稻香 (翠怡商場)

營業中

休息中

稻香做完一蚊雞，又做一蚊乳鴿，今日來會一會佢。乳鴿原隻上，沒有斬件，有一些愛護動物的人可能會感到反感，我也有點不習慣看到這樣的乳鴿。味道不錯，部份位置醃得有點太鹹，但整體有肉汁，鴿肉也亂，幾好食。黑毛節瓜螺頭燉鮑魚汽鍋湯，材料都幾豐富，湯未至於十分鮮味，但都可以，如果吃湯渣的話，這一碗都可以半飽。花膠雜菜煲比想像中大鍋，湯底不是清水，而是稍帶鹹味的湯，當湯喝也無不可。蔬菜種類豐富，有西蘭花、小棠菜、娃娃菜、雜菇等等，絕對健康。松露鮑魚滑雞煲，鮑魚最少也有五六粒，不會太難咀嚼。雞煲味道不算太鹹，醬汁也不算濃，還可以，不過完全吃不到松露的味道，只看到一點點黑色懷疑是松露的東西。

最近很忙很忙很忙，認識我的朋友都知道我最近準備家裏的裝修，剛好昨天晚上七時開始一直準備，弄到凌晨4點才可以洗澡休息。還好一起床就要去飲茶了，懷着超級肚餓的肚子去吃，真的眼闊肚闊！雖然每一次飲茶吃的東西都不是很特別，但是在稻香有一道點心一定要試試！這個就是炸蝦米蘿蔔糕！蘿蔔糕相信大家都吃得多，但是一小顆的蘿蔔糕未知大家有試過沒有呢？外脆內軟，口感適中不會很淋，有質感的。配上辣椒碎和蔥粒，真的可以一口接一口，不想停下來。

稻香晚市8:30後火鍋單點半價，但正價價錢貴得不正常，所以半價也不算超級便宜。醬料和飲品任吃，算是一個優點。叫了一個豬骨湯底，豬骨事先醃鹹，令湯底愈打愈咸。另外還有一些粟米，感覺足料。響鈴不夠脆，一浸湯0.01秒都完全軟掉，不好吃。肥牛只有四大片，但是是厚切的，也不韌，挺好吃。鱔片肉厚，皮很粘，很重膠質，味道正常，有點碎骨，吃的時候要小心。蔬菜籃的白菜好吃，新鮮有甜味，金菇有點變色，可能是放得太久。

昨天晚上出去食飯, 都唔知食乜好, 好耐都無食稻香, 又見到有羊腩煲, 咁就不如試下啦! $98 好似好抵食咁, 如果平時再減 $10, 都真係可以去試既. 整體今次既出品真心唔差, 仲記得舊年個羊腩好咸, 今年唔會, 不過可能都一間間手勢會唔一樣....加生菜要另外比$28, 我都加左, 因為食羊腩煲無個生菜好似唔係好得! 另外再點左個鼓汁蒸大膳, 新鮮既又大件,  有 12件都算係咁咯! 不過就唔係好夠味, 我本身都食得偏淡, 都覺得唔夠味就真係太淡了. 好彩佢又夠新鮮, 都算幫佢爭番唔少分. 算啦....最後就係個糯米飯, 翠怡呢間炒既糯米飯無失手過! 粒粒分明, 我地一家人都好鬼喜歡食, 又平又抵食... 大大碟! 食唔晒打包番去再蒸都好好味... 唔會爛晒. 所以大家有機會去食就一定要叫黎試下. 如果人多有時佢唔會炒比你... 

