盈昌燒臘飯店 (已結業)

食個叉燒飯 認住叫肥叉 佢話冇 咁都可以接受最後整碟瘦到阿媽都唔認得嘅叉燒黎 好似食緊柴咁 啲菜又黃又爛爛地都照出諗住問佢拎啲蜜汁黎送叉燒又話冇要多少少姜蓉好似攞佢條命咁 都唔知點解會開到分店呢世仔食咁多燒味舖最難食難受係呢間啦

依家喺上水都開咗好耐 賣燒味賣咗好多年位置唔算近亦唔算偏僻 喺譚仔三哥隔離鋪面唔大 都係做外賣生意多 上班族同學生哥為主不過咁耐以嚟都冇食過 今次就嚟試一試因為唔算太肚餓嘅關係 所以兩個人叫咗一個雙髀飯#雙髀飯 $70燒味來講真係畀料好足！一隻油雞髀一隻燒鴨髀叫佢俾多啲薑蓉都隨便比平時都唔鍾意食咁多飯 但個豉油同薑蓉好好味 最咪唔覺唔覺都食晒成個咁大嘅飯！啲燒味相當惹味！夠晒肥 啲肉又夠滑！另外仲叫咗一個 #例湯 $5清甜好飲👍🏿都係相當值得推薦

睇完youtube介紹突然抽起條筋好想食鴨脾鵝脾行到呢間原本都有啲猶疑不過店員姨姨好熱情招呼我哋入去試下話好多人幫襯咁就試下啦～兩個人share一個雙脾飯 店員推薦加5蚊可以有例湯個例湯比想像中大 飲落順口而且好多湯料 正😋雙脾飯揀左油脾鴨脾兩種都算不過不失 無話好香嫩多汁鴨脾相對比較失色 肉質有少少韌不過以70蚊雙脾計又真係無咩好要求而且飯底完係二人份 飯軟硬適中撈埋薑蓉 無餸都食得完個飯🤣總括嚟講 無咩想填飽肚算唔錯的選擇

期待已久的約會取消，消沉地食自己。再三思量，車仔麵？燒味？潮州冷？是鬼但燒味，食完返歸自閉！美味例湯經常賣晒，真係手快有、手慢無。多次都無乳鴿？已經停售嗎？新黎肥姐熱情有禮，跟以往那個長髮瘦削態度囂張倣慢大媽，仲有以前粗聲粗氣粗框眼鏡健碩大媽完全不同。另一大嬸玩野咩，張 $100 蚊裂少少唔想收，您咪比返我囉！您估依家係 $100 蚊美金呀，真係多舊魚！神州佬漢食餐飯鬼殺咁嘈又無禮貌，對肥嬸呼呼喝喝，食碟叉雞飯巴吱閉，以為自己大爺呀？我同肥嬸講緊野落緊單架，打斷我叫肥嬸走去落例湯，有無禮貌架，您滷味 ﹗無耐仲要走多個大陸婆帶埋獅威啤酒黎比兩條粉腸飲，講句句都擘大喉嚨，勁吵耳勁騷擾，依度您屋企咩！食客們同我一樣都黑晒面。大陸佬講電話時原來識廣東話，仲咩全程要同師傅侍應們講神州語呀？正福佳流氓。現場兩檯大媽跟細路女都係操神州語，我返左大陸？大媽：遙基揸焦撚！肥姐：您講多次？大媽：遙基揸焦撚！肥姐：哦，油雞加燒腩。肥姐利害勁呀，咁都翻譯到。大媽碟切雞飯雞食剩大半飯，細路女同樣都係食剩大半。真係咁難食？好浪費喎！雖然我都知盈昌隔夜嗅雞太可怕。中華叉燒湯拉麵，朝早的叉燒特別美？還是師傅心情特別美

去大快活都比間啦呢間野呢樣果樣，問完唔得我已經點左個最貴，仲要同啲食客討論喺度阿吱阿咗，憎死你間野以後唔好去，其實講真佢嘅嘢食一啲都唔平，去新街市樓下燒臘檔或者去2樓大排檔大把好食過佢

