秋香 (黃金海岸商場) (已結業)

今日陪母親大人行街，行到秋香餐廳門口，母親大人就天氣熱唔行，即入去。餐廳一個人都無，好驚🫢，原來鋪未開，我哋就入左去坐。🌟前菜:沙律+麵豉湯沙律菜款式不多，勝在好新鮮，清甜可口。麵豉湯唔會咸，好香甜，材料足，食到好多蜆肉和海鮮，好正，忍唔住一口氣飲晒🤩🌟精選炸物:日本爆春多卵魚炸粉好薄，金黃香脆，咬落去好外酥內軟，啖啖多春魚，滿口魚卵的香味，好滿足!🌟軟殻蟹明太子醬牛角包窩夫配薯我每次食軟殼蟹最驚就係油膩感重，今次就有驚喜，即叫即炸仲食到蟹肉不失口感，炸粉不厚不油膩，每一啖都充滿蟹肉的香味！明太子醬香濃惹味，窩夫餅軟綿香甜，再配上粗身薯條，不錯👍🏻🌟鹽燒白鱔煲仔飯（限量供應）煲仔飯即叫即製，白鱔一上枱，香噴噴，好吸引，份量十足，鱔肉厚身，本身的油分滲入底下的飯！最重要是輕易就起出一大塊金黃色飯焦，飯焦香脆、帶微微油香，不會黏牙！值得一試🤩老細娘好細心，好有人情味，今餐食得好滿足，值得再encore。

哥哥即將移民，以前哥哥特別難約，因為忙於工作，現在大家都把握共聚的日子，星期五跟他撐枱腳，今日就一家人去吃午餐。爸媽年紀老邁，加上媽媽行動不便，所以只好在黃金海岸附近進餐，今日我帶他們去了一間早前來過的居酒屋，讓他們吃些新穎的菜式。裝潢沒有改變，設有室內和室外兩個用餐區，為讓兩位老人家坐得舒適便選了室內。雖然今日是星期日，但亦有午巿套餐供應，抵! 老人家吃得不多，我們四人在十款午巿套餐中選三份一起共享。******************************每客午巿套餐均配味噌湯和漬物，味噌湯($0/跟餐)熱度十足，內有一些滑嘟嘟的昆布、櫻花蝦、蔥花等，味道剛好，不會太重口味，很適合倆老。漬物($0/跟餐)相當豐富精美，有酸咪咪的爽蘿蔔、香辣的泡菜和滿有蛋香的鵪鶉蛋，三款都不錯。******************************壽喜燒生牛肉干葛絲配讚岐烏冬Sukiyaki Raw Beef Senkuzu Kiri Paired With Sanuki Udon（$158）熱辣辣的上枱，賣相豐富吸引。吃前先將生雞蛋拌勻，亦將涮一涮熟紅潤的生牛。除了有牛味香濃又鮮嫩的牛肉片

一直很喜歡秋香，食物質素非常高，個人最喜歡白膳煲仔飯，百吃不厭。今晚繼續吃了白膳煲仔飯，拌勻流心蛋黃時非常治癒。另外也點了雞腎、雞皮、燒菠蘿等串燒，非常惹味！點了秋香的特飲，顏值與味道並重，我們都非常喜歡。另外喜歡秋香的原因是職員們都非常友善，盡力配合我們，由於我們人數較多，職員幫我們安排了一個很舒適的座位，易跟我們細心講解每道食物的特別之處，服務質素非常好，讓我們今晚享受了一頓美味、愉快的生日飯。

