皇室盛宴 (已結業)

情人節出街吃飯，預咗係多人、迫同貴架啦！不過今年老公找了一間私房菜，相信他應該係有預先做咗功課的。（他說睇過OpenRice 的食評都唔差，咪去試下喎🤔）當晚訂咗尾輪8:30，我們8:15pm就已經到了，當然預咗未入得啦！坐底後，慶幸被安排坐了一張較大的枱，不用太逼夾😊（因為有啲枱真的很細小）只見枱面得張drink list, 我們叫了兩杯紅酒後，問題就出現了😓枱上酒杯的污跡🤦🏼‍♀️、隔離枱走咗之後，他們只是收走枱上的用具，就立即放新的餐具😱不用清潔的嗎（雖然有枱布）但未免太不衞生吧😥坐了接近25分鐘，兩杯紅酒仍然未有，當然要跟進一下，有位小姐跟住埋枱問我們不是有自來紅酒嗎？我們話沒有呀，她也很有禮貌地説，可能我們弄錯，請等多一下。紅酒上後，頭盤仍然未有，但竟然最後一枱入的客人，他們還未坐下，枱也未整理好，食物已經放在枱上🤔🤔🤔請問這是什麼服務態度😖頭盤👌🏻an-fried watermelon 還可以接受，但那件魚子醬多士硬到呢，刀义是切不開的，還是用手吃吧😅北海道帶子配松露👌🏻：松露的味道不是太濃，帶子稍為淋咗啲鵝肝沙律🤔:暖的😓菜得幾條😰蘑菇湯🤔:我的至愛，很香的菇味，但我覺得很

4 個字！ 九唔搭七！原來前身已輕輕的走了...我們一行4人，冇選擇之下唯有試下呢間啦，lunch 時段入面只有一桌食客... 好吧，看看餐牌，以為自己去左酒樓明明是西餐廳搞乜係中式menu?!Fine~ 當過年氣氛吧！先來餐湯，黑松露忌廉湯，味道香，可惜咁熱，連匙羹也不提供，要叫先俾再者，餐紙都冇張，叫左，竟然只俾了2 張包裝紙巾 真係要俾個你！都算！看看這個，餐牌寫住鵝肝XO醬伊麵，三位朋友都快吃完先等到呢份，等得耐都算！這個根本是炸公仔麵吧！底下係整碟滿滿的油呀！ MY JESUS!麵唔想再講說說鵝肝... 其實可以煎熟多少少，可以加多少少鹽，唉。自家制紫薯雪榚，又係冇乜味，留意一下右下角，係裂架！冇下次～ 完！

呢間餐廳係過年前已經想試，可惜年廿八打去訂位已經收左爐，今日朝早再打去訂2位，幾分鐘後就收到whatsapp confirm個booking同menu。12點半入到去餐廳坐左三張檯，另外有幾張檯hold左，應該係留左比訂位既客人。坐低後侍應會問你需唔需要叫杯飲品先，有幾款茶，分別有普洱、烏龍、熱情果等等。今日應新年出左新餐牌，當中有幾款都幾吸引，有原隻飽魚炒飯同鵝肝撈麵，劃一收$88免加一，用埋佢張減$20優惠券成個set都只係$68，有湯有主食有甜品有飲品算好抵食。老實講，本身諗住$88點會比原隻飽魚你，都係係咁易將隻飽魚切片比你啦。不過碟炒飯黎到真係嘩左聲，仲要唔只得一隻飽魚，有兩隻，呢個價錢食到兩隻飽魚，係邊到搵！個炒飯都有驚喜，用左意大利飯去炒，有蝦米有肉粒增加左咬感飽肚感，感覺有點似食緊意大利飯但又帶點中式風味，幾得意，味道亦都唔錯！食完主食有份紫薯雪糕，聽侍應講係自己整，味道唔太甜剛剛好，不過份量唔多幾啖就食完。走個陣會有人送你出門口幫你禁埋lift，下午會whatsapp你講聲thanks for coming，真心要讚下呢種同其他餐廳與別不同既services！一定會再

