福川鐵板燒日本料理 (已結業)

今晚好姊妹請我食飯😘 佢升職加薪，話要豪一豪請我食最愛的Omakase😍 興奮得令人感動。 今晚佢帶我黎佢公司附近新開的日式餐廳「福川」。 餐廳環境裝潢高尚，配上親切的服務再加上高貴食材，今晚很滿足。餐廳有鐵板燒/Omakase/散點食物。 選擇Omakase 有其原因，就是選擇困難症的我們不用動腦筋去挑選菜餚😛，全權交給師傳負責，而每次都驚喜滿載又難忘。-先給予熱茶及暖毛巾，然後逐一奉上每道精緻菜式。 先來清新開胃的冷盤作前菜，味道由淡至濃開始品嚐，分別是胡麻豆腐、八爪魚及吞拿魚漬。 胡麻豆腐口感滑溜、豆香味濃；八爪魚🐙煙煙魛韌有咬口，還配上爽甜蜜瓜；吞拿魚蓉魚香味重，巧妙地配上清新西柚絲，出奇地配合，令味道多份層次感。-品嚐完前菜，就到刺身出場啦😛首先是「鱈場蟹海膽杯」，作為蟹迷的我，鮮甜的蟹絲伴著濃郁的海膽一併吃下，除了口腔內那份鮮味，心裡還有深深的幸福感覺。-接著是「池魚刺身」，味道相對較清新。配上檸檬酸汁及薑蓉去帶出其鮮。-❗️驚喜來了❗️還是第一次食Omakase 刺身有這樣的視覺效果！帶子用核桃木煙燻過，鮮甜亦帶點焦香，還加了閃亮的金箔裝飾；很欣賞那酸辣有機紅椒醬及沙沙醬，還

今晚約左老友聚舊，小學時既best friend 可以keep 到而家，一定會好好珍惜依段友誼。精心挑選左灣仔依間新開日式餐廳同佢預祝生日。地段方便鄰近地鐵站，大約七時半到達餐廳，職員親切地安排座位及奉上餐牌及熱茶。我們選擇了最愛的Omakase 。今晚吃出驚喜，值得用心記下推薦一下。-⭐️前菜前菜有三款，分別是軟滑胡麻豆腐、鮮甜八爪魚漬配蜜瓜、吞拿魚漬。 最鍾意吞拿魚蓉，濃厚魚香味搭上清新柚子香，味道有層次。-⭐️刺身1️⃣鱈場蟹海膽杯曾在日本當地吃過活蟹，總會再三回味其獨有的鮮甜味美。如今再嚐鱈場蟹的滋味，搭上最愛的鮮海膽，鮮味盡出。-2️⃣池魚師傳說這個月份的池魚味道會較為清淡，巧妙地加上檸檬酸汁及日式薑蓉去提昇鮮味。-3️⃣帶子滿有視覺效果驚喜！ 一打開蓋，煙霧瀰漫著，滿有仙氣的效果。兩大片厚身帶子經過火炙，再襯上金箔，賣相漂亮。最特別的是醬汁。用上自家製有機紅椒醬及莎莎醬，味酸辣，有種泰日fusion 風味。-⭐️煮物充滿日式風味的傳統煮物。口感最特別的是蓮藕饅頭，口感軟綿入口溶化，裡頭包著明太子。配料還有鮮蝦、茄子、花型蘿 蔔、芋頭、大根，用上鰹魚淆製湯汁份外鮮美。-⭐️壽司🍣1️⃣金目鯛 金目鯛

