白鬍子炸魚薯條 (已結業)

中環碼頭打卡點臨近大雪，冬雨綿綿，但是不改我地去中環摩天輪打卡的熱情，哈哈哈影完相之後就特意去呢間白鬍子補充一下能量白鬍子就係碼頭隔離，仲設有長臺高凳俾人邊食邊睇小輪的水手服大叔都幾有趣我地叫咗招牌炸魚薯條，醬汁就是mustard，比較經典炸魚的炸漿非常脆，但是不會好油，仲有淡淡的檸檬香味，魚肉質地嫩滑，魚味濃郁。薯條不會軟身，炸到外脆內軟，delicious！冬夜寂靜，偶爾有渡輪入港，係來來往往的人群中靜靜地享受熱氣騰騰的美食，感覺好幸福

次次搭船經過都見到呢間店，都見到有人買嘢食，，呢日決定同朋友仔一齊試吓龍與鳳! 睇完餐牌之後，決定同朋友 share 食，咁就可以試多啲嘢啦! 叫完嘢食之後要等一陣，事關佢每樣食品都係即叫即炸，真係好期待! 我哋叫咗炸鱈魚薯條、魷魚圈籃同炸洋蔥圈，醬汁有7款選擇，要咗 Garlic Aioli 同 Mayo! 炸鱈魚薯條份量都唔少，有1件又厚又大嘅鱈魚柳，下面鋪滿薯條，鱈魚有魚味，肉質嫩滑，切開嗰陣仲有肉汁標出嚟，炸醬好薄，但夠脆口，加埋檸檬汁同食就更 refreshing! 薯條唔會炸得過老，有薯味，點埋醬汁食就更解膩同開胃。炸洋蔥圈個炸皮同炸魚炸魷魚圈唔一樣，多咗啲麵包糠喺面，增加口感，呢個粉醬一樣薄脆，洋蔥圈好淋好甜，唔係薄衣衣嗰種，好味! 魷魚圈籃嘅粉醬同炸魚相近，一樣好薄脆，魷魚食落煙韌有彈性，唔係食橡筋嗰種，魷魚本身品質很好，正! 本來都擔心成餐都係炸嘢好膩，好在啲炸物瀝乾晒油，食落唔覺油，下次經過都可以再 encore!

本身約咗朋友去discovery bay食飯，但因為路程比較遠，再加上有朋友遲到，而我比較鐘意近海個餐廳，同最愛嘅炸魚薯條，即刻試！食物種類唔好，係餐牌係晒餐廳外面。餐廳個風格好有歐洲feel，所以預計都會唔差。依家好興手工啤，左手邊隻味比較濃味，右手邊比較啖。整體係好飲，同最緊要夠凍😂。叫咗個炸蠔，超級好食，蠔超大隻，唔會好多粉，出面嗰啲係蠔多過粉🤢。炸魚薯條當然冇得比，有好多醬揀，好好食。有2個醬。

莫非香港大是偉大航道的其中一站，就連大名鼎鼎的大海賊，前四皇之一嘅白胡子老爹都曾經係度有個根據地，仲係做食肆添在香港中環碼頭位，說明白胡子同大海有關。佢地仲wanted通緝緊人，唔知佢地嘅懸賞金有幾多呢？食嘅係炸魚薯條，英式快餐，都有幾種魚可以揀。舖面說係咁，無太多空間俾人食野，在側邊兩邊有幾張凳可以坐。可以揀一個醬，但英文嚟，我都唔知係咩嚟。味道少少酸都約唔錯，又有d似蛋黃醬。塊魚好大，個炸醬好薄，脆，塊魚肉又好嫩滑。仲有個特別嘅風景可以見到香港嘅水手，阿叔+水手服

無聊人無事忙，這天打算由中環坐船到尖沙咀，發現碼頭旁邊有間炸魚薯條，好久沒吃過了，心思思就坐了下來，放縱一下。 餐牌好簡單，主要提供炸魚、薯條、洋蔥圈、熱狗和飲品等等。餐廳旁邊有座位，有屬於餐廳的，也有屬於碼頭的free seating。 番石榴檸檬汁＋芒果檸檬汁 $28@ 果汁加上了檸檬汁，感覺清新，不過味道較甜，待冰塊溶掉才喝較好。 招牌炸魚薯條 $68 香蒜牛油薯條 $38炸魚的漿粉很薄，魚柳肉質也夠滑，不過欠缺魚鮮味；薯條炸得香脆，感覺不錯，香蒜牛油薯條味道帶一點辛辣，底部較油膩。

星期日行完IFC打算返尖沙咀睇商場聖誕裝飾，搭船係又平又方便既選擇，係天星碼頭裡面見到有間外賣店賣fish & chips, 就買左尼食。舖頭係正7-11 對面，搭船既入閘口會經過。有酒精飲品旁邊有少量位置我地叫左fish & chips, 炸蝦同埋炸魷魚。每樣野都可以揀返一個sauce我地就揀左蒜蓉，tartar 同thai chili.炸魷魚同炸蝦放埋一齊，仲有檸檬比我地擠。魷魚可能炸耐左少少，比較深色，但都好好味。炸蝦可以點返蒜蓉醬，會有味D。Signature fish & chips魚柳每舊好大塊，好彩佢有比刀我地，點tartar 一流，薯條份量好多，點蒜蓉醬幾夾。天氣開始涼，所以外賣係室外食都幾舒服既。