今日入黃金海岸試左一間叫”秋香”既中日fusion菜，呢個日式煲仔飯絕對滿足左我既味蕾。間餐廳空間不大，室內既裝修都算幾有心機，室外都有幾張枱，唔怕熱既朋友都可以坐係出面chill下。本身想試佢地最出名個鹽燒白鱔煲仔飯，不過佢係每日限量發售一個人，我無提早預訂所以就無緣試到。見到個餐牌有個”日本雞肝雞腎地雞釜煲仔飯”，咁特別用雞既內臟去整既煲仔飯，梗係要一試！前菜有櫻花蝦味噌湯同漬物，煲仔飯採用日本產既珍珠米，米粒用日本醬油煮過，粒粒分明，口感煙韌，飯焦食落好香口。飯面有隻生既日本雞蛋，撈埋d料同飯令到d飯濕濕地，唔會好似傳統煲仔飯d飯咁乾。料方面，日本雞肉唔會煮到好乾，食落都好滑身同入味，雞肝同雞腎呢d肉臟平時只會串燒既時候先會食，但原來撈埋落煲仔飯入面好有驚喜，口感比起只有雞肉既煲仔飯黎得有層次！成個煲仔飯令我個味蕾好滿足，不過如果一個人食哂就會太濟，兩個人share會食得舒服d!另外仲嗌左杯士多啤梨洛神乳酪梳打，酸酸甜甜咁幾開胃，唔會甜到好似飲藥水咁，夏天飲都幾正。📍屯門青山公路1號黄金海岸商場地下32號舖位置就腳：🍊🍊🍊餐廳環境：🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊

打風過後，趁今日天氣不太熱和太陽不猛烈，去黃金海岸行下。經過一間餐廳，名字很古典叫秋香，吸引了我進內。餐廳有幾張戶外座位，餐廳內裏地方不大，裝飾帶點古典。食物方面有好幾款煲仔飯和定食選擇，還有串燒、燒物及很多特別的飲品，更有日本清酒。我點了2個套餐，套餐配有味噌湯和漬物。-泡菜和鹵水鵪鶉蛋 泡菜不太辣又夠味，鵪鶉蛋很入味。-秋香鹽燒白鱔煲仔飯 鹽燒白鱔很厚肉，肉質肥美，燒到表皮香脆，肉質Juicy，白鱔都鋪滿了飯面，中間有隻鮮雞蛋，再加了甜醬油，味道一流。-柚子菊花茶有菊花清香味，甜甜地，很清。-豬軟骨豚骨烏冬 有兩大件豬軟骨，很腍軟和入味，烏冬煙韌有口感。-炸珍寶吉列蝦（加$28加配）吉列蝦有手掌的長度，炸得很鬆脆-士多啤梨洛神乳酪梳打很特別的配搭，加了洛神花酸酸甜甜，很消暑的感覺。

黃金海岸一向多西餐今次去食一間有中日混合fusion菜，感受下中國日本加埋嘅食物能化創新概念！一入到餐廳就有一個世外桃源嘅感覺！餐廳充滿著綠色植物嘅氣息，有大細嘅樹，牆上亦都有乾花，而牆身都鋪滿咗充滿藝術感綠色葉子嘅牆壁，除咗充滿藝術感之外，感覺亦都相當有玩味！我最愛係呢間餐廳嘅燈光，柔和光線嘅線條都可以令到身心靈感到舒暢，都係一間打卡影相藝術感嘅餐廳！今次叫咗佢哋嘅皇牌鹽燒白鱔煲仔飯、記住呢個係限量發售一定要早啲預訂呀！白鱔起骨非常乾淨，白鱔皮咬落去香脆，而白鱔肉內裏亦非常嫩滑！煲仔飯主落亦都十分香口，有少少飯焦可以滿足埋鍾意食煲仔飯嘅你！煲仔飯亦都採用咗日本珍珠米食落去更加香濃！之後朋友叫咗個三文魚忌廉汁炒烏冬！呢度菜相當天然嘅味道利用三文魚原有嘅味道配合忌廉汁，味道啱啱好！再配上附帶小食泡菜，鵪鶉蛋，黃蘿蔔，令成個烏冬更加開胃！另外附送櫻花蝦乾麵豉 湯 ！味道香濃！海帶紫菜食過去亦非常養顏！飲品方面朋友叫咗士多啤梨乳酪梳打，乳酪非常香濃士多啤梨開胃梳打醒神，而我就叫支可口可樂！再融入下食呢餐飯嘅快樂！