最近做完左一個大Project, 為左慰勞之前幾乎每晚OT既自己, 最佳方法就係去食好東西!! 要食我當然首選最愛的日本菜! 仲要係好耐好耐好耐都無食過既鐵板燒Omakase!  碌Openrice 見到呢間餐廳新開, 係灣仔公司附近, 評價唔錯, 就儘管去馬好好享受~ 我地一早訂左位, 所以唔洗等, 餐廳環境都唔錯, 好有日本風味! 餐廳職員仲話可以分到幾間VIP房, 岩晒想包間既朋友仔~ 首先前菜賣相已經非常精緻, 仲有專人介紹每一道菜食材、製法同食法, 非常專業!建議食既次序由右手邊開始: 海膽啫喱 > 南瓜凍湯 > 蘋果醋浸日本蕃茄仔凍左既海膽質感結質D, 感覺唔似食海膽但又有少少海膽味, 好得意!南瓜凍湯好甜!! 入口仲幾順滑~ 好好味!日本蕃茄仔上面仲有金箔! 靚到唔捨得食~ 酸酸甜甜好開胃!上多道前菜: 合桃木煙薰帆立貝!係一就Fusion既前菜~ 醬汁落左西式既四季紅辣椒, 香草pepper sauce同埋沙沙~帆立貝原本好鮮甜! 但配合西式醬汁食法又估唔到幾夾! 微辣更加提升左帆立貝本身既甜味! 唔錯~然後到大廚出場喇! 佢將會煮以下既海鮮俾我地食!

一直以來都好鍾意食鐵板燒。😆鐵板燒對於我來說不只是味道上的享受，視覺、嗅覺都令我非常滿足。每次食鐵板燒，看著鐵板燒師傅在面前烹飪料理，純熟既技巧都令我歎為觀止。鐵板燒師傅的鐵板鏟好似跳舞咁，超級賞心悅目。而等待既途中，每次傳出唔同既香氣，感受著食材既變化，真係一種無敵享受😌這天便預約了灣仔一家新開的鐵板燒餐廳。去到發現餐廳分為兩個區域，omakase區與鐵板燒區。鐵板燒區以紅色為主調，帶出鐵板火辣辣的感覺🔥🔥如果不喜歡坐出面，仲有vip包房可以選擇，私隱度夠曬高！ 而omakase區就比較日式，以木色為主調，高貴之中又帶些優雅☺☺我和朋友點了餐廳介紹的鐵板omakase, 頭盤是胡麻豆腐，三文魚沙律，蘋果醋番茄。豆腐質感好似雪糕，蕃茄酸甜多汁！刺身有象拔蚌，深海池魚，大拖羅，3款都好新鮮肥美。銀鱈魚配藏紅花汁，配魚食同本身魚油香好夾。蔬菜配特制蛋黃醬，感覺都唔錯。鹽焗鮑魚，呢個做法香港好少有，鮑魚整整被檸檬及葉同鹽包住焗，焗後再介花並落埋牛油汁燒，出黎效果好香好入味。底下還有木魚花高湯煮既冬瓜，也是超入味。由於鮑魚同冬瓜都濃味，加埋蟹肉鮮海苔汁較淡，所以這樣搭配得好好。花龍蝦，用左新鮮

值得記念嘅日子梗係要食餐好啦！何謂好？唔知㗎，交畀廚師發辦。番茄蘋果醋 去咗皮嘅日本番茄，加蘋果醋做嘅啫喱。表面上毫無關係，但實際上非常配搭。番茄嘅清甜，配搭蘋果醋嘅果酸。相當適合做開胃菜。胡麻豆腐茶色的，因為用炒過的芝麻所做，味濃甘香。南瓜凍湯淡黃色的，顏色漂亮。冷冷的，微甜，南瓜香味濃厚。那種甜美，喝下去很舒服。鱈場蟹肉蟹膏 蟹肉鮮甜 + 蟹膏的鹹香混在一起。想唔好食都幾難。秋刀魚刺身相信大多人也會覺得秋刀魚是種平價魚，味道腥羶羶的，當成刺身食用，感覺有點可怕吧。但原來秋刀魚刺身絕對是意想不到的好吃！不過由於秋刀魚只有8月-10月才夠肥美，所以不是經常吃到，今次終能一試，實在機會難得。煙燻日本帶子 用核桃木煙燻過嘅帶子，配合胡椒汁和蕃茄莎莎，非常特別。感覺比起單純食帶子刺身，有過之而無不及。金目鯛壽司、胡麻油甘魚壽司 輕輕燒過的的金目鯛帶少許焦香味，魚脂與肉比例均衡，肉質細嫩肥美，味道鮮甜，口感爽滑，幾乎入口即溶。油甘魚食得多，但利用胡麻油醃製過嘅油甘魚做壽司今次都係第一次。兩者味道非常匹配。魷魚壽司、赤貝壽司、赤海膽壽司、醬油拖羅壽司魷魚用千刀切法處理，口感非常淋滑。海膽，色澤金

