真味鮮廚 (已結業)

今日同老公和兩個朋友一齊去食火鍋。標榜任食海鮮火鍋，期望不算太高，所以感覺有驚喜！刺身拼盤夠新鮮，三文魚好濃郁。鮑魚係喺店內生湯醃製，正😄重慶雞窩好香麻辣味，入味，雞味好出。龍蝦🦞肉蟹海鮮盤龍蝦好多肉，新鮮；肉蟹好多膏，都係好味。巨型水餃王呢隻真係好驚喜，因為裏面好爽脆，好好肉汁，我哋四個都想encore。以上五款食物只供應一次，其餘食物可以任食！飲食食物中都幾有質素：鮮蝦滑、鯪魚滑、美國雪花肥牛、鮮淮山……不過食完基本野已經飽咗九成！飲品都算合格：自家製檸檬薏米和雪梨🍐杏仁茶，杏仁味真係好濃。

朋友book嘅餐廳，最初見到網上啲相，都冇特別期望，但食完係有驚喜嘅。首先，佢嘅環境夠闊，坐得好舒服。大部份需要都係自助，包括調味料、嘢飲。選擇都足夠。首先來一個刺身拼盤，意外地高質。特別欣賞佢嘅蝦刺身同鮑魚！肥美，鮮甜。跟住嚟去個雞煲，朋友唔食辣，但都好惹味。重點係食完唔會話好口渴！跟住我哋揀咗個龍蝦海鮮盤，龍蝦大大隻，夠多肉，抵食！打邊爐必須一提嘅主角：肥牛！無論係佢本身包嘅特級安格斯肥牛，定係任食嘅美國雪花肥牛，同樣高質！但最令我印象深刻嘅，係佢其貌不揚嘅糯米糍。入面個餡類似楊枝甘露，好fresh好好食。

今次醒目一早BOOK定枱,之前見人地介紹過, 想試好耐!!果然無令我地失望!!好耐未試過食得咁有層次!!首先坐低左, 出面D酒水任飲!!之後黎左第一樣野食,刺身拼盤喺中式食肆黎講,佢一D都無比下去,甚至比好多日式放題好味!!而且份量都多, 好夠食!!(一次性, 不是任食)之後黎左個雞煲, 好惹味!!而且係任食既, 如果你係大胃王,可以無限添加, 雞煲調味好入味!!不過真係要狂攪拌, 因為好易濃底!!如果唔係就要整熱之後熄一熄爐!!呢個牛肉都係一次性, 唔係任叫!!雖然解凍方面做得唔太好,但係好有牛味, 好軟滑!!如果都係任食就好喇...海鮮拼盤, 好多款, 而且質素都中上!!最正係每人半隻龍蝦, SIZES都算大!!其他仲有蟶子, 帶子, 花尾躉肉都好出色!!基本上每圍都係食呢個餐!!海鮮質素高於我預期!!最後就係呢D任食配菜配料!!其實佢任食隻牛都唔太差!!其他配料都好出色, 絕對唔HEA底!!但係真係食唔到太多,食左以上既野之後, 到任食配料!!真係叫唔到食唔到太多!!大家唔好浪費食物喇...!!

放工同3個fd 黎打邊爐！睇個menu 先全部野都影到大大份 唔知到時黎到會點 ！呢度放題形式先揀 蟹肉海鮮盤/龍蝦海鮮盤 之後再揀埋個湯底 就冇野要揀啦其他就會自動上架啦先拎野飲，然後發現野飲區選擇唔會好多 但有我要飲嘅冇糖茶就ok 了先上雞煲個店員好好人 係咁話幫我地整！ 食落冇好辣 正常水準 雞可以任添 我地叫咗2轉刺身拼盤好有仙氣打卡一流 每樣野都係人頭份 各一片/一件有鮑魚同 帆立貝架 都好新鮮打邊爐啦！ 我地叫咗第一個沙地瓜湯底清清地仲有呢個龍蝦海鮮盤上啦超大份量好埋好新鮮 放落去打邊爐之後再飲一細啖個湯 鮮翻到龍蝦肉質好好彈牙唔會霉肉帶子又冇縮水佢仲有水餃皇同肥牛都係個餐包埋 ！不過d肥牛就差緊d因為佢一拎出嚟結哂冰痴實哂 好難分一片片其實佢仲可以任點其他打邊爐料例如我地叫咗 芝士竹輪，午餐肉 金菇果d！ 但冇咩點影 想提大家一句係 食完哂成個餐d野唔夠先再叫 其他例如響鈴果d 因為佢份量好多架 免得浪費啦我覺得佢呢到性價比幾高架！

