福龍門海鮮火鍋酒家

營業中

休息中

接待我們的可能是老闆吧，好有熱誠，耐性講解個套餐包括什麼，又親切幫忙加餸，煮雞。雞㷛味道好，只是雞肉不夠滑。牛肉也有牛味！仲有花膠，新鮮鮑魚仍在動的！有貝類海鮮㖭！蝦又新鮮！蟹肉丸好爽又有蟹味，好難食到咁好味的蟹肉丸！正！好抵食呀！估唔到d材料都好新鮮！多款！d雪糕是香港製造，味道不錯！我是9:30 後入座，每位$188 不用加一，任食！很抵食！地方大體上都算整潔。可惜冷氣超凍，坐近套房，很嘈！會再來幫親的！

不得了！！搵到好野！！估唔到咁好。。其實間野唔算大。數埋20張枱都唔夠。不過都間到3個房。一間坐到12人。出邊廳有幾張卡位野食真係估唔到。。有驚喜海鮮非常新鮮👍蝦，鮑魚，蜆，花甲即炸響鈴，魚皮👍鮮蝦滑，水餃，稻庭烏冬👍雞煲，肥牛都好ok咁單$260一個人！超值！性價比勁高！仲要任坐唔限時！希望唔好咁快食到佢汁😭😭😭比多食多幾次先環境：其實算企理。冷氣夠食飯：超值服務：數埋得4個人。不過都唔會冇人理你。非常好

以前也來過三，四次左右。當初不是做任食的，會吸引到我想去吃的原因是因為這間海鮮酒家主打是龍躉魚。本身我也是一個超級愛吃魚的人，所以就決定一試！這間的龍躉魚真是夠鮮和夠彈牙！雖然現在變了任食套餐，但也會去嘗一嘗吧！那天去是先吃雞煲然後選火鍋湯底，兩個鍋是分開的。但好像我這樣吃得不多的話，可以不要雞煲直接吃火鍋　價錢是沒有變的。雖然好像不太抵　但總比浪費的好呢。所以直接叫了個花膠濃雞鍋，裡面有四至五塊花膠 (只供參考　不能作準)，還有一隻雞脾　這是想不到的湯料！套餐配料是按人數分配的，我吃的是二人份量。包括：花膠環球海鮮盤 (鮑魚　蟶子　蕃薯蜆　海蝦　元貝　花甲　北極貝　刀貝　黃金貝) (隨機六款)安格斯牛小排黑豚肉片生劏龍躉片拼爽脆鱔片手打蝦丸拼雙餃即炸脆響鈴田園時蔬健康素什菌另外還可以無限追加食物。特別推介黑豚肉片，肉汁比牛小排滋味！還有生劏龍躉片拼爽脆鱔片，夠鮮和彈牙！全單消費 : $554$218/位 x 2$68 是兩枝另叫啤酒$50 是加一

呢到唔係話最平，但真係無限時！啲雞煲好多時都係按人頭俾你，食完打邊爐啲野先可以任加，但呢到係可以再加雞煲👍🏻而再加嗰啲雞唔係話質素差左嗰啲喎🤤食完雞煲就有湯底打邊爐，佢會按人頭俾左啲海鮮同火鍋料你先，海鮮冇得再加但啲野食你唔夠可以再加。個炸響鈴係即炸架，平時我唔食但係呢到我食左幾舊😝啲火鍋料質素都唔差，不過就差在啲飲品比較少選擇🤭

星期出街食不飯,周圍都係人山人海。呢間上星期來過full book.今次打電話去訂要9:30 後。見佢188/位全包,禁吸引。。。。。就等9:30 食晚/消夜。入門口,尚未有位。服務員禮貌叫我等ㄧ陣,仲話拉張椅比我坐,唔洗企响度等。好窩心喎唔止ㄧ個,系2個服務員同我講有位啦。先點雞煲。。。。。bb 辣。過多ㄧ陣,服務員話點埋另ㄧ個鍋底。食完雞煲可以即刻食湯鍋打边爐(唔洗個胃响度等)。我家大少點了花膠雞煲湯底。但湯底真系麻麻地。但配菜同正價時段系一樣比齊你,肥牛,豬肉,丸類,魚片,,蔬菜。。。。上齊比你。唔夠可以再點(海鮮除㚈)。海鮮中,有活生生的鮑魚,我家大少 督畀我睇系郁呀。2人份量,吃得好飽飽。消夜時段呢個價係合理。仲要系無限時,食到佢收工。比起其它食店,比你坐咪2個鐘。當你見到禁好的offer 。我都系食飽飽就走。希望佢地做多D生意。

