砂煲兄弟 (東港城) (已結業)

啱啱見到煲仔飯好似幾吸引，門口就見到佢寫住一周年慶典八折！一入到去見到都算多人嘅，侍應見到我哋好快就叫我地入去菜單一張牌，主要都係煲仔飯焗飯同埋一啲茶餐廳嘅菜式例如椒鹽鮮魷魚，啲菜式唔算全部都好傳統，特別係煲仔飯都有啲新嘅搞咗個下癮咁。我哋最後都係叫咗啲比較傳統嘅菜，一個臘味煲仔飯再加一個椒鹽鮮魷魚。落單嘅時候侍應都幾貼心，特登提我地煲仔飯需要等大約15分鐘。大約10分鐘之後，椒鹽魷魚同埋煲仔飯就送上枱，影完相之後就梗係開餐先講嗰個椒鹽魷魚，以$90一碟嘅魷魚來講，由於太過粉，一食落去嗰陣好粉嘅味道影響晒成碟魷魚，同台有個女人喺度問啲碟魷魚包唔包飯，原來係唔包㗎，加碗飯要加$15，咁成餐就$100，抵唔抵就見仁見智至於個煲仔飯，睇落冇咩特別，不過味道都唔錯，有臘腸、潤腸同埋臘肉，又油又肥美，亦有飯焦，整體來講都算接受到最後買單嘅時候，間餐廳係會+1嘅所以計埋計埋其實都係九折

聽到煲仔飯，相信大家第一時間諗到廟街，但如果唔想大熱天時響街邊食煲仔飯，朋友就推介呢間砂煲兄弟～除咗煲仔飯，仲有中式小菜，啱晒一家大細嚟食😋——————————🔸港式黃鱔煲仔飯 $82估唔到唔洗去廟街，都食到咁有火喉嘅煲仔飯👍🏼 一打開，香氣撲鼻的黃鱔飯隨即撲出來，黃鱔好滑，還有些菇菌，配合煲底脆脆的飯焦，味道更佳👍🏼 🔹慢煮火焰牛仔柳 $88這個牛仔柳好有睇頭，一開始店員先點火，令整個菜置身火焰當中😍 以保持溫度～ 牛仔柳牛味濃郁，不是是平價貨色，但牛仔柳有點少和配菜未夠熟🤢🔸海味粉絲雜菜煲 $78雜菜煲份量很多，入面有魷魚🦑蝦米丶菇菌丶粉絲丶菜等等，好有鮮味，一點也不油膩，感覺好健康☺️🔹邪惡金沙西多士 $38西多士淋有煉奶、朱古力醬和朱古力碎，非常邪惡😈 西多士剛剛炸好，外脆內軟，份量適合兩三人share食😋

好耐無食過煲仔飯喇，今次搵到間又坐得舒服又高質嘅餐廳！餐廳裝潢好有香港懷舊feel，店員好有禮貌👍🏻<鵝肝慢煮牛柳煲仔飯>鵝肝加慢煮牛柳，呢個配搭原來係同煲仔飯咁夾，豉油呢就係自己落嘅，可以因應自己嘅喜好睇下落幾多。鵝肝煎得好甘香，個面係脆脆地架😍牛柳咬落肉質夠哂嫩夠哂juicy，慢煮真係正d😏而且牛柳份量非常多！我地食哂d飯都仲有牛柳。煲仔飯嘅精髓！飯焦呀！<蜜椒薯仔雞翼>成粒薯仔都充滿蜜椒，好脆身好香口👍🏻食落有甜蕃薯feel~雞翼係單骨嘅，食得好方便~味道夠哂惹味，食完一隻又一隻。<白酒忌廉焗蜆>估唔到有咁多隻蜆，新鮮無沙。個汁造得非常creamy，好想叫碗飯黎撈添~龍鳳檸樂！我至愛！

想試左一段時間，終於試到了。佢有好多唔同既飯，好多都好似好好食。價錢既range都闊，六十幾到百幾都有。我同男朋友就決定豪一豪，食鵝肝牛柳飯！鵝肝有一少舊，味道不錯，不過幾啖就食哂。牛柳既份量就多好多，肉質好腍，幾好！飯量好多，煲底都好多飯焦，鍾意既朋友一定好開心。另外佢都有唔同既小菜。如果唔係勁肚餓要食好多飯既話，兩個人一個小菜一個飯就夠哂。我地就要左啫啫時菜，揀左通菜。通菜爽口，味道都好夠。最欣賞係佢好多蝦乾，正！

這間餐廳名字有趣，而且装修也不錯，所以便在這裹吃午餐。點了蒜汁身雞扒腸仔飯和凍奶茶。凍奶茶大大杯，甜味剛好，茶哧再澴一點就更好了。蒜汁雞扒腸仔飯看來很普通，但因有這個蕃茄蒜蓉汁，酸酸甜甜加上濃濃的蒜蓉，十分開胃。雞扒大大件，配上蒜蓉汁加味道提升。结果吃光了整碟飯。

