砂煲兄弟 (悅來坊) (已結業)

真古不到在我家留下开了一家新派煲仔飯店，於是我們一行3人今晚進注這店吃煲仔飯……我們一人叫了一个煲。先下单海南雞煲仔飯鰻魚牛蒡煲仔飯麻辣牛肉煲+白飯虾多士奶茶紅豆冰等了约10分左右第一煲麻辣牛肉到了，我們share來試試，平時我好小吃辣，今次試試吃了一片牛肉，通常在其他店吃麻辣沒有麻味，只有辣味……但今次麻辣牛肉煲有一些驚喜，是有些麻味，牛肉都新鮮，加上配菜都有麻味，可惜加了$15碗白飯真的很细碗，吃完牛肉煲+白飯，要飲红豆冰奶茶才有飽意，跟住再試海南雞飯，飯用雞油煮过，不油脷、加上有2小碟点雞，一碟辣酱，另一碟是姜溶都好味，再来熱辣辣虾多士，不过太溥及面虾酱不夠鮮味接下來鰻魚牛蒡煲仔钣，没驚喜……因為鰻魚好像在街買已整好食物，煲仔飯D飯没有飯昧，整體煲仔钣沒什麼驚喜這晚吃得不飽，煲仔飯味道都是一般最後我个人覺得都系傳統煲仔飯比較適合我。'……其他

屋企人好中意食煲仔飯成日見到有煲仔飯都要試今次係屋企附近見到呢間新既煲仔飯即刻2話不說 食左先講！除左好多特色既煲仔飯 仲有小菜可以叫架.我地叫左3個煲仔飯同黑白胡椒大蝦🍤煲仔飯係有辣有唔辣餐牌上面都寫得好清楚架~點左鵝肝慢煮牛柳煲仔飯西班牙臘腸排骨煲仔飯同川味黃鱔煲仔飯.川味鱔超正呀 係我最愛既麻辣！超香 一食第一啖就停唔到口了。啲鱔係新鮮架 肉質非常彈牙爽口.西班牙臘腸果款就似平時係街食果啲唔辣的 呢個無平時果啲咁油西班牙臘腸無咁油膩個人中意加返少少豉油 非常入味飯又粒粒分明 有光澤！.鵝肝慢煮牛柳煲仔飯非常特別整爛鵝肝lo勻先食呀好香 配埋慢煮牛柳 唔韌 同鵝肝都幾夾呢3款煲仔飯都未試過係其他地方食過好新穎.另外點左個黑白胡椒蝦有6大隻 好入味 胡椒好香 連配菜 洋蔥都甜甜的 好食

今晚約咗個friend 到呢一間砂煲兄弟食煲仔飯。我哋兩個人點咗： 西班牙臘腸排骨煲仔飯 鵝肝慢煮牛柳煲仔飯 胡麻棒棒雞 馬拉盞時蔬 紅豆冰 陳年柑桔檸蜜西班牙臘腸排骨煲仔飯同埋鵝肝慢煮牛柳煲仔飯可算係新派和懷舊嘅結合，我覺得採用好似西班牙臘腸，鵝肝慢煮牛柳呢類西餐材料去做中式煲仔飯係非常大膽同有創意，亦正好俾食客在傳統煲仔飯之外有更多選擇。呢兩款煲仔飯本身已好夠味，唔使再添加醬油，值得一讚係飯焦煮得啱啱好，唔會太燶，只係薄薄一層嘅飯焦，好香口，完全保留傳統煲仔飯嘅特色。棒棒雞本來係四川菜，但呢個胡麻棒棒雞唔太辣，胡麻醬完全滲透在雞肉裏面，愈食愈開胃。馬拉盞時蔬係油麥菜，侍應介紹講餐廳會購買季節性蔬菜(唔係温室培植嗰啲), 而依家油麥菜當造，真心呢碟菜真係煮得新鮮好食。睇見飲品杯有時光倒流感覺，幾懷舊，紅豆冰好似加咗椰奶，好甜；陳年柑桔檸蜜有啲甘澀，唔知呢啲係唔係陳年柑桔嘅味道呢！

