, 灣仔"靠得住"比較係我杯茶.

生記靚粥, 聞名已久, 但午餐時間實在太多人, 惟有在早上幫襯。牛肉麵- 麵條據說是出前一丁, 但和超級市埸買到的在口感/味道上又有點不同, Anyway 小弟幾鍾意呢隻味精, 會不會是餐廳專用的關係? 牛肉幾滑, 唔知係唔係牛肉粥用的?麥皮–好大碗, 真係會食剩; 但個人認為太甜。魚腩粥–魚腩新鮮; 粥底綿, 正! Open Rice 果然好介紹, 但如果加埋炸麵的話要廿多元, 作為早餐略貴。枱椅位較窄, 同埋要坐圓櫈, 不適宜一邊看報、一邊享受早餐。

同女友大長欣去ｉｆｃ睇《娛樂大亨》，未娛之前，先黎呢度魚一魚先。呢度ｄ粥好出名，特色係料多過粥，仲隨粥奉上一碗薑蔥豉油，畀你用離點料。對於我呢ｄ鍾意粥多過鍾意料的人離講，呢種食法擺明係喧賓奪主播，儘管ｄ料幾好食。我食豬潤，佢食魚腩，對於碗粥，大長欣大言不慚或直言不諱地說：「車，同我老豆煲果ｄ差唔多之嘛。」公道ｄ講，離呢度食粥其實唔錯，不過有得揀我會去旺角富記囉，果度招牌及第都係十八蚊，呢度非繁忙時間都要碗碗過二十，不過旺角同上環價錢梗係差少少啦。

星期五放假但係冇倒頭大睡, 同平時返工一樣早起身.都係為左試下佢的粥係咪真係咁堅.舖仔細細大慨坐到廿個人到.初初見到一碗粥要廿六蚊心諗睇下貴黎係咪咁正?叫了碗魚腩粥.先來豉油同葱...已經覺得幾正..豉油幾香...加埋葱香同薑好吸引.魚腩粥黎到...見到粥底唔錯...米煮得夠火候.錢不是白給的...size比一般新x記果的大好多粥也給滿滿的.最吸引的卻是鯇魚...好有魚味...鯇魚肉厚.我相信係新鮮早上的鯇魚, 就算唔係我覺得都好正可以維持咁香既鯇魚味.油炸鬼冇食因為好潮濕既關係同埋唔係即刻炸既關係.埋單廿三平了三蚊(中午12:30pm前都會平$3)俾我會俾多幾蚊食好野好過俾十幾蚊食果細細碗.下次會試雙拼滑牛or豬潤.

好耐都無去生記,諗住星期六下午好少少掛,點知三點幾新舊舖都要排出街,有無攪錯,等幾個字先有得食,又係我至愛之一~~~雞牛粥,水準依然,人氣亦一樣,所以話比心機既出品,就算係’山卡啦’地點,都唔愁無客!

雖然仍係覺粥底過杰, 但魚片非常新鮮, 就算自行到魚檔買也未必可隨時買到此等好材料。

查實佢有四樣撚手出品1.魚腩粥2.牛丸3.清湯腩4.清湯籮蔔先講魚腩粥，多數我都會叫雙拼，拼牛肉滑，拼豬潤唔會老，拼雞有洒香味。而且佢地唔會因為雙拼而分量少o左，加上佢地跟埋o既羗葱豉油，簡直係人間美食。其他的環境及服務等都變得唔重要。

