真台客

營業中

休息中

相信大部人香港人對台灣的美食都無法抗拒，無論是牛肉麵鹽水雞魯肉飯，還是炸雞扒鹽酥雞胡椒餅等等，都總是令人回味無窮。元朗最近新開一間台灣餐廳，趁今日放假一天，決定試一試新餐廳。未入店都會被餐廳大幅的落地玻璃所吸引，望著餐廳內的食客一口接一口進食，都只好快步進入餐廳。餐廳整體可容納大約40人左右，整體乾淨舒服。大量日光令餐廳更為光猛，十分明亮。兩個人食飯總是眼闊肚窄，每樣食物都想試，可惜每人胃就只有一個，可恨啊！最後，我們選擇了最signature的台灣牛肉麵和麻油雞麵線。當我們的食物一上枱，我們真心被嚇了一跳。牛肉的份量就像一座小山，再配上濃湯，熱呼呼的飄出牛肉的香氣。而麻油雞湯亦是一樣，一碗滿滿的放著三件小雞腿和蔬菜，看著都滿足。我個人比較喜歡牛肉麵多一點，貪其肉味和湯頭都十分濃郁，食完超級無敵滿足。而麻油雞麵線在兩者比較下，味道就比較淡。最後，我們還叫上一碗紅豆芋圓作結。我始終認為，雖然芋圓的口感很好，又是店家親自製作。糖水不算是太甜，所以如果店主能夠在製作芋圓時加上一點點甜味，定必為能這個甜品獻上畫龍點睛之效。

原本想食隔離間cafe,不過晚餐menu有好多款都無，就試下呢間，當晚得一枱客！order左鹽酥雞便當，烤雞腿便當，炸拼盤鹽酥雞粉漿薄，啖啖肉又juicy,完全無油益味，唔錯，不過底層滷汁就唔太夠味雞腿便當，雞腿肉好嫩，無雪味，唔錯拼盤就有炸豆，杏鮑菇，甜不辣，同鹽酥雞，花枝丸半粒，杏鮑菇同鹽酥雞較為出色，杏鮑菇完全無靑味，粉漿薄，咬入去有針流出嚟整體係唔錯，可能舖頭位置比較入，所以比較少客

本身睇佢個店既外表諗住無死啦。一入到去究竟無人理我，等左十幾秒個員工先問我係咪一個人之後我一個人坐左張4人枱落左個麵同奶茶，等左十分鐘。因為人數關系所以我轉左二人枱，點知等到有第三批食客入黎之後重要遲黎先上岸。等左二十五分鐘我就頂唔順，吹吹個職員 - (我唔知係咪店舖文化所以之前無吹) 。之後佢先上個麵，再上個鹽酥雞。到我食完哂個麵，佢先整好杯奶茶。個職員重要唔記得我轉左枱差D送左比人地個枱客飲。佢放低左人地張枱先望到我。....完全無理我到係客人。全程淨等都有45分鐘。我只係叫左一個鹽酥雞麵同一杯奶茶姐。無下次食物方面。炸物OK啦...不過唔夠味。麵個湯好多味精囉價錢方面。我叫左兩樣野就58蚊...唔算平...本人覺得唔值得囉

之前行過發現特登揾日過黎食lunch叫左個滷味拼盤 魯肉飯 雞排麵香繽葡萄紅茶魯肉飯一般煮得唔太入味滷味拼盤都幾失望野食好唔吸引 味道都正常無咩特別雞排麵比較好都算炸得鬆脆肉汁保持到整體一般

星期六中午時份，满心期待去試一下 因為網上有人介紹呢間鋪頭由台灣人經營 心想可能會有果種台式人情味 事實剛剛相反 個老闆娘態度仲十分差剛到達的時候，我踏上門前一級樓梯，然後企響趟門外面，等人安排座位。正常黎講，舖頭嘅人會即刻岀黎問幾位，但個老闆娘從舖頭入面隔住度門望岀黎，黑唒面，同我四目交投之後，當我無到，擰轉面。我有d 奇怪，距當時唔係忙緊，無做緊野。甘算啦，我自己趟門入去攞位。當時點幾左右，門外得我一個，而入面有幾張吉臺。我入去坐響最角落頭 靠牆位置 當然係問左果個女人先啦。然後我望下餐牌，好快就決定左要鹽蘇雞排飯。呢個價錢唔包野飲，我都算，因為價錢尚算合理，只係同區台灣野一般都有跟餐台式飲品。一場黎到，就俾$10試試杯珍珠奶茶。落單果時，我要求去冰，距聽唔到，我以為距唔識聽廣東話，所以我用國語講一次，點知果老闆娘用非常唔禮貌嘅語氣講: 走冰啊嘛？！ok，係我呢個做客嘅多餘，講乜鬼國語。人地廣東話不知幾好。我唯有以'你廣東話甘好嘅’打圓場，個女人當然係依舊黑面。等左好耐，先出到杯珍珠奶茶。茶味唔夠濃，奶味唔夠香。天仁茗茶好距一倍。前後等20分鐘 個飯先黎隔離台嘅食物都係上得咁慢 上

