穴壽司 (形點 I)

營業中

休息中

上星期在元朗區工作，天氣太熱就喺YOHO MALL睇下有冇野啱食。天氣熱，就想食啲清新啲既菜式，行到陣，到一田附近，見到穴相對比其他舖多人食！見到餐牌有茶漬飯就入去試了！嘩！員工服務好好！會幫人拉櫈！叫左個𩶘魚茶泡飯同一串燒銀杏。煎茶清香消暑，銀杏串上只加鹽烤，食到銀杏自身清甜味，正！跟餐仲有茶碗蒸同甜品蕨餅。食物有質素，都有服務，會再幫襯！

父親節當天和家人前來吃午飯打算慶祝父親節但家人忘記了要提前預約 吃飯前兩天才記起要預先預約 所以打去店家說訂座早已經滿了 要我們自己來碰運氣 於是我們一早十一點半就到店家 希望可以有位置當天到達時人龍已經有不少我們便去排隊取票 不過感覺安排太混亂了 一早已經到達排隊心想應該都有機會能入座 但原來十一點半時才派票 不是排隊入座 然後又有其他人預先取了票但又可以先入座，然後又有一些訂枱可以先進的，結果最後等位情況等了接近一小時，但前提是我們在店家開門時等待的 之後等位期間發現有不少枱一直空了很久，直至我們準備有位置時才有其他客人，感覺有點奇怪，我們問那位女接待員，她説全部都預留了是這樣的。然後等了很久眼見未有任何動靜便想詢問一下幾時會有 不過她就呼喝般叫我們等吧 還有很多其他訂枱 當時亦有其他客人問那位女接待員，但她的態度是很散漫的，意思是你等不到就不要排隊讓人感受會有點不好 那如果你這麼多預約就一早叫客人不用排隊呢客人又不用白白排隊排一個小時啊 真的有點激氣啊之後不久發現有另一位女接待和男接待，感覺她效率高很多，一陣子便立刻叫票眼見其他客人問問題亦有問必答的約等了一小時剛好安排的座位是卡

餐廳善用商場採光設計，用現代日式裝修，令人感到好舒適。餐廳的食物有點小貴，單點壽司和串燒更貴，所以選擇了set，感覺更加抵食。蔥吞拿魚魚腩飯（$168）加咗溫泉蛋的吞拿魚魚腩飯，油脂感更重！真的太好味，打算在家都要試做！壽司御膳（$168）刺身夠新鮮，食得出鮮味，而且夠肥美。仲要奉送小沙律，小前菜，黃豆蕨餅和茶碗蒸。但餐廳忘記了送上茶碗蒸，我們亦忘記了😢，無辦好試到茶碗蒸。綠茶紅豆蕨餅忘記了價錢，記憶中大概$30-40。味道不過不失，口感不錯，但綠茶粉味道較淡，被紅豆味道蓋過。白桃梳打🍑($32)是一般人工嘅味道，味道較淡，沒有什麼白桃，不太好喝。

🔰精選時令飛機貨刺身盛合(7款)$698，包括1. 中拖羅，鮮嫩滋味，無懈可擊2. 紅鯛魚，肉質紮實鮮甜，魚皮炙燒過，油脂鮮腴3. 牡丹蝦，鮮甜味美4. 海膽，ok，可惜不是加拿大海膽5. 帆立貝較遜色，質量普通，感覺乾和頗硬，完全沒有軟嫩的質感🔰穴壽司(一件)$88，每樣食材有少許，如海膽、牡丹蝦、吞拿魚蓉和三文魚子，而一小片的帆立貝就在他們之下，底層是少許的珍珠米飯，多樣食材的配搭，讓口腔有不同層次的滋味🔰1. 甜蝦壽司$58，味道正常 2. 北海道帶子壽司(一件)$78，質量實在差，貝身很乾和硬👎🏼📯總括而言，食材高質(所指是這個精選時令飛機貨刺身盛合)，好吃，🈵️意😍就算食品好，但某位女職員的服務態度差，都令許多食客不滿、不再光顧，可能這位女職員(安排座位)恃在這店做了很久因某日的午飯時間，又是在安排座位上的問題，這女職員又擺出一副既無禮又惡劣的態度😡😡😡，其實這位女職員如覺得辛苦可以不做、有病可以請病假、有情緒問題可以看醫生，不應無禮或將不好的情緒發洩在食客上幸好我們當晚遇到另一位女職員安排入坐，態度是不錯的，而其他侍應的服務都是👌🏼的，有殷勤的、有禮的、淡然的、不太有

