知味屋 (已結業)

食店的賣點就是食品、服務和環境，對於三樣也沒有再加上老闆會計算客人的策略，令本來没要求的我，也要動筆寫起食評來。訂位電話在任何時間打不通，假裝客常满這招你們成功了！不過，今次我和妹妹於黄昏1930到店warlk in當時只有60%入座率？説回食品:甚麼鬼地方出産的牛、豬扒肉類，卻口感一致，估計厨師泡製醃料功力强，只有咸和咸...好很咸！所以不提供免費的白開水和茶是有道理，讓客人非要額外付費單點飲料不可！其次服務:樓面有三人，除四眼哥哥相對友善一點，另外兩名女服務員應該遇上不方便日子，面如死灰不止，對客如殺父仇人，當收了錢後更變本加厲，先不聞不問下收走仍用饍的碟和餐具，繼而喝領客人趕快離場！環境：在只75分鐘用饍時間，那還有時間去欣賞嗎？最後結論：哪一天這裡換掉老闆？換掉廚師？換掉服務員？我一定會再次光顧！

$108任食牛扒豬扒，可能去之前無咩期望，食完就覺得真係好抵食！Book左8:45，8:35去到已經見到入面執緊枱，好準時入到去。野食好快到，牛扒夠厚身，完全唔係茶餐廳既薄切西冷！豬扒一d都唔乾，好食。薯條啱啱炸起，夠晒脆又無俾d汁整淋。配菜麻麻，好苦，淋晒。我地每人食左三塊牛扒+兩塊豬扒，每人叫左一杯野飲（+$8），d扒一路keep到個水準。雖然牛扒生熟度唔太準，不過$108又唔駛加一，絕對抵食！

最近大家係網上面成日見到有一間餐廳係度做「98蚊任食牛扒」同「108蚊任食牛扒加豬扒」既宣傳，而呢間餐廳就開正係我公司附近。當然，我就唔係貪佢呢個任食優惠而去光顧，反而係因為知道呢間餐廳係屬於一間幾出名的自助餐X扒房集團"Mr Steak"旗下的新型西餐廳，本身食過幾次Mr Steak都覺得質素唔錯，所以今日午餐都試試呢間新餐廳。之前都食過佢午餐既芝士流心漢堡包同埋韓式牛肉炒意粉，都覺得好好食。但今日有個新Menu，所以試下新野。我就叫左個「穀餵西冷牛扒拼英國皇室豬扒二重奏」，同事們就叫左個「紐西蘭特級肉眼牛扒」。兩個餐都送一個羅宋湯，味道唔會好似花園餐廳個種勁多茄膏丶茄醬味，味精味唔重，易於入口。本身出街都好少叫豬扒食(除左焗豬扒飯...)，因為多數都係又乾又難咬。今次食呢個二重奏竟然有少少驚喜。西冷叫左5成熟，亦都煎得番5成出黎比我，証明大廚功力唔差。但係西冷本身質素唔算好出色，叫做不過不失。相比之下，豬扒肉質非常鬆軟，而且保留到少許肉汁。食落口，唔覺得有用到鬆肉粉之類去醃制。加上本身配味唔錯，比起牛扒更加出色。薯條本身冇咩調味，但有一樽黑胡椒同鹽可以自己加味，68蚊黎講算幾出色。

轉手的知味屋，枱櫈換左，覺得坐得舒服左，不過服務冇以前咁親切，但都可以。見到有食客食個burger，好似好正，就叫左個嚟食吓。 流心芝士牛肉漢堡配薯條 (連熱飲)牛肉好厚，同埋堅係流心 !!! 好JUICY, 牛肉有D肥，但唔肥邊好味! 有蕃茄同生菜，薯條亦很脆口很不錯。午餐來說$49 算十分滿意，性價比高。  芥末豬柳洋蔥漢堡配薯條(連熱飲)芥末醬好味，但朋友說豬柳有點嚡，一般般。 另外是朋友的午餐，賣相吸引，豬扒也很嫩口，不錯的選擇。 