木瓜豬骨湯，加 $5 蚊有得飲喇，免強夠熱啦，再熱一點會更好味。肉味特濃，基本上唔多飲到木瓜味道既，整體好好飲，無問題。今晚繼續偷懶先，我真係好睏啊 ﹗求期食個晚飯就歸家，想食勁麻辣，點知行過串燒妹又滿座，又凍又大風唔想坐街邊，唯有是但燒味飯啦 ﹗到步一個食客都無，今晚那麼好運呢，即刻霸個靚位先。order 完無耐，人潮擁到喇 ﹗燒肉鴨髀飯，又無鵝髀？鴨髀都要照殺架啦！都幫襯左盈昌有段日子，都知道切雞、乳豬都唔多掂，叉燒又麻麻地，個人排行磅依次序為燒肉、燒鵝、燒鴨、燻蹄，推介 ﹗燒肉無得頂呀，可以媲美燒腩仔質數，層次分明，好食過陳六記。化皮、油脂、脂肪、瘦肉、咸肉，渾然天成 ﹗脆滑彈棉、咸香肉甜，溶合得淋漓盡致，添上蔥花豉油既白飯，好食到忘我 ﹗又到比鵝髀次一等既鴨髀喇，唔好意思，我真係好掛住半邊嬌嫩燒鵝髀呢 ﹗好厚既鴨皮一咬噴油，邊位肥膏又一舊舊，好驚啊 ﹗一於好少理，肥膏咬走，鴨皮就照食 ﹗肉質滑中帶嚼勁，醃料味道突出，跟肉汁混和再滋潤每顆味蕾，好食啊 ﹗印象中，鴨油鵝油同樣對身體有益又唔會肥，不飽和脂肪可排出體外，溶點低而不易積聚於體內。再上網 confirm 一下，原來鴨肉更有

由美國返黎一直不停飲不停食，生活勁唔正常 ﹗係時候要閉關練功，今晚收工返屋企休息一晚，聽日開始操運動先得 ﹗雙髀飯，雞髀併鴨髀，退而求其次啦。今晚既雞合格喎，只有非常微弱既隔夜味，咸香濃厚，點都掩到少少味既，又可能近來生意好，去貨快可以新鮮一點呢。滿意夠香滑，唔係以前硬屈屈乾爭爭雞肉，居然仲會滲肉汁添 ﹗不過好多好多肥膏，隻雞太懶，日日食同瞓，無做運動啦 ﹗全部肥膏要咬走先食到。賣相一流啦，係多左篤蔥油有點礙眼。鴨髀皮香肉嫩，肉質緊緻，香料滲入每吋肌膚之中，每一口都美味香甜。當然無得跟燒鵝髀比較喇，但已經好好味、好滿足 ﹗將蔥油、豉油跟白飯撈得均勻香噴噴，再搭載鴨髀肉雞髀肉雙雙投進黑洞之中，舌頭牙齒打得火熱，好味到停唔到手，大啖大啖地輸送，最終一粒飯都無剩，徹底消滅，comission completed ﹗成條街人迫迫已火火地，想急急食個晚飯返屋企打機休息。決定串燒妹食麻辣粉加串燒啦，點知滿座，唯有是但食燒味飯，最近只有盈昌，無選擇。點知又滿座，有無咁黑仔，又起火 ﹗嬲嬲地買飯盒返屋企先食啦。點知又無鵝髀，只剩鴨髀，照食 ﹗係收銀買完飛企出門口等左好耐都未有，人群擁住個出貨區想點啫！

上水是經常會到的地區，尤其是在平日的中午，今日亦不例外。今次走去新成路，有一間盈昌燒臘飯店，印象中是新開燒味食店，就不如走去食番餐飯。餐牌較為簡單，除了燒味外，沒有其他，當中有單雙併飯，亦有按重量計的燒味。叉燒燒肉飯是心儀的雙併飯，當中的叉燒並不是半肥瘦，只是間中有肥羔在內，蜜汁不是十分豐富，只是適中，沒有太多的鬆化口感，肉質較軟腍；燒肉皮不算很脆，肥瘦分明，且不太鹹，燒肉整體不靱而軟腍。油菜只有菜心一款，加上醬油，使清甜的菜心變成鹹鹹甜甜的，菜心入口也頗軟腍，沒有渣和不硬，吃一碟菜也可平衡多肉的午餐。小小燒味店，吃過飯後，無須坐多久，結賬離開。

有個企廚房新黎既阿姐喎，操流利大陸語，唔識廣東話架喎，有無證返工架？已經黎幫襯左幾次，仲有口水雞、沙薑雞、麻辣米線、雪菜火鴨絲未試。燒豬骨黃瓜湯，加 $5 蚊送您一碗湯。如果見唔到湯料真係唔知咩湯，湯熱到燙嘴最好味！最香！湯汁彷如濃縮豬肉湯，厚而黏。用燒豬骨餚湯有燒烤味，濃郁豬肉味中隱約嚐到少少黃瓜清爽味道。質數拍得住以前既權記，好好飲！切雞髀燻蹄飯，上次雞唔掂，專登黎比多次機會您！好過上次少少啦，但食得出係街市燒味質數。恰巧聽到職員討論叫貨，原來佢地啲雞唔係日日清架，仲話依家存貨可以用到星期五添，好驚！唔怪得上次硬係食到隔夜雞味，而今日隻雞髀大致無問題，肉質結實，肉汁欠棒，並無嫩滑感亦無鮮味可言，食到腳位又出現隔夜嗅雞味喇。無下次，食靚雞唔係盈昌。燻蹄超 funny，95 % 係皮，比啲瘦肉我食好喎，好采全部皮都爽口彈牙有咸香，配醋剛好恰到好處，而且酸酸甜甜好開胃。醋係外購袋裝醋，邊有自家調製加蒜加紅椒加麻油咁香甜喎！而且個袋油淋淋唔多衛生，阿姐仲要放上隻醬油碟度，我要用手指捽乾淨隻碟先敢倒醋落去呢，同上次酸梅醬情況一模一樣。木瓜燒豬骨湯，我一向唔鍾意木瓜湯，幸好極濃燒豬骨味道蓋過木

