秋香 (黃金海岸商場) (已結業)

Good weather 🌞🌞🌞星期日來黃金海岸食lunch，好天氣唔去沙灘都可以周圍行吓～chill chill食過佢哋嘅煲仔飯念念不忘我點估到lunch時間招牌白鱔煲仔飯已經賣晒🌝下次想去一定要預訂咗先！冇白鱔都仍然想食煲仔飯就試吓日式滑蛋鰻魚煲仔飯那條肥美的鰻魚，仲要有兩條。其實係食唔晒😂咖喱吉列豬扒蛋包飯豬扒炸得好好食，粉唔會太厚同時豬扒味道唔錯。如果兩個人去食lunch其實叫一個lunch set就夠，兩個飯都好多可以試吓佢哋嘅串燒都幾好。

窩夫與蝦子餅很久沒有去過屯門黃金海岸，想起往年那兒的簕杜鵑開得很美，過去的週日便去逛逛。賞完花便找地方吃午飯，選了一間叫「秋香」的餐廳，可以選擇坐室外或室內。窩夫與蝦子餅較喜歡室內，佈置很有特色。午餐有十款選擇。秋香有很多非一般的特飲，午餐加25元便可加配，值得一試。點餐後先送來跟午餐的味噌湯及漬物，味噌湯的味道剛剛好，不會太鹹。喝湯的時候，特飲來了。左邊是蝦子餅的柚子青檸梳打(原價$48)，味道酸酸甜甜的，正合蝦子餅的口味。右邊是窩夫的自家桂花雪梨蜜(原價$58)，茶具精緻，充滿桂花的香味，雪梨蜜甜度適中，不少雪梨蓉沉在壺底，可見真材實料。窩夫點了壽喜燒生牛肉千葛絲配讚岐烏冬($158)，看來十分豐富。壽喜燒生牛肉千葛絲有三大塊生牛肉，肉質滑有肉味，千葛絲比平時吃的粉絲扁和粗，口感較煙韌，其他配菜方面，有窩夫愛吃的蒟蒻、生雞蛋、豆卜、菜和菇，全部食材都吸收了帶甜的壽喜燒汁，非常美味。讚岐烏冬煙韌彈牙，窩夫將生雞蛋和壽喜燒汁拌勻用來撈烏冬，吃得很滋味。蝦子餅點了每日限量供應的鹽燒白鱔煲仔飯($238)，五大件白鱔燒得很香，魚肉彈牙，不過稍嫌多骨，加了芝麻更添香味。

聽講係屯門名物，入到嚟當然要試試首先裝修好靚，好有feel，文青得嚟又chill chill地，冇諗到呢個咁中國風嘅名會係咁嘅環境。同友人嗌咗兩個餐。鯖魚超大份，有少少咸但overall味道都不錯，有沙律菜食到滯可以清清個口。到招牌白鱔煲仔飯！中間隻蛋係日本蛋，勁有蛋香，一撈埋飯就好和味！鱔又真係唔錯，鹽燒令佢完全冇腥味，但係就略嫌少咗啲鮮甜味，值得一試但係價錢真心貴咗少少！

口罩令終於解除了，放假係時候去鬆一鬆，來到了黃金海岸，見到呢間餐廳有特色煲仔飯，就一於試下啦。午餐有麵豉湯及漬物，麵豉湯唔太鹹，有好多海苔；漬物微酸，開胃一流。滑蛋蒲燒鰻魚煲仔飯 :飽滿嘅鰻魚鋪係滑蛋上面，賣相相當吸引，煲仔飯飯焦香脆，每一粒飯都吸收到鰻魚汁，味道甜甜地好開胃，同傳統煲仔飯唔同，呢度用鐵鍋上，更能保住熱度，食到最後每粒飯都仲係熱辣辣。炸物拼盤拼明太子湯烏冬 :炸物有吉列蠔、唐揚炸雞及吉列蝦，每樣都係即叫即炸，入口好香口，當中最喜歡吉列蝦，夠晒大隻，炸漿唔太厚，蝦肉依然彈牙多汁，好好味。串燒雞肉 + 大啡菇 :雞肉燒得剛剛好，入口有輕微焦香味，雞肉有肉汁唔會太乾；大啡菇可以揀辣或唔辣，我地揀咗唔辣，更能食到大啡菇嘅鮮味。柚子菊花茶 :午餐加25蚊可以轉特飲，我地加咗一壺柚子菊花茶share飲，柚子菊花茶好香菊花味，味道唔太甜，食完飯飲好適合消滯。