傳聞中....好好味既生記粥粥....um.... 唔係好抵食...同埋好似稀左d囉~~~

今日忙足一日乜都冇食過到收工後上堂前先可以食d野一定唔可以虧待自己記起kc同foodking都讚過呢間粥品天氣又o岩o岩轉凍咁就最o岩食粥喇一黎到已經見到好多人差唔多爆場咁滯一坐低見到個餐牌眼花潦亂都唔知食乜好最後都係叫左個鯪魚球粥只係等左兩三分鐘就上枱正呀!一碗細粥都已經有成九粒鯪魚球又有生菜o係底雖然生菜唔多但食得出好新鮮d鯪魚球都幾彈牙粥底都好綿雖然叫細碗但好似平時粥舖既正常size咁都只係賣16蚊好抵呀!隔離位o個兩位人兄叫左牛肉粥同豬潤粥又係好多又大件既料真係抵到爛啦下次一定要試雞粥,牛肉粥又或者魚腩粥先p.s進食期間見到d阿姐o係度切緊牛肉雖然有一片跌左落地但佢冇話怕浪費執起左之後都有丟左佢另我俾錢時雖然只係16蚊但阿姐都有講多謝上粥時又細心問我要唔要炸兩或者炒米粉咁既服務真係幾好!

原來寫左咁多次生記的粥，都未評過清湯腩，就趁今日去食完寫番。帶住個同事，一時多來到，照例是排晒長龍，呢等情景，也把她嚇了一跳。也難怪，在這橫巷，有此等盛況，未見過世面的後生女係幾難明的。搭檯是必然的，我們叫左爽腩河、淨蘿蔔、魚腩粥及魚骨粥各一。爽腩河有爽腩又有牛腩，次次都這樣叫。這裡的牛腩炆得非常軟腍，但個人而言比較喜歡九記的具口感，而後者因香料下得重，味道會好一點，所以認為九記還是最好的；湯底清鮮，仍出色，已不用懷疑有沒有味精，滾得牛腩咁腍軟，又何需下味精？白蘿蔔大大舊，幾甜，但做不到完全無渣。自從吃過車品品的絕頂甜蘿蔔後，自此任何蘿蔔也看不上眼，真係弊！粥是大大碗，女士吃一碗已夠飽肚。粥底綿又滑，生滾魚粥，當然亦有淡淡的魚鮮味，但亦不敢說沒有味精。話我主觀都係咁話，論粥底還要師傅出馬~灣仔的李景記。個人而言必叫魚骨，因為有骨有肉，夾著薑絲蔥段加豉油，風味一絕；同事的魚腩當然啖啖肉，但就比魚骨平凡了一點，不過她已很滿足。埋單80蚊，吃得飽一飽，無論魚粥及清湯腩俱有水準，是幾時都值得一吃的地方。題外話：無論飯前或飯後，呢度都係人山人海，絕對係上環名牌之一，未試過的要試一試。當然要試就要

飲完WAKE UP便轉戰到這店吃粥。我走進了橫街的生記粥品專門店，10:00多客人竟然不少！要了至愛魚腩粥，開始時粥入口幾綿，魚腩肥美，但感覺到師父（味精），食到尾時，粥竟然變成水>m<！原來落單時，要聲明要杰才不會有此情況>m<！我去的店和爐兄不同，因只有粥而無麵，衹見店內姨姨不停送粥到另店！

返工前點都要食好d,估唔到早餐好低,鮮牛出前一丁麵加雙旦同凍飲,二十蚊有找,d鮮牛仲要係用黎煲牛肉粥d牛肉,好鮮肉味,諗起依家都想食~~~~ haha

食左兩日粥,今日試下清湯腩粗,湯水好清而且飲落好有肉味,麵底就一般,可能淥得過火,有d'淋'而唔彈牙,可能係間中失手,牛腩好淋,一咬即開而不失肉味, 整體唔錯!

昨天與今天剛巧都能五時下斑,村巴又未到,都係忍唔到口,今日食左碗雞牛粥($22)~~~~正雞好滑,應該有用酒醃過,牛肉一向水準,滑,有肉味,粥底綿,應該煲左好耐,所以話,肯比心機, 一定有人欣賞

9月1日晚黎食左碗細豬潤粥, 其實已經係一般粥舖既份量. 一黎到, 嘩, d豬潤鋪滿成個碗面, 睇到其他人食既都係d餸滿瀉咁滯. 食落幾好味喎.