砂煲兄弟 (悅來坊) (已結業)

我哋試左兩杯特色嘢飲 一杯系陳年柑桔檸蜜 另一杯系紅豆冰奶茶 紅豆冰奶茶😼衝既奶茶顏色好吸引 好多紅豆蓉 味道唔會太甜 從來都冇諗過可以將兩種香港特色飲品合埋一齊😱👍🏻😱👍🏻砂煲小炒皇😽😽依个菜系行怀旧风味 味道微辣但有好香xo醬既味道 配料有有蝦乾、魷魚、果仁炒韮菜 好香口🥳🥳慢煮火焰牛仔柳😸上枱個陣會點火燒熱佢 有火好似好勁咁😂😂😂 好似食緊火灸牛咁 牛肉份量都好多下 有十幾塊 而牛肉亦好嫩好juicy 麥皮雞翼😹單骨雞翼食起來好方便 脆皮炸得好脆西班牙臘腸排骨飯😻😻餐廳叫得砂煲兄弟 梗係要試吓佢哋既煲仔飯出唔出色先 侍廳建議要先撈勻飯同餸後先落豉油 撈飯時已經見到好多飯焦🥰🥰😍 有咁多飯焦十分加分呀😍🥰💯💯

今日提早做冬，就返長輩方便，一家人去咗位於荃灣悅來坊嘅「砂煲兄弟」食煲仔飯同特色小菜。黑椒蘋果牛柳粒：水果菜式出面都好多，例如菠蘿生炒骨，士多啤梨骨... 蘋果牛柳粒反而第一次食。牛柳粒好嫩滑，牛肉味都好香。蘋果粒就較為有趣，一開始望落去以為係菠蘿，入口咬開咗先知原來夾咗蘋果。蘋果炒完都仍然好鮮甜。梅菜蒸芥蘭：出面比較少見嘅菜式。我本身都驚驚地芥蘭嗰陣草青味，無諗過原來用梅菜嚟蒸芥蘭都可以去到嗰陣味，而且仲好香悔菜味好好食添。脆炸麥皮雞翼：雞翼大大隻，包住層麥皮嚟炸，面頭脆口、雞肉則滑溜嫩滑多汁。最好嘅係雞翼係一字骨，食起上嚟方便好多。鵝肝慢煮牛柳煲仔飯：一個好中西fusion嘅煲仔飯。「砂煲兄弟」建議要趁熱食，將鵝肝㩒碎、撈混成個煲仔飯，同埋唔使加豉油。店舖咁樣講，我哋當然跟住依個建議食法嚟撈好個煲仔飯，每啖飯都充滿鵝肝香味，再配上嫩滑嘅慢煮牛柳，同埋煲仔飯最緊要嘅飯焦，正！西班牙臘腸排骨煲仔飯：依個煲仔飯最特別之處就係用西班牙臘腸取代咗傳統嘅臘腸。西班牙臘腸比起傳統臘腸鮮甜，而且食落無傳統臘腸咁咸，排骨亦都好嫩滑。脆皮豬手：好驚人嘅份量，無4-6人真係唔建議點嚟食。豬手皮脆到同燒乳

天氣凍凍地想食碗煲仔飯🥺🥺🥺熊貓酒店附近經過見價錢都可以所以入嚟試吓😆😆😆分別叫咗兩個小食一個湯一個煲仔飯脆米炸鯪魚球平時啲炸魚球可能用炸粉炸呢個幾特別用脆米炸。個口感幾特別口水雞佢唔會話好辣，又吾會油，雞幾滑☺️☺️☺️☺️下面仲有d青瓜個燉雞好足料，又好夠熱。入面有參有肉有雞腳。飲完吾會口渴嫁🤣🤣仁面排骨煲仔飯，食落甜酸味道。飯底可以慢煮牛，如果濃味d會更好，不過肉質不錯☺️☺️☺️☺️