是晚和友人去看星空下的交響樂，要自備食物，於是在碼頭附近看看有甚麼買。這間fish and chip 看上去很有外國風味，細細個booth但就好多人排隊。我們選了簡單的signature試下，再加魷魚圈和炸雞。Signature 有一大塊魚柳同好多薯條。茄汁要另外自己加。薯條就是麥當勞的那種，不怎樣特別。魚柳外層粉亦挺厚的，不過魚肉都嫩口。可能因為涼了才吃，外層的粉和魚肉都分開了。魷魚圈很大塊，但同樣外層亦厚粉，味道偏淡，似乎沒怎麼調味。炸雞買了小份三件，但比想像中好。外層還有芝士醬呢！

今日去完行大潭的活動，有城巴直到中環碼頭，所以就到這間fish and chips 享受食個下午茶。這間在7號碼頭入口位置，都約大間，透明玻璃可以見到師傅親手製作。餐牌好清晰印在外面的位置及counter位，好方便客人點餐。有唔同set及推薦，也有不同酒類！好想試檸檬黑椒炸魚，可惜是魚未有貨，要4點才返貨，可惜可惜，唯有下次再試最後點了蒜香炸蝦籃及香草炸蝦餅，加番石榴檸檬汁所有食物都放在紙盒中，好乾淨又方便，又唔會辣到手，幾好！客人可以在這些醬中選擇自己喜歡的，好多不同味道及感覺，我們選了泰式辣醬！我覺得好適合炸蝦及蝦餅🦐🦐🦐即叫即炸，真係要小心燙到🔥蒜香炸蝦：炸皮唔厚，好香又熱辣辣，蝦好彈牙又大隻蝦餅好大件又香脆可口好彈牙的蝦餅，配泰式辣醬好夾好野味，微微辣味！蝦餅中有蝦及打出的蝦膠，不同口味飲品：番石榴檸檬汁好冰凍，酸酸甜甜的味道！喜歡這個開胃又解膩的飲品，正呀

每次放工搭船都會經過中環碼頭，都見到呢一間炸魚薯條好多人排隊！可以買黎食啦！難得今日有時間，同朋友決定要食返個夠本🤤🤤🤤最後揀咗白啤酒炸生蠔六隻同埋檸檬黑胡椒炸魚薯條落左單之後就要等啦因為廚師係即時order即時整嘅呢份炸生蠔係咪我㗎😍😍😍等咗大概10至15分鐘左右，終於可以食到啦超級香而且非常之酥脆！檸檬黑椒炸魚薯條將檸檬吱左落去炸魚到就食得炸炸魚相當之大塊而且肉厚！我更鍾意食嘅係八啤酒炸生蠔揸得剛剛好！生蠔依然係入口即溶，唔會炸得太老！生蠔帶帶隻炸粉唔會太厚剛剛好真係好大隻！朋友見得我食得咁開心比我食四隻佢食兩隻😂😂😂最後仔薯條可以揀2個醬，我揀Hot Chili and mustard 😙😙😙

準備上船前，中意係碼頭附近買嘢食。至於小食，對薯條零抗拒有多款炸魚薯條而且全部都係即叫即炸，所以好脆好香口，熱辣辣食好正檸檬黑椒炸魚薯條除左原味，呢款第二多人叫炸魚上面灑上黑椒，配上醬料，推介蒜蓉的，好香炸魚既皮由於即炸，所以好脆，而且薄皮肉質好嫩滑重點係唔咸，所以點醬岩岩好冬陰公炸魚薯條呢個配搭，令我難想像味道，於是一試。魚係經過一從功夫調味上面再灑上粉未，連薯條都沾上味道即叫即炸係好食好多!等船時對住海食幾寫意炸蠔都係另一hot item, 下次再試下先

放工同朋友去尖沙咀中環搭船過去有海風吹下打算將工作煩惱吹走🙈去到碼頭，聞到薯條味好吸引的樣子而我們都有點肚餓了反正不趕時間，就買來試試😋買了個招牌炸魚薯條見到有白酒炸蠔，又想試試最後買了兩款食物可惜不能好好坐下來品嚐食物全是即叫即做的所以趕船的話要預預時間等候食物全都熱辣辣薯條有些鹽味炸魚比較淡味要點醬食才好食炸蠔好大隻，又肥美多汁出乎意料的好味沒有很重的白酒味食完好飽滿的感覺邊食炸物邊傾訴真的暢快😆