中秋節翼日假期，由於中秋晚吃了餐麻麻地的到會，決定今晚吃返餐我們這一家最喜歡的火鍋，上網揾下揾下就找到這食市，訂座六點，准時入座。任食任飲無限時海鮮火鍋放題，我們選了肉蟹海鮮盆$258一位加一收費。飲品有兩款自家煲的雪梨紀子南北杏，微甜，好合我口味，因為好味，長期缺貨。另一款是薏米水，好旱的味道，無人取，咁難飲不如唔好煲衣款，浪費爐火。還有多款韓國飲品，普通汽水及兩款啤酒。坐底好快來了刺身拼盆和雞煲。刺身5款。最特別是有汁煮鮑魚，咸淡肉質也剛好，加上涷凍地，非常好味。帶子、三文魚、吞拿魚和甜蝦都新鮮，略凍了一點，但味道不錯，在酒樓吃魚生，這碟屬高分之選。雞煲已設定為小辣，實際是微辣，我唔吃得辣的細仔也吃到，雞唔算滑，但味道可以。我們選了皮蛋香茜湯底，奇怪地有胡椒味，不過對我們不大影響，無咩問題。重頭戲出場海鮮盆有七款海鲜1)肉蟹每人半隻，算大隻，厚肉，有膏。(2-3)魚有兩款，份量幾多，每人每款有2件或以上，龍躉和鱔片，魚肉新鮮好味。(4)帶子都算鮮甜。(5-6)聖子和蝦普普通通。(7)青口無味，其中一隻仲有沙。餐跟每位一隻的水餃皇，有隻有全隻好大size的蝦在入面，有隻全部豬肉，好唔

今日有同事生日，放咗工就食餐好嘅，有同事食過觀塘真味鮮廚，佢哋嘅晚市任食任飲海鮮火鍋真係好抵食，無限時，有齊刺身、雞煲、海鮮火鍋，材料新鮮，值得一試，那麼我們便出發往真味鮮廚去！首先來了刺身拼盆，有三文魚、吞拿魚油脂甘香，帆立貝、牡丹蝦鮮甜，另外還有大隻鮑魚，鮮味彈牙 。刺身係一次性，不可再加。跟住食雞煲，重慶雞鍋已煮熟，用火滾返熱就可以食，每舊雞都沾滿惹味醬汁，肉質鮮嫩入口，呢個雞煲係任食，我哋食咗兩煲，好味呀！三選一湯底揀咗沙地瓜瑤柱湯鍋。海鮮盆也有選擇，肉蟹和龍蝦係不同價錢，其他食物全部一樣，同事生日，梗係要叫龍蝦賀一賀佢，一大盆海鮮上檯非常吸睛，我們四個人每人一份一次性海鮮，有龍蝦、蟶子、海蝦、扇貝、青口龍躉、鱔片。全部都好新鮮。海蝦用竹籤串住還會郁。龍蝦新鮮生猛，鮮味十足！每位都會有一次性巨形水餃皇一隻，餡料飽滿，內有鮮蝦、木耳、豬肉，鮮味爽口！一次性的特級安格斯肥牛，油香與肉味比例平均，肉質鮮嫩。另外還有數拾款火鍋配料，任叫任食，新鮮美味，本人特別喜歡黑豚肉夠鮮嫩、鵝腸清洗乾淨冇雜質又冇異味，十分爽脆。

