稻香 (已結業)

跟朋友两个人一起早上来的，到店需要取号，早上八点半到九点的样子去的，没多久就喊到我们了，进店之后两个人点了这些，一个女生一个男生吃这些，说实在的超级超级撑，比较推荐的是叉烧包和香煎萝卜糕，早上十一点半前结账可以半价哦。

前排屋企人聚餐，方便老人家就簡咗呢間一來到個部長就介紹食阿拉斯加蟹，話又抵食又鮮甜，仲大大隻 。睇落幾抵食，加上老人家未食過就叫咗2隻。一上菜梗係呃like影反張相先果然冇介紹錯，蟹夠新鮮所以都好鮮甜，蟹腳淡淡肉老人家都食得好開心😄其他小菜都唔錯，霸氣牛柳粒夠淋，有埋黑椒夠香。薯仔炸過配黑椒都好惹味。小炒皇同上湯豆苗都幾好，另外，服務態度都幾有善。老人家上落唔方便，都主動幫手下次都應該會再來

今次兩個人黎稻香食飯，大概6點幾黎到，唔洗等位。環境整齊乾淨唔錯，服務態度ok。叫左3餸1湯，食左兩百幾蚊，食到好飽。而且性價比好高，酒樓晚飯呢個價錢黎講真係算平，值得再黎食！汽鍋川芎魚頭湯。外表賣相就已經覺得好靚，打開之後見到入面d料勁足，有雞腳瘦肉同埋好多藥材，不過就唔係好見到魚頭。呢個湯藥材味會幾濃，比較似係食療嘅藥膳湯，個人幾喜歡藥材味所以好鍾意，但係如果唔太鍾意藥材味嘅朋友就要留意翻啦。紅燒石岐乳鴿隻乳鴿燒到d皮好脆，趁熱食嘅時候真係好脆好好食。d肉都幾嫩滑，仲有d肉汁，香脆可口。細細隻，兩個人食一份可以過下口癮。家鄉魚腸煎蛋份量好足夠，超大份，魚腸好多。有d蛋邊煎都好脆，好好食，又唔會話太鹹太淡，啱啱好。醬皇栗子雞煲個雞煲上到黎熱辣辣，味道好濃郁，d雞好入味，栗子仲好粉。有少少辣椒，不過唔算太辣。d汁好好味，送飯一流。

昨日，同屋企人去咗稻香食飯。有個部長介紹咗個好抵食既套餐【金豬宴】。半席都唔洗1千，有豬又有🐟又有元貝，咁抵食就叫咗半席。呢幾樣抵讚沙律乳豬---乳豬夠熱又夠脆，有d沙律菜，食落去唔會覺得油清蒸魚----蒸到啱啱好離骨，又夠滑杏香蝦球---夠特別，咬落去QQ，又有d杏仁片蒸元貝----大隻又好食燒雞----夠熱又夠脆，可能啱啱炸起，好juicy 但個鰻魚飯就一般般，冇咩特別。整體都，下次食飯都可以繼續來既。

咸水角 油到反光 反到平時經常食炸野既我都唔想食 服務 已經坐到人貼人 所以我就將熱水壺拎張椅放係格離放住先 如果唔係會逼到甲唔到野食 服務員將壺熱水放係我將台到 我已經同佢講無位 之後佢都堅持放多兩次係我將台到結果我完全甲唔到食物 野食已經唔係平 加埋一 一寵蝦餃都34蚊 仲要咁既服務 下次真係請都唔去

一直都知道稻香有宵夜邊爐放題，而且價錢亦都唔算太貴，好似係$138再加一，所以今次就特登搵埋朋友一齊去試吓稻香嘅宵夜邊爐性價比高唔高😂😂我哋一坐低就即刻嗌咗要咩湯底先，我哋揀咗鴛鴦鍋，一邊係清湯一邊係沙嗲湯，我哋都覺得沙嗲湯會比較入味，其次就講下牛嘅質素，我覺得無骨牛小排嘅質素會好啲，因為佢食落去牛味比較濃郁，都算係幾入口即溶，唔會太鞋烚烚😲😲而且有好多種配料俾我地揀，例如海鮮或者丸類，我哋試咗幾隻蝦係幾唔錯嘅。總括來講其實都唔算太差，有返呢個價錢應有嘅質素⭐️⭐️⭐️值得一試👍👍

