百樂門宴會廳 (已結業)

今日個妹提議話食樓下呢間任食，因為之前佢聽人講話都好食。就試吓啦～一入到去，已見９成人都係食小菜，成間酒樓得３枱人火鍋（連埋我地）已經覺得奇怪。。。但係因為曾經有好評，我都亦都決心一試。點知唔試又是可，一試把幾火佢一拎出嚟，係大集會咁咩都有咁係埋一碟，而唔係分碟，但都唔緊要，最緊要係有Ｄ野我地都冇叫，點解會咩都有啲咁係晒個碟到呢？而且，成碟都係雪到仲有冰咁拎出嚟有好多仲雪到火山口咁，其中一個潮州魚蛋，我地一直以為未到，一問之下。。。先知原來大集會碟上面嘅灰灰白白一粒粒火山口嘅野，就係！！！我地問個經理，當時個經理都猶疑咗一陣先答到我地呢碟大集會，應該係酒樓一早ＳＥＴ好咗，放入雪柜，因為唔多人食火鍋，所以雪到冰晒兼變晒味因為後來見到另外兩枱都係咁樣有呢碟一模一樣嘅大集會拎出嚟，我地就知道了！總結：豬潤，痴晒冰兼好腥豆腐，變味酸咗魚皮餃，雪到縮晒水，烚完出嚟，啲皮都冇晒彈力雲吞，雪到變冰，烚到浮面拎出嚟食，原來裡面仲係凍架，掉所有丸，全部都係雪到個心冰晒，浮晒面，其實入面仲係凍，有其他人一齊食，唔可以掉番落去烚架麻，所以都係　掉　收場只有菜係食得嘅，同埋自費＄３８嘅蚌Ｘ２總結：任食嘅野唔多

前幾日同左幾個同事去左呢間店飲茶,我地叫左好多野食,必叫o既有馬拉糕,蝦餃,腸粉,炸鮮奶同水晶飽,d野食質素唔錯,係上菜時間比較慢,d小二算ok,但唔算好有禮貌,個場唔算太大,但坐得唔太迫,可以.呢區只有呢間店同稻香,佢呢間店o既質素明顯好過隔來o既稻香,價錢亦平d,以後都會食呢間.

早上八點幾去飲早茶，等咗三十分鐘才有位。其間有好多人的大門出出入入，我都不以為然，以為好快到我！三十分鐘後入到去無人帶位不特止，仲要問咗幾個仕應亂指條路比我哋，等我哋發晒火先有人應！之後叫點心，都要叫咗幾聲大聲先有應，不過食物黎得都算快！其間不斷見到住宅那邊門口都有人入黎飲茶，但眼見佢哋係不用去攞紙等位，而係一走入黎就直喺你面前等！令到我哋食緊都覺得非常有壓迫，之後仲要有個仕應比張椅比坐喺我哋後面！我記得以前都係咁樣等位，但點解依家呢個茶樓有兩種攞位法，咁樣對喺出面等位又無得坐既客人好唔公平！之後我哋問個仕應點解會有人坐喺後面等位，佢話咁樣無問題，仲要話返我哋轉頭，話佢一早拎咗飛！但我哋明明見住佢喺住宅門口入黎！仲要唔只一個客人喺咁樣做！後來結賬走人時見門口仲有好多人拎飛等位！我諗以後都唔會再黎呢間食嘢！

經過百樂門門口, 見裝修好靚, 食物做特價, 但可惜找不到下午茶的食評, 但好想試試, 今天決定試試1) BB 鴿: $12.80 細細的BB鴿, 味道 OK , 可惜皮不脆, 失望(2) 牛腸 : $7.80 小小牛肉, 厚厚粉皮, 放進口裏, 感覺不到牛肉的存在(3) 燒鴨籟粉: $4.80 大大碗, 可惜燒鴨放在粉上, 沒有用碟分開, 把皮浸林, 味道一般, 但好抵食(4) 咸水角: $7.80 味道幾好, 但沒有加熱, 凍凍的, 扣分(5) 馬拉羔: $7.80 沒有吃, 打包回家, 明天早點(6) 茶: $6.00 一位 茶都OK, 比稻香好如果看門面, 與食物水準來說, 稻香比較好食和平, 下次一定不會再來百樂門啦

