皇室盛宴 (已結業)

今日要試既係皇室盛宴，事緣前個星期黎呢幢大廈食lunch發現到呢間隱世地方，位置係皇后大道中118號3樓。頭盤有幾道菜，分別有招牌菜煎西瓜拉龍蝦肉黑魚子醬多士 (兩粒西瓜好特別，依照食法兩粒西瓜會有唔同層次，食埋舊多士更加滋味)、香芒龍蝦沙律 (賣相很美，黃色好奪目，芒果同沙律菜mix埋食甜甜酸酸幾開胃)、龍蝦肉威士忌蒸蛋 (很創新既組合，竟然諗到用威士忌黎蒸蛋，認真唔簡單。蒸蛋賣相精緻，開殼功力唔簡單，威士忌味經蒸過後冇咁濃，但仍然會食到威士忌陣味)、黑松露龍蝦湯 (鮮甜好飲，散發陣陣松露香)、雪葩 (檸檬味，清清個口準備主菜)、龍蝦意大利飯 (risotto比想像中好食，飯口感似正宗意大利飯，咀嚼中既risotto會有陣腐乳香，陣香味會令你食欲增加。呢個配搭好完美，好鐘意呢個risotto)、朱古力布朗尼伴雪糕 (脆身且味道不錯，雪糕係抹茶)。

我先生40歲生日，話想搵間餐廳可以靜靜地咁食餐飯，於是就係openrice search 中環既法國菜，見到呢間叫Royal Feast 既私房菜評語幾好，食物賣相似高級料理，所以決定試試。黎之前溝通過揀左個有7道菜既menu (Royal Deluxe)，當中有一道帶子刺身，但我先生唔食生野就叫餐廳轉左第2道菜。 頭盤係煎西瓜拼煙燻海鮮，擺盤原來有原因，由左至右食既話中間兩粒西瓜係會帶出唔同味道，可見心思之餘味覺上融合得很好。 好喜歡鵝肝沙律既沙律菜，自家制黑醋好味，而鵝肝配藍莓醬令兩者味道結合，又甜又酸又咸中又能取得平衡，令呢道菜更加出色。 食完沙律到帶子刺身配白松露醬，而先生個份就轉左做XO 醬扒帶子。其實我本身對白松露醬既感覺麻麻，但食完呢幾塊帶子之後又覺得好好食，XO醬帶子則係另一種唔同既味道，比較香口之餘味道比較濃。 黑松露野菌湯好出色，入口細膩好重奶味，每啖都充滿菇肉口感十足。 食完雪芭之後就係main course，我地一樣都order 左安格斯肉眼，兩份肉眼都煎得恰到好處，肉質軟淋，好食。 最後到甜品，試左新出既甜品朱古力火鍋，用上godiva朱古力做底，滑滑既朱古

第一次光顧，入到去感覺好舒適，裝潢優雅以白色做主調，有張淺綠色梳化擺左係窗個邊，整個感覺似係屋企食飯多過出左去餐廳食，仲有個outdoor出去比人坐下傾計。 招牌deluxe套餐有7道菜，食既野同係Openrice睇既差唔多，味道同賣相兼備，其中份煎西瓜好別緻好吸引到我，面頭鋪滿杏仁碎，連同西瓜上既洋蔥同薑蔥一齊食口感會好豐富，值得一試。其次就係份帶子刺身，白松露味濃郁的確帶出左帶子鮮味，難怪大部分黎過既人都試呢份帶子。其他菜式就不過不失，有中上級別既水準，亦食得出廚師對於每道菜既堅持同心思。 服務好好，Serve我地個位男仔好有禮貌，好nice，每道菜出完之後都會講一講其食法或賣點。

哩間前前後後已經食過兩次，第一次係上年年尾公司聖誕包場，第二次就係朋友生日食飯，今年男朋友生日再食，因為已經食過兩次既關係，就問餐廳會唔會其他新菜式可以試下，同以往一樣黎之前已經睇左會食咩，為左保持神秘冇話比男朋友知！今次有新野試，三瓜水立方 (西瓜，牛油番瓜，蜜瓜)，非常有心思同創意既頭盤，賣相好靚 擺碟亦好精緻，粒粒瓜都經過輕煎，牛油番瓜比較硬身，蜜瓜同西瓜就分別有燒燒地既味道。另一道新菜就係黑松露龍蝦湯，之前黎兩次都係黑松露野菌湯，今日個龍蝦湯又唔錯喎，味道夠濃之餘帶點松露香味。老闆認得我，最後請我地飲左passionfruit tea，好香，由於是花茶關係，味道唔係太濃，但都多謝老闆！