以前想食煲仔飯，必定諗起廟街或者舊式大排檔，仲要多數冬天先有得食，今日行街發現有間睇個名就知道係食煲仔飯嘅舖頭，愛生事家庭又走入去試試，睇餐牌煲仔飯種類唔算多但都幾特別，而且仲有其他小菜可揀，落單等咗一陣就有得食，梅菜肉餅煲仔飯先嚟，可能未收水，飯有D腍，煲仔飯應該要食乾身呢，但肉餅好味嘅，；黃鱔煲仔飯就可能我地等咗一陣，所以飯夠乾身，煲底有飯焦添，如果黃鱔可多幾舊就仲正，講笑啫!竹笙杞子浸時蔬，份量夠而好味道，總括嚟講呢度係唔錯嘅，不過有加一就覺得貴咗DD，下次試吓其他食物先

呢晚嚟到位於坑口東港城嘅砂煲兄弟。餐廳位置人流唔算多，唔係咁啱經過見到都唔知道。適逢開張一周年，餐廳由即日起至8月31日做緊八折優惠，即刻入咗去試😋室內裝修富舊香港氣息，以七、八十年代嘅大牌檔作為主題，牆上仲有舊香港街道嘅油畫🇭🇰餐廳打正旗號以砂煲做主題，所以好多菜式都係以砂煲上碟。涼拌蔥油豆腐（$33）豆腐好滑，但又夠硬，唔會一夾就散👍蔥油好香，配上豆腐一齊食，口感豐富，味道又夾，幾開胃。手足情深煲仔飯（$75）呢到嘅煲仔飯大大話話都有十多款，我哋就叫咗呢個幾特別嘅手足情深煲仔飯。揭起煲蓋，陣陣煲仔飯香氣飄出。淋上煲仔飯鼓油，食得！飯底熱辣辣，飯粒分明，仲有少許飯焦，正😋「手足情深」嘅「手足」指豬手同豬腳。豬手豬腳醃得入味，肉質嫩滑彈牙，仲有豐富骨膠原！馬拉盞時蔬（$68）呢日嘅時蔬係通菜。上枱嘅時候仲有「咋咋」聲，夠曬wok氣！唔辣，但就好惹味！芥末蜜糖一字骨雞翼（$42）Lazy people (like me 🤣) 就最鍾意食一字骨雞翼，貪佢啖啖肉，唔洗拆骨。雞翼炸到脆卜卜，配上帶微微甜辣嘅芥末蜜糖醬，加上炸得香脆嘅波浪形薯條，好滋味！邪惡金沙西多士（$30）西多士本身已經邪惡

同個同事岀去見完客，梗係揾啲好野食啦，砂煲兄弟係商場入面，好易揾，lunch 時間都八成滿，我地好彩係兩個人唔駛等位，如果四人枱都要等一陣！成間舖都係舊式大排擋feel，好復古，茶檔最得意。牆面都係可愛版既大排擋feel， 成間舖既設計好統一。我地一人叫左一個呢度既推薦菜色: 1. 西紅杮蟹肉牛油果煲仔飯好似無係其他地方見過咁整既煲仔飯，好特別，蟹肉超多，鋪滿哂個面，見唔到飯😂侍應哥哥教我地呢款煲仔飯唔落佢地提供既豉油都得，整爛個係正中間既西紅杮先，之後撈埋所有蟹肉同牛油果食。我地跟住佢個做法，個味係好清新呀，雖然同平時食既煲仔飯唔同(平時煲仔飯最重要係豉油架嘛😂）不過蟹肉同西紅杮一齊食，又真係好夾，啖啖蟹肉好滿足呀。2. 鵝肝慢煮牛柳煲仔飯另一款推薦煲仔飯，一打開個煲仔飯蓋見到超級大塊鵝肝喇😍😍😍😍，絕對唔係街邊得細細舊好少皮個啲，係真材實料呀。侍應哥哥都係教我地試左先，因為飯入邊有慢煮牛柳既汁，會好香有哂牛肉味，食到冇乜味先加豉油。點知其實淨係牛柳汁已經夠哂正，唔落豉油都得，啲牛柳唔會因爲係煲仔入面焗到過熟，啱啱好。如果我淨係可以揀食一個煲仔飯，講真呢兩個我都唔知點揀好，兩個都好高