香港地道又好味嘅廣東菜不易搵！新開張不久的砂煲兄弟 ，主打廣東菜，還引入了新派 #fusion煲仔飯！！鋪頭的設計以六、七十年代的大牌檔，有不少的香港特色的打卡位置📸而試食之中，我的實力推薦是黑白胡椒蝦，它是南澳野生的蝦，外面薄薄的一層鹹蛋黃醬，吃下去，又鮮蝦的味道又趣口的鹹蛋味.今日食既😚：黑松露蟹肉海膽煲仔飯鵝肝慢煮牛柳煲仔飯鰻魚牛蒡煲仔飯海南雞煲仔飯馬莎拉雜菜黃薑煲仔飯川味黃鱔煲仔飯西班牙臘腸排骨煲仔飯西紅杮蟹肉牛油果煲仔飯（龍蝦汁煲飯）芝士海蝦煲仔煎麵山藥牛筋腩煲脆皮豬手黑白胡椒蝦胡麻棒棒雞蝦多士邪惡金沙西多士南洋西多士鳳凰奶露四臣雲吞雞.📍 砂煲兄弟 (荃灣)荃灣荃華街3號悅來坊B1樓B119A號舖

海南雞飯有冰鮮腥味！鰻魚牛蒡飯與相片份量不符，牛蒡似只有牛蒡皮質素差，而且鰻魚薄似紙且鬆散！小食一口脆皮豆腐及辣味炸雞尚算可以！總結食物質素差，份量少，價錢貴不合理。

煲仔飯係香港既既懷舊美食💕有間餐廳加入左好多唔同國家既材料整fusion煲仔飯😳.🌟黑松露控之選🌟先介紹我手上既黑松露蟹肉海膽煲仔飯🤤啖啖蟹肉🦀好足料😍黑松露既味真係好香👍🏻.🌟健康之選🌟西紅杮蟹肉牛油果煲仔飯🥑有成個蕃茄係飯中間🍅而飯底係用龍蝦汁煲既😆.🌟保身之選🌟荃灣分店限定既四臣雲吞雞🐥個湯係用雞骨同4️⃣款藥材：伏苓、茨實、蓮子、淮山真係落足料 有藥用價值 食完好暖胃😆.🌟脆皮小食🌟🍖好推薦佢地既脆皮豬手👍🏻豬手啲皮焗得好好 好脆唔肥膩唔食豬手既我都忍唔住係咁食啲皮😂.🌟Fusion西多士甜品有fusion南洋西多士🧡貼心既一口西多 外脆內軟外面淋左斑蘭汁❇️而入面係咖央醬好新潮🥰好甜好好味👅

悅來坊呢個場不嬲無咩好食，我頂多去一去"殺你呀媽"! 直至砂煲兄弟出現我先happy返。今日特登呼朋喚友去幫襯第2次，話俾佢地聽有幾正，有荀野梗係要happy share!原來真係唔只煲仔飯咁簡單，睇個menu頭果一頁真心睇到眼花，成20幾種煲仔飯，選擇困難症千祈唔好黎呀!淨係小菜已經好美味:豬手啦，棒棒雞啦，黃金蝦啦，四臣雞啦，無一樣令我失望。豬手勁大份，不過同相唔一樣，等我仲期待成個頭咁大既豬手成隻上....但味道搭救，又脆又香，好食過乳豬仔!棒棒雞係咩春!?我第一次聽，原來青瓜就係look棒,加埋啲啲紅油同麻醬，比想像中好食，雞都滑同入味。之後到煲仔飯，牛油果蟹肉番茄根本聽落好「西」，錯啦，原來中式煮法效果都ok。抵啦直頭，成個飯面都係蟹肉，仲有原個番茄喺飯中心，飯底索曬啲汁，仲有飯焦，點到你唔服?好食!呢個黃金蝦並無包金既，只係蛋黃黎，但啲蝦鬼死咁大隻，熱辣辣香噴噴，送白飯一流最後又係雞，睇黎唔只得男人鐘意四臣雞又係咩春?原來加咗4種藥材，湯飲得出自己「淆」，超濃，藥味唔會太勁入唔到口，最巴閉係真心半隻雞擺落去!「淆」到好綿，我都開始鐘意叫雞食啦！

諗住同家人去試下新開嘅店點知食到真係....差到不得了我點咗兩款海南雞煲仔飯 及 海味雜菜粉絲煲首先海味雜菜粉絲煲份量少, 味道淡 , 不過都算不過不失, 只係即使同茶餐廳比亦差非常多 , 但尚可入口海南雞煲仔飯 , 佢地門口都係放D沙煲吸引人望, 不過上來的係煲, 聽到旁邊枱的都食客都話唔係沙煲架咩, 沙煲做出來香D喎。用咩煲都算 , 最大問題係佢D雞, 極腥, 我家人形容係劣等雪藏雞...真係好在成份嘢份量非常少, 唔係都唔知食定唔食好...我俾錢時, 同個收銀反映 : [ 你地店的食物質素需要改善一下 , D雞好腥 , 收到咁嘅價, 唔應該咁樣]  點知佢答我, 佢前兩日至食完 , 冇問題喎....唉....冇得救 , 一定唔會再去啦仲有, 我旁邊台的男士, 佢杯飲品甜到入唔到口要換真係... 一D都唔平, 不過難食到咁, 仲要職員反應咁樣好差

