白鬍子炸魚薯條 (已結業)

去clockenflap之前先醫下個肚，啱啱搭船由TST過海到Central，落船見到White Beard 都幾多人幫襯，又幾受外國人歡迎，就跟風排埋一份。旁邊有幾張枱坐，遊客可以感受下香港。即叫即製，要等一陣！等係值得嘅，美味的下午茶時間開始！garlic prawn boat ($48)外賣紙盒好cute，有個鐵hanger。蝦子很大隻，肉很彈牙，炸漿很薄很脆，好棒喔！lemon & pepper fish & chips ($77)配tartar sauce & garlic aioli，炸魚很酥，肉質肥美，很有質素，簡單加lemon & pepper已經好夠味。薯條很真實，很飽滿，食到薯仔薯味。iced lemon honey (set加$15)蜜糖味很重，檸檬味不會太酸。

到過美酒佳餚2018後，就到附近吃個簡單晚餐。卡米拉其實留意了這家白鬍子炸魚薯條很久，只是一直找不到對的時機。是夜，正好在此品嘗一下快餐。店外有一張很大的餐牌，可在排隊時細看。收銀處附近有支裝啤酒。顧客可隔著玻璃看到食品的製作過程。廚房看來清潔，吃得安心。幸好卡米拉剛好不用排隊。食物是即點即制，等候時間約十五分鐘。白啤酒炸生蠔 ($48/ 3 隻) 體積很大及肥美，內裡仍仍能保持濕潤。炸鱈魚薯條($77) 加魷魚圈2件 ($12) 的外皮脆口，鱈魚肉結實但不韌。薯條及魷魚圈炸得金黃香口。卡米拉看著人來人往的碼頭，再聽著Eason在附近開live的歌聲，也很寫意。當然這還在和在英國海邊吃著魚的感覺差很遠，在此回味一下也足夠。

今日下午，要過中環開會，回程的時候在中環碼頭見到有一間賣fish and chips的鋪頭，叫白鬍子炸魚薯條。除了fish and chips，白鬍子炸魚薯條還有賣炸海鮮，如炸蠔、炸蝦、炸魷魚、炸魚餅等。今次點的東西有了一口炸魚薯條、白啤酒炸生蠔和lemonade，共花了百多元。一口炸魚外皮鬆脆，魚肉嫩滑，富魚味，一口一粒，進食十分方便，薯條🍟炸得黃金，條條熱辣辣，咩熱氣完全一於少理。至於白啤酒炸生蠔，外層包著脆醬的生蠔依然鮮嫩，蠔肉大隻肥美，加少少檸檬汁更加正。吃到口乾乾，飲返口lemonade，檸檬味清一清個口，解渴之如又減低油膩感。

乘船前往尖沙咀，在這間立食炸魚薯條買了兩set Fish N‘ Chips另加炸蠔三件，碰巧碼頭的公眾椅子桌子剛好有位，吹着海風吃炸魚薯條還是第一次！試了Signature fish and chips($68)及Lemon Pepper fish and chips($77),兩款魚肉質地好像有些不同，外脆內軟，好食。沒有很厚的炸漿，值得推介嘅係啤酒炸蠔，size好大，好有蠔味又多汁，$48算抵食，這個份量剛剛好，會再光顧。

又食好西時間今日去左中環搭船，係到等緊朋友同時好肚餓，見到呢間可以炸魚薯條就心癢癢咁去試一試啦。呢間鋪面細細，但都有好多唔同既野食揀。所以就同友人揀左以下呢既款野食：炸務鱈魚薯條因為冇哂炸魚薯條就點左呢個，薯條比較幼身，而且要好重薯仔味，裡面好多薯仔咬落好有口感。鱈魚味道十分厚肉而且炸完十分嫩口鮮味十足。最重要係份量十足，正！白啤酒炸生蠔好少地方有得試，所以就好豪氣咁點左2份，滿足大家愛蠔的口慾！蠔既size隻隻都好大隻，而且包住啤酒既炸漿，咬落去好鬆化而且蠔完全保持到鮮味，隻隻都好飽滿而且食落有陣陣啤酒既香味。加埋佢既蒜味醬十分惹味。炸魷魚圈魷魚圈炸漿好薄，啖啖都係魷魚肉，仲炸得岩岩好，完全唔會過老，爽口彈牙，再加檸檬汁既點綴下食落唔會覺得太油膩既感覺。當然我地唔少得點左佢地必飲既鮮檸檬汁，飲落完完全全係檸檬汁，但一啲都唔酸同埋苦澀，配落啲炸野感覺好清新，消滯。繼續又可以食野啦！