屋企人最愛打邊爐，久不久就要滾一次，很多任飲任食的火鍋放題都有限時，但帶著兩老的話就想選擇不限時的，免得兩老吃得狼吞虎嚥，最重要的是食物質素不能夠差， 真味鮮廚就做到這兩點，兩老都吃得非常開懷。首先來個刺身拼盤，有三文魚，甜蝦，鮑魚， 帶子，吞拿魚，刺身拼盤新鮮鮮甜， 一口接一口很快就清碟。重慶雞鍋雞鍋非常入味，重慶醬帶點微辣，非常惹味。雞肉嫩滑， 雞鍋是無限任食的，但還是留著肚吃海鮮拼盤。龍蝦海鮮盤 海鮮拼盤有龍蝦，青口，蝦，扇貝，龍躉，硯等。 龍蝦比我想像中大隻其中一隻大有膏，二不說就把龍蝦先掉進鍋裡，計時等食。吃海鮮最重要的就是新鮮，龍蝦、龍躉果然夠鮮美，不 醮醬油也夠鮮甜，硯肉也夠大粒， 整個海鮮拼盤都充滿驚喜。特級安格斯肥牛牛肉肉質鮮嫩不油膩，雪花分明，脂肪分佈均勻，牛肉味濃，輕輕烚下已忍不住放入口了。巨型水餃皇水餃餡料豐富，水餃吸收了火煱湯底精華，非常夠味，內裡的大蝦非常彈牙，還有木耳等配料，增加口感。另外還有一些任食配料，鵝腸、鴨紅、蝦滑、響鈴、粟米，炸魚皮等，所以一定能吃得飽飽。除了雪櫃的飲品外，還有自家製的竹蔗茅根水 和檸檬薏米水選擇，適合不愛太甜又想喝得健康點的兩老

自從限聚令開始我已有2年無出街食生日飯，今年疫情好轉就一家人出去慶祝下。一向喜愛打邊爐，家人又愛雞煲。最重要無限時可以慢慢食。今晚6點3黎到，家人又未到齊。自己攞飲品飲住等。原本想食左雞煲先，後上刺身!點知待應話雞煲同刺身一齊上，無得遲的。雞煲無得揀辣度的。煮時唔好大火，雖然有汁都易燶的。雞算入味，小辣。唔太食得辣的我都ok.刺身都新鮮，係三文魚d味有點怪。鮑魚唔入味。最好味係帶子好鮮甜。可惜刺身只有一次，仲要每款只有一塊。海鮮拼盤蟹鮮甜，可惜只有半隻。龍蝦半邊都算彈牙，鮮味程度不足。兩者價錢只係差30元，食龍蝦比較抵。聖子有沙。帶子唔夠甜。鱔同龍躉加蝦都好味。巨型水餃皇，真係好大隻，只係舊肉好實。隻蝦就夠彈牙。特級安格斯肥牛，好細塊又薄，幸好算甜湯底:沙地瓜瑤柱湯鍋:清清地幾好。留意呢到係加水唔係湯，未到無湯都唔好咁快加，除非你喜愛淡味。邊爐材料選擇非常小。推介食材:牛肉（美國雪花肥牛），有肉味。蟹棒（注意好易散，夾住黎淥），午餐肉。芝士竹輪卷（小心食芝士好爆）鮮蝦滑（彈彈地唔會淋）不推介:炸枝竹（有油益味），潮州白魚蛋，台灣鴨紅（打邊爐完全無味）甜品:只有芒果糯米糍，入邊有一粒椰

觀塘打邊爐這裏的打邊爐很特別，先會送一鍋重慶雞鍋。雞鍋大概有四分一隻雞，雞肉飽滿，煮得入味，吃完還可以添加。吃完雞鍋，就開始打邊爐，我們選擇了沙地瓜瑤柱湯底和龍蝦海鮮盆。龍蝦以外，還有蝦、扇貝、帶子、蟶子、鱔片和龍躉。海鮮非常新鮮，特別是龍蝦。龍蝦肉質彈牙，味道鮮甜。另外，鱔片和龍躉也很新鮮，肉質結實。這個價錢有這個質素，令人驚喜。特級安格斯肥牛：牛味重，軟腍，不錯。吃完後還可以任點大概30款配菜，非常實惠！特別喜歡鮮蝦滑，彈牙又鮮甜。