一點3樣嘢食， 金針雲耳雞煲仔飯， 三重芝士蝦煲仔飯， 麻辣牛肉煲， 第一樣嚟既麻辣牛肉煲， 第一眼既感覺： 吓！？ 唔係掛！ 不鏽鋼煲都算喇， 打開蓋無煙無香味， 食件牛肉就知道中復， 唔熱只係暖， 牛肉係無辣味， 簡單講係雞精水加辣椒醬再放入預先做好既材料然後上檯， 未加一$88 就比d 咁既出嚟， 再嚟係金針雲耳雞煲仔飯， 開蓋亦係無煙無香味， 材料係足既， 迷你份量， 大概一碗叉燒飯既size, d飯係無材料既味道， 再嚟係三重芝士蝦煲仔飯， 打開蓋既只能說"唉！" 芝士醬撈飯加塊芝士焗溶放6隻灼虾再加芝士粉， 問你怕未， 6隻虾size都ok, 亦新鮮爽口， 飯後幾小時仍然感到口乾頸渴， 整體評價： 中復！ 除咗快餐店， 我唔會再去商場中小型食肆食飯

煲仔飯大家食得多，但黑松露蟹肉海膽煲仔飯同海南雞煲仔飯又有冇試過😎 驚喜同創新呢度係滿分！但食落都真係唔錯黑松露蟹肉海膽煲仔飯 ($168) 未食已經流哂口水🤤 飯上面鋪滿咗海膽，大量既蟹肉，黑松露同蟹鉗。加啲豉油，撈均成個飯，食落啖啖蟹肉好高質😍海南雞煲仔飯 ($80) 海南雞煲仔飯都係第一次見，雖然睇落似普通一個雞飯。但估唔到雞肉食落係幾滑，點埋啲醬汁仲好味。仲用咗油飯做底，好香但唔會覺得油～黑白胡椒蝦 ($152) 一上枱好大陣胡椒味傳過黎，感覺係幾惹味，隻蝦仲要好大隻！食落隻蝦個皮已經炸到可以食埋都得😂 入面蝦肉好新鮮彈牙，同埋夠入味～

個人向來都喜歡吃煲仔飯，在油麻地吃到悶，一於試試荃灣新開的砂煲兄弟！由於煲仔飯的味道真的好特別，想為大家介紹一下！首先是黑松露蟹肉海膽煲仔飯（$168）～壓根兒沒想過可以如此中西合璧，黑松露香味超濃郁，一上菜已經芳香扑鼻，而且蟹肉超多超滿的！海膽則是畫龍點精，將整碟飯提升鮮味，很特別！即使是如此西式的煲仔飯都會有飯焦，香脆可口！之後又是很西式的鵝肝慢煮牛柳煲仔飯 （$138），這又是十分值得讚的，牛柳是半熟的，不喜歡太生的則可以靠煲仔飯熱力再煮熟～一看圖就知牛柳份量很多，而且鵝肝是一整件，拌飯吃更能令煲仔飯充滿油香～最後想推薦脆皮豬手（$152）！點這個吃真的很化算，一上菜就被驚喜到，好大碟！豬皮烤得好脆，真的好似薯片，哈哈，而豬手肉反而好軟好嫩，形成很大對比，很好吃！好欣賞這店呀！將傳統的煲仔飯完全用另一個形式呈現出來，很新鮮而且充滿創意，不仿一試！

最愛和一大班人食飯，除咗可以開開心心聚一聚，又可以點多幾款菜式。今次就和朋友去了荃灣新開分店，以煲仔飯馳名的<砂煲兄弟>。今晚點了不同形式的菜色， 包括荃灣分店限定的<四臣雲吞雞>，選用了肉味濃的三和雞，湯底用雞骨熬製而成，並加入了淮山，蓮子，茨實，伏岺雲吞餡料亦豐富，粒粒飽滿。點了多款不同新派煲仔飯，<黑松露蟹肉海膽煲仔飯>，<鵝肝慢煮牛柳煲仔飯>，<鰻魚牛蒡煲仔飯>，<海南雞煲仔飯>，<馬莎拉雜菜黃薑煲仔飯>，<川味黃鱔煲仔飯>，全部煲仔飯飯底都有香脆的飯焦我自己就最愛，分別是有印度🇮🇳風味的馬莎拉雜菜黃薑飯，黃姜粉混和飯一同煮，配上各色雜菜，是素食者之選。另一個我最愛的是，有我最愛的黑松露加上蟹肉海膽的煲仔飯，手拆蟹肉混和了矜貴的黑松露，再配上鮮甜的海膽，每一口也覺得奢華的感覺原來麵食也有煲仔版本，<沙嗲牛肉煲仔煎米粉>，<芝士海蝦煲仔煎麵>，麵底煎得香脆，所以當一上枱的時候就要馬上食，否則吸收了醬汁會變淋了主菜就點了，&