去完中環，在七號碼頭準備坐船返尖沙咀之際，見到碼頭有一間賣fish & chip 的外賣店，食物的賣相不錯，而價錢又不算貴，於是買了一份檸檬黑椒炸魚柳薯條、白啤酒炸生蠔(3隻)和凍檸檬蜂蜜。所有食物都是即叫即炸，從下單到攞到食物，大約五分鐘，趕船的朋友要注意口啊。檸檬黑椒炸魚柳薯條十分有驚喜，它的皮香脆而薄薄的，一口咬落去會先感受到黑椒的味道，少少辣而不嗆喉，擠擠檸檬汁，提升味道層次之如，又減低油膩感，薯條炸得又香又脆，都很正。至於白啤酒炸生蠔，外皮同樣香脆而薄薄，裡面的生蠔依然保持嫩滑，還能吃到蠔汁。吃完炸魚、炸蠔，當然要飲返杯野飲，凍檸檬蜂蜜不太甜，完全啱哂個人口味，蜂蜜更能滋潤喉嚨。以幾十元的take away 店，品質真是十分有保證。

同友人去到中環碼頭搭船過尖沙咀有些肚餓經過white beard fish and chips陣陣炸物味道飄入我既鼻孔同味蕾我又忍唔住要食炸物啦叫左個招牌炸魚薯條大大盒都係$68炸魚沒有雪藏的味食落好新鮮外脆內彈有兩大條同朋友分享食最方便薯條都是原個切出來去炸的因為有薯皮食材新鮮用料上盛醬料共有七款任君選擇如果是醬怪的朋友建議加$5 揀多款醬是靈魂所在我就揀左Mustard小小甜 配合炸物是一流另外朋友叫單叫了洋蔥圈大$35/ 六大圈芝士炸雞$35/ 三粒（睇番原來醒多左粒過我地🤫）全部炸物都係即叫即炸炸雞製作需時靚女店員通知話要大概十五分鐘當然係咪都要等上船食好野等下都無妨雞肉柔嫩配合芝士醬汁都幾邪惡洋蔥圈全部都係大大圈的好完整鎖住甜甜洋蔥汁外面又夠脆口食咁多炸物緊係要叫番杯特飲檸檬就最消膩又醒胃夠哂大杯食多幾件炸物都唔怕啦靚女店員提議不走冰走冰就不是那回事最後不走冰 甜味剛好酸酸甜甜 好解渴

呢間喺中環7號天星碼頭嘅Fish n Chips, 如果唔係搭船都發現唔到佢。 舖仔細細但都好多野食俾人揀。職員哥哥見我地有選擇困難咁嘅樣，就主動講解下個menu😂 最後我地叫左兩份，試晒兩隻唔同嘅魚。值得一提嘅係拎野食嗰陣見到有張仿報紙嘅底紙，覺得好正！令我諗起喺英國食fish n chips 嘅美好時光😂招牌炸魚薯條 HKD68炸鱈魚薯條 HKD77兩隻魚都炸得好好，外面脆卜卜，入面嘅魚肉就好嫩滑juicy 😋 個魚本身冇咩調味，所以食到魚嘅鮮味。招牌嗰隻魚啲肉實啲，而鱈魚就滑啲juicy 啲。啲薯條都炸得好好，拎上手唔會油，入面好多薯肉好正🤤每一份都會跟返一個醬，佢地有7種醬俾人揀，好有誠意！最後我地揀左mustard 同tartar醬。不過我地覺得tartar似魚柳包嘅醬😂職員話佢地嘅魚係黎自紐西蘭架，唔怪得寫住I❤️NZ 啦😆佢地嘅fish n chips份量同價錢都合理，味道好好，值得一試👍🏻

搭摩天輪之前見肚餓，見到人地食炸魚薯條，個樣幾靚仔，所以我都跟住叫嚟食門口細細，唔係好大！食物種類仍唔算太多，但貴精不貴多嘛先先叫左個香辣炸魚薯條$77，薯條係用新鮮薯仔即炸嘅，所以食起嚟仲係熱辣辣的食落香脆內軟，好食至於塊魚柳就大大塊，肉質都算嫩滑，加埋檸檬汁同他他醬一齊食，絕對係最佳組合另外我仲叫左炸洋蔥圈$35！ 脆醬薄薄一層，一啲都唔厚，唔錯！作為下午茶，可以聽住海風，望住摩天輪食，都算係一個唔錯嘅選擇

每次經過中環碼頭都被炸魚薯條的香味吸引。今次忍不住停下腳步，買了幾款小食來試試。食物種類算多，都是香口食物。點了炸鱈魚薯條，配tartar同honey mustard。鱈魚很有驚喜，外皮炸得香脆，魚肉則入口即溶，很香很滑。薯條配兩個醬同樣好吃，由於即炸的關係，熱辣辣，香噴噴的，好吃。另外點了白啤酒炸生蠔，擠一點檸檬汁更惹味。炸蠔非常大隻，差不多成隻手掌般大。蠔亦很新鮮，不會梅，多汁又肥美！跟餐配檸蜜，不太甜。

