程班長台灣美食 (已結業)

呢間喺荔枝角工業大廈嘅台灣餐廳食飯環境就嘛嘛哋 但係都有種去咗台灣夜市嘅感覺以前喺台灣住過幾年，食落真係台灣嘅味道啊😆一行到門口，見到張菜單同隻落單嘅紅筆成件事真係好台灣！！！仲有親切嘅台灣口音 對間鋪即刻好有信心！呢次都係食小食為主，今次點咗呢兩款：1️⃣ 蚵仔煎蚵仔、生菜、雞蛋再加d生粉，同埋最緊要嘅係台灣嘅醬油膏，同喺台灣食嘅真係一模一樣！口味唔錯！2️⃣ 紅油抄手其實炒手就好似細粒d嘅水餃咁，細細粒但咬落啖啖都係豬肉，加埋紅油一齊食，唔會太辣口味啱啱好。3️⃣ 檸檬冬瓜茶呢個唔記得咗影相，但就係檸檬加咗冬瓜茶（好似冇講過嘢咁🤣），味道酸酸甜甜，夏天飲一流啊。其實呢度出名嘅係牛肉麵，湯頭有陣藥膳嘅味道，麵粉係粗身類似刀削麵，但因為冇食哂成碗只係試咗兩啖，所以就唔多作評論啦！推薦星評：4🌟

第一次係OpenRice寫評語，正正係因為好多人都會用呢個平台黎搵野食+睇評語，所以唔好再信d打手既post啦！1. 見個個都大讚麻油雞麵，就揀左個黎食，好失望。冇雞味，sorry，係成個麵都冇味！！究竟煮左d咩出黎？淨係食到果幾片薑同埋酒味，慘過食醉雞麵。2. 玉米芝士蛋餅，好似基本大家會叫既野食，又係冇味既！！今次真係忍唔住，叫個員工比左碟汁黎。3. 蚵仔煎，一隻手數得曬既蚵仔，3粒左右。4. 冬瓜茶，冬瓜茶磚溝水，完。餐廳環境差，差唔多每個位都用個膠板隔住，完全唔美觀。你話食佢台灣既味道？Sorry，真係唔好影響我對台灣美食既印象！！服務？幾乎所有野都係自助，邊得閒招呼你呀。絕對入左Black List。唔會有第二次，更加唔會推薦比朋友。

好耐冇嚟程班長喇一早決定咗食呢個大腸包小腸點知佢竟然賣！晒！ (#大崩潰)#牛肉乾拌麵 🐂一啖啪咗隻滷蛋😂麵條爽口，牛肉分量都唔少，又夠腍個辣汁雖然唔多但係都幾濃味，正#三寶麵 🐂三寶係牛筋牛肉牛肚，好足料麵條都係同乾拌麵一樣，個湯底就係台灣食到嘅味道#蔥油餅加蛋 🫔因為無咗大腸包小腸所以就嗌咗呢個ummmm...唔得，同響台灣街邊檔買到嘅差太遠...#蚵仔煎 🦪同記憶中一樣，都係成pat鼻涕咁😂(真係估唔到朋友會嗌呢樣野)#阿嬤傳統鳳梨冰芋圓 🍍啲冰超凍~~鳳梨味食落幾清甜，芋圓都好QQ

程班長出名到街知巷聞相信都唔需要我多加介紹～～直接推介比大家💓📍肉燥乾拌麵 ($38）小編最愛乾拌麵😎肉燥汁足夠撈哂成個麵～肉燥分量多 肥瘦中等 好入味！個麵好彈牙煙韌 軟彈適中😍配埋青瓜絲同滷水蛋 口感真係好正！📍紅燒牛肉麵 ($53)呢個牛肉麵prefect👍🏻d牛肉好軟淋 又入味 分量都多個湯底世界級 好鬼濃郁食落有少少辣🌶但handle到重口味既人一定再試🤣📍豆乳雞 ($32) 呢個雞d肉好嫩好juicy😍炸皮唔厚 仲要炸出黎唔算多油！又香又脆 調味粉都冇出面咁重手😆食落都食到少少豆乳味😚推爆呢個小食～📍玉米起司蛋捲餅 ($36）呢隻捲餅同平時食開有少少唔同個皮有d印度薄餅feel 皮相對厚dd😉厚實中帶點煙韌～入面饀料包括大量溶岩芝士🧀仲有粟米粒🌽 同 蛋🥚一咬就feel到爆饀 好重芝士味粟米粒增加左口感💛如果一班人share可以叫黎試下～兩個人食黎講有d飽🤣🤣—————————————————————味道😋：8/10抵食🥳：9/10環境🥂：7/10