以往既母親節都係去酒樓食飯，見食左咁多都悶，打算今年試下新野去食私房菜。經朋友介紹下得悉皇室盛宴呢間私房菜，原來都幾多報導講過佢既菜式，當中最想試既就係份煎西瓜。媽咪聽到之後都覺得可以一試，於是就打去訂位訂8點4位。地點係中環中心對面，泊左架車係中環中心行過去唔駛一分鐘。一坐低真係有點意想不到，餐廳預備左枝紅玫瑰花送比每位媽媽，呢份驚喜令到媽媽好開心！對有咩食個陣又會同媽媽講多次母親節快樂，個一刻我覺得似去左人地屋企食飯多過去間餐廳，完完全全感受個份與別不同既服務，係抵比tips！野食方面就非常okay，當然食左最想試既煎西瓜，賣相精緻好吸引，味道好特別，甜甜地又帶點辣辣地，可能因為加左洋蔥既關係。第2樣我覺得一定要介紹比大家既就係份白松露帶子刺身，真係好好食，帶子好甜入口即溶個下感覺好滿足，如果訂位黎食飯一定要order定呢道野食！第3樣值得講下就係個野菌湯，未入口已經聞列大陣松露香味，入口感覺豐富飲得出真材實料，絕對冇任何hard sell成份！最後一點要講既就係餐廳係每檯上甜品個時都會熄小小燈，播住beyond首”真的愛你”，見到媽媽聽到”無法可修飾的一對手”真係有D眼濕濕，個一

今日約左閨密睇29+1，約左係zara旗艦店門口等順便行下街先。行街血拼前當然要先醫肚，，於是就用openrice app睇下附近邊到有好野食，最後選擇了Royal Feast，係zara行2-3分鐘就到。餐廳入面檯數很少，上到來完成唔覺得係食飯時間，眼見每檯都慢條斯理咁一邊食一邊傾計。環境算唔差，白色牆身感覺簡約優雅。店員好快就遞上餐牌，價錢唔算貴，由$90-$160都有，當中安格斯肉眼就係$160。先問店員今日係咩湯，店員答麥精湯個下我O左嘴，乜麥精都可以黎做餐湯? 真係滿心期待！主菜我就點了鮮蝦有機黃瓜意大利麵，朋友就點了牡丹蝦刺身飯。等左接近5分鐘就上個湯，一入口麥精味唔重，反而奶味比較重，奇怪係麥精味道會一步一步走出黎，味覺會由甜慢慢變咸，那麼神奇！(滿心期待關係竟忘了拍照！) 意大利麵就不是特別的好，跟出面吃的差唔多，用上有機蔬果也加了小小分啊！最後甜品係朱古力雪糕，朱古力味濃，炎炎夏日食雪糕心都涼灑。 餐單設計上很豐富，包餐湯、主菜、飯品同甜品，當中最難忘當然係麥精湯，唔知下次來會唔會係試維他奶湯呢?

第一次上royal feast是在朋友既bridal shower party之上，個時4鋪仲係銅鑼灣，當時既食物質素確實有番咁上下，最懷念係招牌菜煎西瓜。上星期同同事去開幢商廈食完晏，喜見royal feast搬左黎中環，當然要搵日試試啦！同同事夾左今日黎試，即日訂位，會透過whatsapp confirm同會建議預先選定食咩來縮短等侯時間，這個舉動頗為貼心。 午餐價錢在中環區都算幾吸引，當中不乏招牌fusion菜式，套餐包埋湯，甜品同飲品。我就選了野菌意粉，因為今日想吃得比較清淡。由於係私房菜關係，所有Order既食物都係即場整，所以等侯時間亦會較長，我碟意粉預先order了都需要等接近十五分鐘，當然上菜後覺得都值得等既，意粉色香味俱佳，菇的份量亦算多，啖啖意粉都有香濃既野菌味，不用五分鐘就把意粉吃光了。 個人建議訂位訂十二點半或之前，因為十二點半後客人逐漸多，等侯時間亦都會等得比較耐。

