留白居酒屋 (已結業)

年頭黎食過晚餐，今日咁岩係屯門諗住返黎encore，點知見到餐牌轉晒，原來老闆話轉左型做冰室，開7:00am-7:00pm，老闆好熱情，所以我地都入左去試下🍜沙嗲牛肉轉辛辣麵好小有餐廳有得轉辛辣麵，麵質好有口感，正，包牛乳炒蛋多士&熱飲，多士烤得好好味，重點個炒蛋，又滑又真係有牛乳味🍜常餐 雞翼公仔麵味道都不錯，價錢都抵食係咁日式風格既餐廳食到港式既食物都幾得意，都見到好多街坊帶埋狗狗黎，每次黎都覺得老闆同店員功nice，笑容100分，性價比高👍🏻👍🏻

幫襯開既居酒屋轉型做左冰室，質素正常發揮，常餐炒滑蛋多士都好味，性價比高，勝在份量多，最正有街泊，坐出面位可以睇到車唔怕抄牌，店員好好傾，最中意去啲有人情味既茶記，食都食得開心啲，呢到仲好歡迎帶埋寵物一齊添，祝福老闆生意興隆！🥳

朋友一叫，就去試咗呢間滿滿日式氣息既小店。一入去就有種悠閒既感覺，好舒服。等我地食隻麵同串燒，讓我俾個試食報告你哋知！先講拉麵，湯底香濃，啖啖豬骨味，好夠火候，蜆仔鮮甜得嚟又肥美，簡直係👍！再加埋含羞荏苒既溫泉蛋，流心得嚟又唔腥，呢個搭配，正到爆燈！講到串燒，就更加過癮。牛肉嫩滑多汁，火雞腎口感得嚟又唔韌，啖啖肉香，一啖牛、一啖腎、再來一條台灣腸，簡直係滋味三重奏。仲有嗰陣微微嘅蝦油味，令我食完都仲掛住嗰個味，真係飄香四溢。飲品都冇令我失望，波子汽水爽口清新，白桃味甜甜地，好適合點綴呢個食味之旅。總括黎講，今次嘅食評之旅真係賞心又悅目，飽腹之餘，更加飽咗雙眼同味蕾，下次有空，我一定要再嚟試埋其他款！🍜🍢🍵

屯門出咗名多好嘢食，經開虹橋就被佢亮麗既外表吸引到，係普通住宅地方，竟然隱藏咗呢一間居酒屋lunch去食，都幾多人食，而且見店員同客人都有講有笑，相信呢度都好受街坊歡迎！我叫左一個黑蒜拉麵，味道偏港式口味，最期待既糖心蛋，最開始佢漏左比我，再補返比我既時候，竟然係熟蛋 ，我係有少少失望另外見平時OpenRice 大家都係點串燒比較多，所以都叫左幾串，打算歎一歎味道都唔錯，但有d失望小插曲，黎左兩串太燶，太多客人店員分身唔到，又要樓面又要廚房，而且佢價錢都唔平，希望可以改善一下

2023.5.5＜＜朋友請＞＞朋友出差來到屯門，當然要讓這大鄉里試一試，屯門虹橋的隱世食店。店內2女子默默的精心煮理巧手的美食1。和風牛肉溫泉蛋烏冬$88適中的溫泉蛋•溫柔的牛肉配上胡麻醬撈烏冬2。蒜蓉燒茄子$38均勻的蒜蓉舖在茄子上，美味3。清酒煮蜆$78最喜歡這蜆，很有滿足感4。蒜蓉牛油燒元貝$58×2清新的元貝，加上牛油蒜蓉更特顯鮮味重點黎啦！要我們好好的聊下去，必須有5。一番搾500ml $78×26。鹽燒翠玉瓜$24豬頸肉卷車厘茄$36日本厚切牛舌心$62鹽燒一口牛$40火雞腎$24×2雞皮$14×2晚上7點食到10點，傾餐飽+食到飽，朋友話一定會再黎。