👍🏻 壽喜燒生牛肉千葛絲生牛肉勁靚🐄 牛肉油脂分布平均 入口好有肉味！🤗 壽喜燒湯底微微甜 配料多選擇可吸湯嘅娃娃菜/千葛絲等✌🏻 另外仲有雞蛋 唔錯 仲可以跟飯/烏冬👍🏻 蒲燒鰻魚滑蛋煲仔飯一大條蒲燒鰻魚放在日式煲仔飯上 鰻魚皮脆肉滑 少許燶邊加埋蒲燒汁 非常惹味😋 而且飯內有煲仔飯精髓 底下會有飯焦 連埋鰻魚同滑蛋一齊食 更加香🍚👍🏻 自家釀西柚檸檬話梅伯爵茶好特別嘅配搭 入口清甜 有果香🍋然後再有話梅鹹鹹嘅味道滲出黎 最後伯爵茶嘅清香充斥整個味蕾 多層次嘅體騟🌈注意事項⚠️- 假日都提供午餐選擇 午餐包括有味噌湯、漬物、主菜以及優惠價加購飲品😉- 餐廳設有戶外座位⛱️

新年過後都無乜食過好嘢，平日都係食吓三餸飯或粉麵就一餐，老公最近贏咗馬仔，就話請我食餐好的，我梗係二話不說就話要去黃金海岸的秋香，皆因之前去康景花嗰邊食晚飯，見秋香很多人，現在黄金海岸有分店，希望可以食到，好彩去到不算人多，等一會就有位。店舖裝修一如其他分店典雅和特別，之前經過覺得坐下飲吓啤酒食吓串燒都幾過癮，現在終於實現。 我們叫了芥末八爪魚,炸樱花蝦餅,唐揚墨魚咀,燒鷄皮,日本炸豆腐串,威士忌燒蠔，日本鷄肝鷄腎地鷄釜煲仔飯，燒牛粒,燒日本黑豚，三得利白啤。食物來到了，賣相相當唔錯，食物擺盆及餐具都很特別，令我想起食懷石料理時所用的餐具都非常美麗。 至於食物質數樣樣都幾好，尤其炸樱花蝦餅，蝦餅外再有櫻花蝦，好香好好味。另外燒鷄皮也很好食，食完老公話要encore再兩串，呢個皮脆有油香，送啤酒一流😋

《別人笑我太瘋癲，我笑他人看不穿》好一句唐伯虎點秋香經典台詞，入舖一坐下就見到掛係牆上，怪不得舖頭叫秋香，我太太一直想食的串燒店，真係有啲料到。舖頭嘅裝修令人有chill嘅感覺，不會有一般餐廳的庸俗，有自己嘅風格，我喜歡，最緊要係咩呀？就係攞正牌飲酒！食串燒梗係啤啤佢啦，好彩今日無揸車，真係爽到爆，盡情暢飲。 我們叫了一些串燒，前菜及煲仔飯，對我嚟講，主菜當然係啤酒。 前菜就叫咗太太喜歡的芥末八爪魚，佢去到日本餐廳都必叫，佢話味道正常。 炸樱花蝦餅，店員推介，真心好食，蝦餅外有樱花蝦，蝦味十足。 唐揚墨魚咀，呢個墨魚咀好大粒，好過癮。串燒我們叫了日本炸豆腐串，燒牛粒,燒日本黑豚，仲有好食再encore燒鷄皮,好脆好香。 威士忌燒蠔，喜歡食蠔及怕食蠔的都值得一試，有少少酸的醬汁，再加上葱段，不會有腥味。 鷄肝腎煲仔飯，材料十足，有鷄肝，雞腎，鷄肉，上面還有生鷄蛋，簡直係親子丼飯😋