同三五知己gathering, 十下十下就最好不過! 家人食過觀塘嘅「真味鮮廚」後讚口不絕, 任飲任食, 重點係冇限時, 可以無拘無束地邊十下十下, 邊同朋友閒聊。於是我就book定檯, 今晚就黎食餐勁!平日晚7點半左右入座, 餐廳內座位已坐滿9成, 果然很有人氣。餐廳抽風都做得唔錯, 咁多檯打邊爐都冇焗促感。醬油、飲品設自助區:入座先按人數供應時令刺身拼盤、雞煲,刺身拼盤賣相款式都有返d睇頭, 鮑魚爽彈鮮甜, 帆立貝刺身超鮮甜, 三文魚比吞拿魚更有魚香, 牡丹蝦鮮味唔腥。雞煲已預熟了8成, 上檯一滾炒起食得, 超微辣度岩返大多港人口味, 雞件香噴噴好惹味, 唔夠喉仲encore多round!食完雞煲到打邊爐環節, 火鍋海鮮盆分兩個價錢, 因應自選波士頓龍蝦/蟹,而我地就揀咗波士頓龍蝦, 湯底三選一, 揀咗「沙地瓜瑤柱」, 食完重口味雞煲再食清清地嘅邊爐都唔錯。龍蝦每人分到半邊, 鮮味彈牙很厚肉; 蟶子爽口冇沙; 青口、蝦鮮甜, 不是死蝦質素; 鮮北寄貝大大隻; 魚類均被起骨, 包括有龍躉肉、鱔片。龍躉肉很厚很嫩, 但對鱔片有d失望, 魚質偏林多骨。按人頭提供一次性嘅巨型水餃皇、特級安

今晚同朋友聚舊，於是就揀咗大家放工嘅中間點觀塘食飯，我就建議左去食打邊爐放題。刺身拼盤拼盤擺碟都幾吸引，有鮑魚、帶子、三文魚、吞拿魚、甜蝦，款款都好鮮味。重慶雞鍋雞鍋味道惹味，雞肉肉質鮮嫩，份量挺多，而且仲有洋蔥，非常開胃。龍蝦海鮮盆龍蝦大大隻，蝦肉肉質彈牙，還有青口、蜆、鱔片、海蝦等，食材唔單止豐富，而且都好新鮮。特級安格斯肥牛肥牛相當高質，油花分佈細緻，肉質香嫩，超級讚！除此之外，我哋今晚仲食咗好多火鍋任食配料，我比較欣賞炸魚皮同響鈴，快速放落湯底度浸幾秒，唔使等就食得！另外肥牛同豚肉都好值得追加，牛有牛味，豬肉亦都有豬肉味，係食肉獸至愛！總的而言，今晚我們四人都食得高興，非常有飽足感，下次約朋友都可以再嚟！

一次可以滿足多個願望的真味鮮廚~雞煲，刺身，海鮮加火鍋集於一身重要係價錢相當經濟，任飲任食海鮮火鍋分2個款式同2個價錢~分別是選擇肉蟹還是龍蝦慣只不過是相差三十元，我們今晚選擇了龍蝦1）先來一客5款刺身拼盤~每人一隻大大隻爽口彈牙嘅鮑魚,鮮甜厚肉嘅帶子,三文魚,希靈魚,北寄貝👍2）熱辣辣香噴噴嘅重慶雞煲味道剛剛好唔會太辣👍😋食完雞煲再換另一款湯底食火鍋3）大大盤嘅海鮮拼每位有半隻非常鮮甜彈牙嘅龍蝦,大大隻嘅蟶子,扇貝,海蝦,鱔片,龍躉,螺,唔同種類嘅蜆👍😋4）安格斯肥牛~肉質香濃嫩滑口感柔軟如雪花般的油花分佈均勻👍😋5）巨型水餃皇講真食完以上嘅豐富食物基本上已經飽不過還有一張可任點任食嘅火鍋紙~大胃王都唔怕唔夠飽🤣最重要係食材非常非常新鮮極力推薦👍👍

朋友推介真味鮮廚都好抵食，有刺身，龍蝦海鮮同雞煲都係每人三百左右，所以今日一於去試下，如果揀肉蟹拼盤每人再平多三十添☺️刺身拼盤，有吞拿魚，三文魚，帶子，鮮蝦，磯煮鮑魚，各款都新鮮鮮甜，鮑魚醃得入味，口感彈牙，最愛係帶子，啖啖肉，鮮甜！食完刺身後就會上重慶雞煲雞煲，雞肉煮至八成熟左右，再加熱多一會，再將醬汁芫荽芹菜撈勻就可以食。雞肉都嫩滑，件件雞都沾滿麻辣醬汁，非常惹味，辣辣地刺激一下味蕾。食完雞煲後就開始打邊爐，我哋點了沙地瓜瑤柱湯，再來就係超吸睛嘅龍蝦海鮮拼盤，拼盤有扇貝，鮮蝦，魚，卜卜蜆，龍蝦，青口，聖子，除咗青口和扇貝是急凍貨愛，其他都係新鮮即劏，龍蝦蝦肉原條起，好彈牙，卜卜蜆好嫩滑，魚肉雪白，聖子超爽口，分量足夠四個人食。每人都會有一隻巨型水餃🥟，脹卜卜，皮薄餡靚。四人有一碟大嘅安格斯肥牛肉，牛味濃，淥耐左都唔會好嚡口。仲有其他火鍋配料仼食，有蔬菜🥬，響鈴，炸魚皮，鵝腸，鴨血，蝦滑，韓國拉麵等汽水啤酒自家製涼茶仼飲，食完以上咁多嘢其實已經飽晒，都可以唔洗再叫其他配料，今日真係好滿足。