同好姐妹食生日飯梗系要搵一間坐得舒服傾得開心嘅鋪頭！穴壽司嘅座位同隔離枱唔會好近，所以有自己嘅空間，幾個女人大笑姑婆不停傾偈談心。我哋三點幾去食唔會好多人，本身有少少飽所以都唔系叫左好多嘢食。首先蔥吞拿魚腩飯冇得彈，大大嚿嘅吞拿魚蓉配搭一個流心蛋，成個賣相已經攞足分😆吞拿魚蓉好新鮮，啖啖肉，撈埋溫泉蛋食好正，大口大口食滑溜溫泉蛋撈魚蓉啖啖肉不得了！壽司御膳九件（配白飯面豉湯，仲有加送黃豆味厥餅）壽司有三文魚、玉子燒、蝦，三文魚子等等⋯⋯佢啲壽司中規中矩冇乜太大特別，唔可以話好新鮮，只系好食過爭鮮嘅感覺，玉子燒好令人失望，冇乜甜味同埋煮到好老。黃豆味厥餅冇煙韌感覺，略為硬同埋黃豆味唔系好出。綠茶蕨餅好煙韌，淡淡的綠茶粉配上濃濃嘅紅豆蓉，好適合夏天飯後嘅甜品享用。比起附送嘅黃豆味蕨餅，綠茶蕨餅出色好多好多，另外紅豆蓉保留少少紅豆粒有口感亦唔會太甜，配合綠茶厥餅食好match！總括而言呢間餐廳好啱三五知己坐喺度食個下午茶傾偈，價錢小貴但坐得舒服又傾得開心😁

跟老公拍拖撐枱腳，食餐好啲，揀咗依間食日本菜。最初以為這間餐廳較貴，但仔細看清楚餐牌，價錢都合理。我們選了一客軟殼蟹沙律，軟殼蟹很有蟹味，炸漿厚度適中，是我食過最好味的軟殼蟹，沙律菜也食得出它新鮮👍之後來了一客刺身拼盤，沒有令我們失望，刺身新鮮，不得不提魷魚海膽卷，魷魚包著海膽，外面煙靭，裡面軟淋淋，口感有趣！最後來了松葉蟹蓋海膽石鍋飯，打算把蟹蓋的食材倒於鍋中時，發現原來內藏大量蟹羔，很有驚喜！🤩這個飯用料十足，每啖飯也充滿了蟹肉蟹羔味，是愛蟹之人必點菜式，極力推薦！可惜當天不是太肚餓，所選款式不多，決定下次一定會再光顧，試試出名的燒物😊

穴壽司經常都見到多人排隊，所以想試好耐，今日見唔駛等又有位就去會一會佢。坐低睇睇餐牌發現價錢都唔平下，猶幸食物質素真係唔錯。老公叫左生蠔，$88一隻，賣相幾靚仔，但老公話竟然話無乜味，咁就真係幾失敗。柚子汁鱆紅刺身沙律，好好食，好清新叫左個特上壽司拼盤，件件都好新鮮，最好食係三文魚子拼海膽，唔記得影相蕃薯天婦羅，熱辣辣，但我嫌佢唔夠粉炸蝦壽司都好好食叫左個石頭鍋飯，但唔記得影相但而言之，係幾好食，但價格略貴

