福臨門 (金巴利道) (已搬遷) 新店位置

✨魚翅灌湯餃湯好鮮甜 帶金華火腿鹹香魚翅份量唔算少 都算幾粗身灌湯餃 皮薄 足料 整體唔錯✨筍尖鮮蝦餃蝦餃 皮厚薄適中 帶煙韌內餡 蝦鮮味爽脆 豬肉比例唔錯有少少筍尖 味道正常 ✨雞粒荔芋角芋角 外層香脆 但唔夠鬆化內餡偏少 幾惹味 整體唔算出色✨釀焗鮮蟹蓋蟹蓋 唔算大隻 外層香脆 蟹肉都算鮮甜 但味道比較單調整體普普通通✨當紅炸子雞炸子雞 偏細隻 皮脆肉質偏乾 唔夠嫩滑 調味略淡 整體一般✨鳳凰千層糕懷舊點心 而家坊間好少見千層糕 奶黃同包相間 奶黃味道好香 唔錯食物都可以 完全冇驚喜感覺同灣仔店比相對差左啲環境可以 同普通酒樓分別唔大擺枱亦唔算好闊落 但都算坐得舒服服務唔錯 店員都好殷勤招待 但少少over 左 令人有啲唔自在個人覺得可以比返多啲空間客人服務殷勤係好事 但要拿捏好剛剛好先叫好 價錢可以 但以呢個價位同食物質素出面仲有好多選擇

同一個集團 為何相差這麼大 我很欣賞灣仔福臨門 無論服務和出品都讚不絕口 尖沙咀金巴利道這分店我是第一次去 雖然格局比較小 一入去知客的態度就很一般般 也是坐升降機上二樓 到達時沒有人來招呼 裝修沒有灣仔店那麼豪華午市點心餐單和灣仔店大同小異 2人要了5款 其中最差的是韭黃鮮蝦腸 沒有韭黃的燒腩仔較肥 很油膩瑤柱珍珠雞 普通鮮蝦腐皮卷 很脆唯一讚的是鳳凰千層糕 很軟綿 鹹蛋黃很香食物沒有驚喜最失敗的是服務員在擺碗筷時聲音叮叮噹噹很吵耳 另傳菜通道那度門 每次開啟時都發出吱吱聲 很擾民 如果是一間普通的酒樓也就算了 但這是一間享譽盛名的店呢

An establishement that is past its prime, it would be huge upset for some if the name cannot pass the test of time. Worth a visit to relive the moments of once where the wealthiest families in town gather, the must-go extravagenza well known internationally, featuring some of the most luxurious dishes almost out of imagination of modern times that have become less heard about but would only live with the memory of the "old HKers" today.

很難得受尊貴嘅前輩邀請來到福臨門作客，份外珍惜☺️。始終好少機會嚟到呢度用餐🍴，發現原來仲有好多款經典懷舊菜式，歎為觀止，分分鐘隨時都可能會失傳，非常美味同值得保存下來，能夠傳承落去先至繼續有口福☺️———————————————————————————.🥢蝦子柚皮🦐💬芥菜放碟底層索汁，將經過多重工夫將柚子澀味完全去掉，加入鮑汁濃湯同蝦子烹煮，達至入口即化溶嘅口感，非常美味😋.🥢醉鮑魚💬一人一份嘅原隻醉鮑魚，爽口彈牙夠結實，醉酒味道滲入內裡，前菜小食好享受😎.🥢雞子戈渣🐔💬呢款真心一生人第一次食到，先將雞子蒸熟磨爛，混入雞湯同雞蛋，雪至膠狀，再上粉後油炸，特色廣東菜巧奪天工，美味佳餚值得一試😋.🥢燒乳豬全體🐷💬皮脆肉嫩，絕對已經簡單形容晒😎。脆皮薄透影，超高質，將肉手撕上碟更考工夫，順紋理提升口感，果然厲害😎.🥢仁稔蒸魚唇🐟💬聽說仁稔是跟季節當造，正合時宜，取代磨豉或欖角跟魚唇搭上了關係，果然超美味；魚唇已是刁鑽部位，肉夠滑，加埋仁稔能去除腥味，令鮮味更為突出☺️

