砵仔王

營業中

休息中

聽人講老字號行開走嚟試吓見佢啲砵仔糕好似幾靚咁又懷舊點知個阿叔服務態度差一味得個急字都唔知佢噏乜嘢後邊又冇客一味得個嘈字可能我買得少啦，買得嗰兩個砵仔糕就黑口黑面咁嘅服務態度人哋點樣以後返嚟買你啲嘢食食落去啲砵仔糕，亦都唔係以前懷舊風味…仲差好遠真係好懷念以前嘅砵仔糕至於呢一間執咗笠都唔會可惜其他仲有唔同嘅懷舊甜品價錢非常之貴與其咁唔正宗，我情願嘥多少少錢買芒果糯米糍好過做懷舊最緊要夠正宗唔好揦住懷舊嘅旗號整啲咁嘅貨色比客人

成日搭叮叮都見到，細個阿媽成日買黎接放學，砵仔糕呢樣野真係充滿回憶。下晝4點左右又經過上環，回程時都係買返個回憶下先。行到去望望價錢$9/1個，$25/3個。佢自稱得「砵仔王」，我對佢真係充滿期望!見買3個平少少就3個啦! 摸上手仲暖，成程車好期待。每個都係有層膠膜包住，分開每個獨立唔會痴住，用膠袋入住返公司食。返到公司一打開，佢唔似食開嘅砵仔糕咁令面同滑身，成件係好濕，而且焗到有d溶，但值得一讚地方係佢好多紅豆，唔會太甜，而且冇粉粒。如果可以少返d d 水就完美。

因為上次食過砵仔糕覺得不錯，今次試試其他款式，雞仔餅/相對比較差，沒有傳統味道，餡料少。餅口感偏硬身、焗得脆。黃糖糕/口感煙韌，香軟鬆綿，黃糖甜綿清香，不黏口。

黑糖 砵仔糕/每天新鮮製造，買到的都是剛蒸起熱辣辣，紅豆粉粉的很軟糯；糕粉漿甜度適中，口感有輕微粘口，但整體算不錯。還有其他糕點，白糖糕、黃糖糕、芝麻卷、桂花糕等，下次試試。

砵仔糕這些傳統小食已經愈見愈少，咁難得見到一間專食這些傳統小食的舖頭梗係要支持吓砵仔糕 $10 推薦指數🗯️：🌟🌟🌟🌟依家食砵仔糕已經不像之前那麼便宜，所以它這樣的價錢也算合理，紅豆都唔少，唔會淨係得表面有紅豆，而且唔會太甜，飯後食一個做甜品都唔錯😋除咗砵仔糕之外，仲有其他傳統小食可以選擇每款都好吸引，但係食飽咗，只可以買幾款試吓，如果唔係都幾想全部都試吓椰汁馬豆糕 $15/2件 推薦指數🗯️：🌟🌟🌟🌟椰汁味都幾濃，而且唔會太實身，仲食到少少煙煙韌韌嘅口感龍鬚糖 $22 推薦指數🗯️：🌟🌟🌟食得出真係用人手整成的，食落冇機整的這麼實身，要一啖食晒先唔會散晒，而且又唔係好甜，一個人好容易就食晒一整盒整體來講，味道都唔錯，但係就唔知點解就係覺得冇小時候食的那麼好食🙊

行經上環，見到唔少師奶係到買野。正所謂跟師奶買嘢實冇死，of coz try try it la !佢個名叫砵仔王。但其實除咗砵仔糕 ，仲有好多唔同糕點買。不過我就淨係試左個砵仔糕。睇下好冇食先。佢九蚊一個砵仔糕。我都好多年冇買過砵仔糕食。細個個時明明只係三蚊個，而家竟然係三倍😿但我地嘅人工又唔覺有多左三倍。Anyway, 佢個砵仔糕就幾大個嘅。食落唔硬，軟滑。係小時候食嘅砵仔糕味道。而且食落暖暖地。老板話係岩岩先送到鋪頭，no wonder laaa . 不過豆就唔多。overall 黎講，食一次就算😹

街邊既傳統小食越黎越少有，係上環呢間砵仔王已經開左好耐，次次搭車經過見到都好想買黎食，感覺好舊式，應該好有懷舊既味道🥺🥺-黃糖砵仔糕 佢哋嘅砵仔糕一個個放係一個膠箱入面，而且每個砵仔糕買嘅時候，都會幫你用膠膜包住，都算衛生👍🏻 每個砵仔糕都有好多紅豆，舖頭個婆婆同我講所有紅豆都係師傅每日浸八個鐘整成，所以好林身🥰🥰，砵仔糕亦夠甜，好好食😋😋😋 佢哋都係買$7一個，真係抵食😚佢哋仲會有其他糕點同糖蔥餅🫓，感覺唔錯，價錢都唔算貴😍