之前聽朋友講麻麻地，野食逐樣計錢！今日終於去試吓個早餐，原來佢轉左成個餐一個價錢，正常d，冷/熱飲品同價，炒蛋、火腿及多士都幾好食，但個火腿米線個湯就淡左少少。

今日去左大窩口探親戚 親戚介紹我地可以試下係悅來坊呢間新餐廳 叫砂煲兄弟🤩天氣開始涼左少少 食煲仔飯就岩曬！🥳餐廳係新派裝修 我地坐左係卡位好舒服😌餐廳好多選擇 最特別既係有唔同種類 各式各樣既煲仔飯👻除左煲仔飯仲有好多小食！我地先叫左鵝肝慢煮牛柳煲仔飯😍黎左之後一定係淋煲仔飯豉油😆估唔到鵝肝同煲仔飯係咁match!!! 牛柳都煮得好冧！好好味🥰小食叫左炸鯪魚球！配合芥末醬好香口滋味😈❤️仲有碟涼伴葱油豆腐😌呢個好似中和小小煲仔飯既熱氣🤣仲有碗老公大讚既當歸杞子燉雞湯😍呢個好足料入味！飲品叫左紅豆咖啡同熱咸柑枯蜜！滿足😍埋單仲有85折！好抵食！

平時食煲仔飯 一定都係諗到我廟街油麻地啲路邊攤檔今日行過荃灣悅來坊 竟然俾我哋發現咗一間餐廳有煲仔飯食🤩🤩脆炸麥皮雞翼：第一次食用麥皮炸嘅嘢 麥皮炸起黎比用粉炸更加有口感 食到一粒粒既麥皮 單骨雞翼就更加入味😋😋沙嗲牛肉粉絲煲：好足料有好多塊牛肉 味道啱啱好又唔會太鹹同埋太油 粉絲吸晒甜甜地嘅沙嗲味😆😆蒜蓉牛油焗蜆：啲蜆好新鮮冇砂 吸晒甜甜嘅牛油味 估唔到會係中式餐廳食得到🤪🤪最後嚟到重點—煲仔飯😚鰻魚牛蒡煲仔飯：熱辣辣好好味 鰻魚同日式鰻魚一樣 有甜甜嘅燒汁味 下面配咗牛蒡 煲仔飯吸晒啲牛蒡味 第一次食有牛蒡味嘅煲仔飯好特別 配埋鰻魚就勁似食日本野 變左日式煲仔飯😂😂底仲有飯焦 趣卜卜 估唔到會喺商場餐廳食到煲仔飯👍🏻👍🏻食完咁多嘢最後梗係要飲返杯鹹柑桔檸檬蜜下一下火啦😌大家睇吓個餐牌 係咪好似大排檔呢 但佢喺商場入邊㗎 有冷氣坐得好舒服😉

熊貓酒店一帶不嬲都唔覺得有咩食，今日同朋友黎就試下食間新餐廳。近期市道都唔係好旺，但入面都算係半滿了。叫左杯陳年柑桔檸蜜。天氣漸寒飲杯咁嘅野最好。脆米鯪魚球就配左個wasabi 醬。算係幾香口啦。開胃小菜黎講都唔錯。參鬚海底椰燉赤肉有驚喜喎！肉味濃郁唔油膩，啲海底椰又帶啲清爽嘅氣味。非常值得推篤！砂煲小炒皇，最後唔係砂煲上，有啲失望😂。非常足料，蝦乾都惹味。同外邊大排檔有啲唔同，係無咁油膩嘅。南乳炸脆雞嘅南乳味道濃烈，唔點汁都已經好夠味。外脆內嫩，火候控制好出色。覺得道菜廚司表示出色。重點黎啦，係個「鵝肝慢煮牛柳煲仔飯」。舊鵝肝幾厚！同埋鵝肝響度同油鴨嘅功能差唔多，都係令到煲飯有陣油香味，同埋同較瘦嘅牛柳可以互補到。個煲仔飯偏乾身，嫌唔夠汁都落啲煲仔飯豉油啦，好好味！

