祥利冰室 (已結業)

睇得出係舊式冰室, 但相信有翻新過, 地方算係企理, 所以話舊又好似唔舊得晒. 最為之讚嘆就係呢度收銀機, 真係好舊隻, 我見到不禁\\\"嘩\\\"一聲. 最難得係佢\\\仲識郁, 仲可以用, 勁! 唔知佢\\\識唔識計數ga 呢? 我見伙計係將張單總數直接打入去...鹵水牛治白方包無烘底, 幾軟熟. 搽牛油, 有四片薄切牛. 牛油味被牛蓋\\\晒, 無相干啦, 我覺得牛油加鹵水好似有d唔係好夾咁, 蓋\\\晒d味仲好. 牛係凍, 味道就好一般, 同出面食到牛無大分別. 只可以話咁食牛法幾特別, 但我就覺得唔係好食lor.凍奶茶好甜wo.........亦無咩茶味, 唔知係咪飲凍關係, 水準會差d呢? 以茶餐\\\廳標準計, 真係唔多合格wo.

天后短短一條清風街,兩間食店,一對情侶,存在兩種截然不同的回憶.之前已提及過Cafe EOS.今期到幾十年老字號"祥利冰室".在拍拖期間,兩口子總會有些爭執.年前初戀期間,在睡房狂炸Fatboy Slim,差點開片,己隊有直播,寧願不去看電影也要落Pub睇波,又差點開片.這間祥利,亦曾成為我倆的戰場,年少氣盛,兩者絕不相讓,小弟堅持己見要在此奶茶,她亦堅持要在Poppy,s.結果"瘟疫來,瘟疫去."往事不堪回首,今次獨個兒再來,生銹的收銀機仍舊健在,牆上的可樂罐,亦因受到窗外的陽光長期折騰之下,亦日漸變色.可幸小弟的回憶,仍未褪色.香濃而滑的奶茶,恰到好處,茶味香濃,亦喚醒還記得妳為我唔播Travis,而播肥仔瘦生氣.鹵水牛治,鹵水味略嫌不夠濃厚.肉質又幾爽.講到尾,也是獨家發售.好此道者,歡迎在此放下十皮,仲有$1找.隨牛治附送幾十年歷史的氣味.還有無窮無盡的回憶,我講我.

久聞大名, 尤其係周汶琦介紹過佢哋獨創ge鹵水牛展治之後, 一直躍躍欲試, 於是上個禮拜日10點半瞓醒就同老公落去食個"late breakfast".我當然係點咗件仰慕已久ge牛展治加一杯朝早無咗佢唔得ge熱奶茶; 我老公本來要個豬扒包加熱呵力, 點知阿姐無豬仔包, 於是就改咗要奶油多.首先嚟兩杯熱飲, 用ge杯係厚身瓷杯, 所以奶茶夠熱, 亦幾滑, 唔"gip" (但係做得冰室, 杯奶茶都唔得就好幤囉).再嚟我件牛展治, 先睇面包, 真係好雪白喎(但係白到有D驚, 因為面粉點都應該有D黃ga). 再禁落塊面包度, 好軟熟, 再放入口, 唔.... 點解, 無mum味道ge?!無可否認D牛展真係整得幾淋, 但係就無咬口, D牛展亦唔係熱ge. 塊面包已經無味, 牛展又無味, 走ge 時候只係滿口奶茶ge 餘香....