上個月公司爆數，又撞正聖誕節，公司就叫我搵個地方可以包到場成班同事聚下， 當係慰勞下各位同事。因為要夾埋夜間既同事收十點半，所以都幾難搵餐廳，有兩三間聽到十點半開始已經話唔接，其他幾間就直程無回覆，唯獨係呢間願意花時間傾，比完個預算佢都盡可能滿足到我既要求，前前後後都聯絡左好幾次，先係傾menu、傾run down、傾decoration等，比到我一個感覺係好想我黎試下。當晚有部分同事十點半就到左，我係第一批到，等埋其他同事收工過埋黎成十一點先開始食。一開始有位韓國仔幫我地鋪巾，起菜前安排左個cocktail表演，每人一杯。前菜有餐廳極力推介既煎西瓜、鵝肝沙律同白松露醬帶子刺身。呢三款前菜既賣相都okay，最鐘意係帶子刺身，好好味，肉質好滑有少少似入口即溶既感覺。煎西瓜第一次食，煎到外皮有點焦，感覺唔太似食緊西瓜，一時苦苦地一時甜甜地。餐湯係野菌湯，味道都okay，好重菌味好多菇肉。主菜分別有牛、羊、魚同蝦，魚既擺設比較吸引，用左紅莓汁做底，撈埋魚肉一齊食味道比想像中okay，酸酸地反而帶出左條魚既鮮味，想法創新。另一款主菜隻蝦既賣相就比比較簡單，味道方面都okay，夠香口咬落都幾彈牙

早前朋友來食過，係facebook見到相！覺得食既野幾特別，應該會不錯打算book平安夜同老婆黎食~可惜full booking就改到boxing day先黎食 Boxing Day 個menu set定左 每份$690 有8道菜 主菜有牛柳、有機三文魚、羊鞍同海虎蝦去揀 招呼幾好 雖然好忙但都會簡單介紹每道菜 另外叫左杯蘋果汁！飲完會問你需唔需要refill 食完主菜會問你夠唔夠食唔夠食可以額外煮比你味道還不錯 帶子好好食 係一道西式mix日式既菜式！！主菜揀左海虎蝦~顏色值搶眼隻蝦呈金黃色又脆！ 上面有少量紅粉作調味~有少許印度風味 食左約2.5鐘 ~上菜時間尚可接受 一道一道菜咁上 可以慢慢食聽下歌 都幾不錯

表妹生日, 佢話想試下私房菜。經同事介紹之下, 認識到呢間西式私房菜，地點都方便，於是我早一星期就打電話黎Book 台。準時19:30 黎到, 預先同餐廳傾左menu,比左budget餐廳諗住比個驚喜佢.煙三文魚沙律前菜黎講, 呢個沙律既賣相幾好。煙三文魚份量比沙律菜份量仲要多, 個醬汁調得幾好, 好開胃。麥精鵝肝蝦雲吞呢個菜式令人又驚又喜, 因為麥精調味真係聞所未聞, 好難想像會係點; 表妹笑說靈感會唔會係黎自龍咁威。餐廳一介紹時, 聽到個名都好令人期待!雲吞幾大粒, 入面包住鵝肝同埋蝦肉, 鵝肝既味道比較出, 加少少蝦既鮮味反而無咁膩。麥精汁比想像中無咁奇怪, 反而幾得意, 調到個湯有少少麥味, 無麥精咁甜! 黑松露野菌湯我好鍾意呢度既野菌湯, 味道好Rich, 黑松露味好濃, 口感好Creamy! 聽餐廳介紹係用3.6北海道牛而且湯入面有好多野菌粒(侍應話有26種野菌咁多), 仲落埋意大利黑松露片, 不得了紅粉燒海虎蝦 之後黎既係紅粉燒海虎蝦, Size 約成隻碟咁大。虎蝦理處得幾好，外皮好脆身，肉質好爽, 好鮮甜!!脆烤深海鱸魚外皮脆卜卜, 幾香口, 魚肉都仲係幾滑, 唔算好多

