禮記 (已結業)

今次同媽媽一齊黎到將軍開餐，餐廳近海邊，食完又可以散下步、吹下海風，都幾舒服😌餐廳環境好寬敞，中式裝飾好舒服就連茶杯都好傳統，好靚😍銀杏鮮腐竹扒小棠菜湯底係魚湯，味道好香濃。鮮腐竹豆味好濃、仲好滑! 銀杏好新鮮，一啲都唔苦👍🏻 而家當造嘅小棠菜好清甜。不知不覺，我地飲晒成煲湯添😜椒鹽脆豆腐豆腐非常嫩滑，仲好香豆味。外皮香脆，十分香口。就咁食﹕咸香! 點醬汁：變得好惹味!❤️❤️千島黑豚肉排粒酸酸甜甜嘅醬汁配肉真係好好味，食得多都唔覺膩。而且肉排嘅粉醬唔厚，可以食到豬肉嘅味道，抵讚👍🏻😆

今日終於試到澳南海岸既唯一中菜餐廳，整體裝潢感覺高貴時尚。最吸引我眼球係呢幅關於旗袍女子既畫作，佢地手上卻攞住手提電話，可謂相映成趣😝一坐低職員問我地飲咩茶，首選必定係玫瑰荔枝茶，飲落唔算太苦澀，而且伴隨淡淡既花香。我之前試過夜晚飲普洱，結果全晚失眠，但今次飲玫瑰荔枝茶反而無失眠🤣- 銀杏腐竹浸小棠菜小棠菜好鮮甜，腐竹亦好滑溜，加上銀杏，做法簡單但好好味。- 話梅香橙雞無論味道賣相都好似西檸雞。雞扒炸得幾脆口，醬汁味道酸酸甜甜，非常開胃。- 川味魚肚每一件魚肚都好大片，入口幾爽口，麻辣程度中等。銀芽肉絲脆麵係餐廳招牌菜，不過今次食飯得兩個人，所以最後無叫呢個招牌菜。下次搵多啲朋友再encore禮記！

平時好少黎將軍澳呢頭，今日中午黎左呢間禮記食點心。呢度裝修新潮摩登，絕非一般中式酒樓可相比。唔知道野食方面又如何呢？點心紙一目瞭然，有禮點，蒸點，炸點，包點，腸粉，同甜品，選擇唔算太多。茶位每位$13。點心價位分別係：超點 $58頂點 $48特點 $43大點 $39中點 $34小點 $25周末假日貴$1。今日第一次幫襯，點左幾款點心試試。點心全部即叫即蒸。焗雪山叉燒包 頂點焗雪山叉燒包一客3件，外燙內暖既包，上碟前應該輕輕拖過一下油，所以有脆皮。餡料係粒粒叉燒。禮記黑金蝦餃皇 超點禮記黑金蝦餃皇一客3件，餃皮唔問都知係加咗墨魚汁，有陣特別既海鮮甜味，亦都令餃皮更富彈性。另外就有食用金箔劃了一筆，成為黑金皮，就成為一件高檔次點心。每隻蝦餃皇入面有兩隻全蝦，不負所托既超點！紅菜頭松露野菌餃 特點紅菜頭松露野菌餃一客3件，餃皮用左紅菜頭一齊搓，天然水晶紅色賣相一流！裡面塞滿野菌，混入黑松露醬，香味四溢。小雞雞 大點小雞雞一客3件，今次帶咗小朋友嚟，叫咗個小雞雞即係豆沙餡包，賣相很可愛，小朋友好鍾意。期待下次試小菜。

今日嚟食個悠閒lunch~環境清靜舒適，唔會好嘈，可以慢慢嘆！先試呢個 個人至愛之一嘅 雪山叉燒包味道好好，不過略嫌唔夠熱辣辣～而呢個安格斯牛肉腸都唔錯！個人覺得都係熱度可以提升！呢個腐皮卷好香好好味，值得讚！跟住仲有 黑金蝦餃王打卡一流！！ 蝦都鮮香爽口，唔錯！呢個勁似燒肉嘅，係最後嘅甜品作點綴，實情係椰汁桂花糕🤍🤍🤍🤍🧡🧡🧡🧡佢哋特別推介咗 灌湯餃 同 椒鹽豆腐粒畀我，下次嚟一定要試埋呢兩樣！

