神廚館 (已搬遷) 新店位置

第三次到訪這里。第一次時間不夾吃了閉門羹，第二次就朋友兩人分享了一份咖喱豬扒飯，雖然咖喱豬扒飯都不錯，不過咖喱對我而言過于辛辣了。這次終于可以一試神廚最拿手的兩道：墨魚餅飯&美極牛扒飯！墨魚餅飯：就像食家們介紹的，墨魚餅十分鮮美彈牙，用料實在，配上干干的海苔絲口感更豐富；但個餅油落得也實在不少，不過面對美味也顧及不了這些啦。另一邊廂的太陽蛋就相較普通，蛋黃搗碎拌著豉汁倒頗為入味，墨魚餅和白米飯都靠它們了。美極牛扒飯：墨魚餅飯可以給4-4.5分，但這個美極牛扒飯實在值得給5分。牛油煎得滑嫩，頗入美極醬油咸甜交織的鮮美。蒜與蔥碎的加入更是畫龍點睛之筆，實在是美極醬油的良伴。食后感完全可以用『驚艷』形容，尤其是美極牛扒飯；講真除去甜品，可以令我產生驚艷之感的咸食著實不多呢。更難得是小店的價錢還那么平易近人，如果衛生狀況可以少少改進就更好啦。

睇過大家的食評,終於去試試聞名的美極牛同墨魚餅!!!同朋友去, 一人叫左款大家share,佢附近多左個位, 地方闊落同埋乾淨,唔似其他茶餐廳咁, 地下又跣又滑.....本身好討厭食蔥, 開頭都打算來到碟美極牛要自行飛蔥,不過, 好開心佢個汁煮到D蔥無晒味!!!!墨魚餅的墨魚好彈牙, 完全唔覺膩~食得一半感覺唔夠喉, 好想再叫淨炸墨魚餅食~係湯的味偏濃, 淡返少少就完美~見同場有唔少人食咖呢牛腩, 雖然本身唔食得辣, 但聞到好香,搵日有機會試試~

墨魚餅煎蛋飯－非常彈牙，且有一粒粒的墨魚，口感良好。再配一隻太陽蛋，　把蛋黃拌飯，不一會就吃個清光美極牛扒飯－　誠意之作，　美極再加蒜粒煎，　非常香口，　再是用汁撈飯，　很快便吃個清光。牛扒雖然無牛味，但每個餐才三十多元，期望不宜過高，實在已屬誠意之作了．茶餐廳價錢吃到酒樓味道，抵食！不過，食完應該肥了幾磅．

仲以為有幾甘好食點知......第一口咬落去塊墨魚餅度嘩!原來溝左D肥豬肉落去識食嘅人一食就知係唔係真材實料唉無嘜墨魚味囉好大陣肥豬肉味囉又超乾身

今次相約0左細家姐(實實梨)進行0左一天0既為食之旅, 而為食地區就係大角咀區+深水埗區. 呢個旅程一開始好景不常, 本身想去食0既車品品, 竟然要下午六點先開, 真係估佢唔到, 之後我地就決定去拜訪大角咀0既第二位 ~ 神廚館.行程表：<神廚館> + <和味> + <海記美食> + <維記咖啡粉麵> + <綠林仙館> 由車品品行過去都唔係好遠, 不過去到富貴大廈行0左個圈先搵到, 哈哈. 其實舖位都比較細, 不過好彩都仲有兩個位, 而且出面都不斷有人買外賣0架. 至於服務方面, 都唔錯, nice!!! 1. 煎蛋海苔窩燒墨魚餅飯餐($33) + 凍飲(+$2) ~ 賣相真係唔錯喎, 不過下次可以單叫墨魚餅($27), 因為食餐0既墨魚餅真係唔夠喉呀. 講返塊餅先, 炸得好金光, 口感非常煙韌, 而且入口好鬆化, 加入紅蘿蔔, 令餅更有鮮味, 驚喜之作, 正正正!!!整體評價: 驚喜之作, 食完返尋味 (下次我會帶祖安來食)

