竜匠燒物料理 (已結業)

Flashback....點解咁好食嘅餐廳會執咗㗎🥺Lunch同埋同事過嚟食午市套餐，佢嘅鐵板燒套餐好抵食都只係$158 ，包四樣嘢：1. 日式茶碗蒸2. 味增湯3. 美國安格斯肉眼扒或者蝦或者三文魚扒或者飯立貝4. 日式炒飯仲有杯橙汁～首先- 茶碗蒸- 櫻花蝦超大粒！但蛋都好滑！- 麵豉湯就正常- 鐵板燒揀咗牛扒配蝦 - 好好味！啲蝦好大粒，牛扒啱啱好煮得，唔會話太un!煎得好香！- 個炒飯仲要考得好好，粒粒都痴住架！估唔到只係幫襯過去一兩次，之後就執咗。雖然佢執咗，但都要記錄返佢嘅嘢食其實係好食㗎，希望佢會係不久嘅將來開返啦...

今晚同朋友去左上呢間日式小店本身去到有小小嬲 因為我地想食既刺身同鐵板燒都冇哂 話哂我地都係因為想食呢2樣而黎架嘛但好彩其他食物都冇令我地失望👍🏻牛油清酒大蜆十分出色有陣陣的清酒香，而且蜆都幾大隻，啖啖肉👍🏻雞翼都燒得非常香口，所以我地都叫多左一碟其他食物例如牛肉丼同小食拼盤都唔錯但我地掛住食唔記得影相😂

好耐之前食lu 就係罷工公投嗰日好彩一早book位 都幾full 唔知而家點呢😢但都因為太耐之前食 所以唔太記得價錢價錢合理 服務好好 值得翻桌的👍🏻.🍣刺身拼盤 三人份🍣多謝餐廳幫忙做成3人份刺身方面頗出色 全部都夠厚切同新鮮特別三文魚 真係夠肥美·🍛大蔥濃醬油牛舌飯 $98🍛牛舌份量好多 食到最後都有肉牛舌夠軟淋入味 略賺京蔥老咗少少.🍲三小碗前菜都好有心思🍲茶碗蒸好香滑 三文魚香甜.🍢炸物拼盤同沙律都表現正常🥗

早排被我發現這一間不太起眼嘅日式料理店，因為位置比較隔涉，好少會行到去過度。我嚟過2次，第一次因為我去到比我訂枱時間遲咗10分鐘左右，但因餐廳已經滿座，店員態度一般，佢話我遲到多過5分鐘所以不留位，所以我食唔到。第二次又係有訂枱，這次我哋準時到，但餐廳又不太多人喎！Any肥，餐牌有多款午餐套餐選擇，價錢由HK$78-HK$158，有加一服務費喔！如果訂座及現金俾錢可享九折優惠喔！鐵板燒午餐 (HK$158)．日式茶碗蒸：香滑蛋香，多料，又多櫻花蝦．鮮橙汁一杯，午餐先有得送喔✌🏻．味噌湯：足料好味😋．主食(從4款揀2款)，我揀咗美國安格斯肉眼扒和車海老。車海老係好大隻大蝦，肉質爽彈多肉！肉眼扒多汁嫩滑，份量都幾多呀👍🏻．日式炒飯：足料，飯粒是粒粒分明

今日同同事食生日飯揀左呢間，一入去個服務員態度已嚇死人，用呼喝態度叫我地量體溫，印象已經差。食物質素好一般，服務員由落單到上菜都黑面，語氣又差，完全唔知得罪佢d咩，成間餐廳得一個人，可能因為咁所以呢條友咁燥，不過佢令人食得唔開心，永不再幫襯。

同friend食lunch特登揀咗間喺灣仔嘅黃店，一入到嚟就見到啲好高質嘅文宣🤤Lunch set個茶碗蒸好足料，大大碗魚生飯加埋蘋果醋同埋麵豉湯，性價比極高！可惜服務態度一般😕呢點有啲令人失望