深水埗多賣地道小食既平靚正小店就係人都知，但估唔到喺D出口行3分鐘到既位置居然有間咁正既港式火鍋店！今次我地一行十人黎左食福龍門既$218無限時雞煲+海鮮+火鍋放題，食到男女都飽到上心口，真係好正😍一開波就先食個惹味雞煲，雞件夠哂大舊，啖啖都係肉，而且調味超精準，食到好滋味食完雞煲就落湯打邊爐喇！啲海鮮一碟碟咁送黎，真係見到都流哂口水海鮮非常高質，全部都勁新鮮，啲蝦同鮑魚等隻隻都仲好生猛咁郁緊😂除左海鮮之外，佢地其他火鍋料都做得唔錯！肥牛和豚肉羊肉都好鮮味，而餃同雲吞都皮薄餡靚，總之就真心全部都好好味！食完呢餐真係飽到傻左😂 估唔到深水埗呢條暗黑小巷有間咁正既火鍋店，我黎緊要多啲黎深水埗搵食至得😋

幾年前係呢個位食過放題，點知而家轉左打邊爐，咁附近都無咩任飲任食打邊爐，咁就試下啦！星期日價錢貴d,仲要只收現金，如果要食就真係要帶夠錢先得！個入口真係比較隱蔽，不過都有搭，一入到去 地方真係好細，得10張枱都唔知有冇，好彩啱啱有人走，有張卡位可以坐，既然有位就試下啦，仲要不限時喎！原來可以食完個雞煲，之後再揀個湯底黎打邊爐，不過無試到個雞煲，叫左個花膠濃湯雞啦！都好多花膠，隻雞都煲到好淋，但味道略嫌淡左d，口9鍾意咁濃味嘅應該都會幾鍾意先黎一個海鮮拼盤，有蝦，青口，蜆，鮑魚，魷魚，鱔片，龍躉片等等雖然同張紙所寫嘅海鮮有分別，可能因為無晒而攞第二d黎填補啦！但都可以接受嘅有部分海鮮係無得再加嘅，但龍躉片，鱔片都可以再添加，呢2樣都好食，d肉都唔會好淋好散，都添加左2次仲有響鈴即刻炸起攞出黎，都好好食，仲有魚皮都唔差肉類方便，牛小排肉質幾好，好食，添加左幾次但羊肉就比較騷飲品方面比較少款，得可樂，加多寶，道地烏龍茶最多，連蜂蜜綠茶都無啦啦得1罐，仲有自家製羅漢果茶，都幾好飲甜品方面得1款，但唔係普通雀巢，牛奶公司雪糕總括黎講，如果想打邊爐又唔想比人趕，呢間無限時係幾好，但如果多人就一定

繼上次與家人試過，食後感到非常失望。無啦啦班老友話聚舊，點知佢地話想試，知名後我已和班老友表明，尼間野未食過聽落好吸引，試過後包你感到完全失望。無計，只有我試過，佢地唔信，唯有順下佢地意再試。如果話食雞煲也算不錯的味道，也是任你食，隨便食完再食，只不過若果你狂食雞煲就中伏了，因為會食唔落打邊爐的食物。不過，到打邊爐果陣，真係乜都上齊比你，有....表面好睇的肥牛，但熟了肥牛質地不太滑，味道比起街市買幾十蚊一斤相差無幾，有點 "鞋" 囗，失望。豚肉的肉一般般，並無驚喜。同時，待應會上一大份丸比你，可能就係做生意的手段，等你食丸食到飽，再無機會讓你再點其他任食配料，老實講，啲丸真係好結實，但味道放面又係再一次失望。仲有一份雜菜比你，只不過真係你會感到自己到街市買的比佢好。尼間火煱重大係話海鮮🔥煱，但記住! 好多人都以為海鮮係任食! 但原來，每枱一份海鮮是一次性配給的，大概每人有一隻鮑魚，也可能是你比198元食尼個所謂任食火煱最貴的，但尼隻所謂鮑魚真不要期望過高! 還有大蜆，細蜆各一隻，平平無奇! 更失望係送上的一隻蝦，尼隻蝦包你食完下次絕不會返轉頭! 無下次，完全中伏。尼間所謂海鮮火煱，老