我又同細表弟搵串燒食了，今次來到屯門的留白居酒屋品嘗一下。✡️ 炸魚手指 ～ 沾沙律醬食炸魚夠香口。✡️ 醬燒五花腩 ～ 五花腩加了醬汁一起燒， 油花爆發後五花腩入口又香又嫩。✡️ 醬燒鮑魚 ～ 鮑魚燒過後，鮮味突出，肉質鮮嫩彈牙。✡️ 松葉蟹甲羅燒 ～ 蟹殼裡滿滿的蟹膏，烤過後香氣不斷湧出，有松葉蟹的鮮味，濃濃的蟹膏香令人非常回味。✡️ 流心蛋芝士啡菇 ～ 一切下去蛋汁流出，啡菇沾著芝士和蛋汁口感多汁味道豐富。✡️ 蒜蓉燒茄子 ～ 茄子燒得剛好軟淋，加上蒜蓉香口惹味。✡️ 串燒拼盤 ～ 眼花撩亂唔知叫咩好，呢個拼盤絕對幫到你， 脆肉瓜厚切入口鮮甜， 免治雞肉棒幼嫩滋味，大蔥燒雞肉大蔥甘甜雞肉嫩滑可口。✡️ 日式蜆湯烏冬 ～ 蜆肉大隻鮮甜美味烏冬彈牙。🍹 白桃果汁 ～ 微甜內有白桃果肉。🍺 一番搾 500ml ～ 啤酒配串燒一流。

相約住屯門好朋友出動搵食，選了一間頗用心又有意思的日式居酒屋🍶居酒屋門外已好有日式感覺，放了一架奶油色系單車，門匾白紙黑字的寫了特別的店名，還有一張長枱可以戶外用膳感受街頭的感覺，下次再來希望有幸可以坐到。店內都是日式佈置，雖然座位不多，大慨十幾個位，但很喜歡有兩排高凳的bar 枱，跟朋友可以排排坐，輕輕鬆鬆傾計。▪️吉列炸蝦🍤 炸物炸得薄薄的一層，內裡鬆軟，配以沙律 醬，一點都不會感覺油膩。▪️串燒拼盤🍢 居酒屋梗係要叫串燒，飲下🍻慢慢食下串 燒傾計，叫併盤就最好唔洗諗食咩，款款都 好香口。▪️留白海鮮炒飯🍚▪️醬燒鮑魚 估唔到居酒屋整鮑魚都很棒，天彈牙又有醬 汁煮，食一粒都唔唔夠喉要再叫🤤▪️清酒煮蜆🍲 粒粒蜆都大又新鮮，跟朋友一樣忍不住連清 酒汁都清了🤭▪️魷魚一夜干🐙 呢款配🍺一流，每次都是必叫之選。▪️一番柞🍻 整體感覺很滿意，跟朋友放工後傾計好地方，坐得舒適，食物都很滿意，價錢抵食。值得一提是店內見只有2位女子負責打理，處理食物和招呼客人都很用心，約定下個月再來支持小店，再試更多美食🫶🏻✿ ✿

屯門既呢一帶都比較多野食 今次就揀咗呢間居酒屋🏮店舖細細 但就充滿日式風格 門口既招牌令我印象最深刻不過走個陣落好大雨 所以就影唔到🥲除咗餐牌上見到既野之外 仲可以留意一下店舖有咩當日推介例如海鮮類呢啲 都會因應返當日來貨 所以會有唔同嫁😜➷🪐 三色炸物拼盤呢個炸物拼盤有炸雞 墨魚咀同魚手指🤤份量夠2-3人食 樣樣都係岩我地口味既野 無理由唔叫既🤭炸物熱辣辣香脆係最重要既😋雞肉既嫩滑 墨魚咀個種煙韌🐙再加埋魚手指既滋味簡單而又惹味既拼盤就誕生 配埋啤酒就prefect🍻§🪐 雞皮🪐 日本走地雞脖子肉🪐 免治雞肉棒🪐 豬頸肉串🪐 鹽燒翠肉瓜🪐 牛油燒烤菇🪐 日本厚切牛舌芯黎到居酒屋點都要食串燒🏮多多少少都要食啲先過癮🤤串燒上控制火喉係要有返啲技巧🤣例如焦香呀 味道調教🧂見店員一個人處理咁多order既串燒都無問題👍🏼肉類同牛舌都唔會燒到嚡熠熠😌仲帶點焦香蔬菜類都唔會燒到乾身🥒入口仲有好多水份😋雞皮外層夠脆口 可以再耐多少少 會更加脆卜卜🐓§🪐 燒貴妃蚌由於佢地真係小店 所以每日入既貨都未必會一樣我地當日就揀咗貴妃蚌😍海鮮既鮮甜融入口中 亦都無泥無沙 非常新鮮👍🏼用黎配搭既蒜蓉無疑係絕配🤤

