真‧章魚無雙

營業中

休息中

🐙黑松露拼明太子章魚燒 8粒 $47即叫即整，等左15分鐘左右就有得食⌛️咁多款入面，我哋揀左黑松露拼明太子！黎到個章魚燒既賣相好吸引，滿滿既黑松露同明太子醬，聞落好香而且味道好濃郁，章魚燒外皮燒到金黃香脆，每一粒章魚燒入面都有大大粒嘅章魚塊，好足料👍🏻配埋濃郁既黑松露同明太子醬，味道非常出色，每一啖都好滿足😍呢度既章魚燒真係好值得一試

呢間嘅章魚燒，喺葵涌廣場真係數一數二，次次嚟親都一定會排晒長龍，但係佢哋嘅服務態度真係比較差，我見啲職員都做到忟忟地，雖然食物係高質嘅，亦都幾抵食，自己最鍾意食嘅就係原味大阪燒，不過服務態度有待改善！

呢間已經食過好多次，感覺比起3樓嘅章魚燒更好味。章魚燒即時食會外脆內軟。真·明太子章魚燒 （8粒） $39有好多明太子沙律醬，食到最後都夠點。木魚絲唔係太多不過都夠。章魚燒有啲未點到醬既邊位都係脆的，入面章魚粒好大舊。食到最後有啲鹹，可能我點得太多醬。呢間我覺得係葵廣入面最好食嘅章魚燒，不過比起佢最初係成粒章魚係入面就爭啲。另外都推薦食黑松露味同埋蟹膏味。葵廣最好就係多嘢揀，又有啲凳可以坐。食完一間又一間。

葵廣呢間真·章魚無雙嘅章魚燒已經試過幾次啦。今日晏晝經過葵廣，又再買嚟食。今日買咗兩隻味同朋友一齊分享，我揀返平時食開最鍾意嘅蟹膏味章魚燒，朋友就揀咗經典嘅大阪燒章魚燒。😋蟹膏味嘅章魚燒有滿滿嘅蟹膏，一啲都唔吝嗇。每一啖都食到好多蟹膏，而且即叫即做即食，粒粒都熱辣辣，外面個皮仲係有少少脆，裏面粒章魚好大粒好彈牙。👍🏼朋友揀嘅原味大阪燒章魚燒醬汁都一樣係好豐富，而且都係有好多木魚。章魚燒夾埋啲木魚一齊食口感特別豐富。

蒜香牛油粟米章魚燒8粒（$39）一去到買已經要排隊，因為即叫即整，所以都要等一陣時間先有得食～今次叫8粒章魚燒，一入口係非常非常之熱辣辣！建議唔好一口放入口，要慢慢食。外皮非常軟熟，入面嘅餡係好足料嘅章魚🐙！味道方面，蒜香味調得啱啱好，唔會太濃亦唔會太淡，好香嘅蒜味！牛油粟米好多，而且都好食🤤紫菜同木魚又係勁多，好正呀。

呢間章魚無雙好出名 喺葵廣同埋旺中都有分店 不過個人嚟講比較鍾意食葵廣呢一間😋無論係口感定係調味都完勝！！特別推薦蔥同埋蟹籽口味試過真係返唔到轉頭(⁎⁍̴̛ᴗ⁍̴̛⁎)而且章魚粒都比得好大方🤤🤤🤤🤰🏻：9/10

今天打電話叫外賣，2個烏冬餐+4粒蟹糕小丸子/+4粒大阪風小丸子，一份沙律蛋章魚小丸子，我看了外賣單據是沒有大阪風小丸子，馬上和職員說了，但他們沒有理會我，等了一會，我：請問我的餐好了嗎？職員：好了，總共四盒我：檢查清楚一下，為何還是遺漏了一盒大阪風小丸子？職員：因為要加錢，我：我已在電話上說了，最後加了$15才有，而且職員的態度不好

📍真章魚無雙呢間章魚無雙係葵廣最出名食章魚燒既小店之一‼️🐙黑松露章魚燒 （$36）章魚燒唔洗等好耐基本上比左錢之後等一陣就有每一粒入面都有大大粒章魚肉最中意係佢既黑松露味好香😋上面仲配有黑松露醬同埋柴魚碎的確真係好值得食💯