星期日好relax咁黎個本港遊，去完摩天輪後喺碼頭搵嘢食，見到呢間fish and chips 好似以前喺英國玩時去過果啲feel，即刻去試下順便重溫下遊行嘅感覺幫襯得咁一定梗係試佢地嘅fish and chips 先，我同老婆各叫咗一份，再加多三隻炸蠔同一份炸蝦。我叫咗 Lemon Pepper Fish and chips, 啲炸粉唔厚仲超級鬆趣，啲魚仲好juicy,比喺英國食時有過之而無不及。我好鍾意呢個lemon pepper, 放落啲炸嘢上面個味好清新，令個魚一啲都唔覺油膩。另外佢地仲提供好多種醬料選擇，非常有heart.老婆叫咗Signature Fish and Chips,同樣好味，魚身又夠厚。原本專門係食fish and chips的, 點知原來仲有啲再正嘅戲肉來了，就係炸蠔同炸蝦啲蠔好大隻，炸到外超內軟，個皮厚薄適中，必食推介值得一提係佢地嘅炸粉係每次即整，唔會開咗一大盤咁用，睇得出廚師果份對質量嘅執著。我地點咗個Fresh Pressed Lemonade, 酸酸地剛好清下喉嚨同消下滯完全嘅配搭總括黎講，價錢非常合理，加埋呢個環境，對出住個碼頭咁relax，絕對係

估唔到又幾好味喎喺中環做完野, 諗住搭船過尖沙咀, 發現有間賣fish & chips, 又心思思想試下! 不過附近outdoor只係有兩張枱, 幾張椅子, 不過就比較污糟, 似乎冇乜人清潔, 可能係公家用啦, 我都唔sure, 大家可以去第二個位食嘅~ 同埋staff似乎無乜笑容, 呢樣又扣左小小分~我哋叫咗個Garlic Prawn Boat, $48, 蝦肉都幾爽口彈牙, 有口感！ 我哋當然有叫埋fish & chips啦, 魚都算大份, 幾厚身, 結實嫩滑, 外脆內軟, 難怪成為招牌菜!

上星期去中環出席個Event，經過碼頭見有D餓，就求其買D野食，本身諗住食完就算，冇諗過寫食評，所以就冇影相。不過食完真係要讚一讚，堅好味，平時食既炸魚薯條，多數都係好厚粉，食完都唔夠有魚，但呢間唔厚粉之餘，仲即叫即炸，勁脆。醬汁都好好味，我見到D外國人食都點哂頭咁，應該都覺得好有水準。薯條就幼身既，唔係我想像之中既粗身著條，不過都好味，可能係即炸關係，成件事係好完美，再加上中環碼頭既環境，真係好Chill，大家有機會一定要試下。

去中環有咩做？唔係去返工，唔係去搶iphone，係坐響碼頭邊，聽住浪聲，聞住淡淡海水味，懷住半放空既心情，食住炸魚薯條，原來響香港都可以咁寫意依間炸魚薯條就正正開正碼頭邊，俾啲想像力，真係可以幻想自己去左紐西蘭店隔離有張小枱子，可以坐響度睇下海，都幾寫意我地梗係一定要叫炸魚薯條，加多左洋蔥圈同蝦餅，仲有檸檬汁，炸魚好大塊，夠脆，而且皮唔會太厚，魚肉亦結實，好味，至於薯條，講唔出有咩特別，但勝在有8款醬可以選擇，小妹揀左泰式辣醬同洋蔥醬，鐘意混醬既小妹，點左醬食咩都咁好食洋蔥圈就真係又驚喜又不得了，直徑真係有成個拳頭咁大，而且炸得好鬆脆，洋蔥圈配洋蔥醬絕配蝦餅都出色，好彈牙，而且好窩心咁有片檸檬解解濟，蝦餅配泰式辣醬又係夾到不得了，真係食完想再食禮拜六放假，可以咁寫意渡過一個下午，真係想encore 再encore

秋意漸濃，今次起坐船去尖沙咀前起中環碼頭吹住海風食熱騰騰炸魚薯條，起香港專食炸魚薯條的地方唔多，想食到到出色的炸魚薯條更難。食炸魚薯條氣氛其實都好緊要，今次起碼頭食有涼風吹住邊坐邊食份外寫意。炸魚薯條分左不同款式及口味，原本想食鱈魚不過賣晒，所以留待下一次吧：）今次想推介呢款「檸檬黑椒炸魚薯條$77」，炸魚份量十足，魚肉厚身，質感札實，加入檸檬汁同醋，檸檬的酸帶起個魚味，外層炸得薄脆，炸魚啖啖肉，配埋粗身薯條，整個組合令人非常滿足！