今日去將軍澳做嘢，見到哩間「砂煲兄弟」個名好香港就走過去看看有咩食。原來係港式煲仔菜同煲仔飯而且選擇好多，於是就同阿仔入左去食。《牛油蒜蓉焗蜆》蒜香和牛油味濃，蜆size都幾大隻，配搭剛好，味道得宜，不錯吃！《慢煮火焰牛仔柳》賣相一流，有一團火係個煲邊燃燒著，十分火焰！牛仔柳半生熟鋪係上面，可以自己燒返想食的生熟程度。牛肉肉質淋淰，有牛味，味道不錯。下面有大量青紅椒。《三杯雞煲》雞肉嫩滑，味道香濃，滿滿的九層塔的味道，十分惹味，風未十足。飲品有半價：紅豆冰，鹹檸七，味道不錯，不太甜好啱我。另外叫咗個甜品 《邪惡金莎西多士》呢個真係夠晒邪惡！每一件西多士鋪滿黑白朱古力粒， 並加上煉奶， 榛子醬， 和朱古力醬。味道十分豐富， 又甜又好味。西多士本身味道也很不錯。食完又邪惡又滿足！為這一餐帶來一個完美的句號。

［龍鳳檸樂］咸檸檸樂，唔係度度有得飲，真係舊式大排檔、冰室先有😋［海底椰燉雞腳湯］呢度有兩款燉湯，今次就揀左海底椰燉雞腳湯黎試，雞腳超淋，飲得出無味精，唔會飲完口乾，反而都幾滋潤喎💧。所以陳生成碗飲曬之後話：「好飲得濟，我飲曬喇🙂」幾時都話我老公就最錫我既🆗［涼拌蔥油豆腐］豆腐好滑，通常涼拌都係配皮蛋或者芝麻醬多，蔥油真係第一次見，好特別。食落口估唔到又幾夾喎！蔥油好香，夾埋豆腐淡淡豆味，都算開胃前菜👍🏻［金沙蝦碌］呢個聽個名就知吸引啦🤤咸蛋黃fans既我一定要試下。蝦殼炸得夠脆身，可以連殼食，補補鈣質💪🏻惹味之選呀！［鵝肝慢煮牛柳煲仔飯］呢度有好多新式煲仔飯，除左有海南雞煲仔飯、仲有呢鵝肝慢煮牛柳煲仔飯。睇到個名就想試下鵝肝mix煲仔飯呢個fusion菜呀🤩煲仔飯本身已經加左秘製牛肉汁，所以唔洗落豉油已經好夠味，勁多肉汁🤤慢煮果然係慢煮，牛柳 超 淋！一啲都唔會好韌，牛味濃郁，連埋啲肉汁，超正。飯焦脆卜卜，識食一定食飯焦😎加埋鵝肝又軟又夠曬香，必試👍🏻［啫啫時菜煲］啫啫醬有蝦膏、肉碎，食落好惹味👅陳生話有埋肉碎，令到唔鐘意食菜嘅佢，都唔會覺得太寡，

係呢個商場嘅大型超市買完嘢後，又係時候搵地方開餐，行行下見到呢間舖頭，裝潢幾搞鬼，似走港式路線望下餐牌係主打煲仔飯，煲氣小菜，地道小食及港式飲品等，相當港式風味叫套餐另加$28可以有燉湯，有湯飲就至歡喜，呢盅係蟲草花瘦肉湯，湯渣唔算太多，味道都夠味嘅，唔係例水，熱辣辣入口都唔錯嘅!除左煲仔類，仲有其他小炒系列，夏天就係想食D 酸甜味道，呢客鳯梨黑椒生炒骨就岩數生炒骨就食得多，但加埋黑椒就未食過，見到黑椒碎但味道唔會太嗆; 排骨份量都唔少，骨同肉比例差唔多，炸好再沾上酸甜醬，好好送飯呀!想食多D菜，呢鍋海味粉絲雜菜煲就岩晒，加$15跟白飯!  菜類有小棠湯，白菜，西蘭花，娃娃菜等，仲有菇菌，蝦米，魷魚同粉絲，清清地又有上湯，平衡一下呢餐嘅肉類份量!另外再點多個煲仔飯，多款選擇中有創新有傳統，呢客溫泉蛋牛肉煲仔飯應該係兩者之間原隻溫泉蛋代替傳統生鷄蛋，原片牛肉代替免治牛肉，醬蛋黃汁撈埋落飯度，增加香滑度，而牛肉入口算嫩滑食到一半就食到飯焦啦，焦香夠脆，煲仔飯嘅亮點出場啦................侍應不時主動加水，坐得都幾舒服，六點前仲免加一服務費!