轉手的知味屋，枱櫈換左，覺得坐得舒服左，不過服務冇以前咁親切，但都可以。見到有食客食個burger，好似好正，就叫左個嚟食吓。流心芝士牛肉漢堡配薯條 (連熱飲)牛肉好厚，同埋堅係流心!!! 好JUICY, 牛肉有D肥，但唔肥邊好味! 有蕃茄同生菜，薯條亦很脆口很不錯。午餐來說$49 算十分滿意，性價比高。芥末豬柳洋蔥漢堡配薯條(連熱飲)芥末醬好味，但朋友說豬柳有點嚡，一般般。另外是朋友的午餐，賣相吸引，豬扒也很嫩口，性價比高。

一聽到98蚊任食牛扒就興奮，一聽到立即book台，牛扒係我既至愛。雖然book左台，但係早左小小到，所以都要係出面排隊，之後夠鐘就入得。一入到去台面會有兩張餐牌，侍應好詳細甘解釋兩張餐牌既分別，一張係98蚊任食牛扒另外一張係108蚊任食牛同豬，最後我地揀左98蚊任食牛扒。落左order 之後好快就後黎湯，沙律同包，之後牛扒都上埋，總括黎講同大x樂既牛扒既質感味道差唔多。而個沙律，湯，包，薯條同普通茶餐廳既味道差唔多，無特別驚喜。

上個月, 和同事一同去這間位於灣仔的知味屋, 由於近日新開張, 做$98任食牛扒優惠。本著一試無訪的心態, 沒有什麼太大的期望去嘗試。雖然是優惠期, 食物卻絕不馬虎。我們去到, 等了十多分鐘時間, 客人很多。一開始, 先來一個頭盤, 有雜菜沙津、羅宋湯及蒜蓉包。好像很普通的頭盤, 但味道質素不錯, 沙津用了芝麻醬, 很開胃惹味, 羅宋湯落足材料, 味道濃郁, 蒜蓉包很脆, 香口。頭盤過後, 到主菜環節, 當然是牛扒啦,  上菜時間都很快, 一塊厚切的牛扒就呈現在眼前。牛扒肉汁嫩滑, 夠份量, 用薯條做配菜,  香脆可口, 很滋味。食了一塊後, 我們急不及待又再來一件,  此外, 憑廣告COUPON贈送一客鵝肝及法式田螺, 雖然是送的, 味道亦都不錯。食物上, 整體都很滿意, 環境也很舒服, 只是服務比較一般, 可能現正在優惠期中, 客人很多, 不能好好招呼。總括來說, 這間新開張的餐廳值得推介的。 

Awful dining experience. Been there for lunch. Ordered Salmon risotto. Been waiting for 30mins after placed the order. Tried to check with the waitress and she replied risotto is a recipe that takes time to cook! Fine! Then I realized that they have missed my order. Risotto finally came but the salmon was raw! The waitress took back with no glimpse of apology! They finally managed to make a new one in another 10 mins. Again, not felt sorry at all! When I went into this restaurant, I didn't expec

萬水千山，book咗兩個星期終於可以見真章，冇期望亦都唔會有失望，自助餐玩法一開波店員講解得十分詳盡，有各樣增值食物提供，一開始奉上田園新鮮沙律，正路；雜菜牛尾湯出奇地足料同香濃，蒜蓉飽望落幾好睇；牛扒嘅生熟程度好睇廚師嘅心情，肉質鮮嫩ok，喜歡食牛筋嘅朋友會愛上，唔好過份奄尖，薯條配菜溫度比較冰極，不斷encore，牛扒份量會隨着個人食量而減少，結帳時位位實收$98，有service而零加一服務費，已經絕對沒投訴。(ps: 有位經理全晚遇到一些食神嘅難題時都一一耐心回應和處理，待客態度十分有禮)

$98 餐包任食沙拉， 羅宋湯， 牛扒。 普通餐飲加$8。牛扒： 對得住價錢。 質素係茶餐廳質素， 有鬆肉粉既牛扒。 第一轉一定比塊七成熟你， 之後先可揀幾成熟。 食左幾塊， 塊塊唔同質素， 個人覺得第二塊五成熟最好食。 隔離枱個男人食左六塊、 佢話後叫果啲煮得好食啲， 可能因為廚師多左時間煮。沙拉： 新鮮好食， 上菜快。羅宋湯： 香濃， 唔會好稀好水。薯條： 正常味。 第一碟牛跟薯條， 之後叫果啲牛扒無伴薯條。其他： 安排上較亂。 冷氣唔夠。