宜家要揾砵仔糕賣已經唔容易，要揾到好味嘅砵仔糕更為困難。今次嚟到上環砵仔王，舖面簡單，有一個箱外貼咗「砵仔糕 7元一個」，咁我叫咗兩個砵仔糕嚟試吓。姐姐從箱內拎出兩個碗，然後再用竹籤拮好，拎出嚟係暖暖的。題外話，因為自己唔鍾意有紅豆，有問過姐姐有冇無紅豆嘅砵仔糕，但佢話無😂。砵仔糕($7)砵仔糕正常 size，真係算多紅豆，除咗表面嘅紅豆外，中心及底層都有，唔似一般點心店。紅豆大粒同甜，不錯! 另外，黃糖砵仔糕味道 ok， 唔會太淡，總算足料。

近日年老的爸爸時常想吃砵仔糕，就已久違那味道。我還小時，在中環半山天橋會有對銀髮夫婦推著手推車擺賣舊式糕點，有時更會推到上環去。他們造的砵仔糕口感彈牙爽身而且多豆，味道令人難以忘懷，但都已成回憶了。現在唯有在街上買，但大部分的都很低質，還是現在的人都降低要求了？還是未嚐過正宗的？唐記的要$9/個，差得咬一口就掉了。今日試「砵仔王」的$7/個，粉粉笠笠質感，連幾塊錢都覺得被浪費了，跟唐記的是同一級，製法粗枝大葉，還名自己為王，實在名不符實。

傳統的港式小吃買少見少，可能是鋪租高昂的關係，售賣傳統特色小吃店已經所剩唔多。所以自己一見到有砵仔糕，便立即買來試試。這家店位於上環。店子狹少，只供外賣。他們售賣砵仔糕、蔗汁糕、白糖糕等，主要以港式中式糕點為主。今天試下兩款砵仔糕，分別是黃糖砵仔糕和椰汁砵仔糕。兩款砵仔糕的差別不大，黃糖砵仔糕味道香甜，而且紅豆又多又香甜，糕身的質地不會過軟，帶一點澄麵的爽身口感。可是從前的米香就失卻了。椰汁砵仔糕和黃糖砵仔糕的味道大致相約，就是多了一點淡淡的椰香。以少少錢吃一件砵仔糕，但可以緬懷童年的零嘴，憶起童年時光，也是不錯吧！

人人都有屬於自己的童年味道。有人特別愛吃小學必吃的怪獸片、有人愛吃7-11的燒賣撈麵、有人鍾意飲思樂冰等等等等。是因為好好味，未必！只是吃開的老味道。而我的童年味道是什麼？其中一樣我會說是砵仔糕。砵仔糕，以兩支竹籤撐起，材料有粘米粉、黃糖等製成，加上粉糯的紅豆，煙煙韌韌、甜甜蜜蜜的口感口味，教小孩如何不愛它！記得小時候行過街，見到路邊檔有人賣，必定叫媽媽買我一件，有時候媽媽會買來哄我，小小甜吃已教我開心半日，雖然現在年長了，但有時都會懷念那童年風味，所以會想找件過過口癮。問我哪有有老風味的砵仔糕，上環那老店必入三甲。棕色的糕，滿滿的豆，我認為這店的出品質感最好，現在出面賣砵仔糕的店不難找，但大部分都好削，粉漿調不好。這裡的糕很實在，彈性高，味道唔會太甜，還會感到暖暖的感覺，馬上腦裡已味遊童年了。小小小吃 大大大喜。

話說有個客仔上泥同老細傾生意，好窩心送上一盒砵仔糕。砵仔王聽人講得多，今日終於有機會試下啦。拿，比個close up大家睇！紅豆份糧都幾多，啲豆又唔會太硬又晤會淋過龍。糖味好香但又唔會太甜，做下午茶呢簡直一流P.S.個客話放入雪櫃一陣做凍食都好味架，咁我拎一個番去試下先

好耐無食, 因為砵仔王的灣仔店無左。今日終於忍唔住, lunch 去上環買黎食。唔算太多人, 排五、六個人就買到。十二個砵仔糕 六十八蚊。好好味, 甜度及軟硬都適中, 同事都好喜歡。

有人請客食飯後甜品, 原來係砵仔糕, 聽聞呢間野好多人買, 專門賣糕本來係買幾款唔同既糕食, 可惜去到好多款都賣晒, 結果全部都係砵仔糕!黃色同白色砵仔糕2款都有買返黎試, 平時都中意食黃色砵仔糕, 食落好似比白色香甜D買返黎仲要係熱熱地, 應該岩岩新鮮整起望落都幾多豆, 食落唔係好甜, 整體唔錯的砵仔糕!

每次同事去上環工作都會順便買砵仔王食品返黎請大家食，食過砵仔糕，白糖糕，芝麻糕，黃糖鬆糕等傳統小食，最吸引都係黃糖鬆糕，鬆糕鬆軟彈牙，唔甜，下午茶食份量岩岩好，到目前仲未搵到代替品係好食過缽仔王