同朋友仔提過想試呢間, 星期日放假係附近帶完隻貓貓打針, 3點順路就來呢度醫肚知呢度牛展治較出名, 但因想食熱湯麵所以最終無叫沙爹牛肉湯麵+煎蛋腸仔+餐飲($23x2) - 沙爹味好淡, 而牛肉應該係一早整定畢上面所以係凍既, 湯亦好淡, 食完之後好失望, 除左舊有情懷外, 味道只係負分

因為响呢頭返工，一星期都會來幾次，多數係食早餐，無人食煙的時候來呢度坐真係好舒服。早餐最好，二十蚊，麥皮、多士、蛋、腸仔、腿通之類任配，有水準。全日供應的特餐就唔係幾好，沙爹牛肉同雪菜肉絲任選一款，兩樣都唔係太好。午市有豬扒牛扒雞翼之類的飯同意粉食，飯煲得差，意粉發到淋晒，扒類質地差，真係幾唔好食，都唔知點解會有咁多西裝友特登走來食呢ｄ飯，奇怪，幾十歲人着套老西走來食餐蛋飯，望起來都幾滑稽。至於下午茶十五六蚊，就算幾好。經常會响度見到郭晉安夫婦，係影迷的話可以來撞下佢地。

第一次入去, 就見到好舊既收銀機. 唔知用唔用得. 不過食完埋單先算我叫左個牛展治+奶茶, 我女朋友就叫左個蛋治+凍呵力.蛋治幾好食, 包好軟熟..呵力好重味..跟住牛展治黎左, 真係好好食. 可能我未試過咁食啦..唔錯, 奶茶好滑...之後我地試左個奶醬多, 呢個麻麻地啦, 唔夠義記好食, 可能d奶唔同啦...埋單38蚊, 見到收銀個個按住部收銀機..仲work喎...

早前兩個人打算去北角飲咖啡，之前便來了這裡食午飯，知道這裡最出色的是牛治，但自已又唔食牛，便隨便叫些飽肚的食物。我們叫了雞翼湯米、餐肉煎蛋飯和熱奶茶。雞翼湯米- 雞翼幾入味，炸得幾靚仔，米粉就比較腍了點，又沒有什麼味道。餐肉煎蛋飯- 餐肉煎得過了火，比較硬身，煎蛋也是煎得過熟，蛋黃完全熟透，飯就有少少生米；這樣簡單的一味飯，也煮成這樣，都算幾失敗。熱奶茶- 比較上正常的一味，雖然奶味還是比較偏重，但都算幾好飲，幾香滑。環境又真係幾懷舊，坐在這裡食飯，感覺有點像時光倒流一樣，都幾特別；但可惜其它食物，又真係唔多得。

人人都話好味既牛展治...我只係覺得特別...但唔岩我口味....反而佢果紅豆冰好係我杯茶.....其他食物一如其他茶餐廳....冇乜特別...係佢保持到舊裝修....夠哂懷舊味....仲有部收銀機....好吸引我.....　

雖然自己仲係細路,但唔知點解自己會鍾意d舊式野...呢間係舊式冰室,紙皮石地板,卡位,吊扇,閣樓,光管,舊式收銀機都有,仲有可樂罐,可樂樽收藏...下午餐時間,叫左個茶餐,牛展三文治+奶茶,牛展薄薄,唔'un',夠軟夠淋,方包白雪雪,吸左d鹵水汁,夾住d牛展一齊,好食~ 至於奶茶...奶味重,茶味唔夠,可能係因為奶味蓋過左茶味卦...其實自己都係第一次見d咁舊式的收銀機...好鍾意部收銀d聲,'di di di...叮~~'希望呢d舊式冰室得以保存...

上晝補完課就陪同學趕去換身份證, 之後再趕去太古睇戲, 冇好好食過野, 於是去祥利食個lunch-tea。今次係第二次黎, 對上一次黎同行o既係同一位朋友。坐近門口o既卡位, 雖然唔方便影相(角度問題), 但係睇住出面d人行黎行去都幾過癮。懷舊風味, 簡直覺得當時應該播緊收音機報街市豬牛羊價格, 尤其是當時正值5點鬆d。點食物方面, 朋友點左呢度最出名o既牛展三文治, 另叫凍奶茶, 我就點左蛋治烘底, 左諗又諗, 轉左好幾個選擇先點凍鴛鴦。本來打算試蓮子冰, 但怕太heavy, 之後想要熱鴛鴦, 但自己都未熱完。朋友o既凍奶茶超多冰, 飲管篤到底係一舊大冰, 大家都俾舊冰嚇到傻笑, 冇試味。牛展治試左一啖, 都幾入味, 牛展都幾腍, 塊包都係-___-", 腍多過鬆軟。我o既凍鴛鴦要左少甜, 好彩, 因為甜味岩岩好, 唔算出色, 但係亦不過不失, 畢竟呢度唔係以鴛鴦馳名。蛋治o既蛋比一般茶餐廳好, 夠滑, 唔老, 唔太油, 但係就發唔勻, 因為一啖好鹹, 但亦可原諒, 始終呢度唔係澳牛, 要相比實在太唔公平; 方包烘得唔錯, 內外都脆, 唯獨是有一點比較奇怪, 方包似係厚多士橫切一半咁