小時候曾經聽過水桶的故事，故事係講一位爺爺將一個水桶同埋匙羹俾咗小女孩，只要小女孩可以將水桶填滿水就可以得到一份禮物，故事最終小女孩當然填滿唔到水桶，但係佢係途中將佢得到嘅水俾咗其他人幫左佢哋，其實故事係講生命中的每一刻都在幫你我加水。估唔到今晚入到餐廳就諗起個故事，因為店員的努力，坐底已經有水飲。水杯水仲要係暖水，可以睇得出店員果份細心，係寒冷嘅天氣底下飲一杯暖水果然係非常之窩心滿意，就算係飲水都係甜的。友情飲水飽，今晚不需要豐富食物，只需暖水一杯，亦非常滿足。頭盤小食有烤西瓜配多士同埋大蘑菇（2人份量）整體配搭特別，味道和諧，特別烤西瓜很少地方有這個菜色，食的時候非醒胃。牡丹蝦刺身（1人份量）牡丹蝦夠冰凍，肉質彈牙。帶子刺身（2人份量）帶子刺身上面加了松露醬令到賣相更加矜貴肉與亦很鮮甜。黑松露野菌湯（1人份量）今晚最精彩的一個菜式，大廚將20多種菇菌類煮上三日，令咕．．你相當濃郁，加上當中亦有小小菇菌粒增加其口感。雪葩清清味蕾從新出發..續

成日都食呢座大廈嘅Cafe，但係就未試過呢一間，今日忍唔住入去試吓，因為搭電梯嗰陣見到佢嘅menu都幾吸引而且又有每個set減＄20嘅coupon咁覺得幾抵，就同兩個同事去試吓啦，一入到去間餐廳真係好有情調，職員都幾Nice但係竟然lunchtime嘅時間嗰度冇乜人，我哋每人叫咗一個lunch set！！！set ge野飲有得揀唔同味ge茶～每個set有一個沙律同一個soup～～～～今日ge湯係忌廉湯，湯真係唔錯，超濃，似係打碎晒唔同ge mushroom去做出黎ge，沙律冇乜特別，配搭沙律醋的～Dried Shrimp, Scallop, Baby Spinach, Risotto （＄88）講咗個意大利飯先啦, 帆立貝都幾大粒係珍寶o個隻，入邊生生地煎得ok架～但係呢個Risotto食落去感覺竟然似糯米飯多啲，坦白講其實唔當佢係一個risotto真係正ge，佢有啲似臘味飯，有蝦米，真心香味十足。不過同職員o個ge忌廉汁risotto扯唔上關係hahaa，而有火箭菜結果出嚟係一塊火箭菜分開4片，可以多少少～係真係大粒ga，同埋係口感唔錯～個底ge油都較多，同埋risotto本身已經硬

中環樓上舖餐廳，呢幢大廈有幾間餐廳選擇，見到呢間餐廳的招牌設計吸引到，感覺比較高級，同時又見到做緊聖誕買三送一優惠，就俾次機會試下啦。餐廳格間四四方方，有空外位置，本身想坐出面但今日冇開。室內環境都幾舒服，坐低後職員好快就遞menu比我地4位。呢到淨係做lunch set，有沙律、湯、主菜同飲品。沙律係普通沙律菜加左黑醋汁，餐湯係黑松露野菌湯。特別要讚一下個野菌湯，好好飲，每一啖湯都食到粒粒野菌，味道好濃，可惜份量唔夠多。主菜係三色番茄辣肉腸意大利飯，個飯比較硬身，同我早前去意大利旅行食過既意大利飯差唔多，不過味道就真係幾surprise，個飯居然加左腐乳落去煮，每一啖都好似食緊腐乳撈飯，不過係撈意大利飯，食落又覺得幾好味，有創意！總結: 計埋買三送一優惠埋單都係七十蚊，仲要包左加一，抵食！食物有水準，環境舒服又唔會趕你走，下次會來試其他。

