神廚館 (已搬遷) 新店位置

呢間係一間好有heart嘅小店，而呢度嘅招牌墨魚餅煎蛋飯絕對值得一試，甚至再三回味！呢度嘅枱唔多，只係有三張可以坐到四人嘅枱。一坐低，佢地會細心地給你一碗熱水給你清潔餐具。我叫咗佢地嘅招牌墨魚餅煎蛋飯，配魚湯：先來魚湯：熱辣辣，湯裏有一粒豆卜，湯面有少許嘅油。飲落唔覺有味精，味道好夠有少少辣味，相信係用咗胡椒煮。魚味都有但不算太鮮味。再來墨魚餅煎蛋飯：又係熱辣辣，正！飯嘅份量適中兼硬身，口感唔錯。墨魚餅好鮮甜、彈牙兼有墨魚粒，份量十足！煎蛋都係熱辣辣。呢度啲靚姐話我知可以落啲甜豉油食，落咗味道更佳！果然真係，但其實唔落已經好好味。我個人十分喜歡，絕對值得推介！

經常在此附近經過，也知道神廚館是附近最多好評的食店之一，但始終一次都未來過，也留意不到它的位置。前陣子偶然間坐車見到才知就在匯豐中心對面，於是決定找一天來試試。呢日終於來幫襯，原來呢度另外開了一間地方做生意，就在原來店子行過幾步的大廈內，端的是別有洞天。裡面的陳設簡陋，不過勝在有電視睇，可惜播的是Now TV，唔係咁啱口味！講番佢d食物，兩公婆叫了一碟「招牌煎蛋海苔窩燒墨魚餅飯」，一碟「美極香煎薄牛扒飯」，另加兩碗紫菜濃湯魚上骨湯。兩個湯先上，自己覺得個湯味道尚佳，但老婆就嫌佢好似有味精，唔係咁鍾意。其實個人覺得出街食嘢真係好難完全冇味精嘅，只要唔係咁重手就得啦！主角終於上場，兩公婆一齊share，個「招牌煎蛋海苔窩燒墨魚餅飯」個墨魚餅真係好得！即叫即煎的墨魚餅煎得夠香脆，咬落去d墨魚好彈牙，唔會死死實實，粟米粒同墨魚粒好夾，味道也非常好，難怪咁多人在食評中讚佢！隻煎得賣相好靚的蛋加埋d海苔，更加有錦上添花的作用。唯一要彈的是飯的份量的確偏少，如果係女仔食可能冇問題，仲可以夠飽，但係一個大男人就未必夠飽喇。（可以的話，寧願佢賣貴一兩蚊，d飯多d就好啦）另一招牌菜「美極香煎薄牛扒飯」個美

今日下午，我與蝦子餅一同去神廚館吃午飯。我叫了”招牌煎蛋海苔墨魚餅飯”＋熱奶荼(HK$33)，蝦子餅叫”頂級崩沙腩飯”＋熱檸水(HK$30)。墨魚餅飯：（１）一上枱，賣相已非常吸引，與poster的一模一樣；（２）蛋：熟中帶生，有蛋汁流出，正！；（３）墨魚餅：超、超、超好食，金黃色（煎得好靓）、夠鮮味、彈牙、好香口，混和海苔同吃，好夾好好味。牛腩飯：（１）腩汁好掂好味；（２）牛腩夠”淋”唔"un"；（３）蘿蔔無渣但不入味奶茶：偏多奶，I like it。服務：好好！亞姐可能知我大鄉里，話我知那支醬油拌飯吃；吃完後，又有禮貌講多謝及再見。如果飯可以多一些便更好，我吃到清潔亞姐都不用洗碟。　

响不同地方酒樓食點心都試過墨魚餅,,食小菜都試過好多不同地方的墨魚餅,,但都無呢間小店的墨魚餅咁好食,平時泰式炸蝦餅係我的至愛但食完呢度的墨魚餅我肯定認為佢好食過我至愛的炸煆餅了佢呢度肯定墨魚分量比其他地方的多,,食到有一粒粒墨魚好鮮甜又彈牙真係好正有Ｄ地方的墨魚餅粉重墨魚小一定硬邦邦,,呢度真材實料唔怪得咁多好評碗魚湯有Ｄ人可能唔係太喜歡胡椒味但喜歡的人一定讚這碗又是真材實料之作見有人話呢度貴但有去街市買餸既人都知墨魚都唔平.人地揀料靚先有呢種鮮味3拾幾蚊真係唔算貴响大x樂都3拾幾蚊一餐啦....呢度值得一讚是那種禮貌友善的招呼我唸好過好多有名食市