　　已經是第２次在這裡寫食評了，原因是我剛成為會員，想以會員的身份去多寫１次！　　這裡最令人著迷的必定是它的環境，舊的收銀機，舊的可口可樂．．統統都是現在難求的東西！最難得是，雖然它的確舊，但鋪內好清潔，而且還有溫度適中的空調！座位與座位間有著足夠的空間，不會讓人有壓迫感！真是多坐１會也不怕！！Ps:這裡的食物其實算不上特別美味，但奶茶確是非常香滑的！偶爾來訪都值得！相:http://mysinamail.sina.com.hk/cgi-bin/album/ualimage.cgi?egp=\HeHt_-4!ttQH1Tjttgm1aWA1119QU-8TmJwG!mtte&al=4&ph=7&brev=0

這是一間很舊的冰室，有很多劇集和電影都曾經用這間冰室作布景，曾經在此處見到傅穎！很多香港人的生活就是工作，除了工作還是工作，很少會關心身邊的景物變化。這間冰室與40、50年前的裝修設置几乎沒有大改變，改變的好可能只是伙計，在這裏吃東西可以感受一個"花樣年華"時代，沒有急速的步伐，只有老闆與顧客的"人情"關係，這裏吃的不只是食物，還有它表現的一種老香港的閒暇文化！今次吃了牛展三文治加一杯涷奶茶，味度還不是很重要，重要的可能是那份久違了的人情味！如果可以在吃東西之餘，還去感受一下當中的文化，可能這才是懂得吃吧！

慕名而來品嘗牛三文治價錢不貴9蚊一件口感:牛軟軟的牛本身的筋也軟軟的 白白的bread也軟軟的 雙重的軟老少都食得味道:牛味不太濃跟bread味配合妙總結:價得一食後記:環境富有歷史感尤其是店中放置了不知年代的可樂和一台古舊的收銀收銀阿婆...

呢間野無線同亞視都介紹過，攪到我都想去試下所謂既牛展三文治，不過食落其實普普通通，可能因為我自己有時都會去超市買d牛展黎煮下麵，無乜特別既感覺，d麵包仲要唔係好新鮮，加杯野飲$17都算ok啦。不過呢間野真係好有懷舊感，真係好鬼舊.... 有二樓但睇倒都唔想上去.... 最頂癮係部收銀機。呢度野食雖然真係麻麻地，但係見識下呢d舊野都算唔錯。

星期四, 游完早水, 食埋個lunch 先返屋企打點事務.此店又是我其中一間想去的, 今次終於黎到.先講環境, 好有懷舊感: 在白色天花板的吊扇; 沿樓梯拾級而上的二樓雅座; 還有坐在門口的老爺收銀機.食客大部份都是街坊, 像我的生客不算多.不想吃那些牛排腸仔飯,就吃小小野算.冰柑桔蜜, 味道幾濃, 但唔算好甜, ok 喎.鹵水牛展三文治, 牛展軟腍, 不過我覺得塊包烘過會更正(更熱氣哩!)奶醬多都唔錯, 夠多奶, 我鍾意! ^____^後記:以為部老爺機得個樣, 睇真d 真係work 架!