程班長台灣美食擔仔麵(小)炸豬扒便當牛肉捲餅價錢💲: $28/ $47/ $35好味程度😋: 3.6/5服務🍴: 3/5 環境🗾: 3.3/5性價比🥢: 4.3/5回頭率😚: 3.3/5-✅擔仔麵(小)。味道同我係台南食的有幾分相似！用上油麵加d面頭的肉燥，湯底好飲🥰 唔會太鹹。仲有d芽菜令成個口感清爽啲。面頭再加多隻新鮮的蝦🦐 呢個size如果唔太肚餓啱啱好，食完會想飲埋d湯😆-🆗炸豬扒便當🍱 賣相係台灣小店/火車個d便當樣，好似身處係台灣某間簡陋的小店食咁😂 便當飯上面的肉燥太小，唔夠撈飯，變得好乾🤐不過就用珍珠米。炸豬扒正常發揮，有啲乾同硬🤨 配菜有一堆蒜蓉炒菜，雖然有味但有啲油。另外仲有半邊滷蛋、一片魚捲同雞捲咁。成碟飯就係可能係台灣值$20hkd的水準🤭-🆗牛肉捲餅。比起蛋餅呢個冇咁好食🤨 呢個係一塊手抓餅咁入面捲住一塊牛𦟌、青瓜同大葱。牛𦟌本身夠乾，導致成個餅都硬左啲同乾。味道就有啲似片皮鴨咁，麻麻地🧐-覺得叫牛肉麵會好d，印象中芋圓都唔好食，唔知係退步左定我唔好彩呢😩-同區美食🍧: #piggyfoodiein荔枝角

被選為最優秀深水埗餐廳好细個嗰陣食過一次 今次算第二次食一入去直頭似台灣夜市飯店嘅格局又因為疫情 放曬啲黃色隔版 搞到好似飯堂咁啲職員全部講普通話 感覺真係好似起台灣咁自己剔menu紙仔好多野食 湯麵 拌麵 便當 魯肉飯 飲品 小食 芋圓等上菜速度好快 賣相差咗少少份量比相像中細1️⃣清燉牛肉麵 ($53)🍜麵係好似刀削麵咁樣 佢聲稱麵係Q彈 不過食落我就覺得一般 未至於彈牙煙韌 唯一係較厚身湯底係用牛骨、豬骨熬出黎 無加味精 所以味道上係唔鹹 亦真係好有肉味但係相對油膩 食到尾啲油浮出嚟硬咗一片片咁🤭🐂牛肉係牛腩 都有4大舊 口感非常之稔👍🏻仲好有牛味又唔臭 本身自己麻麻哋牛腩 但依個好食唯一係多啲根同肥膏 不過肥瘦比例上ok嘅 瘦位就一條條肉絲 肥膏就黏口啲2️⃣茉莉綠茶🍵(+$8)跟餐加$8就有 不過係熱嘅 同埋係茶包嚟…味道上都唔錯嘅 好香茉莉味 唔太苦好似出面啲台式飲品茉香奶綠 (冇奶)咁另外仲可以消膩🙈3️⃣綜合盤 ($28)可以自己揀三款我哋揀咗豆乾 百頁豆腐 甜不辣🍢不過因為辣 我整係試咗百頁豆腐都幾好食 質感好軟 有豆腐香味但係比較細碟同埋賣相有啲求其4️⃣蔥抓餅🫓($22)原來唔係

生活太繁忙，雖然都係有食飯，但真係冇時間寫食評。呢段期間冇得去台灣，就不斷喺香港試吓食台灣嘅嘢食，發現喺香港食台灣牛肉麵都唔平，但程班長嘅性價比真係好高！我覺得佢嘅牛肉麵湯底好濃郁，牛筋都夠𣺉，不過牛肉就有少少嚡。但係50幾蚊真係好平。拼盤小食滷水味夠入味，豬耳爽口，豆腐夠滑，仲有少少辣味！正蛋餅夠香，有蛋味，不過我略嫌佢個皮過厚唔夠脆。總括而言，都係正嘅！價錢來講就真係冇得頂啦味道來講我鍾意阿木多啲！