見到必食嘅幸福感章魚燒!呢家章魚燒份量十足,配料絕對稱心。好耐冇行葵廣，呢一收工就過嚟行吓，原來呢度都有間真章魚無雙，就諗住嗌個未試過嘅口味來試吓，果然都唔會令我失望！不過我可能比較細食，六粒就已經可以當一餐😂外皮焦脆,裡面的章魚肉質肥厚飽滿,配上香甜軟糯的牛油粟米,味道層次豐富,一口咬落滿足感爆棚。連配料嘅分量都好慷慨,無論係章魚燒、粟米定特製醬汁,都令人食到太過癮。呢個絕對係嚟呢度必試嘅精華之選！即使叫做牛油粟米，但係都唔會好漏！5/5星好評！！

唔係第一次去，原本都好鍾意食佢。八爪魚大粒，但係變咗冇味似雪藏熟咗嗰啲八爪魚粒咁。買咗八粒$40價錢真係算係咁，但重點佢整燶咗，食落口一陣燶味。不過星期六去好多人，所以可能整燶咗啦。。。。。

🎀簡短食評系列之葵廣掃街。每次必食足料幸福感章魚燒🐙🎀🪄店名* #真章魚無雙🔮地址* 葵芳葵富路7-11號葵涌廣場2樓C07B號舖🔮🗾分店地區🗾 天水圍,葵芳,深水埗,旺角,尖沙咀,觀塘,西灣河💰價錢$42➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_葵芳#pickyme_葵廣剩系食呢一類👉食物類型搜尋🔍🍜#pickyme_小食➖➖➖➖➖➖➖➖➖➖➖➖➖👀評分💖💖💖💖💖🪄真.黑松露章魚燒 $42/8粒章魚無雙係我喺香港食過咁多間章魚燒之中最好食嘅一間舖頭 每次黎葵廣我一定會買😍 已經回訪咗n咁多次！ 每次食都係幸福感爆棚😋😋 今次再返兜黑松露味 之前疫情冇咗大章魚一直都覺得好可惜～ 今次食終於唔係細章魚粒 雖然冇剛開店嘅時候咁大隻 但都好正😍 完全唔係平時街外食到粉漿為主嘅感覺！ 黑松露味仲要勁濃 而且新鮮熱辣辣出爐 極爆高分！偷偷話畀大家聽 我已經試過旺角同埋西灣河分店 我覺得都係冇葵廣呢一間咁好食😂 大家如果想試最正宗嘅味道一定要去葵廣😆(5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級⚜️🎈味道評分*😋😋😋😋😋🎈環境質素*🎇🎇🎇🎇🎇🎈抵食程度*💰💰💰💰

📍章魚無雙🐙去完大阪食過好多章魚燒，好多都太淋都係最鍾意香港呢一間，做到外脆內軟👍🏻Sauce又香又正，中間又足料👍🏻係每一粒入面都會有章魚粒🐙分佈好平均明太子章魚燒🐙（6/8粒）明太子醬係比得一啲都唔手軟正常叫一隻味佢係會再額外加沙律醬但係因為怕肥所以叫走沙律醬😂你見到明太子醬係Cover晒每一粒章魚燒🐙所以食落覺得明太子好有咸香So good🤤雙併都係加兩蚊，下次要試埋其他味🤤

🐙Black Truffle Takoyaki 真·黑松露章魚燒: Satisfying with the filling. Very flavourful with the black truffle sauce. However, the sauce and the Takoyaki can achieve a better balance. The truffle flavours were a bit too strong and took over the Takoyaki flavours. It would be better if there was less sauce.Interesting to see Takoyaki with different flavours. However, I still prefer Takoyaki in original flavour.

無論喺旺中或者葵芳，見到真 章要無雙，都會忍唔住買嚟食。比起其他嘅章魚燒店，佢哋嘅章魚燒大大粒，而且真係有大粒章魚係餡入面。章魚燒食落一啲都唔粉，餡料軟硬程度恰到好處。非常推薦🩷

真‧蜜糖芥末章魚燒8粒 $38黎到葵廣逛街，有點肚餓就去咗掃街。掃街必吃的小食必定有章魚燒份，依間有超過14款口味可選擇，比如招牌大阪風、日式咖喱、明太子、黑松露等等口味，口味真喺好多。粒數上可以揀6粒或者8粒，而且每份章魚燒都是即叫即燒，所以拎上手係熱辣辣。今次我就叫咗蜜糖芥末章魚燒，大約等咗10分鐘左右。每粒章魚燒入面都有大大粒章魚，面層淋上濃郁蜜糖芥末醬，蜜糖芥末醬唔太辣帶一點甜甜，口感柔潤帶點嚼勁，足料好食。