今次來到將軍澳南呢間禮記， 估唔到將軍澳南都發展得幾好， 喺海翩匯呢個商場都有唔少高檔食物， 呢間禮記就係主打中式高檔食物， 裝修都好別緻。首先嚟咗個茶具套裝， 茶壺係用鑄鐵造嘅， 好有重量感同埋好特別， 而且又保暖， 食完成餐飯啲茶仲係暖嘅， 而茶杯都好特別， 花紋好靚， 不愧為高檔嘅中式餐廳。炸魷魚方面， 炸粉厚薄均勻， 真係做到外脆內嫩， 食落好惹味， 魷魚又夠曬新鮮。之後就叫左個炒米粉， 簡單嘅食材先考驗到廚師真嘅功夫， 一道炒米粉， 最重要嘅就係火喉， 上枱啲蒸氣仲要乎乎聲嘅， 先係一份合格嘅炒米粉， 呢度調味都幾正， 食落夠曬惹味。最後西檸雞， 啲皮仲係好脆， 配埋西寧嘅香味， 食落就好清新， 而家雞入面仲係好嫩口好juicy， 夠曬好味。

🌍禮記（將軍澳）今日帶婆婆👵🏻👵🏻去食好嘢👏 屋企附近開咗一間中式餐廳 食物質素唔錯 婆婆讚嘆不絕 食物好啱長者食 夠腍易咀嚼 松露醬手撕雞$98我哋叫做個開胃既涼拌 婆婆指手撕雞好鮮嫩 而且松露醬分量十足 聞落去香噴噴 忍唔住口 青瓜新鮮爽口 值得一試！紅燒花菇豆腐$138紅燒豆腐燒得入味 表面煎到金黃色 食落去略帶嚼口 至於入面做到水嫩口感 好適合老人家食 乾蝦雜菜煲$138湯底清甜 婆婆飲左幾碗😂 雜菜種類好多 分別有菜心 娃娃菜 西蘭花🥦 生菜🥬 而且煮得又腍又新鮮 婆婆都容易嚼爛 呢道菜真係好適合老人家💵人均消費：200✨環境及衛生：8/10🙋🏻‍♀️推介指數：7.7/10📍將軍澳唐俊街23號MONTEREY Place地下G19號舖

先來一壺玫瑰荔枝茶，熱辣辣玫瑰同荔枝茶香噴噴，舒壓。杏仁鮮腐竹扒時蔬，極之推介！全部材料非常新鮮！小棠菜翠綠爽脆、腐竹煮得軟熟，大大塊，好易入口。豆乳湯奶白色，味道非常香濃。上湯同所有材料味道非常夾，正！一夜情，即係煎香左嘅黃花魚，魚味非常濃郁軟熟外皮煎得香脆，可以連皮帶肉入口，一脆一軟。話梅香橙雞，呢款脆口外皮落咗的炸粉一齊炸，吸左啲話梅香橙汁，酸酸甜甜，送白飯最啱！想讚下餐廳環境，無論擺設、燈光、座位都好舒適。

放假溜溜, 將軍澳有不少新餐廳, 見尼間不少唔錯食評就黎試試我地兩位, 就被安排二人枱坐低要了壺烏龍, 轉眼就到, 水就熱, 但無味, 原來係用茶包....看了張點心list, 叫了4樣: 帶子燒賣+雪山差燒包+旦包糯米雞+鳳爪, 時間不耐, 雪山包首先到埗全部蒸品夠熱夠新鮮帶子燒賣不錯, 夠爽夠彈性雪山包就一般了, 口感不鬆軟糯米雞太一般了, 偏乾鳳爪無特別環境算舒服, 不密集對於中式飲茶點心而言, 茶同食物一樣重要但這價位與食物質素不相稱矣

這間位於將軍澳新開的中菜館，裝潢別緻高雅，環境寬敞舒適，場內播放著古典中樂，讓食客可以輕輕鬆鬆悠閑地品嘗新派中菜。🌸茶芥$13/位玫荔堂煌 - 一個很美麗的名字，玫瑰荔枝茶，充滿淡淡玫瑰花香和荔枝果香，清香優雅。🌸禮記黑金蝦餃皇 $58黑金蝦餃皮添上豪華氣派，蝦肉非常爽口，內外兼備。🌸小貓咪 $38賣萌的小貓咪內有乾坤，裡面其實是滿滿的吉士餡料。🌸蠔皇花膠鮮竹卷 $43外表平平無奇的鮮竹卷內裡藏有花膠，女士們至愛。🌸京滬灌湯小籠包 $43三色小籠包賣相精緻吸引，店員再三提醒趁熱吃最要緊，否則皮會變硬就失去口感。

中午最鍾意就係去飲茶，呢日行完Donki就去咗隔離試新餐廳食點心。比起茶樓，呢度就寧靜得多，而且裝潢高雅，坐位闊落舒服。呢度嘅點心比起一般茶樓價錢略貴一點，但味道及款式確實令人有驚喜，每款賣相都十分精緻。鮮蝦米綱腸粉腸粉好滑，鮮蝦大大隻夠彈牙，裏面仲有香脆的米綱，食落口感非常豐富黑金流沙包黑色包配上金色賣相一流，外皮柔軟有陣陣嘅芝麻香氣，一咬開裏面嘅奶黃如流沙般湧出紅菜頭松露惹菌餃將super food紅菜頭加入餃皮真係第一次試，而厚度亦做得啱啱好，加上內餡豐富，食落好有咬口奶黃炸煎堆熱辣辣，咬落好煙韌，裏面仲有流沙奶黃餡，配搭幾新鮮味道仲好夾喺度嘆番一盅兩件，細味品茶，絕對係一種享受！