yoho mall 多野食，但朋友介紹下揀左佢（而且夏天真係唔想食d heavy 野😓本身以為間野好貴，但原來有貴有平，而且佢仲有齊蒸蛋、湯、沙律、漬物、甜品咁樣一set 落黎我又覺得價錢cp 值都ok環境唔錯，各種唔同類型嘅座位都有，坐落寬敞舒服，溫度怡人而家非酒精飲品做跟買一送一朋友叫左e 個主配冷面，魚生望落都新鮮亮麗沙律細細份，醬料充足，同普通餐廳嘅沙灣冇太大分別我覺得個味幾好食，但朋友唔鐘意，比埋我食🙈茶碗蒸我都覺得幾好食，雖然蛋嘅質地相比其他店厚實少少，但調味幾好。有面嘅少少蟹肉，底有一粒元貝仔同菇。朋友一樣唔鐘意食，又比埋我🤣 而我就唔鐘意麵豉湯，所以比左佢飲冇影到相雞扒上枱都熱，但凍得比較快，可惜醬幾好食，雞扒都唔錯，份量足，如果我下次食應該會叫少飯味道幾好食黎多幾粒都食得曬，但賣相真係差左少少🤣🤣🤣🤣埋單我set 雞扒應該係一百一十幾左右，朋友有coupon，（依間野可以儲分）我最尾比左八十頭，感覺都算幾抵

和朋友前來食飯，朋友想點一個刺身套餐，但她不吃三文魚想詢問下店員可以轉哪一款其他類的刺身，誰不知那個貌似女經理（眼見制服不一樣）態度極之惡劣地回答話師傅決定架喎唔係你地話事話想轉咩就轉咩，當堂打了個突，我經常幫襯此店，亦知道轉食物不是由客人決定的是由店方決定的，不過態度其實真的不用這樣，我們又沒有說要想吃什麼只是想知道一下會改什麼食物，根本不需要大大聲跟我們說不是輪到我們去決定。我們亦不介意加錢轉其他食物但店方卻沒有處心為我們去安排，感覺有點不快，那算了我們再點食物還想問那個女經理一些問題時，她卻很快地離開了，完全呆了，我們明明在叫她但她好像扮作聽不到一樣反之有其他員工見狀立刻上前幫助我們，有小小不明白為什麼服務有這樣不同的一直經常來這裡吃飯的，一直也覺得服務不錯，雖然間中會有甩漏，但亦很有禮貌真的希望可以好好改善一下

咁岩睇完戲，就心血來潮想食壽司，就嚟到戲院隔離嘅呢一間環境：4/5裝修得唔錯有格調，枱與枱之間都有一定嘅距離，會令人覺得都係去咗一個高檔嘅地方食物：2/5其實食物我覺得真係好普通，但係佢用左比較一般高質小小嘅來貨黎做嘅食物，但煮出嚟嘅嘢我就覺得真係好普通，同一啲大型連鎖嘅壽司舖食嘅味道差唔多 ，冇一啲好突出嘅食物。服務：3/5樓面嘅人手都充足嘅但係呢就照顧唔晒全場嘅客人，有啲係發緊夢。性價比：1/5因為呢間餐廳嘅食物品質好一般，如果用呢個價錢食呢一個品質，就唔會覺得值。可能佢係食佢嘅環境，但應該都要俾返相同等價嘅食物唔質。

我們是這間壽司店常客經常幫襯，但每次在等位方面欠缺服務態度及安排十分之差，已經不是第一次，上一次是明明11:30 am 開門，那位安排座位小姐在11:30am 才慢慢走出來安排座位，那是已經有6-8 對客人在排隊等候中，並且態度惡劣，今日明明已經叫至我們號碼，他說我們回應較慢（當時我們小朋友扭計，要先照顧佢），已經安排下一個號碼入坐，他說不能補下一張飛比我們，一定要叫一張正飛才可以補給我們，我說你剛才不是已經叫咗下一張正飛嗎？還要補正飛，最令我不滿意嘅是明明見到有一張四人枱，沒有人入座為什麼不安排，他說有人訂座的（訂座不是十五分鐘沒人來就安排其他食客入座？），但之後我們等候了差不多二十五分鐘，才安排我們入座訂位那張枱，因為食物味道還可以，但服務態度欠佳，不會再經常幫襯，次次嘅服務態度，都令我卻步，不想再幫襯了不想再受氣