某天夫婦二人經過這店，心血來潮想嚐火鍋，但walk in 冇位了。今次特意相約友人一同飯局。$198要加一，不限時。真的，不限時，我們由七點😅⋯⋯坐到十點半都冇人趕👍🏻。因為有人取消了預約，我們六個人被安排了入房，嘩，正👍🏻既寬敞，又自成一角。我們六人，可揀兩個鍋，故揀了bb辣的雞煲及冬瓜瑤柱鍋。個雞煲很香，雞很滑。而且不是只有鹹味，還有很香的配料味，很香很惹味。叫了湯底後，不需點菜，食店會按人頭預備海鮮盤（有鮑魚、魷魚、蚌、蜆、蝦、鱔片、龍𧄌肉、連殻青口），這海鮮盤是一次性的。還會自動來安格斯牛肉、黑豚肉、什菜盤、手打丸等。除了海鮮，客人可追加其他。我們特別推介鱔片和龍𧄌肉，非常鮮甜，實是有質素。多次來的安格斯牛肉，都很靚，肥和肉都很均勻。黑豚肉也不錯，不會「鞋」口。還有推介手打蝦丸，彈牙，有鮮味。雖然我們在房內，但員工都很好。見我們開始燶底就幫手撈底和加湯👍🏻。唔講唔知，這裡的響鈴😋⋯⋯員工話即炸的，唔怪得我覺得好食啦！平時我不太多食的😅。惟一有點可惜的，就是飲品種類較少，只有數款汽水和一壺壺羅漢果。啤酒沒有任飲。當然世上難以十全十美的，我們對這店整體都讚👍🏻👍🏻👍🏻

睇食評，人人都寫到這間福龍門非常好食，於是便信下大眾食評家，打電話訂張檯試下......打左好幾次，點知話: 今天滿座，最快9:30後。過幾天再打去，佢話: 今天明天也滿座，追問下要過好幾天先有位，終於book到仲以為執到寶。今天6點去到，終於明白點解成日無位，間野真係細得可憐。坐低先點個雞煲，老實講個雞煲係好用心做，亦好味，仲可以任食!但...... 當你食完個雞煲，就可以再揀湯底打邊爐，原來佢係肥牛、豚肉、響玲、魚皮、好多丸、雜菜、海鮮盤乜都一次上檯比你打邊爐。海鮮盤，蝦絕對是"梅"的雪臟蝦。有3隻大蜆，平平無奇。3隻青口相信也是雪藏的。3片鱔，真是無味不知所謂的。3片龍躉仲差過自已去街市買的下難貨。肥牛，上檯賣相勁吸引，入口後真後又一次"媽叉" 佢，乾而無肉味。豚肉，完全係無昧豬肉。丸，買海魚蛋好過佢。總之，今晚去福龍門火鍋，真的中伏了! 

六點半就入場食。聽到有walk in 客！但就問佢可唔可以八點還枱。即係--最緊要訂枱。一行六人星期日晚去食呢度嘅自助餐，$198 一位，五六日都只係加$10。最緊要係冇時間限制。一坐低就叫一個雞煲，食完我哋添加左一次。完全冇欺場，真係成隻雞咁俾我哋，食完之後就放湯開始打邊爐。呢盆雜丸同埋餃子係響個餐到包既。韭菜餃唔錯，包心芝士丸好正，外面嘅墨魚丸夠晒彈牙！墨汁墨丸唔敢試（因為個樣唔靚）呢碟海鮮係響個餐度包嘅，冇得添加但係可以加錢再叫。鮑魚、聖子、蝦、花蛤（都有兩款)雪花牛一浸就熟，忍唔住每次都係成盆倒入個鍋度食。臨尾仲有甜品，有芒果粒既！但就唔知係大菜糕定乜野。由六點半坐到九點半走人！大家食得輕輕鬆鬆！