呢間出晒名嘅台灣菜 終於到我嚟食吓😝成日都見人話大排長龍 但我嗰日去完全唔洗排 直接就入得🤣去到好有台灣嘅感覺 店員都係講普通話🤫個人覺得味道唔算太有驚喜 不過價錢係真係幾抵 想平平地食地道台灣菜可以 但如果要排隊我諗我就唔會食🙈.📌牛肉捲餅 $35個捲餅係食完餐飯媽咪話唔夠飽後加嘅🤰🏻唔知係咪因為飽 所以感覺唔太好食😢佢個皮係手抓餅 不過口感好扎實 唔似坊間嗰啲捲餅咁鬆化煙韌😫個內餡係大蔥,青瓜同牛展🧐同張相見到一樣 餡勁少 皮勁厚 好似食緊成舊粉咁😟佢入面仲有啲好鹹嘅醬...夾埋一齊其實就淨係好似一舊包再搽啲鹹嘅醬😂.📌肉燥便當 $40佢有分肉燥飯同滷肉飯 前者係偏瘦後者就會肥啲😝都幾貼心 分兩款可以滿足唔同客人嘅需要😌個飯面頭一大堆肉燥 一定夠撈飯🍚雖然佢係寫偏瘦 但食落一樣好甘香 啲滷肉汁同台灣食到嘅一樣味😍仲有好多拌菜 呢個價錢 咁豐富 都真係幾抵食😎但係可能唔識欣賞 我覺得唔太好食🥲.📌麻油雞飯 $68食之前一定要搵吓相先 媽咪以為佢係我地平時食嗰啲油雞🐔食先知佢係用湯浸住🙈佢menu寫住切勿開車 飲下個湯 知咩事 勁濃酒味🍺食落係完全冇麻油味 得酒嘅苦味😟小朋友口味覺得好

好多年前已經開始幫襯程班長，但因為地理位置同埋成日大排長龍，都係隔好耐先去食一次，仲要次次都係獨沽一味食紅燒牛肉麵。之前疫情嚴重冇堂食都會幫襯下佢啲冷凍包，牛肉麵自己煮返熱都好好食😋清燉牛肉麵$53紅燒牛肉麵$53台灣黑豬肉香腸$40玉米起司蛋餅$36冬瓜茶+$10第一次試清燉牛肉麵！其實我都幾掛住台北林東芳個藥材湯底，程班長呢個有少少似，都係有種令人想不停飲湯既魔力。雖然同紅燒牛肉湯底截然不同，但一樣都係好飲！牛肉用類似牛腩既部位，總有幾舊咬落有柴皮到乾爭爭既感覺，如果係牛𦟌會開心啲。不過$53呢個價同質素絕對收貨，畢竟外面啲牛肉麵郁啲就$70-80一碗，仲要好普通。台灣腸正正常常冇咩驚喜，不過好過我買返屋企自己煮個啲🙈發覺呢啲大大條既香腸都唔容易handle🤣蛋餅都係不過不失，因為冇醬油膏加持！最後配埋唔少得既冬瓜茶，都算係幾滿足。Btw，每次黎程班長都覺得冷氣太大，搞到啲食物好快凍晒，我又食得唔夠快🥲

成日聽我喺荔枝角返工嘅朋友講，話佢試過喺程班長食lunch，覺得好好味！我今日經過荔枝角既時候，就諗起佢提過嘅呢間程班長台灣餐廳，唔知係咪因為lunch時間嘅關係，餐廳門口有條好長嘅人龍，我哋拎咗飛之後就喺門口等啦！都等咗差唔多半個鐘，就可以入去坐低啦！我哋嗌咗人氣最高嘅柯仔煎，仲有牛肉麵，豆腐，全部都好好味！感覺好似去咗台灣一樣，食到差唔多想走嘅時候，見到隔離枱食緊芋圓😍係芋圓呀！我哋差啲唔記得咗呢樣咁重要嘅甜品，當然每人嗌一份啦！真係好好味😋下次要再嚟過！

我忽然發覺自己原來已經很久未光顧過，位於「荔枝角」工廠大廈樓上的著名台灣菜餐廳「程班長台灣美食」。可能因為自己很久未光顧「程班長」，所以連「程班長」現在的收費模式也幾乎忘記得一乾二淨。今次光顧「程班長」，剛剛進入食店門口不久，被「程班長」食店裡面的侍應安排檯櫈座位給我之後，立刻遞上手寫餐牌自助點餐紙給我，選好食品飲品之後再前往收銀櫃檯付款購票。我完成付款購票的所有程序之後，「程班長」收銀櫃檯的店除了收錢和找續之外，還遞交一個已經預先過膠的紙牌號碼牌給我，告訴我把號碼牌放在餐檯檯面上，等候食店侍應送餐過來就可以了。不過我在付款，再領取「程班長」的號碼牌之後，等候了幾分鐘之後，「程班長」的侍應終於也都捧着我之前在收銀櫃檯付款購買的食品飲品，送到的餐檯檯面上。至於餐具方面，現在「程班長」的運作模式有點像快餐店模式，所以食客在收銀櫃檯完成付款購票程序之後，還需要自己前往食店接近門口的自助吧，領取自己需要的餐具。說回今次我在「程班長」裡面享用晚餐的實際內容，我分別付款購買了一客「紅燒牛肉麵」、一客「麻油雞湯」連白飯套餐，還有一杯算是凍飲飲品的「冬瓜檸檬茶」。「程班長」飲品「冬瓜檸檬茶」雖然算是凍

