祥利冰室 (已結業)

小時候，姑媽跟姑丈住在電器道。每個星期，父母都帶我們到他們的家。還記得往窗外看，對面樓下是釗記（現已變成了麥兆記），新釗記則開在她的對面。祥利是這區的老店，但兒時的記憶並沒有祥利。這天，到這區探望已年過八十的兩位長輩，他們說了些我沒印象的兒時逸事；之後，我到了祥利。今天人很多，門外也停了不少車；我到了閣仔，也只能坐卡位的一邊，與另一位客人（像是專程回來幫襯的老主顧）同桌。有兩位伙記招呼閣仔的客人：一位笑容可掏，一位則不苟言笑，喚她下單，她簡單地答：「講嘢啦！」沒有半點不敬，只是爽快。我點了個雞翼麵茶餐（$18）和奶茶，之後又點了咖央多士（$6）。可能是單多的緣故，等了近十分鐘食物才上桌。麵真的很大碗，用福字伊麵（而不是他處常用的大光麵）煮成。雞翼是鹵水的（而非像勝香園等店用炸雞翼；個人較喜歡鹵水），顏色不深，入味的程度剛剛好，不會過鹹，裡面的雞肉仍維持本身的色澤。不錯！多士用的咖央像是買回來的，味道不夠鮮香；但一反，發覺精彩處在麵包上！包烘成啡色，但分佈十分均勻，沒有一處烘不夠，更沒一個位置烘焦！可能有人覺得烘過頭了，但我反而很欣賞，因為除了烘的時間要拿捏得準，爐具本身的熱度又要平均，

我天天都食早餐，一份令人滿足既早餐。做野都勤力D！"祥利" 之前幫襯左好耐。。。但唔係好多次。以前都係Lunch。猪扒牛扒意/飯無乜興趣寫食評。但佢D奶茶真係唔錯！呢排唔知点解好鍾意麥皮做早餐。四圍試麥皮早餐。比較下，要比個祥利了！"祥利" 早餐好少Choice。得5、6個揀。我既必然Order: 牛奶麥皮 + 蛋治(+$1) + 熱奶茶 $21牛奶麥皮，無糖自己落，可以少D甜。麥皮夠味、牛奶亦突出，入口粘度適中，唔係D連鎖快餐店煮到唔見晒D麥皮甘。好食！蛋治，蛋啱啱熟，夠熱唔油。麵包夠soft夠包味。原來甘simple既蛋治，做出黎都有高低之分。唔信？同時去2間order 2份蛋治試下。會唔同味架。奶茶，好多人寫左。夠了！

星期日, 又一心同爸爸揾食, 今次看中了華姐清湯腩及大利清湯腩。一行過維園, 見到華姐, 好想入去, 但再看看手頭上的資料, 祥利收早 d, 去試左先~~一入去, 本想坐二樓, 行左幾級, 有人叫住我地話樓上無開可能是快收工, 已經收拾好地方, 無所謂啦, 樓下卡位一樣有風味~~由於一心留肚食腩, 三個人都只叫左一個咖央多, 三文治餐 (牛蛋烘底 + 熱奶茶)麵包好難用手分屍, 就問阿姐拎刀叉, 但阿姐竟然用好愕然的眼神望一望我地刀叉黎到, 隨手放係枱, 連紙巾都無張~~~咖央多熱, 脆, 但味道唔夠濃, 另一個好處就係唔會太甜, ok la ~~三文治的蛋滑, 牛無我想像中咸, 同蛋味 ok 夾到 ~~ 好味熱奶茶比普通茶餐廰好, 不過我覺得唔夠 thick, 太水了一點, 茶味同奶味 ok ~~ 整體算不錯~~當我地完成左食物後, 阿姐埋黎收野 "食完啦呵, 唔要啦呵？" 我地答係, 阿姐再問 "走啦呵？" 既然阿姐都問到出聲, 我唯有用一句 "埋單外邊呀呵？" 黎應對啦~~

冰室祥利 巴塞亨利成日都聽聞呢間野好味所以專登尼試試叫左個午餐有黑汁豬扒燴意粉 + 杯奶茶塊豬扒都幾好軟熟而且嚼口不過佢配合的黑汁同意粉就差d黑汁只是倒上去意粉就只是用開水整熟兩者完全 independent總括來說只是一般....比預期為差就好似巴塞買亨利咁...俾佢地想像中差很多呢~~

