禮記 (已結業)

門外看已經感覺裝修很有特色，一定唔會係平價菜。裝修擺設餐具都落足心機，地方都算闊落感覺很舒服。期待食物一樣有驚喜？相比之下就感覺失望，水準比較普通，不算有什麼驚喜，味道也沒有特別出眾！簡單而言對食物有味道要求就。。當晚選了：禮記鮑魚雞煲，算是他們的signature 我估，三百幾蚊都唔平（份量唔多）入口唔覺得有什麼特別，還有剁椒蒸魚頭（香港比較小地方有得吃就叫黎試下）味道比較淡，帶不出那種辣+喊的好味！還叫了椒鹽大海蝦，銀杏鮮腐竹扒時蔬，賣相比較特別算是銀芽肉絲脆麵，出場的時候的確有點驚喜，個個拎起手機啪照！之後要把汁淋上把麵剪斷才能吃（要花點功夫）總括而言：喜歡對方舒服OK，食物質素不要期望過高 價錢偏貴

1）先講個煲，無竹疏子係底，癡底係常識2）個汁好似仲清過什菜煲3）蝦丸變咗鯪魚球4）唔見咗芋頭5）白蘿蔔是苦的6）自問對鮑魚大細都有一定了解，我就覺得似30頭左右大細囉當佢地縮左水最多20頭無啦啦放左大量一棵棵的皇芽白菜令啲汁越食越有菜味，加埋啲苦既蘿蔔浸味成煲野真係……見佢平時其他點心小菜中上價錢但高級質素，將餐團年飯交俾佢就留下呢個污點，平時去你度飲茶會讚你，但今晚一定要鬧你🤬🤬🤬

朋友住將軍澳嗰頭，平日公務繁忙，好難約食飯。前幾日特登入黎將軍澳先有幸同到佢dinner。朋友帶左我黎呢間佢幾鍾意食嘅中菜餐廳，環境都幾舒服。錦鹵雲吞 $128脆卜卜嘅炸雲吞皮，配上酸酸甜甜嘅醬汁，好開胃惹味，食唔停口。醬汁入面仲有蝦仁、魷魚同埋肉片，食落滑嫩。黑椒茄子安格斯牛仔骨煲 $198牛仔骨食落幾滑，煮得好入味，同時味道適中，唔會過鹹或者過淡。另外幾鍾意呢個煲入面有唔少茄子，索曬味，味道濃郁，好食。金鳳絲苗 $15白飯粒粒分明，軟硬適中。呢到嘅茶有玫瑰荔枝呢啲比較特別嘅款式，入口清香，幾好飲。

✨京滬灌湯小籠包賣相幾靚 三色小籠包 但味道係一樣 只係皮顏色唔同小籠包好大隻 皮唔算好薄肉餡鮮味 湯汁鮮甜✨禮記黑金蝦餃皇黑金型格外型 蝦餃三大一細皮唔算薄 內餡蝦肉份量唔少有兩大隻蝦 口感爽脆✨黑魚子帶子燒賣皇面頭有啲黑魚子做點綴 帶子鮮甜 燒賣 豬肉比例相對多 入面有一隻蝦肉質結實 口感彈牙 幾鮮味✨黑金流沙包流沙包軟熟 流沙程度可以味道香甜 帶鹹蛋黃甘香食物唔錯 賣相造型幾精緻 環境唔錯 走新派路線 坐得都算舒服服務正常 價錢可以

禮記 📍將軍澳上次同屋企人黎飲過茶 今次同佢地試下晚飯😆 🐣松露醬手撕雞 $98手撕雞肉質完全唔會嚡 都係好嫩滑🤤 松露醬同手撕雞兩者平衡得好好😋 另外仲有好多青瓜 口感爽脆😛 🍤金沙大蝦球 $288蝦球好大隻 炸皮好脆 夠薄 可以連殼食😆 加埋鹹蛋黃仲邪惡🤤🤤 鹹蛋黃醬好好味 除咗鹹蛋味 仲有少少甜味😛 好味👍🏻🥢飛天銀芽肉絲脆麵 $198
呢個飛天銀芽肉絲脆麵打卡一流🤣 除左賣相靚 味道都好好食😋 店員會幫我地淋醬汁😍 仲等我地影完相剪開啲麵😎 脆麵好脆身 有好多肉絲同芽菜 幾惹味😋