與好久不見的朋友慶祝生日，一年見得約兩三次，當然要搵個好地方好好聚下舊。朋友帶我黎左呢間位於樓上既私房菜餐廳，朋友曾經去過銅鑼灣店數次說很滿意所以也訂了這個地方。因為朋友和老闆比較熟的關係，雖然我地只有8個人，亦特意安排了成個場比我地，面積以私房菜而言算頗大。因應要求，今晚我地可以坐係室外，感覺幾舒服。這餐的餐單都是由老闆預先按我地個budget去諗，聽朋友講每次食既野都可以因應個別口味去設計新餐單。今晚餐單一共有8道菜，聽落已經覺得很豐富呢！先來招牌煎西瓜拼煙燻海鮮，這是一道非常出色既菜式，富有創意且味道層次豐富，真係想問下老闆呢個想法從何而來！很喜歡這道頭盤，煎西瓜、煙燻蠔同多士都美味，朋友們則對件吞拿魚讚不絕口，特意加上松露油令其鮮味無比。再來就有鵝肝沙律，我從未食過手掌般咁大件鵝肝，果然是一分錢一分貨！鵝肝煎外脆內軟，夠甘香，口感豐腴。老闆亦得意出來分享製造黑醋既過程，原來一點兒也不簡單！老闆整既黑醋酸甜度醇厚溫和，味道層次好豐富，令平平無奇既沙律菜更加好味。黑松露野菌湯餐廳的另一招牌菜，的確與坊間的野菌湯有著很大的分別。聽老闆介紹時，呢個湯用上了26種接近300隻菇，因此味道

連續幾日都落雨，已經困左係公司連續食左幾日外賣，今日終於有少少太陽一於出去食。心諗今日出太陽出面食晏一定會比平日更加多人，咁岩醒起之前黎過royal feast食晚飯，覺得service好好，離我office又唔算遠，就打去訂左1位12點30。由landmark行過去royal feast大約8分鐘左右，路程都唔算太遠，入口係北京同仁堂側面。呢到既晏就個feel同夜晚好唔同，夜晚就燈光暗暗感覺比較浪漫，晏就相對地就比較光猛，有點似係屋企食lunch，自然光射入黎感覺舒服，室內兩部新冷氣其實有點凍，個靚仔廚師見到我披件披肩會主動較高d溫度，真係細心。出發之前會收到whatsapp同要你預先choose main course，所以黎到基本上坐低等食就可以。餐湯同上次飲既一樣係松露野菌湯，味道keep到！主菜就order紅粉海虎蝦，好大隻蝦落左紅粉好惹味，煮得恰到好處肉質好爽，配菜方面調味得宜會令你好想一路食落去，份risotto is super yummy，第一次食有腐乳味既risotto，好好食。甜品係朱古力雪糕，就咁食應該係用movenpick，食過應該食得出個分別。最後order

Royal Feast is a private kitchen that should never have been opened. Tonight was my second time to this place and both times the experience has been disastrous. I finally felt compelled to create an Open rice account and write about this place, so as to warn fellow foodies to stay clear of this establishment. 1st visit: we booked this place out for a birthday dinner, and although knowing our number of guests in advance the place was no where near equipped to handle the number of guests. the food

主要是空氣質素問題1. 冷氣似暖氣2. 空氣不流通其次是沒有冷水降溫最後是食物份量奇小根本沒考慮正常食客的食量唯一可取之處是食物品質及廚藝但中暑之下 還能細心品嚐嗎？

同男朋友慶祝拍拖周年紀念，希望找一間環境高尚食物水準不錯既地方慶祝，順便用下匯豐信用卡晚市套餐既優惠。按照匯豐信用卡既條款，折扣後個價錢真係好抵食，$300左右有7道菜，打電話訂位同餐廳確定個優惠後就confirm。收線後1分鐘內會收到餐廳send whatsapp黎confirm訂座，仲會send埋餐廳既資料比你參考，值得一讚！七點半來到餐廳，客人數量唔多，只有幾位白領人士飲緊紅酒傾緊計。餐廳環境富有西方特色帶點家既感覺，音響播緊歌好似聽緊live music，尚算舒服。套餐一共有7道菜，每個course會慢慢上，想你慢慢食唔駛食得咁急，享受一下同愛人相處既時間。雖然係煙三文魚，但入口細味會食得出個分別，肉質滑溜帶少許松露味，呢個開胃菜好似幾一般，食落覺得又有水準，令人會期待其他菜式。黑松露野菌湯好滑溜，啖啖菇味會係口中停留幾秒才散去，十分不錯。食完雪葩會有人問你份三文魚半生熟O唔OK，唔OKAY就會煮熟一點。半生熟我地都OKAY，煎得剛好，肉質比較軟綿，千島蛋黃醬好好味，男朋友仲問人有冇得就咁買個醬！另一份就係紅粉燒海虎蝦，有點BBQ既風味，薯仔反而令我印象深刻，好入味好好食。食埋