上openrice搵食,想搵天后/北角附近的,見祥利冰室好評不俗,便決定一試.做過research,已經諗好要吃的,見下午茶餐,有三文治餐,要鹵水牛展加$2,烘底加$1,凍飲加$2,要紅豆冰加$8.點了兩個三文治餐:鹵水牛展烘底 - 鹵水牛展有點冷,咬下去不太像吃三文治,只是上海菜的鹵水牛展夾餅,沒預期特別沙爹牛肉三文治 - 沙爹牛肉不錯,沙爹淡口但亦有沙爹味,相反比平時吃的更好,不太漏,滯加央多士 ($6) - 加央味不足,一般熱奶茶 (茶走) - 不錯的奶茶,香滑,但歸功於奶茶還是茶走呢?紅豆冰 - 紅豆很多,很大粒,像是日本紅豆,味道亦不錯,不太甜,但紅豆太多,很飽再追加鹵水牛展蛋烘底($16) - 本來之前已想叫鹵水牛展蛋,但想先試鹵水牛展治的工力,結果有點失望,但鹵水牛展蛋,因為蛋是熱的,所以把原本冷的鹵水牛展中和,感覺提升侍應服務不差,環境亦尚可,懷舊的收銀機真的能運作,大開眼界!!!!!

一個週末下午，專誠來看看這類歷史文物式冰室，以免將來後悔，就像當年的雍雅山房，怎也要看看當年謝賢和南紅等談心場地，現在心中無悔無恨。冰室內每一件都是古董，收銀機、吊扇、汽水櫃等，牆上都油上蘋果綠色的漆油，像走進五十年代的世界。下午茶餐約十七元有交易，但都是麵或西多士之類，見鄰座點了豬排包$15，也跟著點了一個和一杯“汪阿姐”$11，先來的熱咖啡，用厚厚的杯載著，杯面泛咖啡豆的油光，也有咖啡香味，但入口的感覺不夠熨口，僅算合格，豬排包是即叫即做的，包很大，是白軟包，烘得夠熱，豬排也是即煎的，薄片的豬排肉質很軟，可惜沒有洋蔥，總覺得豬排與洋蔥是天作之合，因此，味道不及一些連鎖快餐店的豬排包，而軟包又不及硬豬仔包來得香脆，同收十五元，我會揀「時新」的雙層牛肉芝士漢堡，可多享一點口腹之慾。吃時聽到後面檯的人客跟服務員的對話，他們先前點了可樂煲薑，兩分鐘後服務員回來告訴他們無薑，他們有些失望，並說有廚房怎可能無薑，收銀員代回應，現今有些銀行也沒有錢喇！含意頗深，感覺也有道理！？雖然不太滿意食物，但也沒有後悔來看看這爿店子，很少機會可在文物館嘆下午茶嘛！

這一間冰室是香港少有還存在的舊式冰室，樓底很高，有風扇，環境絕不現代，有一種六、七十年代的感覺，木椅、舊式收銀機和卡位真的很古老，事實上有很多電影和電視劇都曾經在這裏取景。火腿燴意粉（蕃茄汁），很舊式的一種味度，蕃茄味很重還有蕃茄肉，都算唔錯，加了八元的菠蘿冰，很多菠蘿肉，味道一般，埋單＄３６，偏貴的了。可是來這裏都是吃那一份情懷，中午時間這裏非常多人，沒有晚市，店員很熱心。http://icuteee.mysinablog.com/index.php?op=ViewArticle&articleId=1393010

a very traditional and old local Hong Kong-er cafe - after watching a local movie lately, we have revisited this place and tried their toast and pork chop bun during the 3:15pm tea time. It was yummy and crispy for the bun and juicy for those beef and pork chop - good to go if you wanted local HK-style

今日下午到天后吃下午茶~ 被門面那懷舊而簡單的感覺吸引點了兩個特餐 A沙牛米 和 C榨菜肉絲麵 另有炒蛋和腸仔~各$24, 凍飲+$2整體感覺十分豐富, 湯底味道好, 份量足, 惟沙嗲汁不多, 牛肉普通bf的肉絲麵也不錯~ 奶茶濃而香滑, 略嫌稍暖~環境寬敞, 伙計有禮~ 食得很舒適~菜單上有不少特別的款式: 滾水蛋, 各式咸味麥皮, 滷水牛治等相信遲些也會去試離開時發現門口的收銀機, 相信博物館也未必看得到

所以都不是因為電影而來這家老店, 反而是想欣賞一下它據稱有五十年歷史的老爺收銀機。在一個下午來吃茶, 點了個下午茶餐, 可選一件三文治加一杯飲品 ($17), 如要馳名的牛月展治就加2元。為了一試這裡的名物, 就要了牛月展治 (破戒了!) + 熱奶茶。牛月展治是最最簡單的兩片白麵包 (沒烘的) 夾著少許鹵水牛月展, 牛月展的份量比想像中少了些 (我還以為是一片片的), 不過還算惹味, 如果麵包烘過也許會更香口好吃呢。奶茶是典型港式奶茶的香濃「掛杯」, 是不是經過絲襪處理就不得而知, 還好啦。鄙人好歹還可以認番幾年後生, 見到這樣懷舊的陳設自然相當好奇, 拿著相機拍拍拍一番, 到結帳的時候我趁機快手拍了收銀機 (這兒有好多圖了, 不放上來喇), 收銀阿姐還問我俾錢為什麼俾咁耐, 都是另一個阿姐醒目, 話:「佢影部收銀機吖嘛!」我的目標還有收銀機上面的古董汽水罐呢!我想這裡都是食老香港情懷多過食味道的了, 懶懶地 hea 一個下午都好呀。