要說大角咀的名氣食店,當然不得不提神廚館…可能是一向都對小店有點偏愛…所以一有機會, 我都想到要去吃一下…我和sheep對這店都讚口不絕…可能剛好合我們的口味…每次必叫招牌煎蛋海苔窩燒墨魚餅飯和美極香煎薄牛扒飯, 其實sheep都很想試試咖喱類食物…可惜又敵不過不叫和美極香煎薄牛扒飯…首先上的當然是紫菜濃魚湯…其實我和sheep都很喜歡喝湯…所以如果有跟餐有湯的話, 我們通常都會叫湯的…我在家裡很少喝魚湯…因為覺得魚湯間中會有腥味…而且味道不太好~但是我就是很喜歡這裡的紫菜濃魚湯…奶白色的魚湯…一點也不腥, 而且有陣陣胡椒香味…非常好喝~通常我都會一口氣把它喝完~而且還加了大大粒的豆卜吸收了湯的精華…招牌我和sheep每人點一個, 通常我都會先吃墨魚餅飯…兩款之中我比較喜歡墨魚餅…可能我貪它香口…脆脆的~而且裡面有墨魚粒…煙韌彈牙…配上太陽蛋…把蛋汁加到飯上…吃一口墨魚餅加一口飯~非常好…不過我通常會再偷點牛扒飯的蒜蓉汁, 因為實在太惹味了…牛扒飯的美極汁實在是整個飯的靈魂…還有蒜粒和蔥碎…就算只有汁沒有牛扒, 我也可以吃兩碗白飯….當然牛扒煎得也煎得嫩滑…價錢雖然有點貴…但我覺得還是

今日去左食招牌炸墨魚餅飯朋友叫左咖喱豬頸肉飯炸墨魚餅飯 - 雞蛋煎得非常靚! 墨魚餅都好彈牙,食到好多墨魚粒,正!咖喱豬頸肉飯 - 豬頸肉爽口,不過個人唔係幾鍾意食呢度d咖哩咖喱既味道同係出邊食開既唔同...仲有, 餐飲奶茶都幾好飲幾香濃! 不過個人認為價錢好似就貴左d, 因為碟飯都幾細碟

其實這幾年都有經過「神廚館」這家食店，有幾次都想進去試試，不過店舖太少，而客人又太多，我這些沒有耐性的，當然打退堂鼓。今天年初三，心想它都未必會營業了，但儘管打一打電話去，碰一碰運氣。老闆娘說今天營業時間為中午十二時至下午三時．．．（這是很囂張的營業時間啊！）。我和男朋友又要找一家店舖吃一個快餐，結果就去了。很多朋友都有介紹這間食店，果然名不虛傳呀！招牌菜「海苔煎蛋墨魚餅飯」，真的很好味啊！只售＄３３！其實印象中，除了在酒樓吃過煎墨魚餅，就沒有吃過其他的墨魚餅了！酒樓吃到的我已經好喜歡，何況這個比較新鮮的呢？？這個味道實在太新鮮了，好像有生以來都未吃過這種味道。以我看，單售墨魚餅，客人都會付＄３３死死地氣來吃這個飯。但老闆娘實在有心思，加上煎蛋及海苔，實在配合得天衣無縫！所以，客人這樣地付＄３３，是心甘情願的，而不是死死地氣的。雖然好吃，但這個墨魚餅吃後你會感到有一丁點的膩，不是說令你不會再吃，但是你知道再吃的時候應該要是起碼三十天之後了。

近日經常openrice的食評，看見大角咀區有一間 "神廚館" 有143個哈哈笑，就click入去看看，所以我專誠到來試試。"神廚館" 位置很容易就找到了，這裡是不用等候，但心想中午時間為什麼沒有人呢？店舖裏只有我和我老公........真是不知道？？我們一坐下，先點了 "墨魚餅蛋飯+熱奶茶" ，而我老公點了 "牛腩飯+熱奶茶"，飯還未到的時候，我拿我需要用的食具，我先拿匙羹再拿筷子....但.....我在筷子筒拿起筷子時.....竟發現有條菜在筷子中間，真是嚇了我一跳﹗我立即放下，不敢再拿起用，所以我揀了旁邊的叉用。飯已經來了，我的 "墨魚餅蛋飯" 真是太普通了，份量太少，魚餅只有一件﹑飯又太硬﹑唯一好的是那隻蛋的買相︳至於我老公的 "牛腩飯" ........不用評論，份量太少，他還說不夠........還有價錢方便也不合理，"墨魚餅蛋飯+熱奶茶" $33﹑ "牛腩飯+熱奶茶" $30，本人覺得貴了些。如果論份量真是太少﹑論環境差過茶餐廳因為店舖很細只有4張檯﹑加上大角咀這區食市是比他們平些還有很多....例如同區的 "柏林餐廳"，如果大家試過這間，就知道有幾大分別。

傳說中的墨魚餅，怎都要一試！但叫的是外賣。墨魚餅果然厲害，雖然我少吃這類食品，但也一吃後愛上，而且有點唔夠喉的感覺。紫菜配合得好，令墨魚餅更好味。至於蛋嘛......我覺得可有可無，基本上不是主角嘛。另一驚喜是湯，很少這些街坊式店舖會付上胡椒湯，但的確好喝，胡椒粉量適中，不會太辣。雖然離開我公司遠一點，但也一定會有下一次光顧。