上星期同男朋友慶祝生日，揀左間位於中環既私房菜餐廳慶祝。話到明私房菜，菜式果然唔簡單，訂位時問左我個budget，特別講左男朋友好鐘意食芒果，就為我地制訂左一道8道菜既生日飯。現場環境有d暗，格調以黑白色為主，播既英文歌幾好聽，氣氛不錯。坐低無耐，主廚就出來講下今日餐單，分別有煎西瓜拼魚子醬多士、燒大烤菇沙律、鵝肝沙律、芒果帶子刺身配麻醬凍豆腐、主菜 (牛柳 & BB春雞)、皇室甜品等等。頭盤係煎西瓜配魚子醬多士，主廚介紹呢道菜係招牌菜，每一粒西瓜按照食法的話會有變化。我地呢款黑魚子醬係來自伊朗，仲教我地食個陣用舌頭輕輕擠玻魚子會令魚子更加甜美，更加好味。食完西瓜就食沙律，因為我唔食鵝肝，就轉左燒大烤菇沙律比我。大烤菇加左芝士去焗，沙律菜都好味，落左自己整既黑醋。鵝肝賣相不錯，外皮煎至金黃色，男朋友話味道都可以。食完沙律就食芒果帶子刺身，主廚介紹時原來呢道菜係特別為男朋友而創，男朋友聽到個下好驚喜，心一定係諗邊有餐廳會為自己生日而特別想一道新菜式呢！真係意想不到！我自己都未試過！賣相好精緻，加上黑魚子醬更顯高貴。黑魚子醬跟芒果和滑嘟嘟既帶子一拼食又幾夾，味道咸咸地又帶酸甜，幾特別。主菜

30歲生日，打算搞番個生日party請朋友黎一齊慶祝，開開心心飲下野傾下計。因為1年前去過銅鑼灣店覺得食物水準不錯，所以今次生日想再去Royal Feast。本身想book銅鑼灣，但比人包左場，於是向我推介中環店，新開兩個幾月有埋露台，whatsapp睇左場地相後覺得ok就落deposit。傾menu時問得比較仔細，會問是否慶祝生日或紀念日，有冇朋友有食物敏感或素食等等，非常貼心既服務。期待左兩星期終於來到啦，一入餐廳開心到彈起左！餐廳送了Happy Birthday氣球同影相既pros比我，真係好開心！餐廳根據我個budget (每位$500)，分別有煎西瓜拼無花果，煙三文魚沙律，牡丹蝦刺身，黑松露野菌湯，柚子雪葩，主菜 (魚、羊、牛、鵝肝雞卷)，甜品。當中特別要讚兩道菜： 1) 煙三文魚沙律 – 煙三文魚玫瑰好靚，加上松露油令表面充滿光澤。Balik三文魚既質素真係唔錯，入口軟綿綿，魚味停留係口內數十秒都不散，好味。2)黑松露野菌湯 – 入口濃厚野菌味，餐廳介紹用上廿多種菇菌煮上3日，質感滑身，好似飲緊牛奶，味道比想像中豐富，不錯。牛角包非常好味，暖暖地好脆身，可惜每人只有一件。R