早上遲了起牀，吃了一點點東西就到對面海做點事，做完已差不多三時，不太餓但又想食東西，經過祥利，記得他們的牛展三文治不錯，於是走入去試試。入到去，想也不想，點了牛展三文治烘底加凍奶茶小甜。牛展三文治烘底：麵包烘得幾脆，主打牛展味道不太咸，不過就乾了一些，味道尚算合格；凍奶茶小甜：有茶味，標準冰室貨色。本想試多一些食物，如豬扒包，但要留肚吃晚飯，所以沒叫了，下次可以再來一試！

今朝食成十點幾先起身, 洗完面都成十一點幾, 一般茶餐廳都無早餐食了. 所以今日黎左祥利食特餐, 其實同早餐差不多啦! 沙嗲牛麵上面再加左腸仔同煎蛋: OK! 啲麵唔係公仔麵, 有啲似福字麵, 但又唔係, 不過我鍾意食啦. 腸仔如果再煎下好味D另外, 佢既奶茶係傳統的厚身杯, 保暖好好.

此前看文雀，發現有好場戲是在這餐室取景，心裡暗暗想來朝勝可有一段時間了。之後終於記得上來看食評，發覺原來是之前想試的餐室之一。閒日的下午來到，店內不算多人，找個空位就坐下。電影就是有一股魔力，這兒和電影場景的確有出入，但都是幾有舊式港式茶餐廳的風格。就要了鹵水牛展三文治烘底、加央多士、紅豆冰及菠蘿冰。鹵水牛展三文治烘底鹵水牛展食落幾清，牛腩就幾淋，夾雜著一些脂肪，當做是三文治餡料又真的幾特別，味道又出奇的夾。加央多士麵包是有一定厚道的，那這多士就烘得外脆內軟，不俗，但加央就調得較淡，吃落覺得沒甚麼食味。紅豆冰紅豆煮得爛，紅豆的甜味熔在椰奶裡，好味，是幾有水準的紅豆冰。菠蘿冰普普通通的，菠蘿是罐頭的也是預料之中了，反而那個菠蘿汁太甜了，不太解渴，飲完還更口渴。這兒的收銀機果真古舊但操作依然正常，難得難得。

6月8日, 優閒的星期天, 事關仲有一日假期. 去呀菲屋企之前先黎食少少野~ 睇過下午茶餐牌, 我地都覺得唔係咁抵, 所以我地淨係叫快餐同散叫咗三文治~::: 快餐 沙爹牛肉腸旦米 + 茶走 ::: $23所有料都放晒落去, 仲要用呢d傳統既平底碗, 真係滿到瀉咁滯~ 味道只係一般, 牛肉淋但係冇乜沙爹味, 蛋呢就蛋黃熟咗一半~ 可以用普通到唔普通黎形容~ 不過呢, 茶走原來好好飲!!! 我地都一直想試, 不過唔想喺d普通茶餐廳到飲, 驚會失望, 所以揀喺哩度試應該唔會差~ 好正, 好滑, 甜度適中飲得出煉奶味~ 我諗我地以後飲奶茶都會揀茶走~::: 滷水牛展三文治 ::: $12滷水味幾濃, 牛展都幾有味, 不過略嫌單調咗d, 只不過係2塊麵包夾住d牛展, 我諗原意佢地係想d滷水汁滲入個麵包度, 創意有分, 不過做唔到個效果……環境懷舊, 最適合黎食個優閒既茶餐~ 呢類冰室剩番好少, 應該好好保留香港傳統既文化~

星期日放學, 休閒地行行城市花園一帶, 4點了, 在電氣道找找有特色的地方坐底食個Tea.行過連鎖店, 不行, 行過有家西餐廳, 看見D cake, 幾好, 但心想食中國野, 繼續前進. 行到近維園, 一間舊冰室在眼前, 一個舊收銀機, 紙皮石地版, 門口玻璃櫃放著麵包西餅. 細路的時代, 又再次回到身邊.首先叫了一個雞翼著餅, 原本以為是炸雞翼, 來的是鹵水雞翼. 見到餐牌有個加央多士, 什麼叫加央, 是用椰醬加蛋白自製的, 咁當然要一試, 食落有椰香, 又似煉奶, 又似花生醬, 非常特別. 麵包外面香脆, 中間軟軟的, 厚切多士, 比一般好食.古老冰室, 有古老方法, 新式茶餐廳是找不到的.