放假想同陽光玩遊戲~梗係去黃金海岸！去沙灘前係商場覓食,發現間名為秋香的餐廳「唐伯虎點秋香」竟然主要係間日韓Fusion 居酒屋🏮主打新派煲仔飯，唔食都對唔住星爺呀~ Chill住食lunch set🍽️ 前菜有櫻花蝦味噌湯配漬物 青檸白豉油蕎麥麵🍜 $78 配炸雞+$18炙夏來襲，涼爽又開胃蕎麥麵係必叫!麵質爽口彈牙~白豉油蕎麥汁MIX青檸味道清新有驚喜,非常開胃可口。炸雞🍗好大塊而且十分香脆，仲要成6塊咁多，食到好飽飽好滿足~ 秘制蒜辣牛粒煲仔飯 $178秘制蒜辣醬汁加上流心蛋，飯底係日本醬油煮嘅珍珠米， 粒粒飽滿牛肉粒好大粒，咬落啖啖肉，好香的牛味個飯唔同傳統煲仔飯,係冇飯焦而且飯粒係濕的，加上蒜香，香蔥，洋蔥真係perfect match~ 日本魷魚下足 $68食完主食，談得暢快，追加了一份「炸魷魚」作小食邊喝邊談。呢份炸魷魚出品熱辣，外脆內軟，富魷魚香氣，屬出色之作。 另加$25就有秋香特飲1杯，點左百香果洛神花茶, 味道清香，一解油膩一杯清甜美味充滿果香的黎明來到，甜甜酸酸，好消暑。 另外，服務周道，上菜快得黎更提供水享用，貼心之舉值得稱讚!

◽鹽燒白鱔煲仔飯 Lee個真係招牌煲仔飯😋白鱔燒到層皮好脆口，肉身就好嫩口，好淋，配埋醬汁就更鮮味👍下層既飯都好出色，粒還粒，有咬口，每啖都有d葉既香氣😋◽ 秋香黯然銷魂煲仔飯可能白鱔太出色，個煲仔飯就被比下去了😗不過入面既腩肉都係非常惹味，好淋，送飯一流👍😉◽ 日本炸豆腐串豆腐炸到好香脆， 唔使點醬都已經好濃味， 好香甜👍◽ 威士忌燒蠔酒香好夾，無腥味，但係蠔一大一細，好可惜。感覺可以再燒耐d😗◽ 炸櫻花蝦餅$82蝦餅好有咬口，好實，外層好香脆，每淡都食都有d櫻花蝦既香味🌸

呢間秋香絕對有驚喜，除咗main menu嘅菜式外，大家絕對可以留意下係水吧嗰邊期間限定嘅🤓 絕對值得食‼️先講前菜佢嗰明太子燒玉子 $48 同埋海苔魷魚天婦羅 $78 都整得好好食😋 一邊傾偈一邊食😛 仲有杯黎明再臨 $52，有好fresh嘅口感😙 我問職員如果我唔中意太甜有咩介紹，佢推介我呢杯，入面有黑糖、檸檬汁、青檸汁、薑啤同橙汁，口感好特別☺️ 本身嗰menu我仲叫咗芥末八爪魚 $38，因為我中意食😂 威士忌燒蠔 $68/2隻，性價比都好高，不過佢到咗就好即刻食，唔好俾佢嗰樣呃咗，佢係熱食嚟😎我朋友杯菠蘿羅勒梳打 $48 飲落都好有層次，佢啲飲品都真係落過一番努力，好唔錯👍🏻 不過好戲在後頭，一定一定要叫煲仔飯，佢同係傳統舖頭食嘅梗係唔同，但同樣都有飯焦，同埋真係真係好足料😝 我叫咗佢嘅主打鱔，睇價錢會覺得貴，但嚟到我面前我覺得都真係好有誠意，會再encore ‼️