食銅鑼灣食到厭， 今日行遠少少去到銅鑼灣同灣仔交界嘅呢一間新開無耐嘅日本店， 門口已經貼左同路人嘅揮春。一打開隻門勁impressed，天呀，裝修會唔會低調得來啊咁華麗🤯😱·鋪頭係日本風用咗黑色雲石同寶藍色做主調。餐具用咗寶藍色配金色，簡約得來不失貴氣。係我鍾意嘅風格之一🤗·兩個人唔係太肚餓叫咗兩個定食。分別係親子丼同埋牛舌飯🤤·一百零蚊鬆啲來講，個前菜真係高級到不得了。除咗有好入味嘅蛋沙律之外，仲配左一條三文魚魚尾！最震撼嘅係一個用櫻花蝦、三文魚肉、冬菇蒸嘅滑蛋，水份唔會過多，不得了！！·跟住上嘅麵豉湯亦都非常之出色。完全唔係嗰啲用罐頭沖個隻質素，係淡淡既日色風味，仲要一啲都唔頸渴！so impressed!!😨·有啲咁好食嘅前菜同麵豉湯，令我覺得佢個主菜只係soso🤣🤣。味道係正常發揮，好彩靠份量同賣相取勝。牛舌好似有成十幾舊😗（唔知點解一路食一路諗起愛因斯坦條脷😂）·之前個牛舌飯做緊$38 ，醫護人員仲要免費！太有良心了吧💛💛💛我嗰日去晚飯時段都係唔算多人，大家經過要多多支持呀🤟🏻-滑蛋華味雞肉親子檔定食｜$108大葱濃醬油有炒牛舌定食｜$98另收加一-竜匠燒物料理灣仔摩理臣山道

中午時份去食午餐，入去店時並未見好多人，但侍應已經令人有不耐煩既感覺「比個名黎」，感覺幾無禮貌。Anyway, 同台有人話去呢間，咁都食喇。Lunch set做到好多野食好似好豐富，但其實完全唔值，因為樣樣都無咩quality... 安格斯煮到10成熟，帆立貝好似唔熟，炒飯即情唔好食，得陣油味。其實埋單要成160，係呢區有好多更好既選擇。例如我比多30蚊已經可以去第二度食靚澳洲和牛仲好好食，一樣包沙律湯野飲用黃店做招牌，但可唔可以做返有水準既餐廳

今日adhoc係和你pay 見到附近有間黃既日本野 就去試試 一試就覺得一定要推薦☺️首先文宣就一定有貼 仲有可愛既紙褶連豬連狗同習大大 仲有好多民主女神像 環境舒服！野食都有驚喜 冇叫到佢地推薦既燒物 但係個相撲手鍋物同吉列豚定食都好好食！個鍋物湯底好正 就算佢地後黎加左水都唔會冇味！雞肉又滑👏🏻仲有多款sake ☺️ 最正係老闆可以俾我地一杯咁叫 咁就變左唔使飲哂成壺😍 可惜食完呢兩樣野都飽啦。 下次一定要黎試試佢啲燒物！

同太太去銅鑼灣行街，想搵一間環境好、容易搵同高質素日本菜。第一次去食，入餐廳後感覺很舒服。最初點了鐵板燒肉眼定食，二人前刺身拼盤，之後再追加甲羅燒。上餐時間恰到好處，完全是高級餐廳安排。食材有水準，刺身新鮮，是高檔次。👍🏻👍🏻。服務方面，很友善，耐心介紹餐牌的特別食材。甲羅燒是追加，蟹肉好味，與蛋黃配合，加上蟹膏，完全是絕佳的配合，其他地方很少食到。鐵板燒肉眼，前菜開胃，牛肉肉眼好出色，燒得好味。就近Time Square ，食完後都可行多一陣。下次會再去。