放工次次搭船都會經過E 間鋪頭,佢既炸薯條味真係好香好香,搞到我要忍住唔食費事味返屋企就飽曬!但今日我見自己返工錦辛苦,我忍唔住啦!就當做係比自己既獎品門面好光猛,係一個OPEN KITCHEN,呢度要行去counter落單,有2名外籍店員,講英文既,笑容好好,仲提醒我地因為比較多訂單要等10分鐘左右,好貼心!!!E個位置好有去左BAR 既感覺,吹吹風,好正我叫左原味薯條($25)同埋芝士炸雞($50),同埋檸檬汁($22) ,店員叫我等10分鐘等既期間我就坐左係店旁睇睇夜景,吹吹風,好正店員同我對望左一下,我就知野食得啦佢好貼心地怕大家既薯條無味,就安排左茄汁,鹽同黑胡椒 為大家講下E杯檸檬汁先,佢比足10成滿,成意十足呀!飲洛去一D都唔澀,酸酸地,加左D塊檸檬但都無令到佢太酸,E 樣要加分!酸味味既開頭令我食慾大增嘩~佢一黎到我就覺得我唔洗食晚餐啦,因為真係好大份,我相信兩個人食先食得曬!講講個薯條先D薯條又粗又短,有別一般快餐店!同埋睇到係真薯條,因為佢係連皮炸,我好鍾意食皮既部分,特別有口感,加上佢比左蜜糖介末醤我,點上之後,層次提高左就算包住錦多醤都無令佢變林,外脆內軟,仲生

啱啱同朋友搭船由TST過海到中環，落船見到White Beard 都幾多人幫襯，當時18:30都已經好多人排隊，好受外國人歡迎不過見佢係即叫即整，決定跟風排埋一份。我點了Mozzarella Sticks(HKD 35 / 3 PCS)  +  Bacon N Cheese Chips(HKD 38)  + somersby apple cider (HKD 28)呢間野有炸魚、芝士薯條、炸蝦、炸蠔等等都是以炸物薯條為主，而Chips 都有5種唔同味道，價錢合理唔算太貴，重點係佢係即叫即整，保證係食到新鮮同熱辣辣的!因為是即叫即炸所以都要等大約10分鐘，店舖側邊設有枱櫈方便大家邊聽海浪聲邊用餐好CHILL咁享受開心星期四!反正都要等一黎就當然 飲下somersby apple cider (HKD 28) 聽下海浪聲同朋友傾下計先。等左10分鐘，Bacon N Cheese Chips(HKD 38)終於有得食啦。即叫即炸熱辣辣，薯條好脆口，面頭上既Bacon好香好有煙肉味又唔會過咸!值得一試!加埋一堆溶溶地既Cheese ，根本就係PERFECT MATCH!當你以為一隻薯條食黎食去

同朋友去海旁談心，去到中環碼頭，聞到香噴噴嘅炸魚味，原來呢度有一間小店食炸魚薯條，見到好多外國人拎住啤酒坐喺出邊等，好似好新鮮熱辣，今晚晚餐就喺呢度。我哋叫咗個一口炸魚薯條（$63），方便同朋友分吃，之後要左我最愛嘅蠔，白啤酒炸生蠔（3pcs$48/6pcs$78)因為未食過唔知佢份量，所以就加錢要咗洋蔥圈3pcs(+15)同埋魷魚圈2pcs(+$12)，冇叫單點。買完企係一邊等一陣，整好佢就會嗌no., 我仲揀咗兩款醬汁，Mustard, Tartar, 我覺得兩個醬之中，他他比較好食。熱辣辣嘅一口炸魚，分量兩個人啱啱好，炸粉唔會太多，炸到啱啱好，魚唔腥啖啖肉，我哋兩個都好鍾意。我真係好鍾意食蠔，外脆內嫩，一咬入邊就好嫩滑鮮味，我一個人食咗兩隻，好後悔點解唔叫大份。不過食呢隻蠔會有啲飽肚嘅感覺。洋蔥圈同魷魚圈，雖然大家都係圈，但完全魷魚圈勝利，魷魚好嫩，唔會炸得過龍，但洋蔥有啲黐埋咬唔開，可能我本身唔係太鍾意食洋蔥啦。我哋去咗一個比較靜啲嘅位，坐係海邊，趁住天氣開始有啲微涼，一邊吹海風一邊食，再加上一杯啤酒，簡單舒服嘅一個晚餐，好似生活左係莫內畫入邊咁。

周末假日，去到中環碼頭見到一間叫白鬍子專食fish and chips嘅外賣店。感覺非常英式，但店面見到好多關於new zealand 嘅圖樣。望望大餐牌有5款炸魚薯條供應，價錢都唔算貴。仲有手工啤酒售賣，around $38一支。雪櫃於店外，客人自取後到cashier俾錢。周讚所見，都有好多外國遊客幫襯。拎到手喇，店內只有近碼頭一張長桌、四個座位。我還是拎去望住個海慢慢食。檸檬黑椒炸鱈魚薯條 $77炸鱈魚有兩條，食落黑椒味好香濃，配埋檸檬汁加鹽 已經好惹味。 我地選左配芥末醬。手工啤酒$38 隨意見到邊樽靚就拎，抵飲，但略苦。拉絲芝士條 $35 可能唔夠熱食，拉絲情況唔明顯。但幾香芝士味。炸鱈魚真心正，有魚嘅鮮味，仲有丁點魚皮！