雖然住在荃灣好幾年了，但悅來坊這邊從來沒逛過，今天跟男朋友碰巧來了，逛了一個圈就來試試這間有煲仔飯的店，想著今天也涼了些…煲仔飯既然是招牌，我們點了西班牙腸+排骨飯，提醒一下等煲仔飯要一點點時間喔，最最最重點是飯焦，這家有! 有很多!😂另外加了一個燉湯，一杯紅豆奶茶，還有雲吞雞+椒鹽鮮魷(吃很多就對了😂) 湯很足料，喝完也不會口渴，應該沒有味精?! 鮮魷有點辣，其他東西就正常水平啦…由於太飽，沒點到金沙西多士，下次再食🤭

秋風起食個暖粒粒煲仔飯暖下身先。呢度裝修到好似大排檔甘，但比起大排檔而度座得舒服好多，乾淨企理好多。餐牌樣樣都想食，就嗌左(前菜)胡麻棒棒雞、（小菜）粟米魚柳、(特色)鵝肝慢煮牛柳煲仔飯。好肚餓食野先。胡麻棒棒雞($42)清新既青瓜白滑雞件胡麻醬，麻中帶辣。非常醒胃鵝肝慢煮牛柳煲仔飯($138)鵝肝嘅油滲左落白飯另整煲飯都好甘香，慢煮牛柳保留住肉汁，再來食埋個飯焦，不得了。如果汁可以多少少就prefect 粟米魚柳（$68）雖然魚柳比粟米汁浸住但舊舊都咬落卜卜聲非常脆口份量非常多。若果粟米汁濃郁些少就好好多，個日食淡左少少餐牌（1）餐牌（2） 餐具都幾特別似砂鍋煲蓋既碗

蟲草花燉赤肉$36呢個湯好好飲而且湯料十足，燉湯係比較多油。真係蟲草花仲有金華火腰。手拍青瓜$28完全唔辣，比較酸既味道。食到酸既人可以去食，酸酸地都開胃海味粉絲雜菜煲$78清清地，都係上湯浸菜咁，但有唔同菜，西蘭花🥦、小白菜、菜心，又有冬菇、蝦米🦐食完都唔會口渴，應該冇落味精山藥牛筋腩煲$88牛腩同山藥都炆得好腍，好易咬開。而且比例都好平均，牛筋都好易咬開。唔會山藥多過牛腩，好良心每次食飯都可以儲分換取會員優惠

今日是第二次黎砂煲兄弟, 第一次食的係D咩芝士好FUSION的, 唔OK, 今日同D朋友一齊LUNCH TIME黎食啦, 大家都叫左豆POP排骨BOWL仔飯, 黎得食, 梗係要食煲仔飯啦, 等15分鐘, 當然照等啦, 飯到喇, 侍應會大家個砂煲好熱的, 小心D, 真係幾細心的。個飯的份量唔係太多, 鼓油在檯面, 自己落啦, 整體味道不錯, D排骨份量都唔少的, 有3粒仔豆POP, 飯底重有飯焦的。至於最吸晴的就係杯凍飲, 52蚊個餐包埋呢杯大大的凍飲, 算唔錯的了。當然啦, 如果可以再平D就更好啦。

今(24-9-2019 Tue)晚,老公同我慶祝生日,其實佢試呢間好耐,咁啱我想放工後喺AEON超市買嘢,咁就嚟啦.我先入座,女職員俾我坐大卡位,真好.冇耐,老公到嚟,睇完menu,我哋決定要:3. 叫嘢食,就以半價$10.00,要嘅熱鴛鴦我好似未試過一人飲一杯鴛鴦,於是試吓.熱鴛鴦奶茶味唔夠,咖啡味甘苦,唔啱我.飲咗一半,老公將凍鴛鴦嘅冰倒入去,佢就覺得啱啱好,但我仍覺得苦.味道: 1分4. 同樣叫嘢食,就以半價$12.00,要嘅凍鴛鴦呢杯嘅味道同熱鴛鴦完全相反,甜啲,咖啡味好少.味道: 0.5分1. $92.00嘅芝士海蝦煲仔煎麵端上嚟唔係用煲仔上嘅?而且份量好細,煎麵就細心地切成4件,食落,原來用公仔麵煎,好少少覺得被搵笨.麵都有啲煎脆嘅,不過唔多;芝士汁唔太杰亦唔太鹹;海蝦有被炸過,g殼軟,可食埋,又多糕,蝦肉都爽.味道: 3.67分2. $98.00嘅鮑魚雞煲仔飯睇到有好多嘢,但其實細細隻嘅鮑魚得兩隻,食落,口感同味道正常;雞件入晒冬菇味,肉質滑,有驚喜.飯係有飯焦.味道: 3.67分價錢: 佢哋有$10.00優惠劵放喺喥,平日幫趁滿$100.00就可當$10.00用,有加一