第N次來了，前天去過大班樓，今天再來福臨門，禁不住再寫食評。前菜先來一碟蕎頭，這邊的蕎頭跟外面的不同：雖然味道一樣，但口感卻是鬆化，不死實。這次的可樂比之前進步許多，冷藏溫度適中，冰也是正常的冷凍度了。脆皮燒腩仔一如往常：皮脆肉嫩，肥瘦適中。至於蒸魚的部分，餐廳的今日推介是老虎斑，就來個果皮蒸，肉質鮮嫩彈牙，加上淡淡的果皮香氣及美味的豉油，簡直完美。炸子雞也是皮脆肉嫩，油脂多而均勻。蒜蓉炒莧菜一如往常的美味。福臨門值得一讚再讚的部分主要有兩點：第一，對所有菜式在煮法上的堅持——除了鹹食之外，在甜食方面也是下了不少苦功，每一道都是功夫菜。第二，服務態度真的真的非常好，每次來我都覺得自己變成了公主——不僅記得每位客人的名字及需要，在餐桌上更不斷幫我們換碟、換筷子、倒茶遞水，所有要求都盡力為我們達成。唯一的缺點就是價錢了（笑），不過美味的食物給我們帶來的幸福感是無價的吧？

不論是灣仔還是尖沙咀，門面都好一般.成日經過都鼓唔起興趣去試，但又想試😂.但人一世物一世，點都要試吓😂..選了尖沙咀，位置不難找, 入內裝修典雅, 地方也異常寬敞，枱與枱距離比1.5米還有多🤔..點心質素：蝦餃彈牙，腸粉滑，菲林芝麻捲必叫，每日好快賣晒😆😆服務也非常好, 有禮貌..總結，地方好，服務好，食物都好，但價錢不好，如果下調少許會好啲😂.

以前八卦雜誌成日起福臨門捕獲到大劉（劉鑾雄）成日都比人影到佢喺呢度食飯久而久之就有大劉飯堂個名今晚等我都係有錢人喺度食返餐中菜先飲杯好美味嘅鮮榨橙汁 開一開個胃先梗係要點最美味嘅蟹鉗$480一隻 大隻新鮮又彈牙 啲蛋白仲滑一滑 蒸魚都非常之咁好食椒鹽田雞腿全部都係巨型大髀 啖啖肉 唔同平時自己喺街市買咁瘦猛猛細細隻蒜片牛肉幾淋身反而隻雞就麻麻哋 吾滑不過呢度有浸冷氣濕氣噏味唔知最近係咪小人嚟 晚市完全靜英英今晚得三個人嚟呢度食晚飯 試到嘅菜式都唔係咁多希望下次可以食多啲野啦

我和女友在近年的情人節比較少吃西餐, 主要是因為掛著”情人節”這三個字, 無論菜式有沒有根本上的變化, 也至少加價二三十個%, 並不化算. 沒有晚市更代表沒有”燭光晚餐”這支歌仔唱, 所以和她到尖沙咀福臨門飲茶吃點心, 兩個人的花費比起一個人吃情人節西餐更為相宜. 先說福記的叉燒, 脂肉層次分明, 火喉控制洽當, 焦脆中有腍軟旳口感, 咸甜度平衡, 表現比外界批評的水準每況愈下來得紮實. 咸點點了四項, 蝦餃不過不失, 春風得意腸和山竹牛肉球成了是日Highlight. 前者在點心Menu沒有包括但又一定要點, 腸粉下包著原條炸春卷, 外面口感軟糯, 但內裡春卷保持香脆, 春卷內餡有竹笙, 肉絲及冬菇等配料, 相當充實. 後者口感軟實相間而平衡, 牛肉肉香而多汁, 與其同系餐廳比較毫不遜色. 較不喜歡是滑雞窩, 還以為是雞件原來是切半了的雞包, 雞肉切得頗碎, 口感和味道一般而已.甜點的鳳凰千層糕鬆化, 中間的咸蛋奶黃層甜香之餘, 帶有咸蛋顆粒令其口惑更有層次. 至於蛋白杏仁茶質感太水狀, 杏汁香味頗淡, 見蛋花但不見其實狀, 我吃過最好的還是海景嘉福酒店的海景軒就是.

今日與好友聚聚，選了有富豪飯堂之稱的福臨門午市飲茶，點了點心，感覺不論食物或是服務水準也特別好！洒樓位於一樓，裝修典雅，在入廚房附近有個大魚缸養魚及龍蝦。枱與枱有充足空間，服務員態度殷勤，會幫手斟茶。我們點了燒賣、鴨舌、鳳爪、羅漢齋腸，白腸粉、雞扎、及魚蓉釀青椒。腸粉煙韌度適中有口感，有別於一般茶樓。魚蓉釀青椒有惹味醬汁，青椒不會過分林、相當出色。淮山鮮雞扎以薄薄的淮山捲着豐富的食材有冬菇、雞件及魚肚，味道很好。