久未過來，趁欲往奥海城買票，來吃一頓飯....已經對海苔墨魚餅飯不感興趣了。望見隔鄰枱吃的，墨魚餅厚度薄了，樣子炸得乾乾的。跟從前吃過的，已是兩碼子不同的事 (光顧開的資深食友就會知我在說什麼)...牛腩及美極牛扒都吃過很多次，但偏偏在神厨各寶之中，就還未有吃過椒鹽骨....來一碟試試。色澤深深的，有少許葱茸及紅椒在面，賣相跟美極牛扒極相似(連面頭的葱茸味道都是如出一徹)。所謂排骨查實即是豬扒，新鮮熱辣炸起，吃落未太經鬆肉粉洗禮，味道鹹鹹香香，椒鹽味亦頗足，配合葱茸而食，極下飯，轉眼已一掃而空...若果兩者比較，小弟寧捨墨魚餅而取豬扒也...

突然有一日心血來潮，決定去同媽媽特地拜訪一下神廚! 都幾難搵架...係街角位! 入面都幾細，平時lunchtime應該都會好逼下。我地兩個人當然係叫美極香煎薄牛扒同埋招牌煎蛋海苔窩燒墨魚餅飯啦! 野食都幾快，一來到已急不及待快d食。美極香煎薄牛扒: 真係好好食!!! 牛扒雖然薄不過唔係化學牛肉或畀粉"毑"過晒個隻，係仲有牛肉味仲有咬口的! 最正係上面舖滿晒我的最愛--蔥同埋蒜頭!!!!! 加埋個汁真係好惹味! 食完當然個口一陣味，不過真係好爽耶。頂唔順蒜頭既人(就如我媽媽咁樣 ) 就唔好叫啦。不過對於我依d人來講依碟野真係食得好感動!!!!煎蛋海苔窩燒墨魚餅飯: 話明招牌，果然冇令我失望~ 墨魚餅煎得可口...有紅蘿蔔粒...好香味道好好! 媽媽超喜歡! 煎蛋冇咩特別，不過成日覺得咩野加多隻煎蛋都睇落吸引好多。媽媽已經係度話想再食! 期待下次再去!

罕有地和弟弟出大角站和家姐吃lunch, 當然少不得親愛的不太難找就在匯豐對面, 很快就有得坐啦四個人剛好可叫1.墨魚餅 2.崩沙牛筋腩 3.美極牛扒 4.咖哩牛筋腩聽聞這裡的魚湯好重胡椒味, 不過試過都覺得接受到的墨魚餅真係好食, 混著甘旬粒, 口感很好, 四人分食份量實在小了點不過有太多親愛的不喜愛的海台, 難為了她了...蛋黃好像不足以成個飯, 加上豉油都覺得乾了點崩沙牛筋腩, 咖哩牛筋腩兩者較為普通, 尤其前者值得一讚的是牛筋腩都炆得幾淋, 個咖哩都幾香美極牛扒的醬汁中有青蔥和蒜蓉, 大為驚喜! 唔知個醬汁配墨魚餅蛋飯襯唔襯呢?牛扒係淋, 梳打粉應該少不了, 不過幸好醬汁加分ps. 三十幾蚊真係唔算平, 同埋餐具衛生有待改善...

一直都想試神廚館 昨日有機會一試..結果幾失望..根本無其他食家講到咁好墨魚餅係ok..但同d飯真係唔多match..成個飯好dry..真是要鼓油撈飯魚湯都是普通 .胡椒味已經完全蓋過其他味..係一碗胡椒湯.

由我知有神廚館開始我食左兩次~兩次都係食佢最出名最正既墨魚餅煎蛋飯~勁足料既墨魚餅~ 加蛋再加豉油~!!出奇地夾同出奇地好食~~!!唔知點解~~!!真係一樣好簡單既組合~ 就好似屋企火腿蛋撈豉油咁....再加埋佢既熱辣辣魚湯~ 30幾蚊日日都咁多人食咁多人買真係比個服字佢~!!仲有AR~老闆娘好好人~除左好好味之外,仲好有人情味~我諗呢個就係我鍾意食既原因之一吧~!!有時真係估唔到, 一間坐唔到20個人既小店~點解可以出品到咁有心咁有水準既食物~!!可能有人覺得30幾蚊食呢樣野唔抵唔值, 但係當中既心思真係唔可以抹殺~~!!值得讚賞~~~!!