捉緊夜晚堂食最後的尾巴，決定食餐好既將軍澳南近年開左好多新餐廳，大部份都是西餐廳，唯獨有一間中式餐廳，今日就決定去會會佢入到去第一印象好好，乾淨企理，餐具都比人好乾淨既感覺，令我印象最深的是佢每隻茶杯圖案都不一樣，十分精緻老實說，餐廳食物價格都不便宜，我都只能簡單叫兩款野食：彭家豆腐煲+銀芽肉絲脆麵彭家豆腐煲看似無乜特別，都不外乎係豆腐+肉絲，但仔細一望，佢每粒豆腐炸完、煲完都原好無缺，但一夾就散，明顯就係功夫菜，上菜姐姐話，豆腐係日本豆腐，好嫩滑，味道唔錯銀芽肉絲脆麵，聽個名就覺得無咩特別，但點知完來勁吸睛，隔離枱都忍唔住望過黎，打卡一流。當我煩惱緊點食之際，原來佢會等你打卡完，再幫你剪開，幫你分成好幾塊，服務真的不錯。中間的麵佢炸得勁香脆，好好味，不過要趁熱食，放耐左就會慢慢變硬，就無一開始好食啦。佢除左有脆麵部份，佢其實都有軟身的銀芽肉絲炒麵，適合不同人士的需要。雖然只是叫了兩味菜，但估唔到份量好足，結果都係食唔曬總結：價錢稍貴，個無論環境、衛生、質素、服務都屬上上水平，可以儲備彈藥一試

禮記（將軍澳）#今日同老公去Donki 行完街，就喺附近一間中式茶居吃晚飯，餐廳裝潢新穎， 門面落地玻璃設計，突顯出時尚感和高貴，內裏擺設的古色古香，而且播著悠和的中國樂曲， 在這裡進食，簡直是一種享受。#自選茗茶每位13元，我哋揀咗傳統嘅普洱茶，茶具設計典雅，茶味香濃。1.松露醬手撕雞： 青瓜清甜爽脆而彈牙，雞肉夠入味， 雞味濃，肉質軟滑，配上黑松露醬汁， 整體上提升了 這碟菜的風味，配上芝麻粒，除了够香外，吃起來更有口感 ，令人吃得開胃。2. 瑤柱魚滑上湯浸時蔬：用石鍋盛載著上枱，保持到湯的熱辣辣 ，上湯奶白色 ，味道香濃， 加上瑤柱絲、冬菇絲和羌絲，更提升了湯的鮮味 ，湯底清甜，完全沒有加味精；魚滑份量頗多，用手剁制出來，但卻沒有骨 ，新鮮，並沒有加任何粉，吃出魚的鮮味，魚味濃，而且非常彈牙爽口 ；小棠菜非常新鮮，吸收了魚湯的精華，吃起來淋甜。3. 紅燒花菇豆腐 ： 上枱很精緻 ，豆腐充滿濃郁的豆味，而且非常香滑，豆吃進口裏有一股暖流直落胃中，成個人暖笠笠；冬菇大大隻，而且炆得非常之爽淋 ，配上濠油汁， 非常入味 ，是一道非常健康的菜式！

今日入將軍澳揾食，同朋友 去咗「禮記」食點心，裝修幾靚，古雅之中帶點現代元素，好似牆上的古代美人玩手機，有趣😳紅菜頭松露野菌餃🥟$43（3件隻），鮮紅的餃皮非常薄，晶瑩剔透，透視了松露和野菌餡料，皮薄口感煙韌，野菌清甜。奶皇炸煎堆$39（3隻），不油不膩，好香芝麻味，煎堆皮幾鬆軟，咬開是奶皇餡，賣相精緻，打卡必點📸黑金流沙包$39（3隻），軟綿綿，奶黃流沙餡。鮮蝦米網腸粉$48，腸粉包裹油炸鬼，有蝦米香味。茶位：$13/位（玫瑰荔枝茶）