經常行開都見到呢間#禮記，感覺高尚，今晚又行經附近搵食，就一於進入開餐食下中菜先得。裝修高尚樓底高，坐位寬敞空間感很好👍。選了🫖鐵觀音茶消滯解油膩。鹽炸豆腐，炸得香口唔乾身，點埋附上的醋汁，豆腐外脆內軟食落卜卜脆，一粒接一粒食到唔停😊。懷舊鳳梨咕嚕肉，用個古式古香架裝上，賣相好靚。用上新鮮的菠蘿🍍，黑豚肉等的食材，咕嚕肉皮脆肉嫩，醬汁酸的成份較多甜，份量亦夠2人分享😊。禮記炒米粉，用料豐富，配料是蝦、銀芽、青、紅椒、蛋同韮王即叫即炒熱辣辣，條條米粉都食到甜辣味。 見佢點心都幾抵食，下次都會黎飲下茶食下點心🥧。

呢日放工之後同屋企人去左將軍澳。依家將軍澳海旁呢到起左好多新樓同埋新餐廳，我地就搵左一間裝修好靚既中餐廳食dinner。呢度有幾款茶，我地揀左玫瑰荔枝，幾清香。打開餐牌，見到都有幾多選擇。我地點左3樣野食，首先係椒鹽脆豆腐，豆腐外脆內軟，加埋哦椒鹽，好惹味。另外仲話梅香燈雞，雞肉炸左佢，再加入酸酸甜甜既香橙醬，好開胃啊。最後，點左呢碟蛋白鮮蝦炒飯，炒飯夠鑊氣，唔會好油，亦都好足料，有好多蝦。好滿足啊！

將南呢邊嘅餐廳從來都唔會令我失望🥰基本上是但一間都好好食🤣但多數係西餐，今日推介呢間中菜由曾任米之蓮餐廳嘅大廚主理，環境相當優雅，服務亦很認真👍🏻適合一家大細黎食～錦鹵雲吞 $128第一次食呢種傳統菜式，雲吞皮炸得脆卜卜，配酸酸甜甜嘅醬汁好開胃，仲有啲雞肉、魷魚同椒蝦乾雜菜煲 $138特別一讚係個湯底好清甜，感覺有悉心煲過，菜嘅種類有好多炸頂鴿 $98比起出面嘅乳鴿大隻少少，有少量肥肉令佢更香口，肉質唔鞋玫瑰荔枝茶 每位$13一聽到已經覺得要試下，清清地，聞落好香

無飯夫妻今日來到這昌間位於澳南的新派中菜館禮記餐廳內裝潢有點古色古香的味道, 坐位舒適連茶杯都非常有特色, 點了玫瑰荔枝茶, 荔枝香濃, 非常清新椒鹽脆豆腐 - 份量比想像中多, 豆腐外層炸得粒粒金黃, 賣相一流有了椒鹽，就算淡而無味的豆腐也變得非常惹味好吃。豆腐出奇地滑,有入口即溶的感覺懷舊鳳梨咕嚕肉 - 上台時都感到驚喜, 擺盤和賣相都跟高檔餐館一樣精緻咕嚕肉炸得非常香脆, 肉質鮮嫩多汁, 配上酸酸甜甜的醬汁非常醒胃瑤柱魚滑上湯浸時蔬 - 用熱騰騰的石頭鍋上, 能保存上湯的溫度魚滑口感軟腍, 配著清甜的上湯來吃, 感覺非常健康養生這間新派中菜館食物精緻味道高質, 價錢合理, 值得再來

同行朋友想食中菜但係又唔想去酒樓太嘈傾唔到計😂又想坐得舒服😜之後帶咗我去呢度試吓❤️啱啱六點左右未有人朝，真係坐得舒服嘅😌錦鹵雲吞$128份量都唔細，咬落去脆卜卜大聲到隔離枱都聽到😂而且碟酸甜醬入邊好足料 又有蝦有雞翼有紅青椒🫑瑤柱魚滑上湯浸時蔬$138鮮甜嘅瑤柱鯪魚球湯 仲有勁多粒鯪魚同小棠菜非常足料 啖湯係熱辣辣好飲👍🏻話梅香橙雞$158(廚師推介新餐牌😃)酸酸甜甜好開胃丫! 而且似係用新鮮雞去整唔係普通雪藏雞件：p另外想讚一讚佢壼茶茘枝玫瑰茶 好香之餘 飲落去仲好舒服😌想問吓佢啲茶葉係邊度有得賣😂*平日仲有點心同埋下午茶下次有機會去再試吓❤️