星期六日假期 好去處。黃金泳灘可以行沙灘。之後去黃金商場食飯，秋香。裝修別緻，服務良好，有效率亦都有禮貌。叫了串燒定食。有湯及白飯。餐具都很精美。食物水準 在黃金海岸商場是頭三間最好味。串燒 最好味是菠蘿及雞翼。可惜不夠燶，不夠香。都算好味，但就是比較保守的做法。這個 自家製華梅 西柚茶，算是驚喜。味道不甜，鮮味及果味濃郁。配上精緻器皿及匙羹，非常好氣氛。服務正常。環境衞生乾淨。客人都是年輕情侶或香港家庭為主，沒有什麼噪音。推薦。

去黃金海岸行下順便食個lunch，見呢間日式fusion幾特別。天氣好好又唔凍，所以揀咗坐岀面。呢度白鱔煲仔飯應該係必試，白鱔好厚肉，配咗甜醬油，好香好鮮😋另外鰻魚都好好味，加埋滑蛋，正！吉列蠔都一定要食，夠新鮮又鬆脆！

星期五早放約左朋友去屯門食飯，呢間位於屯門既秋香係日本餐廳，餐廳名好搞鬼，不禁令人聯想起星爺套「唐伯虎點秋香」，另環境佈置及食物都好有特色翻開餐牌，有套餐，我地想乜都試下，點了二人前套餐!日式漬物、大蜆味噌湯蜆肉爽彈鮮甜，味噌湯唔會過鹹，作為前菜夠哂暖胃牛蒡口感爽脆炸物: 唐揚雞件 脆米芝士 波吉列炸蝦三樣野炸完都好乾身，唔油膩仲好juicy有去家鄉日本既感覺:👍威士忌燒蠔燒蠔都好大隻，上枱時會噴上威士忌，即時聞到酒香串燒拼盤和牛粒、雞肉、厚切日本黑豚、雞髀菇、秋葵、菠蘿佢地既串燒都好出色，和牛粒燒到剛剛好夠juicy，日本黑豚肉好爽口鹽燒白鱔煲仔飯呢排天氣凍左咁多最正當然係食返個熱辣辣既煲仔飯啦，推介大家試下佢地既鹽燒白鱔煲仔飯，白鱔好大件而且啖啖肉，外脆內軟，煲仔飯都好出色仲要有埋飯焦，果然係餐廳既招牌菜甜品是杏仁Chocolate Brownie 配雪糕， 很精緻得體兼好味

- 個人認為最值得黎秋香既原因係戶外環境。- 因為當日白鱔售罄，試左鰻魚煲仔飯同埋串燒，人均240到，就食物質素黎講，呢個價位就有更好既選擇既。- 不過服務幾好，環境寧靜舒服既，餐廳係黃金海岸，食完野或食野前又可以行下黃金海岸，都幾適合拍下拖。

黃金海岸的秋香高級馳名特色煲仔飯。串燒專門店晚餐二人前一向對傳統煲仔飯嘅刻板印象都係中式、瓦煲、臘味，而在秋香可以食到不一樣的煲仔飯，日式、鑄鐵鑊、鹽燒白鱔&半熟流心蛋。白鱔嘅外貌同鰻魚有啲似，但比鰻魚更加鮮甜。白鱔肉面頭滿滿燒汁，無骨啖啖肉。雖然煲仔飯飯量唔算好多，但每一口都食到有飯焦，脆脆硬硬好似食緊零食咁。每一粒飯都充滿秘製煲仔飯豉油，充滿油香味。大推威士忌蠔也好大隻好肥美，幾乎有手掌，蠔汁水加檸檬汁，非常鮮味。另外串燒都好出色☺️二人套餐串燒有和牛粒、雞翼、厚切日本黑豚，就非常特別。秋香餐廳環境優美，坐落黃金海岸，適合欣賞完風景，再帶另一半嚟食特色晚餐❤️