重要嘅嘢講咗先，結賬前出示住戶証有9折優惠😝 附近嘅6嗰屋苑都有，最近嗰三個，黃金海岸，愛琴海岸同埋帝御金灣就一定有😉 呢度絕對係唔想煮飯落嚟鬆一鬆嘅好選擇，可能因為環境影響，亦可能因為上菜上得快，嗌完嘢食之後都無咩玩過電話啲嘢就到😂 可以開始enjoy😆 前菜 螢光魷魚沖漬 $58 絕對係解熱首選重點推介一定係佢啲煲仔飯，佢個鹽燒白鱔煲仔飯 $238 真係好正，有五嚿鱔，好厚肉，我會定性為必叫😆 仲有員工推介嘅酒八方煮大蜆 $178，啲蜆好鮮甜☺️ Btw 呢度員工服務態度超好👍🏻

呢日假期同老公來到黃金海岸chill番個下午，入到來lunch，喜歡園林設計好度假feel，大大招牌搞笑詼諧，店員人超nice！.咖喱蛋包飯(+$28配炸珍寶吉列蝦)$98蒜辣牛粒煲仔飯 $178唐揚炸豆腐 +$20明太子燒玉子 +$38自家桂花雪梨蜜 $58士多啤梨蝶豆花梳打 $48.點了兩個lunch set，每個lunch set跟味噌湯和漬物，櫻花蝦麵豉湯好足料👍🏻主菜日式咖哩甜甜的我口味😋蛋非常細滑，兩隻大蝦🍤炸得出色👍🏻另一碟煲仔飯真係必點！港日fusion菜，牛肉粒好大粒份量又多，超愛煲仔飯的飯焦脆卜卜😋 仲有我最愛嘅洋蔥同冬菇，多汁香辣惹味，好正！😌.加了兩碟小食一樣高質👍🏻 玉子燒好有驚喜！！蛋口感不錯，上面加上明太子醬、三文魚子、蔥，甜甜地勁夾味！豆腐香滑日本味道😋.兩杯飲品都好靚so igable🤩梳打用上士多啤梨和蝶豆花，紫色粉紅色超夢幻💕口味酸酸甜甜岩哂夏天👍🏻 桂花雪梨蜜用木盤上，配上日式靚靚茶壺開心🥰飲落淡淡桂花香，仲有粒粒梨肉，相當清甜👍🏻.雖然小店，環境舒服店員好nice食物有質素，抵佢咁好生意👍🏻

【香港🇭🇰屯門】今次去自己地頭屯門搵食，夏天最岩去黃金海岸chill吓同太陽🌞玩遊戲青檸白豉油蕎麥麵🍜配炸雞🍗消暑必叫！白豉油蕎麥汁加埋青檸非常清新，蕎麥麵爽口彈牙，炸雞🍗炸到香脆但內裡多汁咖哩蛋包飯配吉列豬扒咖哩甜甜地好岩食，吉列豬扒炸得鬆脆但冇油味，加埋滑蛋食有多重口感自家桂花雪梨蜜好清甜潤喉，有淡淡桂花清香味，十分滋潤柚子菊花茶菊花明目安寧，加埋柚子好fresh, 飲完好好訓啊☺️

見啲人話係屯門名物! 好多人介紹過佢哋嘅煲仔飯終於都忍唔住走咗去試 想知日式煲仔飯係點餐廳除咗最出名嘅飯之外 亦有賣唔同嘅日式料理佢有兩間分店 嗰日揀咗黃金海岸嗰間Lunch時間去食set 有配埋味噌湯同漬物🤍鹽燒白鱔煲仔飯($238) | Rating: 8/10每日限量供應 基本上講起呢間餐廳一定諗起呢道飯底係日本醬油煮嘅珍珠米 粒粒分明香氣十足個人覺得銅鍋嘅飯焦冇咁硬冇咁痴牙!白鱔會先鹽燒再放上煲仔飯 有五大嚿咁多啖啖肉 肉質爽彈而且富魚油香但如果魚再多啲醬汁/調味 再做下魚骨處理會更好!🤍鮭魚忌廉海鮮炒烏龍麵($178) | Rating: 7/10用咗熟嘅煙三文魚 仲有蝦 魷魚 八爪魚等海鮮材料都幾多! 三文魚整碎咗撈落烏冬到咁樣容易啲每啖都會食到三文魚 口感亦夾啲烏冬口感唔錯 味道重奶香 但調味比較淡但略嫌收汁有啲過咗龍 個人鍾意creamy啲嘅口感🤍明太子燒玉子(+$38) | Rating: 7.5/10玉子微微香甜加明太子嘅鹹香Er正正常常 好難會炒車嘅小食