已經第二次來這裡吃飯，但之前這家餐廳還未有任食今次吃這個任食火鍋還有海鮮拼盤每人一份，價錢只是$188/位，非常抵食鮑魚，蝦，大硯，蠔，龍躉魚，白鱔片牛很出色，脂肪很少，黑豚肉更勝一籌另外一定要推介是響鈴，炸魚皮，店員更提醒是即炸，建議即食，很脆很香口丸類不俗，爽口彈牙，但沒什麼特別值得一讚是店員親切有禮非常helpful

雞煲+海鮮火煱近排周圍都係，品質參半。今次就嚟深水埗試喱間福龍門，店舖門口完全不起眼，因地舖是另一間食肆，要行入大廈的行仔才見到福龍門的門口，店舖並不大，但都有3間VIP房。大家如打電話去訂位時最好是下午4:30後，因太早是沒有人聽的，其實佢哋應該整個WhatsApp號碼咁就方便好多，依家好多食肆都有WhatsApp。我哋8個人，可能早訂位，可以安排咗一間VIP房，這房仲有獨立洗手間，夠方便紅燒蟹肉翅及蠔皇扣鮑魚是另外加$60(仲要加一ga)，個翅就真係好唔掂，無料到，真係唔值。鮑魚就ok好味。感覺上加$60只係食鮑魚，好唔低。大家要諗諗食完頭盆開始主菜，我哋order兩個雞煲，一個椰子雞煲，另一個就極品雞煲。椰子雞煲個湯就好好味，因為有雞丫ma……但d雞就唔多好味，太清。最後都係將d雞搬過去極品雞煲嗰邊。雞煲就揀中辣，超正，好野味，而份量亦好多應該不只一隻。食咁多次維一一次沒有再order第二round雞煲，因為以往的份量比較少，所以要再order囉……食完雞煲就開始火煱，我哋就無換煲，照用返兩個雞煲的煲加清湯，貪佢夠野味。不過大家唔鐘意的話可以換過新的火煱湯底，是免費的。海鮮超正，

朋友話帶得我去食高質素任飲任食火鍋,仲要無限時,出面其他都會有限時,夠鐘趕人走,佢咁講我梗係要試下啦,福龍門個門口位置比較偏僻,兩棟大廈中間,上樓梯或者lift上1樓就係 地方不大,幾張大枱,好適合一大班人一齊食門口位置有調味料,汽水涼茶俾大家拎,順帶一下,啤酒要另計啊入到去坐低就會見到餐牌紙,得兩樣,唔係打邊爐就食私房菜,不過私房菜要3日之前訂的,我地冇訂到就打邊爐,唔好三心兩意嘛仲要大大隻字寫住"無限時",哈哈咁我地食先叫左雞煲我地人比較多,就有一隻雞份量,雞件好嫩滑,汁比較稠,好惹味同足料的雞煲食完你可以轉清湯打邊爐又可以叫侍應加水落雞煲打邊爐,未叫野食之前,侍應會話你知"你不用叫的,我地先上海鮮盤,丸類,菜俾你地,食哂你地先再加單啦"海鮮盤咩都有,蝦,鮑魚,青口,大峴,魚,大大盤上枱,仲要好新鮮手打丸配水餃,手打丸都夠彈牙,水餃係素餃,味道都幾好今時今日打邊爐邊少得響鈴仲有個菜盤,但掛住食忘記影相,原諒我,hahahaha溫馨提示: 雞煲必食,1煲唔夠,可以繼續食,食到夠喉位置              ***不論打邊爐或私房菜都記得訂位,因為地方真係唔大,即興有排等位***

母親節當晚去左福龍門試佢地嘅私房菜。每位連加一都係330蚊。冇因爲係母親節而左加右加我地9個人食，佢地安排左一間房俾我地。服務非常好。上菜亦好快我地揀左佢地嘅龍躉宴餐。全海鮮為主。碟碟都大大碟，味道鮮甜。隻雞一d雪味都冇。而鑲冬菇係我覺得最好味的開頭都擔心唔夠飽，但因為佢地份量好足。食到第5碟餸已開始飽了。雖然我唔食蠔，但屋企人都話d蠔炸得好好，仲有生菜放底，冇咁油佢地隨左私房菜仲有打邊爐，最緊要係d座位唔會好迫。令人食得舒服。直得推界