呢間時間比較早，未夠9點就已經到左只有數枱嘅食客，今次揀左出面卡位座寬敞又舒服，帶點寧靜，播著台灣歌手既歌邊嘆早餐邊聽歌。。早餐B 沙嗲牛肉公仔面（淨面），如果加$10就可以轉做餐，（午餐肉/煎蛋/腸仔煙肉）任選2樣，另配牛油多士。煎蛋脆邊好好味，牛肉比較厚，但到好淋，但午餐肉就多油左比較油膩。麵方面是用出前一丁，煮得岩岩好，唔會太淋仲有點彈牙。另外呢度可以用The Gulu攞位架，留意住個電話就知到有位未，甘就有時間行下街唔洗企定定等位啦

十分意外，在商場都能食到煲仔飯！呢間店剛開張冇耐，環境都好明亮，空間幾大，每張桌的間隔都好夠！值得一讚的是服務態度良好！叫去鰻魚牛蒡煲仔飯，椰香牛筋腩，蟲草花赤肉燉湯，透心涼紅豆奶茶冰。鰻魚真是十分好味，肉質鮮嫩，富有濃郁的鰻魚香，遺憾的是份量太少！只能說，真的做到少食多滋味！而畫龍點睛的是牛蒡，切成條狀的牛蒡，十分清新，又有嚼口！煲仔飯都有少少的飯焦，不錯👍🏼最惹味的是椰香牛筋腩，椰香滿瀉，而牛筋則略為過腍，欠嚼口！

近排先留意到，公司附近開左間新餐廳，叫”砂煲兄弟”。聽到個名第一時間就諗起煲仔飯，襯今日Ot完就過黎食吓啦。入到黎環境都幾別緻，應該系想打造舊香港既風格。座位闊落，亦有大枱，一班人黎食都吾怕洗分開坐！睇下個餐牌先！果然無估錯，系有煲仔飯食既！種類都好多選擇，而每款都極其新意，有別一般傳統煲仔飯。煲仔飯製作需時，所以分別叫左 金湯野菌浸津白(hkd$62) 及 金沙蝦碌(hkd$152) 呢兩款小菜頂下肚先。津白以南瓜作湯底，所以味道額外清甜; 而蝦碌以大蝦炸釀，皮脆肉嫩，好味得黎又十分邪惡！等左咁耐，終於到小編最期待既 黑松露蟹肉海膽煲仔飯(hkd$168) 價錢黎講都算系煲仔飯之最啦，不過既然黎到就試下這是賣什麼壺蘆。從賣相可見面層已經被混和了黑松露的蟹肉和海膽覆蓋住，還有一枝蟹棒作點綴呢！撈勻後，啖啖蟹肉，加上海膽鮮味突出，味道亦顯得十分鮮甜٩(˃̶͈̀௰˂̶͈́)و另外亦都叫左個 川味黃鱔煲仔飯(hkd$82) 聽聞系采用新鮮黃鱔烹調，肉類鮮嫩，加上少許辣椒，更野味。不足之處，以川味黎講吾夠辣，愛吃辣的朋友或許要失望了。最後，分別叫左咸檸七同埋紅豆奶茶作結，味道不過不失(˶‾᷄ ⁻̫ ‾᷅˵)！總