今次同朋友去咗灣仔食日本料理，呢間餐廳門面超grand，一睇就知高檔。今次去係食omakase $1288/位，但呢到最出名其實係食鐵板燒，下次有機會再嚟試吓先。前菜 先食胡麻豆腐，豆腐滑溜，胡麻香味喺口入面久久未散。凍南瓜湯上配有愛知縣蕃茄，蕃茄嘅酸甜味點綴咗濃濃嘅南瓜甜味，飲落似食緊甜品，味道又唔會漏。最後食蘋果醋蕃茄，蕃茄上鋪上金箔感覺好精緻，一咬落去係爆汁，超正。刺身3點 平時omakase嘅刺身3點都係一碟過，呢到係逐樣上，感覺認真。第一樣係雪場蟹，大大一碗，上面配有蟹膏麵豉，先食蟹肉感受鮮甜，再混和蟹膏，綿密嘅口感，食得好享受。 第二樣係鯖魚刺身，平時醋鯖魚就食得多，刺身真係第一次，刺身上有少量薑蔥末、微辣嘅四季紅、wasabi豉油，提味之餘唔會蓋過魚嘅鮮。第三樣係磯煮鮑魚，以昆布湯煮，食落清香彈牙，點埋碟上嘅海膽乾醬味道就更香濃。煮物 蓮藕饅頭入面包有明太子，不過我都係覺得偏淡味，其他材料有茄子、芋頭、蝦、薑苗，呢幾樣都煮得帶有湯嘅鮮甜，好食。壽司9點 目張魚 屬味淡嘅白身魚，油份中等，肉質夠嫩。愛魚女 喺香港比較少見嘅魚，脂肪含量高，入口感覺到好肥美。胡麻醬醃油甘魚 超

要慶祝紀念日梗係要揀番間高級d既餐廳啦！最後搵到依間係灣仔既福川鐵板燒日本料理，依度有提供廚師發辦套餐，咁就梗係要試下啦，貪佢唔洗諗食咩之餘又可以食到當日最新鮮既料理😝😝😝首先前菜有芝麻豆腐，南瓜凍湯，蘋果醋浸蕃茄。前菜擺設十分精緻，有d唔忍心食😂😂😂芝麻豆腐面芝麻同豆腐既比例常好，食落口嫩滑得黎帶有芝麻香，口感有少少似食緊芝麻雪榚。南瓜凍湯非常濃滑，配幾粒小蕃茄增加口感。蘋果醋浸蕃茄酸中帶微甜，十分開胃！然後刺身有深海池魚，拖羅，牡丹蝦刺身非常新鮮，加些少醬油同鮮磨山葵黎食👍🏻👍🏻輪到主菜喇，第一道有日本甘鯛魚。師傅用半煎炸將魚鱗炸起，外皮香脆得黎肉質保持結實多汁，再配以甘荀汁同紫蘇花，另菜式更有層次。鐵板大蝦配荷蘭醬大蝦原本非常新鮮肥美，經理建議我地由蝦身開始食，將濃味既蝦頭留到最後，蝦頭充滿蝦膏，配微酸既荷蘭醬非常夾。經理仲講左個小知識我地知，原來荷蘭醬係一位法國廚師研發架🤣🤣🤣日本鮑魚配生海苔蟹肉汁日本飽魚相比其他鮑魚淋身同甜，最適合用黎燒，再加上清甜既海苔汁最能帶出鮑魚本身既鮮味。雪梨雪葩食完幾味菜式之後就有呢個雪白清一清個口腔，準備食下一味肉類，雪葩係用新鮮雪梨做好清甜。宮