今日特登同朋友黎到黃金海岸，除咗欣賞一下屯門既日落晚霞🌅，仲有到訪頗有名既「秋香」㊗️。一直都好想食佢大名鼎鼎既煲仔飯，今日終於可以一戰啦！🤩餐廳環境佈置別出心裁，到處都可以比食客「打卡」！中國古代裝修🏮，木色窗框和橫樑🪟，配襯紗簾同玻璃花紋嘅燈🔮，加上懸吊的清酒和威士忌酒樽🍾，光影成趣。唐伯虎成功令屯門點上一些趣味🥳前菜方面：威士忌燒蠔🦪，係餐廳其中一樣推介嘅招牌菜，鮮甜燒蠔配上濃烈威士忌，係一個唔錯嘅配搭。日式吉列廣島蠔🔥，炸得外脆，蠔汁鎖緊，食到啖啖蠔味。秋香黄金粟米沙律🌽，我最喜歡呢道菜，用心製作。香甜既粟米配上邪惡既明太子沙律醬，味道層次更上一層樓，下面配番沙律菜🥗，減輕肥膩感，又增加返健康嘅元素。串燒🍢：燒雞翼🐤，即刻諗起周星馳既「燒雞翼，我鍾意食」😆芝士雞肉丸🍡，咬落爆左啲芝士出黎，好滋味呀～😛鹽燒白鱔煲仔飯🐟🍚，重點來啦！賣相吸引，用小鐵鍋裝住，又能達至保溫效果。白鱔肥美，魚油甘美，間中食到小碎骨，要小心；將中間既生蛋撈勻，每粒飯都沾滿蛋汁、燒汁同魚油；兩者相得益彰。☺️總括而言，想係黃金海岸搵間餐廳chill下，食吓串燒同煲仔飯，秋香會係唔錯嘅選擇🌞

剛過去的週末去了黃金海岸同陽光玩遊戲，去沙灘前先到黃金海岸商場吃個午餐，來到一家日韓居酒屋「秋香」，主打新派煲仔飯、串燒及創意料理。他們以「唐伯虎點秋香」為主題，有露天位置，餐廳內牆上掛上唐伯虎名言：「別人笑我太瘋癲，我笑他人看不穿」，有創意，打卡一流。開飯啦！先點餐前小食「明太子燒玉子$38」，燒玉子甜香，明太子微微帶出鹹和辣。午餐送「味噌湯+濃物」，味噌湯有豆香及鹹甘口味，加上櫻花蝦更提鮮。「秘制蒜辣牛粒煲仔飯 $178」牛柳粒香氣逼人，肉汁豐富，佈滿炸蒜片，以及秘制醬汁加上流心蛋，每粒飯都混合了醬汁和牛肉的精華，美味無窮，超好下飯。「一人前串燒定食配珍珠白飯 $148」串燒裡有車厘番、大啡茹、菠蘿、厚切日本黑豚、牛粒及雞中翼。「車厘番、大啡茹及菠蘿」夠新鮮，烤制後柔軟多汁。「厚切日本黑豚」油脂分佈均勻，吃起來滑潤不澀，口感細嫩好吃。「牛粒」肉質柔軟，帶有濃濃的牛肉香甜氣息。「雞中翼」雞皮香脆，惹味又嫩滑，燒雞翼我鐘意食，哈哈哈哈。另加$25就有秋香特飲1杯，我們點了清新解渴的「青瓜檸檬梳打」及 一杯清甜美味充滿果香的「黎明來到」。