一路看見食評推介,這裡的墨魚餅首屈一指,幾乎所有相都係食煎蛋墨魚餅飯和美極蒜蓉薄牛扒飯,今晚有幸七點幾經過,決定一試.先講墨魚餅飯,賣相其實真的不錯,隻蛋煎得半生熟,剛剛放在飯上,不過唔知點解覺得隻蛋無乜蛋味,塊墨魚餅煎得頗香口,都食到幾多墨魚粒,放在面的紫菜條碎亦不淋,就墨魚餅本身算不錯,不過食完成碟飯之後,個碟好多油.到個薄牛扒飯,講真我就只是食到蒜蓉味,食唔到美極味,至於牛扒,真係好淋,都有牛味,但係好明顯比蒜蓉蓋過了.講到啲飯,就覺得好硬.不過有一點值得一讚,就係食之前會比一碗熱水給你洗食具.可能係由於食評寫得太好,入去之前總有無限期望,可惜...對不起...

近年新食店﹑人氣店不斷湧現, 令 "開飯排行榜" 都變得如 "勁歌金榜" 般, 每週的名次都會大幅上落, 食店不斷交替, 可謂百花齊放。但又有誰會記得, 曾幾何時, 有一家小店曾長期高踞 "開飯排行榜" 榜首多個月, 一直屹立不倒呢? 那便是 "神廚館" 了~ 一家不起眼的小店, 位於一個既不起眼又不方便的位置, 加上同區新舊食肆林立, 競爭頗大, 但 "神廚館" 卻似乎是愛理不理, 一副與世無爭的模樣似的..... 也許很多人已漸漸把它遺忘的同時, "神廚館" 卻仍然是我的 "大角咀 No.1"~是晚又再行經大角咀區, 完成一些事務後, 已經接近晚上八時, 心想: "難道又再一次摸門釘?" (說實話, "神廚館" 的營業時間真的很不便, 平日晚上八時便收爐, 週末則是下午三時) 既然難得地行經此處, 唯有硬著頭皮闖一闖, 碰一碰運氣吧~ 僥倖地, 到達門口的時候, "神廚" 仍然燈火通明, 但店內卻一個顧客也沒有, 於是我便問一問老闆娘: "是否已經打烊?", 老闆娘卻說: "還未啊~ 隨便隨便~", 於是罕有地來個 "包場" 的一人飯局, 感覺良好~ 既然接近打烊時間也不介意我

只係一個人食所以只係食咗招牌貨墨魚餅蛋飯送魚湯一碗墨魚餅係好彈牙有一粒粒墨魚响裡面絕非個Ｄ粉多墨魚少的質素但用嚟餸飯好似好乾咁好彩有個太陽蛋Ｄ蛋汁加豉油所以未止於餸唔到飯這個墨魚餅檔小食會比較好但見淨食得一塊都賣28元太唔抵了碗魚湯飲唔出魚味只係好重胡椒味所以唔係好啱我但呢個墨魚餅蛋飯係有點日式的外型整得好靚咁放上碟以一家裝修咁普通既食店不止是味道連放上碟既外觀都咁用心.係令人讚賞的

去奧海城睇戲前先要醫醫肚想食間特別少少又未食過的餐廳，男友找了這裡 店舖很小，一眼看入只有 3 餐枱，即最多住 12 人聽講今日星期日它只開 4 小時，以為會好多人，但我們去到時只有 1 枱客我們都點了招牌煎蛋海苔窩燒墨魚餅飯 ($33)，再各自加飲品︰凍檸賓 (+$4) 和凍阿華田 (+$2)招牌煎蛋海苔窩燒墨魚餅飯的蛋可選擇煎太陽蛋或熟蛋我倆都選太陽蛋侍應教我們蛋汁 + 甜豉油撈飯好味先說這個 mix 汁，係幾好味，不過自己屋企都可以整到 至於墨魚餅，個人認為份量很小，只有手掌般大 食得出有一粒粒的墨魚，還有紅蘿蔔粒，加上海苔連飯一起吃的確幾好味 不過男友覺得整碟飯都冇咩味，於是他係咁落甜豉油 總算試過，都不過不失但未至吸引我們會再來食了~

一個人匆匆找點吃的, 見這間小店, 便衝了進來. 點了個椒盬骨飯. 掓盬骨香味撲鼻, 但味道, 對我而言, 係有點偏鹹. 不大合口胃. 但回家後, 上網看看or, 發現這間原來係人氣店, 才驚喜自己錯過了墨魚餅飯... oh no, 又上了一課, 下次一定要再試一下!

成日睇見人推介神館墨魚餅飯，終於有時間試，中午lunch打去order左個墨魚餅飯加奶茶據外賣，好開心急步返公司食，一打開香噴噴，但好失望，三十幾元盒飯，得一塊掌心咁大的墨魚餅，一只雞蛋，幾條椰菜，我慳住慳住食，墨魚餅同雞蛋都唔夠送白飯，最後只能夠食白飯囉，雖然好好味，即叫即煮，不過食水太深啦！