一心諗住嚟試下貴價飲茶有咩咁好食, 咁梗係以為一分錢一分貨啦係咪先 , 上網之前都見到一件馬拉糕唔係一盤,係一件都要講緊55蚊件㗎啦, 咁咪即管試下富豪飯堂有咩咁吸引力啦, 咁我哋就去咗尖沙咀呢一間鋪頭,一行就三個人。 去到呢招呼就真係好周到嘅 基本上呢連茶壺都唔使點到, 呢到啲人就會幫你斟茶, 但係另一方面睇呢即係話你喺度吹水傾計嘅時候你長期都有一個侍應喺你附近好似唔望實你咁樣, 可能我哋呢啲平民就唔習慣呢一啲咁嘅服事啦, 唔緊要其實都係一個好服務嘅一種嚟嘅, 只係我唔識欣賞啫, 咁講下食物先 嘩。。真係唔講由自可一講就把幾火。。流沙奶皇包 皮厚 唔夠蛋黃鳳爪見到都唔想食啲皮同啲骨離開曬咁嘅蝦餃燒賣 見到都唔開胃 一啲都唔飽滿 縮咗水咁220蚊嘅叉燒 太x好食過佢呢個真係好無言國牛肉球散嘅 完全冇牛肉味灌湯餃 同普通酒樓無分別呢兩樣 就冇乜失又冇乜得 又唔使鬧 但係又唔會讚埋單千一蚊 可能真係食服務掛 上樓幫你撳𨋢走又幫你撳𨋢但係嘢食就真係其他酒樓好食好多

平時要港澳兩邊走，同母親大人飲茶要食豪 d ，一於去尖沙咀福臨門。傳統點心，真童年系列。* 蝦餃過關，手工、蝦豬筍溶合得很好。* 淮山雞扎真係好耐冇試過咁懷舊。* 芋角正， 買少見少。竟然有干蒸牛肉不過冇食。可以再去。點都好媽媽開心就可以

假期日子帶母親大人出外飲茶，去了尖沙咀的福臨門，這裏的地方都算優靜和闊落，食物質素也有保證加埋服務態度也是很好。我們點了四個點心，XO炒腸粉是我最喜愛食的XO醬炒得好惹味，還有涼拌雲耳，麻油味很香濃口感很爽口。干蒸牛肉賣，牛肉裏面加有陳皮母親大人很喜愛食的。還有高湯齋竹卷，味道清清地都不錯。最後還點了一個甜品蛋白杏仁茶侍應跟我說可以少甜的，果然不是太甜杏仁味很香濃很滑。果然保持到福臨門的水準，真是值得帶母親大人再來飲茶。

每次去呢間酒家，十居八九都唔會失望。簡單的菜式，用料一流又用心去煮，更加係即叫即煮， 普通酒樓係比唔上。食物最好，當然就係最熱騰騰嘅時候被食用，增加吸收率同埋營養比例。除佐係廚師及品牌外，一份對食物嘅熱誠及認真，缺一不可，這就是香港精神，Big 6嘅人係永遠比唔上嘅。叉燒， 肥瘦比例好好，入口甘香又甜蜜， 而且食得出係用新鮮肉做出嚟嘅，因為肉味好香， 煮得夠淋又入味好正。鴛鴦飯，唔係周圍都食得到嘅，就算係食得到都唔係呢一種味道同埋層次，味道真係好鬼好味，好味真功夫，呢一種就係香港情懷。

 哩一間都算系老字號了吧，shopping攰咗就霖住入去休息下兼補充下能量，填下肚先。之前中秋節嘅時候就有過想法要自己試下做柚子皮食，不過搜索咗一下就放棄咗，真系好多工序，所以見到福臨門有就圓咗自己嘅心願喇，上臺嘅時候我都認無出系柚子皮，不過口感方面有小小似瓜類，滑滑的，味道好香濃，完全食無出柚子皮嘅味道，不過一啲澀味都無，我打嘅個7.5分吧。魚翅灌湯包，好好食，我最滿意嘅食物之一，湯汁都想好香甜嘅，湯包就更加無洗講喇，就系鐘意哩種湯湯水水撈埋一齊嘅，食起身特別有屋企嘅感覺。招呼好周到，主動！

Friends came over for a visit in Hong Kong and though it was a good idea to bring them to Fook Lam Moon for dim sum... However, it was a bad experience .... the food tasted bland and really nothing justified the price we paid for the lunch. Service was good but... if you have bad food there's no point right .... I hope your food will improve in days to come but it just wasn't up to standard on that day .