男朋友生日，想試下新野，咁岩見到呢到經Openrice訂有6折，就訂左呢到。入到去個感覺幾有情調，播住英文情歌幾浪漫。叫左deluxe既7道餸，total食左大約2.5小時，每道菜之間既時間唔會相隔太耐，又唔會上得好急，感覺舒適。服務方面幾細心，一開始對餐牌，問你有冇食物敏感，每道菜都會講幾句，幾好。味道都中上，煎西瓜夠特別，個湯夠濃味好飲，鵝肝煎得剛剛好鎖住油份，入口即溶，份甜品紅酒煮梨都可以，甜甜地好香紅酒味，macaroon自己整都好味。最後幫男朋友個蛋糕點左煙花candle，呢個效果意想不到，男朋友有點shy但開心既。

因工作關係時常周圍飛外地工作，同朋友聚少離多，偶然先會約出黎見下面。最近朋友婚同升職加人工，當然要同佢慶祝一下！同朋友咁耐冇見，當然想搵個地方可以靜靜地傾下計食飯，所以BOOK左呢間樓上餐廳。當然BOOK之前都做過小小資料搜集，睇過下呢間餐廳的食物照片，大概都被食物吸引住，黎之前就透過whatsapp選定了ROYAL FEAST套餐，一共九道菜。生蠔，法國fine de claire，新鮮。煎西瓜拼黑魚子醬多士，擺碟好靚好別緻，睇得出有心機之作。一口吃下第一粒西瓜，味道新奇，第一次食暖暖地嘅西瓜，經煎過嘅西瓜不像平時水份充足，因為西瓜上鋪滿杏仁粒粒，增加西瓜的嚼口感。法國鵝肝沙律，鵝肝厚身，表皮煎得很香脆，入口即溶，上碟已經頗為吸引，加上了黑醋嘅沙律菜幫助減低當中的油膩感，相當合拍。松露醬帶子刺身，一道非常驚喜嘅菜色，鮮甜且好香松露醬嘅味道，份量亦剛剛好有幾片，咬落亦鮮甜爽口、嫩滑。黑松露野菌湯，聞落就已經好香菇味，用上接近三百隻菇菌，感覺很濃非常足料，係主菜前先暖暖個胃，味道非常佳。日式黑魚子醬威士忌蒸蛋，我非常喜歡呢道菜！賣相可愛之餘亦用上我最喜歡嘅威士忌，蛋香滑，加左黑魚子醬令味

同事們食晏經常去一式一樣既快餐店，雖然價錢經濟又快，但工作咁辛苦都係為左食者。有見及此，今日出糧我地幾位同事決定要搵間特別既野食下當慰勞下自己，上網見呢間既野食都幾特別，就打電話訂左6位12:30。 我地一行6人12:30準時到達，我地係今日既第一檯，可以暢所欲言咁傾下公司野。坐左約5分鐘就送上餐湯，女侍應介紹係新創麥精湯，其實一開始我地仲以為係餐飲，好有趣既味道，既有麥精既甜味，也有一點點咸味，有層次之分。主菜就分別揀左海虎蝦，帶子茶漬飯同意粉。海虎蝦最好味，煎得好香，海虎蝦size一向有番咁上下，肉質彈牙有口感，濃味既虎蝦汁撈意大利飯食好好食，超讚！意粉同帶子茶漬飯都okay，意粉味道剛剛好，好香，菇同煙三文魚落足料，而茶漬飯係用意大利飯，一道西日fusion菜式，飯有濃烈既伯爵味，加上醬油味道都okay，而帶子係刺身食，北海道直送，抵食！整體感覺都還好，唯獨是等既時間比較耐，等左接近約廿分鐘先送上主菜，眼見一碟碟咁送出，應該都係即落order即準備，建議上菜時間可以改進。