一大班人食飯去邊好🤔今次就去咗荃灣嘅砂煲兄弟真係估佢唔到又幾好食喎😋前菜小食方面：胡麻棒棒雞 (有少少辣的冷盤）蝦多士 （脆卜卜好有蝦味）小菜部份：山藥牛筋腩煲 （牛腩超級林好入味）脆皮豬手 (豬皮勁脆...配埋芥茉醬食一流)黑白胡椒蝦 (係用南澳野生蝦...好大隻呀)煲仔飯系列：我個人最喜歡的3款黑松露蟹肉海膽煲仔飯(蟹肉同海膽撈飯一流...好鮮味）西紅杮蟹肉牛油果煲仔飯（原來係用龍蝦汁煲飯...好香好入味）鰻魚牛蒡煲仔飯（是用日本鰻魚配上中式牛蒡藥材...）全部煲仔飯都係要中西合璧的配搭組成另外仲有荃灣店限定👀四臣雲吞雞（選用左伏苓、茨實、蓮子、淮山）養生食材配上雲吞和雞真係好特別又好驚喜啊🤩甜品方面：我最喜歡的就是鳳凰奶露（超香奶味配合溫泉蛋一齊食）感覺上好補呀😋

-我完·sem·了🥰馬上與好友吃好東西！還要是超級豐盛的晚餐🤤由於吃了太多，不能盡述～以下主要講講我最喜歡的💛♥《黑松露蟹肉海膽煲仔飯》超多蟹肉，很有口感！每一口都是濃郁的蟹肉味😳黑松露也很多，絕對能吃到～如圖所見，其實海膽也不少🥴不過不能撈在一起，要分開吃！否則海膽的味道會被蓋過呢😖♥《西紅杮蟹肉牛油果煲仔飯》以龍蝦汁煲飯，很入味🤩所以只吃飯也很美味呢～～配上牛油果，感覺比較清新😌蟹肉也有很多，每一口都有口感！而翻開表層的飯，有一個大蕃茄🍅賣相很不錯，撈在一起也很配搭呢～♥《山藥牛筋腩煲》炆煮得很入味😍有口感、易入口～山藥味不算太重🤓適合不喜歡重藥味的食客～平常吃可以配上一個白飯😚♥《脆皮豬手》一上桌大家都瘋狂了🤣食、香、味俱全的豬手！外皮香脆，豬手有口感🥳配上蜜糖汁，美好的配搭～旁邊還附上薯條和沙律🥗是一道很豐富的料理呢！！♥《南洋西多士》這個有驚喜💖原本我們已吃了邪惡金莎西多士～就是我在圖一拿着那個🙈怎料這個更好吃，更特別！內裏是咖央，配上斑蘭醬😉味道出乎意料地好吃、很配！♥《鳳凰奶露》最後竟然還有驚喜🤪老闆知道朋友生日，特意準備了生日奶露😏內裏有足足一隻溫泉蛋！作為甜品，濃度剛

公眾假期仍要上班，忙碌完一輪想食餐好些少的，見這間新開餐廳名字和裝潢幾特別，於是決定入內一試。坐低望餐牌時有些愕然，因為最便宜的煲仔飯都要$60起仲未加一，當附近餐廳的套餐都是$50左右，仲要包湯包飲品包小食，這間餐廳的定價確實是相當進取。考慮好一會，最後我點了個<海南雞煲仔飯>，好肚餓但等左至少十五分鐘，煲仔飯連醬汁才送上。飯煲份量比我預期中少，雞肉下面亦有不少醃菜墊底，另外，盛載飯餸的並非傳統的砂煲，而是超熱的鋼煲又只有小小的手柄，進食的時候必須要小心翼翼。味道方面卻又很不錯，雞塊肉質嫩滑，去骨得很乾淨，啖啖肉令人食得很放心，夾着香葱和炸蒜同吃非常惹味，雞油飯亦很夠味，再配上醃菜完全不用另加豉油已是非常可口，只是煲仔飯的靈魂--飯焦欠奉，應該是鋼煲傳熱太快，飯粒成為飯焦前已陣亡成飯炭，見到煲底黏着層厚厚烏黑的飯炭，實在令人好無奈。整體上，這裡的煲仔飯在賣相，味道，份量各方面，都沒有特別過人之處，但價錢在荃灣區卻是偏貴，上菜速度亦太慢，確實沒有讓人再幫襯的意欲。