今日一家6人去左稻香食海鮮, 第一一定要試就當然係阿拉斯加帝皇蟹, 叫左隻3斤7, 都好大隻, 仲有叫埋隻象拔蚌, 刺身同上湯整, 隻蟹清蒸, 好鮮味, 打開個蓋, 好似蛋白既野好滑, 隻蟹就當然好鮮味啦…象拔蚌刺身都好正, 建議食完晒兩樣野先叫其他小菜, 如果唔係就冇位擺野, 小菜我地叫左炒蜆, 不過啲蜆有沙, 有待改進, 叫左隻燒鴨, 好大隻, 用火熱住, 好味，仲有椒鹽鮑魚仔, 感覺好似清蒸好味啲, 雜菜煲勁大煲, 好抵食, 整體來說, 好滿足, 但有啲菜色有待改進

又再秋涼入冬，又係食火鍋時候喇。任食火鍋都食唔少，日本放題都時時食，但火鍋放題係乜？真係俾個宣傳牌考起。問吓門口個receptionist, 原來咪即係任食火鍋囉。8點半開波都唔遲吖，做乜叫宵夜唧，ok, 冇問題，入去試吓先。星期六貴dd，但係都幾多人喎。有自助混醬區，一行幾人出去自己攪掂。都有幾個湯底揀，叫左湯底再tick左d野。等左陣，d火鍋材料嚟喇，齊唔齊？爭一兩樣咁喇。任食火鍋通常都係咁喇，tick十樣嚟九樣都唔錯喇，冇嚟嗰d唯有再tick過囉d料都幾新鮮嘅，有乜野食？睇吓我d相你就知喇。最正就係d蝦重識郁手郁腳，你話新唔新鮮呢又有雪糕食，雖然唔係酒店自助餐d哈記雪糕，cheap cheap地又係本地牌子都0K嘅。重有有牌子嘅飲品揀添，有d重係韓國野，真係vely骨喇。自己出去埋單又唔駛俾貼士，每人都唔駛兩舊水，好抵食囉

青衣有兩間稻香，兩者相距5分鐘，我一般會選擇翠怡商場呢間，因為環境比較安靜，等位亦較容易。今日嚟食阿拉斯加蟹，幾乎每張枱都係食呢樣，因為仲平過自己係出邊買蟹。三個人叫咗一隻五斤嘅蟹，在另外叫咗一個菜。蟹蒸左大概半個鐘，賣相一流，味道有蟹味，但唔算10分出色，比以前喺其他地方食過嘅差，可能呢個就係價錢平嘅原因。食完之後，有啲後悔叫咗多個菜，因為真係好飽。隔離枱熟客同經理要免費糖水，話自己三個人幫襯左差不多一千蚊，經理都冇乜所謂，送咗糖水比佢哋，但因為我太飽，所以冇嘗試要求，如果面皮夠厚可以嘗試吓。

尋晚食宵夜，佢8:30開始宵夜時段，我8:40左右去到,佢聲稱食到11點，點知10:55個阿姐棋喺大門口，然後好大聲咁大叫：哥仔你走唔走啊我落閘？真係乜嘢態度呢？我諗住飲埋杯嘢就走啦得返幾啖，真係咁想收工， 咁唔好做啦阿姐....仲有叫佢地加水佢唔同你加，就咁掉低壼水要你自己加....隔離成為枱多人嘅佢就會加，真係見人講人話見鬼講鬼話，不過d阿姐真係咁上下，唔可以咁強求....另外食物方面質素都合格，性價比都可以， 無乜伏野, 係我食果幾舊雞唔知點解‘巷巷地’另外會有漏單，不過你同佢講好快都會俾返你。

平時食任食火鍋只會想起嗰啲日式連鎖火鍋舖，有時真係間間千篇一律，但禽晚俾我開心大發現原來稻香都有任食火鍋架﹗8:30PM後可以入場。稻香的好處，在於佢有少少屋企打邊邊的口味，總是覺得中式傳統啲架啲材料，咁樣先夠正宗呢。大家睇一睇個餐紙。真係有好多款唔同野食，仲要係幾好味。我成日想佢啲牛同豬一定係CHEAP到爆好多肥野的，佢又唔係喎，啲黑毛豬正正常常有少少豬味，只係佢攞出黎真係冰哂要放一陣先夾得到。我地仲加左每位HK$38食個安格斯牛，都係任食，佢牛味都重，不過呢，我就會PREFER用安格斯煎扒或者整金菇肥牛卷。用ANGUS打邊爈就好似唔係咁夾，下次大家可以慳返呢個錢。任食邊爐的飲品都OK, 有啲貴野例如利賓納。其實以咁樣的價錢，真係唔錯﹗