紅燒豬腳乾麵🍖 💰60新嘗試！有驚喜！初初睇個名，以為係乾撈麵，點知撈完之後係濕撈😂😂 個汁好好味！🤤 加埋啲肉操同埋蔥好香口，而且兩件豬腳都大大件🍖 骨膠原滿滿~ 推薦大家試下👍🏻❗️-紅燒半筋半肉麵🍜 💰55每次嚟到都會叫呢個牛肉麵，雖然菜式好似好普通，但係好友正宗台灣嘅味道😆 而且牛肉同牛筋都好淋，寬面亦好有咬口👍🏻-滷豬扒便當🍱 💰47大家就咁望可能以為係一塊炸豬扒上面淋咗啲滷水汁，但其實係成塊炸豬扒拎咗去滷水，超級入味同鬆軟😳😳 用筷子輕輕夾一夾就可以分開到~ 成塊滷豬扒非常入味，用嚟送飯一流🤤-玉米起司蛋捲餅🫔 💰36心心念念想食咗好耐😍真材實料，餅皮、蛋同芝士三層都好平均，如果粟米粒可以多少少就好🤪 呢個蛋捲餅一定要同朋友share，如果自己一個食會好滯😏-豆乳雞🐥 💰32呢款係朋友推薦台灣必叫，可能都真係唔多人試過。外表望落去同繼光香香雞嗰啲雞粒差唔多，但係佢用嘅調味粉就相對上冇咁濃，感覺上好似健康啲咁😂 但係都好好食👍🏻-蚵仔煎🫓 💰36程班長呢度嘅蚵仔煎會加咗生菜🥬同蛋比較多，相對上麵粉感會比較少，食落都好健康~ 蚵仔分佈平均，醬汁撈埋好有台灣味~ 止到一下台灣引🤣-

每日番工都係諗陣間lunch食咩🤪突然好想食台灣野，所以lunch約左同事一齊去程班長覓食😋1️⃣紅燒牛肉麵2️⃣台灣黑豬肉香腸3️⃣豆乳雞以上三樣都好好味😋一解思鄉之情🤫

大前日(1-7-2021 Thur)回歸紀念日假期,同老公喺喥堂食完,就諗買咩嘢冷凍食品返屋企,見到有從未聽過嘅爌肉,就上網查吓佢同鹵肉,肉燥有咩分別,爌肉即係控肉:https://www.s3.com.tw/look/travel/page/2639我哋決定買$85.00 3包爌肉同$50.00嘅台灣黑豬肉香腸,睇到台灣黑豬肉香腸一包有5條,到噚晚我哋攞嚟做餸.打開咗台灣黑豬肉香腸,就嗅到好香嘅味,老公將佢切片炒菜,呢個味道係甜嘅,亦食得出有啲酒味,而裡面都有啲粒粒脂肪,口感正常.味道: 5分老公將爌肉加啲蔥粒蒸返熱,呢個瘦肉就有啲乾同嚡,皮同脂肪部份入口即融,味道有啲似滷水味,但唔太鹹.我覺得送湯麵食正啲.味道: 3分

每日嚟都要排隊，今次終於無咁多人…排隊。所以排一陣，都要20分鐘就到我哋。鹵肉便當：真係超愛。入味程度一留，而且又肥味淋軟，汁水撈飯不錯。紅燒半筋半肉麵：牛筋牛肉很鬆軟，又夠入味。麵質又爽 口而不是糊口的。當然，佢地個湯底好濃呀！起司蛋卷餅：仲意食芝士就一定唔可以錯過。濃濃的芝士被包著，好味又好滿足。記得一定要趁熱食，唔係d 餡料凍晒就唔好味！炸豬扒好味鬆軟，如果加返d 汁仲好味。不要忘記吃前菜，除咗紅薑絲，我哋全部食晒山粉圓：就是甜品、甜甜的，爽爽的最後飲返杯四季春，消消滯！