一直都想試神廚館..想去試下個墨魚餅究竟係龍定蟲早幾日有機會一試..結果幾失望..根本無其他食家講到咁好墨魚餅係ok..但同d飯真係唔多match..成個飯好dry..當然我都有諗過如果要加汁會點..我諗加少少燒汁o係塊墨魚餅上面會好dd碗魚湯不太行...胡椒味已經完全蓋過其他味..係一碗胡椒湯..短期內都未必會再去

So bored, so decided to try this restaurant despite being located in an unconvenient place.When I was arrived, I saw this little restaurant with its brightly colored banner.The overall restaurant seemed pleasant and surprisingly neat and clean.Without further ado, I ordered the signiature Squid patty and rice with fish soup.Fish soup:White in colour with lots of spring onions and one piece of tofu puff.Strong taste of white pepper, not much fish could be tasted.Anyway not bad.Squid patty, fried

星期6, 諗唔到lunch食咩好, 友人提議去"神廚館"一試不過結論係, 失望~我地一行2人, 都係叫墨魚餅果個飯, 分別係我叫左奶茶, 友人叫左魚湯1. 湯：唔覺有咩特別, 似味精加Pepper果d味 (雖然佢話佢無落味精)2. 奶茶：我自問係一個奶茶精, 日日都飲, 唔係會好似毒癮發作咁, 無奈..."神廚館"既奶茶...我唔要求佢掛杯, 不過佢過份到無茶既香濃亦都無奶既滑溜, 直頭淡如水...自己係屋企沖都好飲過佢, 最後我飲到一半放棄左 -____- 3. 招牌墨魚餅飯：唔可以話佢唔好食, 我只可以話, 佢夾硬將d小食加個白飯就當係一個set推出市場....er....個感覺就好似, 薯條加蛋送白飯咁, 就算加埋鼓油送飯, 個感覺都係一樣"乾爭爭", 幾樣野match唔埋咁, 起唔到令人眼前一亮既化學作用, 如果單叫墨魚餅做小食, 我反而覺得ok, 不過好似而家個餐咁....sorry, not my cup of tea.總結係...試一次咩都夠

前幾次也都是食招牌煎蛋海苔窩燒墨魚餅飯，今次帶人來吃，當然照舊，因實在不捨得浪費可以吃墨魚餅的機會呢。當時二時許，鋪頭內得一個食客罷，所以坐得唔算逼，唔駛背貼背。招牌煎蛋海苔窩燒墨魚餅飯，賣相依舊、味道依舊，感動。首先吃到煎得很香脆的墨魚餅外層，再來是充滿墨魚味，夾雜了墨魚粒的內餡，還有新鮮的蘿蔔粒提升口感，這一味真是令我回味無窮...每次也想試新的，但每次也忍不住吃這招牌菜，搞乜？當然會來Encore了！但不知是幾時呢？

搬左黎大角咀都一排~次次經過神廚館都係closed~ 上星期六再經過, 今次有機會食啦~ 咁就梗係叫一個招牌菜 - 海苔煎蛋墨魚餅飯, 跟個魚湯; 老公就諗左好耐食乜, 因為樣樣都想食, 最後就叫個椒鹽骨飯+凍奶茶~魚湯:麻麻地, 飲唔出有魚味~海苔煎蛋墨魚餅飯: 呢個梗係得啦~招牌菜喎~ 內面有粒粒墨魚, 用甜豉油撈旦飯就更加正~!椒鹽骨飯: 未黎到已經聞到好香啦~ d椒鹽好好味, 唔會好咸~凍奶茶: 老公話冇茶味~佢個美極薄牛扒好似都好正, 下次同老公再去試下先得~!