今日老公帶我食好西❤️‍🔥去完日本無耐又掛著鄉下了🥹所以嚟食下串燒當自己去旅行🧳行到身水身汗💦老公一坐低即刻叫杯麒麟飲🍺飲得酒點可以冇啲串燒送下酒🥰我哋叫咗翠玉瓜➕菇➕腸仔➕雞頸肉➕免治雞肉➕豚肉車厘茄‼️不得不說佢燒得真係幾好因為啲菇/瓜一啲都唔會乾爭爭💁然後啲肉全部都有滿滿的肉汁😊而且燒得啱啱好啲肉都非常之嫩❤️免治雞肉要加埋溫泉蛋一齊食味道非常之夾‼️我哋仲叫咗隻燒扇貝🥰啖啖都是滿滿嘅蒜蓉味👍除咗串燒我哋仲叫咗個主食share😍啲峴大大粒咬落去有多汁無沙‼️烏冬都有淡淡的鮮味😍最後我哋叫多條燒魚‼️好香而且條魚冇乜骨啱晒我呢啲平時唔識食魚嘅朋友仔🤪除咗有啲香草🌿仲有啲柚子鹽喺隔離😋如果覺得唔夠味嘅可以加少少食😍火候都係一如既往咁控制得非常之好冇甩皮甩骨😙

今日路過虹橋附近，見到一間門面都幾日本風既餐廳，叫留白，跟住見到門外有三五成群係度食啤酒串燒。即刻燃燒了我的日本魂，同埋屯門真係無咩地方可以個感覺似居酒屋，見到呢度咁熱鬧即刻入去試試。居酒屋一定係要叫返杯酒先叫其他，即刻叫杯麒麟爽下先，見到店員慢慢倒酒跟住成泡都係一個享受。有酒點可以無下酒菜，見到附近d 人不停咁order 串燒燒物。我都即刻叫返幾串旁下身，當然係要叫我最愛的燒鳥！呢度燒鳥種類其實都好豐富，連雞屁股都有。我就即刻order左 雞頸肉，雞肉棒，雞pat pat，加上台灣場and燒菇瓜，整多條魚加多個烏冬我諗應該夠食啦！串燒上黎，就有撲鼻而黎既日本燒烤味道，唔係大陸燒烤個款。係炭燒個種香味，撒上點點七味粉，將串燒昇華左一個地步。 雞頸肉嫩而不老，咬落去個種彈牙完全燒到剛剛好，雞肉棒配上大蔥月見汁，豐富左雞肉棒既層次！再加上一啤酒完美配搭，gur到一個點。跟住燒烤攻略完就要食個烏冬同燒魚。個烏冬既峴大大粒咬落去有多汁，峴汁係你個口爆出黎，配上烏冬，簡直停不了咁不停索烏冬，加上烤魚落埋香草，不禁令人覺得係日西風情.

虹橋真係好多美食小店， 呢間串燒小店。我每次經過都聞到香噴噴嘅串燒味，門口總是坐左三五知己、飲酒🍻談歡！ 今日終於同老公有時間一齊坐低食個lunch 呢個卡位好有feel ,是個打卡位📸️櫻花蝦醬油味真拉面🍜$78+唐陽炸雞🍗 櫻花蝦醬油拉麵充滿濃郁既海鮮風味，拉面的麵條則是粗身，口感彈牙有嚼勁。搭配了海苔、蔥花、半熟糖心蛋等配料，讓這款拉麵更加豐富美味。唐陽炸雞即叫即炸，炸雞的口感酥脆，外皮炸至金黃色，內裡則是鮮嫩多汁，配上蛋黃醬，好好食😋老公叫左自選3款串燒配搭拉麵$108火雞腎、 免治雞飲棒、一口牛我同老公最鍾意❤️免治雞肉棒、表面烤到微焦，裏面肉汁鮮嫩，啖啖肉，送酒一流整體來講，環境食物都很不錯