今晚黎左灣仔呢間新開嘅日式餐廳食鐵板燒日本料理餐廳室內以淺木色為主調, 分左鐵板燒區 & 壽司區Order 左 Omakase Set, 由廚師發辦前菜一共有 3 款: 蕃茄蘋果醋、胡麻豆腐、南瓜凍湯蕃茄用蘋果醋浸過, 令蘋果醋 fruity 嘅味道滲入蕃茄肉中, 蕃茄嘅微酸同蘋果醋非常配搭, 清爽又開胃胡麻豆腐係日本常見嘅開胃菜, 口感軟嫩滑溜, 芝麻味香濃 南瓜凍湯質感較結,南瓜味夠濃郁夠香甜鱈場蟹肉蟹膏拆左肉嘅鱈場蟹, 啖啖肉, 表面加入混合左麵豉嘅蟹膏, 蟹肉嘅鮮甜配上蟹膏嘅鹹香, Perfect Match 秋刀魚刺身第一次食秋刀魚刺身, 以為味道會好腥, 但原來佢嘅口感比想像中滑嫩得多, 魚脂味豐富, 配合薑茸 & 醬油食份外清爽煙燻日本帶子帶子用核桃木煙燻過, 令香氣緊鎖, 配上微辣嘅 Pepper Sauce & 蕃茄莎莎, 多層次嘅味覺享受蓮藕饅頭 外層係用日本糯米整成, 口感比較軟綿, 中間包住明太子, 配料有日本蓮藕、茄子、紅蘿蔔、大根、鮮蝦, 再加入木魚汁一齊煮, 簡單又好味壽司拼盤: 金目鯛、金青魚、油甘魚金目鯛味道較淡口, 但鮮味十足, 肉質細膩, 而且油脂

聽朋友介紹灣仔開咗間又有得食 Omakase , 又有得食鐵板燒既日本料理, 今次我就襯夜晚靜靜地過黎品嚐下師傅嘅手勢食材方面好講究, 係用愛知縣蕃茄 師傅係食之前仲會同你講解個做法, 係用先用蘋果醋蕃茄再擺啲金箔喺面做成, 南瓜凍湯入口非常Creamy 跟住係用雪場蟹腳拆肉再配上蟹膏麵豉, 真係做工繁複 之後係鯖魚刺身再配啲四季紅, 好夠味唔需要配上wasabi豉油磯煮鮑魚係先用昆布湯慢煮, 再配上海膽乾做成醬, 連埋一齊口感彈身, 點埋個醬味道恰到好處, 唔會搶過鮑魚嘅味道 煮物係薑苗再上大蝦, 跟上蓮藕饅頭配搭茄子同芋頭跟住黎既就係壽司部份, 首先黎既係目張魚係面輕切幾刀更易入口再黎既係愛魚女 壽司, 入口好滑配上調味嘅壽司飯, 味道唔會太濃啱啱好 之後係胡麻醬醃油甘魚, 呢一種食法真係好特別師傅特登推介, 顧名思義係用胡麻醬生醃油甘魚, 師傅話呢種做法係參照江戶前做法, 因為工序繁複而家出面都冇乜人再做呢一種做法, 食落去嘅口感好特別首先好似濃烈既魚嘅香味, aftertaste仲有胡麻醬嘅味係你個口入面滾存, 個人推薦 👍🏻燒物係燒鮎魚, 口感相近鰻魚, 但肉質再厚身啲, 魚

亞女加咗人工又適逢生日在即，於是決食返餐好嘅慶祝吓餐廳主打鐵板燒及廚師發辦，亞女同我都喜歡日本料理所以揀咗廚師發辦前菜:蘋果醋漬蕃茄/南瓜凍湯/胡麻豆腐蘋果醋漬蕃茄~蕃茄去皮以蘋果醋醃製，蘋果醋溫醇不嗆喉，醃製過的蕃茄清甜中帶果香，底層配埋蘋果醋啫喱，酸中帶甜非常開胃，面層以金箔點綴精緻高檔南瓜凍湯~口感綿滑濃稠，香甜濃郁，配以小蕃茄清新清爽胡麻豆腐~豆腐嫩滑之餘又富質感帶少許胡麻味道，上面綴以爽脆的海苔同鮮甜的小蕃茄，口感相當豐富刺身類蘋果木煙燻鰹魚，上枱時店員會叫你用45度角慢慢揭開個玻璃罩，等蘋果木的煙燻香氣緩緩散發，之後就會見到呈深紅色的鰹魚刺身，薄薄的脂肪緊實的夾在魚皮與魚肉之間，配上土佐醋蓉及黃芥末醬，入口層次豐富，充分融合魚肉的甘甜風味中眼仁奈又稱目近魚，油分不多，魚味比較淡，肉質緊實有嚼勁，魚皮略為炙烤配埋黑魚籽及柚子醋啫喱可帶出魚的鮮味磯煮鮑魚鮑魚以昆布慢煮4至5小時熬成的湯汁磯煮，肉質軟腍富彈性，入口鮮甜爽彈，再伴以鮑魚肝醬同食更能突鮑魚鮮味關東煮物是日本傳統煮物，要跟日本傳師傅學過先識煮；蓮藕饅頭質感軟綿入口即化，配搭明太子做餡，很有口感，加上鮮蝦、茄子、芋頭及鰹