公司附近開咗間新酒樓，我地班為食兵團又要出動喇~門面華麗亦充滿氣派，紫白既配搭好柔和令人覺得好舒服~朝早打去訂位，難得係酒家接線都好有禮貌，一點去到就已經可以入坐！所以訂枱真係好重要，因為有好多冇訂枱既人等緊位！午市會有一ｄ套餐可選擇，但係我地決定剩係食點心！有一款佢地叫「心食流沙包」既點心，既然佢地話必食，咁我地又試下啦！淡黃色既流沙包，熱辣辣，的確做到流沙既效果，不過餡料唔夠香唔夠滑，味道普通！蝦餃又做得唔錯喎，澄皮唔算太厚，蝦肉亦爽口彈牙！唔會有好多肥豬肉係入面，感覺冇咁油膩！春卷炸得鬆脆，可惜餡料唔夠平均，我食咗三件先有一件食到蝦仁！而其餘既點心都只係不過不失，未去到高水準，但又絕對唔會難食，全部皆係不過不失之作！不得不提佢既一個小食燒腩仔，皮脆肉嫩，一定要試試呀～價錢比同區貴，但服務係同區咁多間酒樓之中最好既！既然大家既質數差不多，咁我會寧願選擇有服務同埋環境比較舒適既去幫襯啦！

我係呢度食過好多次,味道一流,早茶,午市茶,下午茶,晚市都食過幾次,亦都訂過幾圍係房食都有.好多酒樓下午茶水準差好遠,呢度反而冇呢個問題.其實佢只係個正價午市茶比同區貴,下午茶平好多,食物唔差,枱同枱中間有空位,唔似附近有啲酒樓坐得唔好,成日要搭枱.晚市都食過幾次,味道好,魚蒸得好好味.有次訂幾圍,佢比間好靚既房我.其實係結婚酒席,我圍數唔多,佢都肯幫我整,仲有西式佈置,有靚靚簽名報景,入門口放咗啲花,同油畫,簽名個位又有個靚靚水晶燈,全部整得好靚,個場本身已然好靚,加埋呢啲,好得.佢地仲做哂結婚儀式比我,我之前其實訂第二間酒樓,果間野咩都唔比,我話自己整都唔比貼,怕我整花佢啲牆紙,好彩轉到百樂門,完全冇失禮人.我仲加咗少少錢轉條太老虎斑,條魚比我想像中既大,絕對抵食,我好多親友係食完條魚已經好飽,因為真係好大條.個魚頭有個碟咁大,好多人都話未見過咁大條,佢全部野食只有讚,冇人彈過,連最後個餅仔都係熱的,我最衰係太飽冇食,好後悔囉.一般酒樓呢個餅係凍,連個紅豆沙唔係太甜,都好鍾意,價錢好合理,而且服務都好好.

食物比預期差得多,但原本的預期不是那麼高要求呢.....點了蝦餃,燒賣,奶黃包,鳳爪等等..但可說沒一樣東西是可以推介.這裡就只是門面看到好一點,正當比起附近兩家酒樓.要是選擇,會先想稻香呢!反正沒有特別的OFFER.廳面很小.等位也漸了很長時間.尤其是要求非搭枱喔!

此店裝修金碧輝煌,由於其樓底高,未入門口擡頭就看見四盞大水晶吊燈,使人感覺很有氣勢.於開張第五日幫襯,正價時段亦要等近廿分鐘才能入座.即使等待都要試試它值不值得既.四個人就試了:鮮蝦腸(特) - 腸粉軟滑,每條腸粉有兩隻大型的中蝦,料正味掂,好!燒乳鴿$28 - 乳鴿炸得香脆,不油,以價錢來說絕對值得!(夜市價$48)蘿蔔糕(中) - 稍薄,只得三分厚,底面都煎得很均勻,看得出負責煎的員工很落心機做,抵讚!值得一提的是辣椒醬很正!叉燒酥(大) - 汁多皮酥夠熱,食落有少許汁液濺出,過癮!泰式炸茄子(中) - 用白茄子做,不說還以為是炸番薯,炸得很酥香鬆化.香芒布甸(大) - 夠凍,食落有香味,有質感,幾好!羅漢齋炒麵$38 - 配料多,有草菇,雲耳,雪耳,甘筍,竹筍…等七八樣材,麵餅炒得O.K.,個人覺得如能再炒得乾些就更好.辣椒油(不太辣)又很正!叉燒包(小) - 皮稍厚兼餡少,但食落很鬆軟.鮑汁扣鳳爪(大) - 以南瓜替代花生,南瓜和鳳爪都幾好食,但作為大點就稍貴.香蕉千絲酥(大) - 平平,沒有千絲的感覺.必食流沙包(中) - 不夠熱,完全沒有流沙的感覺,名字錯配.這店平日正價時