和女朋友在澳門回香港，送佢反元朗，搵下open rice 見到有間新開的台式飯店，當然要試下啦！店內位置不是很多，我們坐下來後過了一會就好多人排隊。食台灣野當然要食魯肉飯，味道十分好，是真正的肉躁切粒，不是出面的免治豬肉，十分像我們在台中食的。酥炸拼盤都好出色，鹽酥雞和酥炸香菇好美味。比較失色的就是牛肉麵，湯和面都好，但牛肉較硬。最後要讃就是珍珠奶茶，茶味好香，像是用earl grey tea沖，好飲👍🏼👍🏼不過可能是廚房不夠人手，要等比較耐先上菜，如果趕時間建議不要吃。整體上是非常好，希望店主可以keep going on !

朋友介紹元朗有間台灣餐廳係台灣人開，齋聽已經好有gimmick，星期六就特登試一試，人就不算太多唔會話好似士林咁等到佛旦都未有得食。慕名而來梗係點招牌嘅紅燒牛肉麵同埋試吓自己鍾情嘅鹽酥雞麵。牛肉麵嘅湯底係由蕃茄煮成，冇乜辣味，湯底香濃又帶點番茄嘅甜味，不其然就會掛住台灣林東芳牛肉麵，真台客的牛肉麵牛肉份量多，菜都好多，麵就一般，性價比都算高。珍珠奶茶就不過不失啦，至於鹽酥雞炸得非常之香口嘅，食得出新鮮炸出來。比起元朗其他台灣餐廳來講呢我都係覺得士林第一，呢間就排第二，台灣麵一定係排第尾。

台菜都可以好似食法菜咁，慢活慢食慢慢嘆？有時間等食就可以。呢度環境都幾家庭式feel, 牆上掛啲有關於台灣風景、食物同人物嘅相片，感覺舒適同樸實。最最最喜歡餐廳有bar枱櫈，可以睇吓出面嘅景。周日差唔多中午時間陸續多人，好彩早咗少少到，否則等返至少半個鐘，先有機會坐得到。叫咗碗招牌雞扒飯同胚芽奶茶。等咗25分鐘，野食都仲未上，同樓面講等咗好耐。佢都幾一面唔耐煩話整緊！一句唔好意思都無，仲要等幾耐都無講。你估真係食法菜咩。呢吓就覺得無論食物有幾好食，服務咁樣，下次都唔會再幫襯。結果等多5分鐘，有雞扒飯上，雞扒份量算多，外貌同平時食開嘅無異，脆粉厚咗少少。雞扒唔算嫩，有淡淡然嘅咸香味。另外配咗啲酸菜同青瓜仔，幾醒胃，可惜啲飯太少，女仔都食唔飽。至於珍珠奶茶，珍珠夠綿糯，但奶茶就唔多夠味，偏甜。

今晚一季冇見既朋友約我，比日本手信我，尋晚佢話問我今晚想食乜，我話不如食真台客，難得元朗少有新開台灣食店，朋友都極速話好🙊台灣小食代表之一一定係蚵仔煎，都係果句，香港好少地方有得食，呢度有得叫我梗係叫。蚵仔煎雖然比起台灣夜市食既冇咁滑，但確有台灣食既風味，煙煙韌韌，蚵仔份量頗多，醬汁味濃度可以更濃，多加雞蛋更好。食台灣野當然要飲佢既奶茶，我就叫最傳統既珍珠奶茶，朋友揀左杯胚芽奶茶，奶茶唔係落糖漿，應該係用黑糖，所以比一般冇咁甜，但又夠香濃，珍珠q彈，令我非常回味。基本上每台客人都有叫真台客雞排便當，我都同大家一樣叫埋一份~雞扒超級巨大，外層酥脆，雞肉嫩滑，味道唔會太鹹。飯有少少鹵肉油香，加上用醋醃既青瓜，椰菜，黃蘿蔔，酸酸地既可以開胃啲，去除飽滿感，而且又可以均衡啲唔好齋做食肉獸。鹵蛋可以鹵得耐啲入味啲，呢半粒蛋未夠鹵香。元朗人都知士林紅燒牛肉麵係首屈一指，真台客紅燒牛肉麵究竟可唔可以同士林有一番龍爭虎鬥呢? 答案係士林始終係最好味，不過呢度牛肉麵都非常高質，牛肉麵湯底好濃厚牛骨，牛肉味，冇咩油份，牛肉煮得軟腍且鮮香，麵條滑得黎有彈性，一口湯麵一口甜酸菜，簡單美味。最後，我好欣賞呢度來