🐲🐲《禮記》下午在將軍澳海濱長廊散完步，呀大人開始肚餓了😂🤣，發現附近有間開業了不久的中菜餐廳🍴，未到六點半已經有食客食緊野喎，就走入去試吓先😝！🚗🚙🚕🚌🚙🚗🚕🚕🚌🚙🚙🚒🚎🔶 玫瑰荔枝茶☕️☕️ HK$13@ x2▪️▫️▪️▫️▪️▫️▫️▫️▪️▫️▫️▪️▪️🔶 椒鹽魷魚鬚 HK$98▪️▫️▪️▫️▪️▫️▫️▫️▪️▫️▫️▪️▪️初初以為屬於餐前小食類會好細碟，但原來份量又完全不少，至少有十幾件！椒鹽魷魚鬚🐙的炸漿炸得超輕身超爽脆🤩！椒鹽🧂味道足😋。裡面邊的魷魚鬚爽滑好有咬口😋👍🏻！🔶 彭家豆腐煲 HK$188▪️▫️▪️▫️▪️▫️▫️▫️▪️▫️▫️▪️▪️個煲一上枱已經♨️煙霧彌漫，🔥熱辣辣，BuIuBalu😂，香氣四溢。材料豐富，日本🇯🇵豆腐、大量滑滑肉絲🐷、橋頭、冬菇、金菇、紅椒等，味道濃郁😋。不得不提佢嘅主角：日本豆腐！廚師👨🏻‍🍳係先輕煎豆腐，才上煲煮的。滑到一個點😚，好有豆香！細問之下，原來餐廳🍴其中一位老闆係做進口食物生意的，所以餐廳大部份食材都是進口貨。除咗日本豆腐之外，店員力推我哋下次要試埋佢哋嘅進口准山，必食😂🤣。🔶 蠔皇魚皮撈麵 HK$148▪️▫️▪️▫️▪️▫️▫️▫️▪️▫️▫️▪️▪️份量不少🥢。已經很少機會喺坊間食到唔係炸嘅魚皮🐟了。佢嘅魚皮🐟爽

禮記客家撈魚皮奶油蒜香炆牛仔骨瑤柱魚滑上湯浸時蔬價錢💲: $88/ $208/ $138好味程度😋: 3.5/5服務🍴: 3.7/5環境🗾: 4.3/5性價比🥢: 3/5回頭率😚: 3/5-新一年當然要同屋企人出去食下嘢！有長輩又點少得中菜？今次就講下呢間將軍澳海旁的高級中菜，價錢拍得住市區的高級地方架🤭 環境幾舒服，裝修有小小中國風，飲的茶最特別係有荔枝烏龍😬-✅客家撈魚皮。係$88應有的份量😌 調味主要係麻油鹽水薑絲去癖除魚的腥味，魚皮大塊，食落爽口好有彈性😛 冇魚腥味！伴菜的青瓜爽脆新鮮，如果中意魚皮的人呢款好啱食😆-✅奶油蒜香炆牛仔骨。呢個用鍋熱辣辣咁上😍 牛仔骨炆得都幾淋，只有一舊韌左啲。牛仔骨肉好易扯，進食時唔會好麻煩🤪 奶油汁其實唔係真係cream，似係落左d麵粉整到呢個色，不過鹹度適中，好啱唔食辣的朋友。入面的洋蔥絕對係重點，好淋甜😎-🆗瑤柱魚滑上湯浸時蔬。大量瑤柱同埋真係熬出來的魚湯係奶白色+鮮甜的🤓 用左小棠菜，不過d鯪魚肉好腥🥺 個人好怕個陣味，雖然佢已落陳皮但都好腥🥶 可能可以加啲蝦米癖下。同埋呢個餸性價比有啲低阿😥-呢間係適合一家人想坐得舒舒服服來食餐飯，不過

係將軍澳行完Donki係商場地下食左間中菜餐廳裝修好有新式中菜既氣派環境開揚，坐位唔會好迫叫左壺玫瑰荔枝茶茶味有淡淡玫瑰香，荔枝味偏茶香味叫左個禮記啫啫雞煲份量唔算好多，有雞肉、雞翼豬潤、紫蔥、冬菇片同洋蔥雞肉同豬潤炒得幾香，肉質算滑身另外叫左個瑤柱魚滑上湯浸時蔬魚肉質地偏軟腍上湯係濃味魚湯，落左唔少薑浸左啲小棠菜一齊味道唔錯最後叫左碟椰汁杞子桂花糕糕件軟硬適中，桂花味唔算出勝在唔太甜，食多件都無負擔

一行入禮記就會聽到古箏輕音樂，非常寧靜舒服，空間亦寬敞，令人心情立刻放鬆。除左平時既提神中式茶，仲可以揀玫瑰荔枝茶，好適合晚上飲☺️我地兩個人食左脆皮雞同蛋白鮮蝦炒飯就已經好飽了☺️1.脆皮雞份量不少，皮非常脆，咬落‘索索’聲，雞肉都嫩滑！☺️2.蛋白鮮蝦炒飯好大碟！可以裝到成5碗飯！蝦肉爽，飯粒粒分明，味道恰到好處，唔會偏咸/淡。下次多啲人黎食既話可以食煲仔飯、羊腩煲(見到隔離枱食得好滋味！)😬