今日同學仔whatsApp咗張25蚊收條，两人喺某間稻香吃了一隻雞，2人茶錢11蚊*2+1蚊一隻雞=25蚊。以上whatsApp提醒了我一件事，一蚊雞真係來了。於是今晚來到深水埗稻香，一行6人，可以嗌3隻雞，但我們不會齋嗌3隻雞嘅，仲嗌咗以下三個餸同埋一個湯隻雞一上枱就被分屍，好吃係好吃，但D油真係多咗D，聽日要做多D運動先至得。啫啫通菜煲D菜够新鮮，但又好似鹹咗啲啲。節瓜蝦米粉絲煲就啱啱好，不鹹不淡不太油。黑蒜螺頭燉雞湯就好濃，好鮮，加埋黑蒜真係掂吖。

難得有日大家都得閒，一於拉埋先生同老爺奶奶飲茶。諗過幾間，但一係就坐得逼一係就啲野唔好食，都係依間好啲，坐得舒舒可以慢慢傾計，而且野食ok都唔貴。其實之前對呢間嘅印象麻麻地，因為有次做節食晚飯，佢得套餐ABCD，想散叫都唔得，但中午飲茶黎計依間又的確唔差既。原粒蝦大大隻，夠爽，而且入面豬肉肥瘦適中。夠酥，叉燒餡都算多👌🏻中規中矩👌🏻本身對薄罉無咩期望，所以都無特別影佢，但咬左下發現，好得👍🏻夠薄身，軟得黎唔會削，而且餡多，有菜圃蝦米粟米蔥，有咬口得黎啲味又夾到👍🏻👍🏻

今日來到深水埗同朋友飲早茶，呢間沒有半價點心優惠，可能因為本身已經好平，平日價小點只是13蚊。雖然沒有半價，但都有D特價點心吃嘅。所以3人吃咗7樣嘢，都只是百零蚊。而好耐冇吃嘅香麻脆芋餅就成為我今日的推介。賣相極普通，甚至有D醜怪。但餅皮又薄又脆，入口鬆化，而芋頭餡也過得去，耐唔耐吃吓都唔錯。

初四晚攞衫去自助洗衫，又要洗又要乾衣加加埋埋個幾鐘，點食茶記吖！唯有食稻香啦！新年想食啲簡單小菜當然冇可能啦！ 大部分意頭價$88仲要冇乜野揀。柚子蜜桃焗肉排，估佢唔到係辣嘅，其實好食，只係雷囡s唔啱食...上湯蒜子豆苗，上湯今次竟然唔咸！但係豆樹...脆皮炸子雞半隻，等左好耐，唔熱嘅，佢6碟一齊捧出嚟，可能等齊「雞」先出餐，所以熱唔熱睇彩數啦！等到最後果隻咪熱囉！價錢都算ok啦，簡簡單單幾個餸，份量都唔少。新年選擇唔多，孖寶都抵食嘅。

💁🏻‍♀️稻香 (深水埗)🍽-年廿九去飲茶，估唔到竟然唔洗等位😍😍馬拉卷幾重奶皇味，但份量有啲少芋頭煎餅🥞次次去稻香都必叫！表面煎到好脆，個餡又好香芋頭味，可惜有啲甜😢雪菜火鴨絲炆米以份量取勝，$60幾蚊勁大兜😵😵但味道普通，火鴨絲冇咩味，有啲dry兩個人夾埋食左$170🙆🏻‍♀️價錢average 啦📍稻香 (深水埗)#深水埗 大埔道222-230號快樂大廈地下及一樓全層 #小丸子搵食記 #小丸子深水埗