穴壽司，常常行過，今次狠下心腸一家大吃一頓先來一個刺身拼盤，刺身從日本空運到港拖羅海膽也十分鮮味再來一客甜蝦金箔蟹子花之戀味道如何大家一看圖片已知不用多說😋😋這一客炸吞拿蔥花壽司是為小女而叫的香脆可口，小女三歲可全數吞食😂炸蝦天婦羅，炸漿開得薄而蝦鮮，又一水準之作不得不提主菜之一的海膽松葉蟹石頭鍋飯，又一出色之作，味道絕配牛油果寄居蟹壽司，牛油鬼新鮮清新而配搭炸起的寄居蟹也沒有油膩之感總括之言，此店必成為本人飯堂之一

食物正常發揮，都好食㗎😋最窩心令我寫正評，係因為當時我哋一家四口食飯，但係有兩個有事行開咗。所以熱食嚟到嘅時候，我就想拎蓋蓋住先，而男侍應就主動拎隻碟幫我蓋好，仲好貼心拎咗紙巾同濕紙巾，方便陣間打開，仲提醒小心碟邊會燙手。硬件好多商場餐廳都差唔多，但食物質素同服務會令餐廳得唔少分！所以我哋一家都成日嚟Yoho穴壽司，加上外圍可以泊狗狗推車👍🏻因為夏天要搵有冷氣室內嘅餐廳，又可以比狗狗坐隔離嘅真係少之又少。

入門囗時大大聲問有冇嘟安心出行😠😠，好似審犯咁，一行五人訂兩張檯，夠胆死俾兩張檯一東一西，堅持靠近D，佢話你話俾就俾呀！態度惡劣😠😠😠😠以後都唔會幫襯，限時90分鐘，平均消費都要$200，咁嘅服務態度揾你去喇！

🇭🇰穴壽司·依家行山實在太熱啦 所以我地行完就淨係想食壽司 但係一搵發現元朗啲壽司大部分都係omakase 所以我哋最後就搵咗呢間😂😂不過呢度係熟食好食過壽司 佢D壽司其實比較一般🤭·刺身拼盤$318 l 芝士露筍辣吞拿魚腩卷$88雖然佢D刺身一般 但係因為呢個最靚 所以都係用佢做cover🤣佢D刺身質地都ok既 但係魚味就比較淡 所以整體一般🙊🙊個吞拿魚卷口感幾好既 尤其欣賞佢個露筍 口感好清爽 不過佢個吞拿魚腩調味就有D太濃 有少少蓋過左個魚味咁🐟·蟹粥$208 l 炒雜菜$58豬頸肉厚切$38 l月見自家製免治雞肉$34 l 雞肉大蔥$38 l 汁燒赤雞肉$48之後佢個蟹粥超有驚喜 佢入面係超級多蟹肉 而且成個粥都超級鮮甜 輕鬆KO曬成鍋🦀佢個厚切豬頸肉都做得好出色 佢出面係真係煎到好香脆 之後豬頸肉肉質都好好🤤個月見免治雞肉入面都幾多雞軟骨 口感唔錯 另外個D雞肉就正正常常啦 不過都係好味過佢D刺身😂😂·#rbyeat#rby日本菜#rby元朗 #rby沙田 #rby九龍塘 #rby尖沙咀 #rby將軍澳 #rby銅鑼灣 #rby大角咀·📍元朗元龍街9號形點一期1樓1027號舖