早排同少爺仔🐶黎過附近食野🍽發現依邊有勁多餐廳都好似幾正🤩今日冇帶少爺仔🐶去食左一間新派中菜🥢~•~•~•~•~•~•~•~•~•~•~•~•~•~•~•~•~•~•~• ▪錦鹵雲吞 ($128)好耐冇見過依樣野食🤩依到個雲吞皮係炸得超級金金黃黃⚜️又酥脆💥而且唔會炸到油淋淋👏🏻唔係🙅🏻‍♀️舊時酒樓個種薄薄既皮🤏🏻配左糖醋汁🧡，入面勁足料🥰有魷魚🦑 • 蝦🦐 • 雞肉🐔 • 青 / 紅椒🫑雲吞皮同醬汁依𝟐樣分開食一𝐝都唔特別🤷🏻‍♀️但係配埋一齊就超級好味道😋𝟏𝟎𝟎% 𝐌𝐚𝐭𝐜𝐡🙆🏻‍♀️少少酸帶甜甜地好開胃🤪.▪川香回鍋肉 ($158)薄切五花腩🐖可能你會話咁肥膩😯但係回鍋肉就係要咁肥先好食🤭配料好豐富😍有冬菇🍄 • 筍 • 椰菜🥬 • 蒜片🧄......好惹味，特別係冬菇超入味😧用辣椒乾，食落唔算好辣🌶.▪蛋白鮮蝦炒飯 ($128)超夠鑊氣🔥，飯炒到粒粒分明🍚又唔會好油😎面頭加左金金既瑤柱絲⚜️開頭覺得得咁少蝦仁🤨(正常出去食野，廚師👨🏻‍🍳一定會鋪晒係面，驚死你睇唔到😏)點知道係寶物沉歸底，入面有勁多隻🦐蝦仁囉🤗而且蝦肉🦐係超爽。仲有勁多蛋白🥚份量又夠大份，𝟐-𝟑個人食都夠🤣.▪茶芥 (

雖然搬離咗將軍澳，大家唔中都會返過嚟同朋友食飯，今日就過咗嚟呢邊食飯。之前都嚟過呢度食點心覺得係唔錯嘅，所以就嚟試吓晚餐。佢哋嘅裝修係比較新潮，唔似傳統中菜格局。啲碗碗碟碟都好靚，又估唔到佢哋仲可以揀花茶。玫瑰荔枝茶有好香嘅荔枝味加埋玫瑰花味，清新。紅燒花菇豆腐 豆腐好滑，冬菇炆得好淋，配埋蠔油汁，非常入味酸甜大海蝦脆麵海蝦大隻又夠新鮮，蝦肉爽口彈牙！呢個麵賣相一流，一上枱勁吸睛。真係啱晒打卡！上枱後，侍應會比足時間影相，影完相之後會幫你剪好晒啲麵，等你方便食，非常貼心。脆麵炸得啱啱好，脆口得嚟唔會過硬，配埋甜酸汁，微微酸帶甜咁樣非常醒胃。芒果布甸布甸香滑帶香濃嘅芒果味，布甸上邊有一堆珍珠，咬爆珍珠會有清甜芒果汁，食埋呢個甜品就滿足晒啦。

裝修餐具都有中式古典美，野食好有水準，好岩同屋企人食！！❤️酸甜大蝦脆麵 打卡一流既脆脆麵，影相靚之餘仲好好味添～大大隻海蝦炸到好香，加上酸酸甜甜既source 好開胃，重點既脆脆麵又香又脆！🧡彭家豆腐煲 一上碟個煲仲卜卜滾，熱辣辣～外面炸到黃金色既豆腐，入面好滑滑滑滑，仲滑過有山有水嫩豆腐好多，仲有好多肉絲菇菇瑤柱絲，好好味rrrr💛瑰荔棠煌 一入口好香荔枝味，不斷咁飲飲下又會有陣荔枝香，好襟飲！好清香既茶，大愛!! 而且襯埋好雅緻既靚靚茶杯，加上背景好中式既古箏音樂，成個人都優雅左咁！