好耐未到的一間稻香，朋友話一蚊雞呢間整得幾好，唔係間間一樣嘅咩？？咁都要自己試吓先至知。呢日嗌咗一蚊雞，比其他間細隻，但皮脆肉嫩，好。是日推介大聖子，唔係日日有，睇你好唔好彩，够大亦美味。吃完雞，再吃呢個甜品，正，價錢19.8蚊，但打字打唔到小數位，打咗20蚊吖

今日決定lunch去飲茶，試一試公司附近的稻香，非常非常多公公婆婆喺到飲茶，4group2人組一齊搭一張圓枱，好有去飲喜酒的感覺叫左燒賣、叉燒包、腸粉、鳯爪同一碟乾炒牛河等大路點心 <3 叉燒包熱騰騰，包身整得非常鬆軟綿密，好有驚喜！！！如果唔係有叫到個乾炒牛河食到非常飽的話，差啲就想追加多一籠打包拎走！其他點心就中規中矩，反而對乾炒牛河有點失望，味道好淡，除左覺得有葱味同覺得好油之外，都無咩感想〜臨走前順便買盒蘿蔔糕過年

吾家三女今日學校放假 , 主動話要請我去飲茶 , 真是老懷安慰 ~不過點解佢硬係要帶我去 青衣 - 翠怡商場的 稻香呢？ 這是一個謎 ~ 點單紙 ~首先要講一講就是這間茶樓的職員的態度都是闊佬懶理似的 , 就是在他們面前揮手也能直行直過 , 視而不見 , 這真的要需要改善 ~ 我們點的茶是 鐵觀音 , 水滾茶靚 ~去得飲茶 , 叫的都是一般的點心 , 其味道大概都是正正常常的 , 不過這間酒樓就有幾款點心的味道比較特別 ....蟹肉玉耳卷 : 這點心比較特別 , 在坊間不常見 , 就是用腐皮捲著用蟹肉和豬肉做成的內餡 , 味道比較清淡 ~滑雞春卷 : 通常春捲的內餡都是豬肉 , 但這店用的就是雞肉 , 而且炸得脆口 ~金網海皇卷 : 外層的金網炸得脆口又不太硬 , 內裏的海鮮餡 , 都算是彈牙 ~本篇完 ~

星期天飲茶日，去咗青衣翠怡稻香酒樓，等幾張枱就到，算快啦，可惜要搭枱，不然要久候。星期日都有特價點心，而點心好快上枱。萌萌流沙包金黃色好別緻， 掰開啲蛋王流沙出晒來，見到幾吸引，不過吃超來覺得甜咗哦，味道一般。蘿蔔千層酥蘿蔔絲表層炸到脆，內裏蘿蔔絲鬆鬆軟軟流曬汁，熱辣辣食落好味又唔油膩。水東芥菜芥菜算是幾大碟，菜苗幼嫩，淥得淋滑青翠，味道清甜唔會有苦澀味，幾好食。平常多數吃嘅喺菜花，生菜等，這款都特別。

今天和屋企人到青衣附近啲酒樓飲茶，點了流沙包，表面也很光滑，造型十分可愛，流沙包真的大有鹹蛋的香味和鹹香，可惜流沙的份量不是太多。另外點了蘿蔔絲酥餅，真的10分驚喜，非常鬆脆。而且還熱騰騰。即叫即炸值得一讚。

由於唔想太油所以叫左上沙菜心真係無諗過上湯就係豉油湯 而且好咸$68食一碟咁既菜另外燒豬其實表演唔錯沙律菜亦都係可以接受既質素皮脆而且無咩肥膏幾好味可惜呢隻乳豬要等半個鐘而且係唔熱諗唔通點解要等半小時實在太耐了！等到豬黎啲菜同飯已經凍哂！