聽說元朗開了蠻多間台灣食店，當時見呢間剛剛新開又說是真台客，就跟朋友進來試試。裡面的員工都是講國語，感覺真得有那種台灣味。跟朋友各自點了三個餐再加一份燙青菜。我點了排骨便當（$48），排骨便當來的時候，我是傻眼，飯只有小小一碗。旁邊的配菜只是用水燙熟，超無味。香酥排骨炸得還蠻酥脆，但很油膩，而且味味就不過不失。跟餐的魯肉飯，size 就小小一碗，魯汁味道是死咸，一食就不是台灣那種魯肉，而且肉粒也是滷到死實實，比起一般在香港人做的魯肉更不如。這個燙青菜就最呃錢，$38只有幾條小棠菜，加少少死咸魯肉汁，就扮台灣燙青菜，根本就一點跟台灣燙青菜扯不上任何關係。吃完真的一肚火！台灣味，開玩笑吧。

聽過朋友的介紹後，就來到位於元朗千色附近的這間新開台式餐廳，又來個嚐鮮。店子位於利發大廈轉角位的地舖，在位置上一點也不突出。六點多的時間，店子裡頭一個食客也沒有，門口有路人在駐足參考店面玻璃窗上的餐單，但仍沒有人走進去，與隔壁安娜餐廳門口長長的人龍相比，真的被比下去。得到朋友的推介，兩口子沒有猶豫的走進去，有著包場的感覺，真的很美好。餐廳的裝修很清新，座位用上了仿樹的木頭，四周有著台灣夜市的畫作和相片。菜式方面，有著甲卡飽(大概是套餐的概念，加大的份量和配上飲料)，便當(沒有飲料)，麵食，夜市炸物，湯品和手搖杯(台式飲料吧)，菜單上的名稱也真的很台味。兩口子在芸芸選擇中，挑了香酥排骨便當甲卡飽，台客籃拼盤，蚵仔煎，魯肉飯，飲料方面就挑了古早味冬瓜茶和烏梅紅茶。但是，最後送來的就有點分別了，排骨便當變成了雞排便當，這點店員的不小心應當要注意一下。首先送來的就是魯肉飯，相較其他在地的台式餐館，份量是大了一點，而且也配上了酸蘿蔔和半隻鹵蛋，吃起來比較豐富。魯肉採用了比較肥的肉，吃起來很有口感。肉汁就流進了飯底，令到飯沒有那麼乾，果真不錯。之後送來的就是兩杯飲料，冬瓜茶和烏杯紅茶。烏梅紅茶梅的

新開的台灣餐廳。店裡是新裝修，很乾淨，位置也很大！老闆是道地台灣人，原料都是自己從台灣帶過來！魯肉飯是用道地的五花肉做的，是目前在港吃過最好吃的魯肉，他們的紅茶也很正宗！另外蚵仔煎和關東煮也非常值得一試

行過見到有新野開左就入去試下有張紙俾你自己寫要咩，不過字細左d（後尾先影有d污jo)等左一排叫既兩款野食同野飲終於到牛肉麵滷肉飯便當，幾好食凍芋香奶茶，冇乜茶味同芋味熱珍珠奶茶而香酥排骨麵等到上面兩碗野食唒先到，d豬扒俾人拍到薄一薄，食完都食唔出豬味，唔知自己食梗豬扒總括黎講，會揀去士林而唔會去呢度

元朗區不知為何食店變遷甚快，明明好地地，下週又倒閉了。閒來沒事，走遠一點看看這兒有何新知。原先的麵店又倒了，開了這新台式食店。雖看來不太便宜，大約是士林台灣麵的價錢，一場來到，便入內一試室內簡約風，也挺乾淨舒適的，雖然是台式食店，但聽到店員溝通及門面的簡體字，看來較像是內地人開設的。珍珠奶茶，有點難明，為何現今的珍珠奶茶盡是沒茶味的飲料，究竟用多些茶有多貴？有多困難？看到這個色的奶茶就不開胃了，連台式飲料店的奶茶也比它深色，好像豆漿的顏色，只有半分茶味。珍珠微彈，不算太韌，口感尚可。台式雞排便當，這反而不錯，設有三味小吃。所謂便當，其實只是黑色碗盛載的大碗飯。雞排挺大塊，像豪大大的大雞排一般。雞排內裏還有輕微肉汁，面頭有點味粉，有點過咸，切開的雞排也有五六塊之多，肉質不乾不鞋，不錯。飯不太黏，上有幾件魯肉，的確只有幾片魯肉而已。幸好飯內有點魯汁，不至於吃炸雞排及白飯那麼寡。座位挺舒適，在士林質素下降時，來嚐嚐也無坊，但五六十元午餐👀，元朗的選擇多的是😏，再臨機會甚微👋🏿