今晚一行四人到此打邊爐，7點半入坐，點左龍蝦海鮮餐，而以下嘅介紹係個人感受與同時在店內其他客人感受應該有很大不同。任飲任食，仲有雞煲，另加一盤“海鮮”，盤“海鮮”的內容有魚，鱔，龍蝦（每人半隻），海蝦（每人3隻），鮑魚，扇貝同青口（每人各1隻）。因為價錢唔算貴，我無期待會有好靚好生猛嘅海鮮畀我，但係佢就畀左一盤，一眼望埋去已經係擺到變左有少少啡色同聞落有臭味嘅海鮮我，所以我要求佢地換過另一盤，咁佢地亦都好快換左第二盤黎，今次海鮮其實ok，除左啲海蝦係梅之外，其他海鮮都係一般，有少少腥臭，但係可接受，食完無肚痾。但係就唔知係咪因為要求過佢去換過盤海鮮，之後，我地落單落啲任食嘢嘅待遇係落10樣，都係黎得3樣，真係有啲把幾火，尤其係見到隔離枱係寫乜有乜嘅時候，真係滾得勁過個爐。諗深一層，其實我應該食左佢盤變壞海鮮攪到自已肚痾先啱，唔應該同佢講咁多。又或者佢知道我想減肥，所以攪到我一肚氣，咁咪乜都唔駛食囉～雖然我想食佢都係唔會提供畀我。知唔知最勁係乜？係直接同佢嗰個經理講，佢就九Hea咁攞左一份得2舊冬菇，2條響鈴（佢唔係叫響鈴嘅），幾片蘿蔔嘅一碟嘢過黎，DKLM，佢就無再上過其他嘢喇。咁我就

今晚family night😍約左屋企人一行四人去食飯😋觀塘係有好多餐廳，但次次都唔知食咩好🤣所以通常都會去到亞太中心都揀嘢食，貪佢一幢樓有好多選擇😋-由於好多間餐廳都試過，今次就一於試下真味鮮廚😍佢係一間半自助嘅任食餐廳，有某啲食材只係包一次，某啲食材就可以任叫～-1.刺身拼盤刺身拼盤有5種刺身，包括三文魚、甜蝦、帶子、吞拿魚同埋鮑魚🤤刺身全部都係好新鮮，亦都夠凍，食落口好放心唔怕肚痛😌-2.重慶雞鍋其實即係我最愛嘅雞煲😋好開心呢度嘅雞煲都係任食嘅，今次我都叫咗3 round黎食🤩佢雞煲整到一啲都唔馬虎，食得出雞肉係醃咗一段時間，好入味😚而且雞件比較多肉，唔會骨瘦如柴嘅感覺😋-3.波士頓龍蝦海鮮盤去到海鮮盤嘅部份，係可以揀價錢比較平啲嘅肉蟹海鮮盤或者貴少少嘅波士頓龍蝦海鮮盤🤤因為平時處理龍蝦比較複雜，所以出街有得食嘅話都會揀食龍蝦🦞估唔到又幾大隻喎，仲有我最愛嘅龍蝦膏😋😋除咗龍蝦之外，仲有扇貝、龍躉、青口、海蝦、蜆同埋蟶子😍-4.特級安格斯肥牛因為我哋四個人嘅關係，所以我哋嘅安格斯肥牛係屬於大碟😍除咗安格斯肥牛之外，另外仲可以任叫美國雪花肥牛，咁食肉獸就唔使怕唔夠肉食😂安格斯肥牛嘅雪