生記粥品專家

營業中

休息中

早上來食及第粥，細碗（實質上與普通店舖的粥一樣份量）的價錢為$16，粥底及豬潤味道真的一流。最難得的是，這裡的侍應(阿姐)之服務態度好好，很友善。另外，惠顧當日（約早上8時多)已有一對日本遊客帶同3個子女專程到這裡食粥，生記的魅力果然厲害。

生記的名氣相當大，已有幾十年史，附近作的人都喜歡食這裹的粥作早餐或下午茶。有大、小碗之分，小的份量也不輕，單拼小的22 元，非繁忙時間減三元，以一般粥品店的艇仔粥都索價十多元，以貨論價實屬相當抵食了。前些時晚上八時左右去到，居然還有鮮鲩魚腩粥，以往多次去也早賣光了，試過後果然名不虛傳，非常新鲜肥美，份量十足，粥底又靚，店很細心，姜豉油以小碗上，又另備骨碟給客人吐魚骨，是各食家有機會必定要一吃再吃的粥店。

港島至正既粥舖,我會首選呢間接(kln我會去旺角街市頂妹記或者佐敦(以前華盛頓戲院附近)(竟然唔記得名tim),呢間d粥好滑,夠大碗,豉油點魚腩/骨~~~~~~~~正,

魚腩瘦肉弱是我的至愛，d魚腩又滑又鮮甜，點薑蔥鼓油食，好似食緊蒸魚一樣。用d鼓油撈粥好好味。我個人不喜歡吃魚骨粥。d牛丸都好好食，很爽。

粥,真係唔係人人鍾意食(我老婆第一個舉手..)想試生記好耐o架啦! 係我髮型師阿Sa介紹我去. 佢話間o野舊時係大牌檔,後來先上舖.昨晚七點幾去, 坐低叫o左碗豬潤魚腩雞粥先收到一碗薑蔥豉油, 然後大大碗粥慢慢送上雞, 醉得好好味.. 魚, 又滑又新鮮..豬潤, 亦好香滑..粥, 都好鮮甜但係..但係...但係....但係.....但係......有問題!!... 粥, 無理由咁鮮甜o架?!係...... 有...... 師...... 父!!!!食到收尾, 開始好鬼口渴. 但係都食晒如果第日落少o的味精可能會再去

佢既清湯牛腩湯底清,基本上同九記既o架喱牛腩都咁好食.但當諗起九記既態度,梗係去生記啦!

想食啖好粥，係要去遠小小。好到點，唔洗我多講。我專程又過海又咩咁去就知。

它比咱家煲的, 仍未有那種綿質, 可能是用的米不同, 但無可否認, 是粥鮮料多, 我點的是魚片粥($22), 魚片多得有點不合比例! 順路的話下回要試過菱魚球粥. 看看那些粥會否給菱魚球奄沒了.

我對粥的認識不深，只係相對比較欣賞羅富記，亦真係覺得生記魚球好粉，同場的粥怪朋友亦有同感。而羅富記的粥底確係比佢“結”喎。

偶今早見工前,到了生記吃過早餐,點了菱魚球鯇魚片粥,粥是很軟熟,亦有米香,魚片很鮮、甜的連豉油也不用醮,菱魚球水準亦沒有偏差,那種鮮而又帶小許腥的味道依然,滑得來帶點實淨,亦吃不到粉、霉的感覺。老實說,在香港好的粥店,吃到的多是這種綿而軟熟的粥,這種閣下稱為稀的生滾粥,要花很多時間,才煲的出這種綿、滑口感。

初次寫食評，各方為食鬼多多指教見呢度講到生記咁得，就同同事去試試，結果真係有d失望。粥底好稀，魚球亦混入好多粉喎，正式粉雷雷魚球。另外米粉唔熱，唯一可取既只係油菜，唔會再去loo，都係羅富記得!

偶曾在上環工作過一段日子，生記是偶最愛的店之一，午餐時，如無特別節目都會到這裡用餐，無他，因為他們的粥麵實在一流。來生記的話，一定要選對時間，太早的話人多迫死，太晚的話熱門的食物（尤其是陵魚球）會售清，偶認為12點前及3:30-4:30左右比較好，人不多，坐的比較舒服，人多要等位時偶會選擇到樓上坐，快快吃完快快閃～這裡的食物大部份都吃過了，偶最欣賞的要算是清湯蘿蔔牛腩及陵魚球，湯聽說是用了大量牛骨煲的，喝的到有牛味，作為湯蘿蔔牛腩湯底，真的不錯，不過當喝完整碗湯口，很口乾的說，想是加了其他調味料或味精吧。蘿蔔是偶最愛的食物，真的是無蘿不歡，這裡的蘿蔔不是特別出色，有時甚至會煮的過淋，可是配上牛腩及清湯，風味確是一絕。牛腩是偶吃過最好的了（可能大家吃過更好的，但偶見識少，請不要笑偶～），很淋、牛肉味亦足！陵魚球是自製的，並且即叫即漉（所以點陵魚球預左要等5-10分鐘），自問對陵魚球沒甚研究，但吃的出有魚味，小小小小腥，級數比市面的要高幾班。老實說生記的粥遠較麵出名，最多人選的粥相信是及第粥，感覺上是很綿，豬雜很夠味，偶每次吃都會加豬心，愛吃內臟的朋友不可不試；豉油與景記一樣，是另上的。可

今日專程由中環行去上環生記食粥, 去到5:30, 伙計話6:30 關門, 粥同河粉都無(係唔係表示佢地唔賣隔夜?)點都好, 唯有叫個魚旦米, 除左米粉, 有3 片魚片, 4粒魚旦, 魚片同魚旦係唔同味的, 總之就無魚味, 魚片較鹹, 食左半片都唔想食, 而米粉不提也罷, 一路食巳覺有味精, 雖然唔係貴($ 17), 但不如食錦記好過, 起碼平好多呀! 總結: 睇我都無勇氣試埋佢地粥啦!

上個禮拜六，我同男朋友、Mummy去香港島o個邊探我姑姐，佢就帶o左我o地去上環食粥...我姑姐o係上環返工，佢話呢間粥店相當出名，成日都要等位！我o地叫o左兩碗魚球雞粥、一碗雞粥、一碗魚球魚腩粥、兩碟油炸鬼，同埋兩碟炒米粉...我覺得個粥底好好味，d鯪魚球同d雞都好正，尤其是d雞，好似醉雞咁，一流!!!我最鍾意o既係碟米粉，炒得好好食，零舍不同^^^^仲有呀，我男朋友仔平時係唔鍾意食粥o既，但係今次連佢都話好好味，咁就知道o呢間o野有幾正啦!!!

日日都西式早餐，今朝粥癮起，加上早左起身，所以來這裡食番碗魚腩粥。八點未夠，都已有幾個客人在食粥，看樣子都是附近的街坊多。朝早不想啃骨，就叫了碗啖啖肉的魚腩粥。可惜這裡的油炸鬼是別處交來，不新鮮味道當然差好遠。例牌是附送一小碟豉油熟油及蔥絲和薑絲點魚腩，不能吃生的，唯有叫廚房大哥唔好淥咁熟，早餐食粥亦要了較稀的。晨咁早當然不能要求有新鮮魚腩，但都算係好鮮甜，粥底綿滑，沒有味精，仍舊有水準。埋單25蚊，雖然有點貴，但吃得飽飽的去開工又真係幾好。