自己行去预约98元任食的, 没有太大期望情况下, 没有失望, 更有驚喜.Chips 好食, 沙律新鲜. 牛扒五, 七成熟也可以. 是用粉的..肉質有小小淋. 其實和我去花園食百六七蚊差無幾. 所以没什麽批評, 98元任食. 又吾係大餐廳, 接受. 羅宋湯夠酸, 不错了.

98任食牛排，任食未必一定差，每塊都有五六安士，比想像中嘅好，夠juicy 又嫩口，都有牛味，龍蝦餐夠份量，材料夠新鮮，可惜頭盤同甜品較小，即磨蒸漏咖啡值回票價，無加一，侍應服務都夠貼心，上菜快得黎都唔會馬虎，暫時晚餐只提供龍蝦餐同任食牛排，由於反應熱烈，promotion 好似到九月尾，想試可book 五點半嗰輪，呢個價錢都算超值，期待正式時可試其他菜式。

好耐冇寫食評,文筆唔係咁好,但唔寫條汽真係唔順,之前朋友whatsapp個98蚊任食牛扒既訊息比我睇幅圖寫grill steak好似好正咁,咪打去BOOK位試試,但現實同理想差得太遠,簡直兩回事,今天5:45入座,有9成坐滿,第1份牛扒大約3分鐘送到,已經係最正常,好熱和味道較正常,第2塊都算過得去,出餐時間大約8分鐘,但叫到第3份開始足足要等10分鐘以上先到而質量亦開始越來越差,我再ORDER吁牛扒,而幾分鐘後附近有3位顧客order了3份牛扒,幾分鐘後服務員分別捧著3份牛扒出來, 比咗附近的3位顧客! 我問是否上錯枱, 點解比我遲落單的人竟然仲快過我送到,追問服務員時,不斷話冇搞錯,只推說話已落單,廚房整緊再等吓啦,完全冇跟進,又等咗15分鐘先上菜,當想再叫時已經6:30分,店員竟然話LAST ORDER,又話75分鐘任食??45分鐘已唔比再落單,,聽到廚房有人同服務員講出面某張檯"食咗幾多份";"要CUT單";"睇緊D" 等句語,好心啦做唔到任食就唔好玩咁大啦,出埋D低級手段限制食客ORDER,放題/任食被人拖時間見得多,但拖得咁明顯真係CHEAP!!

坐低超過十分鐘都無人理，menu又無，態度又差！見過之前排唒長龍，諗住試下佢，已經專登過左lunch time先去，同人搭枱坐都唔緊要，仲要個侍應態度惡劣地叫你縮埋隻腳入去坐，幾多客幾好食都無用！

今日收到一張新店開張98蚊任食牛扒既whatsapp訊息甘 jetso 梗係即刻打電話book位啦黎到餐廳啲裝修都幾型格 牆上有很多掛畫凳上有軟墊 仲有個箱俾你擺個人物品整體感覺都幾好 主角登場啦7 成 熟 西 冷可以見到 塊牛排的份量十足表面有黃金焦脆 淋左燒汁伴碟有薯條和什菜賣相都幾吸引牛扒口感吾錯 好鬆軟吾會煎得太老 但係太鹹了 太鹹了 太鹹了因為真係好鹹 所以要講三次唯有狂飲凍檸茶（凍飲+$8）薯條真係非常脆表面有啲紅色既粉 味道有少少辣十分惹味什菜煮得太熟 好''淋'' (吾識字😂😂😂)餐台冇三寶 辣椒仔 胡椒粉 鹽啲什菜又好淡口同塊扒形成強烈對比出示訊息免費送香草焗田螺同香煎鵝肝一份田螺既味道就中規中矩但鵝肝就太油同好腥表面同個碟都有層黃金色既油最後加追一份薯條 好好味呢~~~可能因為新店開張服務態度都非常好 Like但係就冇主動提供飲用水啲餐具既質素都幾''雞''下