粟米紅蘿蔔瘦肉湯，熱辣辣美味香濃例湯！瘦肉鬆軟肉味道，連渣都食埋。落雨濕濕加上爛心情，吼 ﹗食野最實際，哼！上次雞唔掂，湯唔熱又油，今日就另眼相看！ 燒鵝髀叉燒飯，肥美叉燒帶燒烤味道，軟棉既質感，每一口充滿肉汁。叉燒味道帶甜而味濃，重口味略咸，但撈飯好好食！正 ﹗大大隻巨形燒鵝髀，皮脆香口，薄薄一片不肥膩，最怕脂肪厚過層皮。肉嫩幼滑、纖維細緻，肉汁一朵朵插在每一顆味蕾之上。酸梅醬酸酸甜甜勁醒胃，仲可以消去膩滯感覺。我居然全部飯都食晒，好飽啊！獨立包裝酸梅醬看似乾淨衛生，但嬸嬸將成包醬放係醬油碟度呢，個膠袋又油又污糟，好驚 ﹗我唯有自己用手捽乾淨隻碟先倒酸梅醬出黎啦。蔥油切得夠幼細不太油不太咸，比上次更好，撈飯一流，good！

上水靚燒味權記執左，淨返粉嶺分店，依家要搵返間好食燒味先得。雖然仲有陳六記，但切雞麻麻地，一品又麻麻地，行樂軒算合格。過黎試試您，夠晒誠意啦。佢地個 menu 設定好特別喎，雙併價錢同配搭都好獨，有趣。由基本試起，切 雞、燒肉先，慢慢試埋燒鵝、叉燒、乳豬、燻蹄。仲見到有雪菜火鴨絲湯米供應添，沙薑雞飯？同切雞飯有咩唔同呢？跟沙薑唔跟蔥油？令我好疑惑又覺得幾搞笑。切雞髀燒腩仔飯，失望啊！切雞髀肉質勁結實，打拳架？無雞鮮味帶咸味既切雞，好明顯係外購貨，乾涸無肉汁，我想哭。我要食嫩滑香甜雞肉呢，比我呀！切雞味道質感跟陳六記、一品乳豬仿如同出一徹，同一供應商吧。我要權記、太興、金源、蛇王兄、蛇王二既高質嫩雞。燒腩仔，反而腩仔高質喎，皮脆並層次分明，咸香突出而清爽不濁，鮮嫩多汁又棉滑有彈性，好味。油鹽味偏重，都好香口好味既，草青味不過火，尚可接受，切等幼細易入口。因為鹽味幾重下，所以要撈多一點飯先得。飯煮得不錯，乾爽有飯香，不爛不濕淋淋，讚。冬瓜雞腳湯，肉味極濃，味道滿意，但唔熱唔想飲啦！飲幾啖放棄。環境衛生有待改善，感覺好污糟咁。張枱油淋淋，又有蚊滋又有烏蠅飛來飛去！價錢就好實惠，見到生意到幾好

食物點了四寶飯，碟頭來說比較細，有半隻鹹蛋、紅腸、燒肉和燒鵝各四件。青菜灼得比較生，硬身帶渣；鹹蛋口感和味道感覺有點像假蛋，十分有彈性，微鹹；燒肉的脂肉比例是六四開，皮不脆，但肉質嫩；紅腸切得挺薄，肉味不突出；最後是燒鵝，微微焦香帶點甜醬油鹹香，但每舊都連著一大舊骨，鵝肉只佔20%，太可惡了吧！環境因應燒味鋪都以外賣，快上快落形式經營，座位之間緊密擠逼。衛生不過不失，基本衛生做足。服務快上快落形式，遞水、下單、收碟、埋單速度都很快，上碟配料跟足。總結現在物價飛漲不少，要找一家便宜又好吃的燒味店實在有點難。這店家利用了外賣減價這點吸引顧客，堂食叉燒飯30元、外賣平幾元，相信仍有點吸引力，但燒味並不算很好。