是日晚餐兩仔爺求其岀去撐下枱腳，首試砂煲兄弟。八點去到拎飛，等左十幾分鐘就入得，入去地方幾大有，菜單款式都算多品種。我地揀左咖哩牛筋腩同雜菜煲配白飯。雜菜煲份量幾大，有菜芯、白菜仔、粉絲同各種菇等等，味道不錯，熱辣辣。咖哩牛筋腩味道幾香，咖哩適中唔太辣，有啲幾濃既椰香味，用黎送飯無得彈，牛腩口感幾淋，但寫明牛筋腩好似成餐飯都搵唔到一舊牛筋，有點兒失望。價錢唔算貴，味道尚算合格，可以試埋佢個煲仔飯。

今晚肥妹仔同屋企人去咗將軍澳東港城一間叫沙煲兄弟嘅茶餐廳食飯，唔好睇佢好似茶餐廳咁，但係入面嘅裝修非常之有特色，有五六十年代嘅感覺，好特別。另外佢嘅餐單亦都唔係一般茶餐廳嘅餐單。砂煲小炒皇  $88呢一個小炒王攞嚟送飯一流，因為真係好香好濃味。入面有炒到好香嘅腰果，蝦乾，魷魚，韭菜花，酸菜粒等等，每一種味道都非常重，非常惹味。唔係酸菜魚  $108好搞鬼嘅名稱，雖然佢話佢唔係酸菜魚，但其實就係酸菜魚。不過唔同啲嘅佢嘅魚係用咗魚片，完全冇骨，食落去非常方便。肥妹仔我就嫌佢唔辣，淨係得酸味，如果辣啲就perfect!金沙蝦碌  $152鹹蛋黃炒蝦碌，鹹蛋黃味好濃，蝦碌都算幾大隻，蝦肉結實，好食。鵝肝慢煮牛柳煲仔飯  $138呢一度嘅煲仔飯有好多唔同嘅款式，甚至有少少似fusion菜，呢一個慢煮鵝肝牛柳煲仔飯就係其中一款。佢嘅鵝肝煎到微脆，勁香鵝油嘅味。另外牛柳好滑，仲有飯焦，超好食。鹹魚肉餅煲仔飯  $62簡簡單單，但係超級好食。肉餅唔會過鹹， 食落去好香。而佢嘅鹹魚 嘅份量都好多，亦都唔會好鹹，食落去剛剛好。

肥雞行開將軍澳晚餐個時候見到呢間叫 沙煲兄弟茶餐廳原來係專賣煲仔飯嘅肥雞想比較下佢同廟街嘅煲仔飯有咩分別就入去試下啦入到去個個都叫煲仔飯咁肥雞梗係唔執輸帶咗個鹹魚肉餅煲仔飯同埋鵝肝安格斯牛煲仔飯咁首先要讚佢啲煲仔飯先佢真係做到有飯焦風味雖然唔夠廟街嘅強烈但係係一個咁舒適嘅環境之下食煲仔飯呢一度都幫佢升咗唔少分佢啲鹹魚唔係話非常之鹹溝埋飯鹹淡適中食完 好口岸反而佢嘅鵝肝安格斯牛牛樂本幾重手鵝肝肥美安格斯牛分量都多又係另一種享受肥雞再嗌咗個小炒王同埋酸菜魚個小丑皇幾野味反而酸菜魚就比較淡美不過不失

雖然我已曾經在油麻地「廟街」 ，嚐試過「廟街」食店裡面製作，裡面有飯焦而又沒有燒燶的「煲仔飯」美食，不過「廟街」的食店環境配套，始終不及大型購物商場店舖，有冷氣空調降溫那麼舒適。所以位於將軍澳坑口區購物商場「東港城」一樓位置，以港式煲仔飯為招牌食品的港式食店「砂煲兄弟」，就成為除了油麻地「廟街」之外，我另外一個光顧和食「煲仔飯」的理想食店。「砂煲兄弟」店舖的樓面面積頗大，足足佔據了「東港城」一樓的角落位置，店舖的實際面積，其實只比中式茶樓食肆稍為細小了一點而已。「砂煲兄弟」裡面的下午茶餐，雖然不是食店裡面的正餐時段，但是「砂煲兄弟」的下午茶餐裡面也有兩款不同口味的「煲仔飯」食品，包括有「蟲草花雞球煲仔飯」以及「鹹魚肉餅煲仔飯」。沒有迫切需要在下午茶食雞肉的我，最終在「砂煲兄弟」的下午茶餐裡面，選擇了豬肉剁成肉餅的煲仔飯食品「鹹魚肉餅煲仔飯」，至於下午茶餐裡面飲品，則選擇配奶茶底的「透心涼紅豆冰」。由於我以前在西貢墟裡面，經常會在阿媽的舖頭食午飯的時候選擇「奶茶紅豆冰」，所以一見將軍澳「砂煲兄弟」下午茶餐裡面都可以選擇「奶茶紅豆冰」，二話不說立刻選擇了它。說完「砂煲兄弟」店舖實際上的選址