好友生日月，當然要搵間好野同佢慶祝一下啦！無意中俾我發現左呢間新開既鐵板料理omakase ，好似好吸引咁！朋友又鐘意食日本野，一定岩哂佢食喇🥰餐廳簡潔既格調又帶出高級的感覺！坐得令人舒服自在，傾計一流☺️鐵板燒套餐有幾款選擇🤤我地揀左最岩我地口味個個Set☺️點完餐，師傅就拎啲食材出黎係我地面前準備喇！可以一路食野一路睇佢既廚技，真係好好睇😄可以用 色香味俱全 來形容一下個感覺👍！先來前菜：啫喱海膽凍🤤好特別。冰凍左既海膽，可以好清晰睇到海膽既形態，幾靚。鎖住哂海膽既濃烈既海水味，好鮮甜😋南瓜🎃凍湯，又係凍食之一，特別開胃。賣相好靚。食落甜甜既南瓜味，口感滑溜。三款時令刺身🐟超肥美厚肉既大拖羅😋一放入口啲魚油滲出，入口融化，超鮮味！！深海池魚王 🐟肉質爽滑，魚味香濃，相當新鮮。象拔蚌：清甜爽口，鮮味十足！都好好味！然後就開始鐵板燒既部分喇☺️有三款時令海鮮🤭哇！樣樣都好大隻，影相岩哂。而且師傅以中日西合併既方式烹調，相當特色！先以大量粗鹽 鹽焗鮑魚，並加上鮮蟹肉同昆湯，令到鮑魚相多入味。鮑魚夠哂大隻，好厚肉又煙韌👍金目鯛脆鱗皮伴甘筍汁😋這個好味，師傅將魚皮同魚骨燒到脆身，非常香脆。而且金

忙碌過後約了也是在灣仔上班的朋友W去吃一頓好吃的，想說可以慰勞一下自己。她說上班途中看到一間開張不久的餐廳，有Omakase 和鐵板燒可以吃，我們便懶懶的選了這間超近我們的。*前菜拼盤分別是海膽凍、南瓜凍湯、日本蕃茄，店員建議以這個順序，由淡吃到濃。*海膽凍真的超特別，外層啫喱是淡淡的咸味，裡面的海膽比平時吃的更結實一點點，兩者一齊吃的口感很不錯呢。*至於南瓜凍湯，真是超精緻，紅色的小波點是超迷你的蕃茄仔呀，旁邊的是紫蘇花，那南瓜湯是又香濃又香甜的，但整體吃起來又是非常的清爽。**接下來是合桃木煙燻帶子，底下的醬汁是微辣的Pepper Sauce, 上層是Salsa 混合著一些四季紅辣味香草，雖然名字好像很辣，但其實不是呀，整體是香辣的感覺多一點，配煙燻的帶子，感覺很兩極但超級配。*下一道是我喜歡的魚呀，天呀還是金鯛魚，實在是太幸福。重點是那炸後超級美的魚鱗，真心的覺得美，跟藝術品一樣呀。另外魚肉是很滑，有一點魚肉的爽和彈，底下是金旬汁和一些紫蘇花花萃，令魚的味道層次更多點夏日清爽的感覺。*接著是我本晚最喜歡的，主角是南非鮑魚，雖然鮑魚不時也會吃得到，但其實我覺得師傅的烹調手法也有很大