星期日時我朋友介紹來到屯門有間高質留白居酒屋🏮，假日來到，食客都比較多，如果平日來可能更寫意。店鋪雖少但富有日本🇯🇵氣息，我坐下聽著日本歌曲，品嚐食物又好味😋蜆肉豬骨湯拉麵🍜湯底是自家熬製，食得出冇味精又香濃，蜆肉更是大大粒，鮮甜可口！櫻花炸虎蝦拉麵🍜好喜歡豐富的櫻花蝦都蓋滿了拉麵🍜上，虎蝦大粒肉嫩多汁！小食的唐揚炸雞🍗外脆內軟炸得剛好，美味小食！👍留白居酒屋 🏮 屯門青翠徑7號金邦大廈地下1號舖

今日同朋友黎咗屯門紅橋個頭覓食, 我地兩個都比 既門面吸引咗一齊望過去, 我地仲話係咪去咗日本😂店內有一排吧枱座位同一張二人枱, 而店外有一張四人枱同兩張二人枱, 我地八點去到得返店外張二人枱, 雖然唔洗等位, 但上菜就等左好耐🍢串燒台灣腸 ($24)火雞腎 ($24)牛肋條串 ($38)雞皮 ($14)串燒價錢唔算貴, 上碟擺盆加哂分, 即點即燒加埋佢既味粉, 正👍🏼, 不過其中牛肋條比較失色, 有啲韌🥤可樂 ($18) 🍺 ($58)食串燒點可以唔啤啤佢, 可惜朋友要揸車所以揀咗可樂🐟🐙🐔三色炸物拼盤 ($98)份量比較大, 如果多啲人share好啲😂 炸魚手指最驚喜, 外脆內軟, 墨魚咀都好好食, 炸雞就一般無乜特別蒜蓉牛油燒元貝x2隻 ($116)元貝唔算好新鮮, 但佢個蒜蓉牛油醬好香好好味, 如果撈白飯應該會好滿足🫣🤭清酒煮蜆 ($唔記得🫣)啲蜆好大隻 超鮮甜 一粒沙都無！真係好推介大家一定要點！留白海鮮炒飯 ($98)有鑊氣, 飯炒得粒粒分明, 味道不過不失, $98黎講有啲略貴

星期日入屯門，順便約咗家姐食晚飯。其實屯門區都有很多不錯餐廳。今次嚟到青翠徑，搵到呢間「留白屋酒屋」。門面已經滿有日本風味，門口有一張4人座位。入內長長的走廊，左邊一排共十個吧枱坐位，再最入面是一張二人矮枱。牆身貼了不少經典日本漫畫海布。整體感覺乾淨企理舒服。食物方面有串燒、丼飯、拉麵、炸物及各款日式料理等。居酒屋當然吾少得有酒精飲料供應，亦有特色飲品及汽水。先選了多款串燒，特別推介《日本走地雞脖子肉》（$26），記得要試，首先雞脖子肉不是太多地方有供應，而且肉質特別滑嫩，而又帶爽口感覺，特別又好味。《鹽燒一口牛》（$40），切成方粒，入口表面帶鹽香，牛肉爽口彈牙有肉香，非常高質素。其他《牛油雞比菇》（$22）、《鹽燒翠肉瓜》（$24）亦不錯。《三色炸物拼盤》（$98）唐揚墨魚嘴3粒、唐揚炸雞3塊、炸魚手指4條。三款都好好味，魚手指魚味十足；墨魚嘴好特別，咬落肉爽惹味；炸雞有調味，炸至表面金黃薄脆，入面仍肉嫰多汁，十分出色。《醬燒五花腩丼》（$78）五花腩連有豬皮，燒至微乾身，咬落煙靱，加上薄切所以入口一點都不覺肥。飯粒比較有咬口，粒粒分明。再加入醬汁、紫菜絲及蔥花，香而不膩。《魷魚一

行過屯門既留白居酒屋，好有日本風味，今次決定試下！櫻花蝦油味真拉麵櫻花蝦好足料，而且味道濃郁，岩曬中意蝦既朋友。另外湯底係類似黑蒜油味，非常香～日式蜆配豬骨湯拉麵蜆肉夠多夠大粒，有蔥花吊味鮮味十足，加埋偏粗既拉麵同配料，食落好滿足。串燒係即叫即燒架，今次叫左豬頸肉﹑免治雞肉棒﹑一口牛同雞頸肉。各有各特色，個人中意免治雞肉棒，依落啖啖肉咬到雞軟骨，口感好豐富。而雞頸肉就真係第一次食，食落偏爽口，加埋燒汁既甜味幾香口。最後叫左杯波子汽水送串燒，真係童年回憶返曬來啊！