為慶祝同老公結婚5周年，特意找一間特別既餐廳來慶祝我倆特別既日子。係openrice搵左好耐，見到呢間皇室盛宴既菜式比較另類，我想應該可以為老公帶來驚喜！😘餐廳係皇后大道中118-200號聯盛大廈3樓，係中環街市對面。一出lift就見到大大個logo，餐廳內燈光昏暗，播著藍調音樂，環境氣氛好浪漫。安排坐於較後排位置，餐廳先會簡單對一下今晚既餐單，同時間會問有冇食物敏感，服務不錯！👍🏻👍🏻Menu預先透過whatsapp收到，可以根據個人偏好轉換部分菜式。我今晚係Deluxe menu，有8道菜，當中有老公最愛食既鵝肝！坐左約十五分鐘就上第一道菜，煎西瓜拼煙燻海鮮，賣相好精緻，煎左既西瓜好香口，一啖西瓜一啖海鮮既食法好創新，特別要讚一下粒煙燻蠔，好味😋。第二道菜係白松露醬帶子刺身，睇食評絕大部分都對呢道菜讚不絕口，終於有機會一試👻。帶子係北海道帶子，切成4片，每片都落左白松露醬，令帶子鮮味更加突出。帶子質地好滑，軟綿綿，滿口松露醬同松露油感覺好滿足。第三道菜係老公最愛既鵝肝沙律，一睇到件鵝肝就流口水，超大舊！👍🏻👍🏻👍🏻鵝肝就食得多，咁大舊既鵝肝真係第一次食。鵝肝煎得好香，一放入口即溶，

尋日午膳黎左呢間私房菜，係118號3樓。事緣係lift 見到呢間做緊每份套餐減$20，決定一試。餐廳裝潢不錯，白色牆身，坐下來感覺很舒適，沒有中環個種食個晏都要趕住走種感覺。餐牌有六款選擇，意粉、意大利飯、鱸魚、紅椒海虎蝦、牛柳等等。套餐包括湯、沙律、主菜及飲品，價錢由$88 - $138，收費唔算貴。沙律菜好味，落左黑醋味道甜甜地，合理水準，不錯的開胃前菜。個湯有驚喜，紫色既湯好少見，原來係紫薯湯。第一次試紫薯湯，起初感覺有點像吃紫薯糖水，甜得來又帶些少松露味，松露與紫薯混合後又幾夾，味道唔錯，夠特別！主菜係深海鱸魚伴南瓜汁，賣相好靚。鱸魚係用新鮮魚，味道方面有水準，用南瓜汁食魚都是第一次，皮脆香口，肉質保持油份，入口嫩滑，同時又唔會太油膩，好味。配菜就有時疏，用蒜蓉炒過好香好好味，有點中西合壁的感覺。餐茶點了熱情果茶，另外有伯爵茶，橙汁，可樂等等可供選擇。

yahoo團購 再在openrice看到有不少讚好 就買了$188的餐 失望到要寫食評表達不滿首先是預約程序已令人側目4/12打電話去 話wtsapp覆我 隔一日先覆覆我 但隔幾日先再答到我幾時有位 留了侯補位 但前一日都無人致電確認/取消再打去追問 又話好忙 wtsapp覆我最終11/12才確認booking....足足花了一星期好喇 終於有得食煙三文魚沙律 估唔到佢比得一塊仔我....XO醬扒帶子嘩 得一粒 都叫扒明明等好耐先有得食 點解唔係熱辣辣嘅?!黑松露湯我覺得好似罐頭湯，救命柚子雪葩 是全晚唯一可取的，因為係現成野 燒雞 配菜是白烚 冇味的燒雞也沒有醬汁 我認為只得7味粉配襯但還算是可以入口的香煎爐魚 是完全冇味的煎魚 只是煎了表皮 裡面是濕濕的 似蒸魚多過煎魚友人吃了一半就停口了 brownie 算正正常常，但都已經凍左囉每位$188再加一 NEVER AGAIN !!!

團購2人餐， 好難book 枱， 選左幾個日子， 一係full booking, 一係有包場party. 終於揀左今日去食。今晚全場只有3枱客， 比較靜前菜幾特別， 有煎西瓜，味覺特別。個湯都好飲雪葩份量太少了皮煎到香脆， 但有點太鹹。 這個時候發生了小插曲， 隔離枱的女子問是否有薯菜（因menu 有寫）， 但現場只有幾粒瓜。廚師出來話， 係咁架啦x2次 甜品ok, 不會太甜Overall, 不過不失， 但性價比較低。 團購$388， 再加一， 再加杯茶， total 都4百幾