✍︎︎今日介紹一間位置遠小小嘅餐廳出名煲仔飯，午市嚟食，價錢包括煲仔飯，麵豉湯，小前菜同一杯飲品雖然定價偏高，但值得一試，而且份量頗多(￣∇￣)🌟秋香鹽燒白鱔煲仔飯(每日限定) $208平時好少食魚嘅我，覺得呢個值得試試✨✨4份1條白鱔，肉質厚身彈牙，充滿油脂，無乜細骨啖啖肉白饍皮燒到焦香脆口㊙️秘制蒜辣牛粒煲仔飯 $178惹味醬汁，牛粒份量都唔少，唔會煮到好老，咬落有肉汁配大量洋蔥絲，香菇絲同辣椒絲令人一啖接一啖\(≧▽≦)/🍲滑蛋蒲燒饅魚煲仔飯 $178煲仔飯沾滿饅魚汁，配上滑蛋饅魚大條肉質鬆軟味道不俗，但會推介上面兩款先(´▽｀)❥頭兩個煲仔飯都有日本蛋，篤爆撈飯食一流飯焦煮到啱啱好••••••••••••••••••••••••••••••🔎秋香 屯門青山公路1號黃金海岸商場地下32號舖屯門青善街38號康景花園地下26-27號舖••••••••••••••••••••••••••••••

屯門既秋香一向都好想試，今次見響黃金海岸有分店，一於去試下。黃金商場好特別，平台位置好開揚，最岩睇日落。睇完日落岩岩好落番去秋香食野。訂左枱6點鐘，畀左角的落最寧靜嘅位置我哋，可以慢慢欣賞下餐廳嘅裝飾，坐得好舒服。我哋選咗$728二人前套餐。叫套餐嘅好處係餐廳已經設計好所有嘢，每度餸菜都有層次，味道由清新既前菜慢慢昇華到取悅味蕾嘅主菜。飲品🍹士多啤梨蝶豆花 & 黎明來到推介👍威士忌燒蠔，配上魚子，超級鮮甜！炸物🍤(吉列炸蝦， 唐揚雞件，廣島蠔）串燒盛 🍢（和牛粒，手羽先，波板豬肉串，秋葵，菠蘿）特推👍👍🍲鹽燒白鱔煲仔飯中間有隻流心蛋。大件又肥美既白鱔，啖啖肉，飯吸哂魚油既香味。

秋香呢間日式居酒屋一直都bookmark咗好耐，主打中日funsion菜，平時見到好多人都推介白鱔煲仔飯好似幾吸引；前排經過見到冇咩人就入咗去食啦鹽燒白鱔煲仔飯 HK$238黎到呢到就第一時間點咗佢個招牌菜試下啦，開頭都擔心佢啲白鱔會有骨，點知全部都冇骨，開心~；白鱔燒得好焦香，外層塊魚皮微微脆卜卜，好食；煲他飯嘅米用咗珍珠米，粒粒有咬口而且唔會太濕，但係少少失望嘅係煲仔飯冇飯焦一人串燒定食 HK$146串燒有秋葵、大啡菇、菠蘿、波棒豬、牛柳粒同雞中翼；因為麻麻地秋葵，所以我地同店員溝通之後，佢換咗做多一串大啡菇比我地；每樣串燒都有少少調味，燒得又剛剛到位，正正常常嘅串燒定食整體感覺其實以煲仔飯黎講，白鱔燒得好好食，但價錢算偏貴；串燒就普普通通，可以留返個胃食其他好食嘅野~如果同一班朋友黎食，個氣氛都算唔錯；算帶一提，店員嘅服務態度好好，唔錯~