好耐之前食過D食物麻麻地，同係其他分店食過好差，所以如果有選擇，係吳會去稻香，但因為過年，今年好多酒樓full哂，周圍都卜吳到位，而且都會就反老人家係呢區食，所以半個月前已卜定呢間稻香😅————————————————————但今日食完之後，我對昵間稻香完全改觀，同以前相比係吳同曬，食物同質素都好掂，價錢又平，服務都吳差，新年係比較忙，但服務都算👌😊😊————————————————————叫左一席，有啤酒，有汽水，食物又足料，食完仲有利是🧧派✌️✌️✌️✌️✌️————————————————————1-乳🐷全體—-塊皮夠脆，肉又嫰👍2-至尊燒鵝皇——熱辣辣，皮脆肉嫩，估吳到稻香既燒鵝都甘好食👍3-紅燒花膠🐔絲翅——-呢個吳得，個（獻）太豆粉，入面材料都可以，但比個豆粉（獻）影響差左😅4-清蒸珍珠龍躉——蒸既時間剛剛好，肉夠鮮嫩，味道又好味👍5-高湯珍寶大🦐球伊面—-🦐肉爽口，伊面味道ok，不過煮過火林左小小，同埋又係好豆粉（獻）😫6-錦繡玉帶蚌柳——有帶子同象拔蚌，配菜連耦木耳節瓜炒，味道都ok，不過我就食到係用雪藏既象拔蚌，但味道都可以接受，不過不失😊7-蠔皇金錢扣螺片——呢個味道吳錯，冬

28號晚同朋友2條友收咗工唔知去邊道食,又唔想成日去黄竹街萬記食,又聽人講旺角稻香D羊腩好正心念深水埗都有間仲話街方都未食過不如去試下,點知一去到就知中伏8點幾去到見到到地下火煱冇咩人,我地只想食下羊腩煲炒個餸咪上1樓食小菜囉,上到去見仲少人過樓下得2,3枱客心知中伏,但係都到咗咪坐底叫野食,咁就食咗個羊腩煲+ㄧ碟菜,薑蔥煎蠔,勝瓜炒鮮魷4樣野.D餸都好快嚟到點知D羊腩ㄧ口又唔霖又唔入味要咬好奈,到薑蔥煎蠔ㄧ見到D蠔好似蘇炸生蠔ㄧ様上晒粉仲要有D薑蔥汁係面差難食,仲有勝瓜炒鮮魷好似白烚ㄧ樣仲有D勝瓜有D老魷魚口感都同白烚ㄧ様真係唔個大廚知咩叫炒到最後10點要我地埋單又10點半就話要收碟收枱仲要開始熄燈真係你滷味火都嚟埋即刻少Q佢,你滷味如果我8點幾嚟果時同我講我都仲話,仲當我地儍㗎ㄧ様佢地趕收工就趕客走,咁大個人食個咁多地方真係得ㄧ次見ㄧ間大酒樓系收10點半街方都係咁話............冇下次

今日難得一家人都放假啊 就諗下夜晚晚餐出去邊度食好呢 ！！ 長輩就比較喜歡酒樓 、小朋友就比較喜歡自助餐 有啲頭痛添🤣 最後費事煩都係食翻一如既往嘅酒樓啦 “稻香” 老顧客 😆不過 今次就失望啦 ..............鮑魚蒸排骨 排骨蒸既時間岩岩好 啲肉蒸到好滑五柴架！！但系個重點鮑魚就岀事啦 🤦🏻‍♀️ 蒸到過晒時間 好硬下 ！！！！ 明爐燒鵝皇 冇咩特別 冇鵝味 上台凍凍地既 脂肪比例 肥肉比較多 水蜜桃泰式大蝦球呢一款蝦球 反而有驚喜喎 啱啱炸起 仲熱辣辣 好脆口 好好味喎 醬汁酸酸甜甜幾開胃！！

今日得閒，黎食下稻香。。。不過今次真係超級失望！！每個菜都超級無敵鹹！龍蝦波菜伊面， 還好！不過不失！比起其他這個算很不錯了泰式炸蝦球 🍤而個最好食 拎出黎熱啦啦好脆口， 加埋d泰國雞醬同d水蜜桃一齊食， 幾好味架蒸魚 而個認真唔得， 而條魚食到一半係有血水流出來， 係好明顯既唔熟！ 魚肉都仲未可以離到骨 同個待應講佢話再拎入去蒸一蒸！ 蒸到出來唉。。。。 柴到一個點乳鴿平時係出面自己極愛食既送， 今日係而度一試大為失望！ 超級無敵鹹， 飲完之後仲要狂灌水！ 無下次真係之前成日食而間野，估唔到幾個月竟然差到咁