係Instagram 睇到有朋友推薦呢一間餐廳，見好耐無約朋友，又幾想食日本嘢，所以就決定book呢間試吓！餐廳裝潢幾有格調，燈光偏暗，幾有氣氛。今晚同朋友都唔係太肚餓，所以只係叫咗三樣嘢食，已經非常之飽。...🟡市場販賣沙律個沙律唔記得影相！ 但係好大碟好抵食。...🟡廚師推介小食拼各盤腸、炸雞，咩都有啲，水準以上。...🟡吉列豬定食 & 飯好掛住喺日本食過非常好食既吉列豬，呢個當然無喺日本嗰到咁好食啦，但都算唔錯啦，但係有一舊裡面偏粉紅色，好驚係未熟😅所以無食到嗰舊。

在疫情下四人一行去吃日式串燒。通常串燒店逐串逐串叫，埋單時都覺貴夾唔飽。但這裡就不同了，串燒價格合理，又有鍋物，又有定食，就算我們四人當中有男士也吃得捧腹而回。串燒烤得很好，我們叫了霜降牛肉，燒雞肉，露筍豚肉卷，手羽先，雞軟骨，牛舌芯，大虎蝦等等。牛肉肉味郁香，燒雞皮脆肉滑，露筍翠嫩配上豚肉豐腴油脂，啖啖都是美味。雞軟骨粉漿不厚，酥脆香口。虎蝦非常大，蝦身能分成三口，蝦頭膏香四溢。最為驚艷的是牛舌芯，串燒店用上牛舌最彈牙的地方，厚切來燒，外面烤得焦香，裡面爽嫩不韌，必定要推介給大家。另外點了甲羅燒，用料豐富，我認為蟹膏蟹肉甚至比同類店舖更多。店家更奉上烘熱麵包伴吃，比一般做法更有心思，但一客價錢不足一百元，實在超值。之前說過點菜時怕不飽，所以才叫多一客吉列豬扒定食。此店處理肉類了得，豬扒鬆軟不乾，炸後仍留有肉汁。吉列豬扒值得一試，但最終白飯飽得吃不下了。我們又叫了豚肉鍋，湯底鮮味不鹹，豚肉片厚切的，不會滾兩滾便嚡口。而且店家對配菜也絕不吝嗇，菇類達四種之多，有秀珍菇、冬菇、本菇、金針菇，同行女士十分欣賞。總括而言，此行除了串燒好吃之外，其他食物亦有驚喜，店舖座落銅鑼灣但價格相宜，推薦大

➖➖➖灣仔黃店。超高質日式料理 ➖➖➖。記得首次經過呢間餐廳，覺得門口的格調十分高級，屬於高檔的路線，價錢一定會很貴。其後在社交群組的平台中看到這間餐廳的一個post，便令我對他產生了興趣。恰巧eatigo有半價的優惠可以選擇，便決定和朋友來到這間餐廳慶祝生日。。當我們到達餐廳的時候，有一位店員的服務態度並不是十分殷勤，但看到四周都貼滿文宣，頓時就分散了注意力，其後另一位店員的服務態度是非常好的，還很有禮貌的和我們介紹食物，所以我們便開始了點餐。。餐廳除了貼文宣之外，也參加了參加義賣、在餐廳的入口也擺放了不少的文宣供食客索取。撇除了這些因素，這間餐廳的食物質素超級高，朋友食完之後讚不絕口🤩。。打開餐牌，主打串燒和鐵板燒的西日式餐廳，食物的選擇很多，不過並不是圖文並茂，如果附上圖片會更佳呢。。Eatigo 半價優惠（價錢是原價未折扣之前）▪️甲羅燒$88 （圖二三）▪️燒10吋深海大虎蝦$88 （圖四）▪️黑糖燒三元豚 $88 （圖五）▪️雞肉軟骨丸$38 （圖六七）▪️竜匠燒牛舌芯 $58 （圖八）▪️鹽燒雞皮$38▪️大蔥霜降牛肉粒$48▪️牛油果蟹子沙律$98。🤩推介菜式？以上全部都好好食除咗牛油

晚餐，家人一起試試日本燒物餐廳環境舒適，服務很貼心。因每樣食物即叫即製，所以要等一下啊～食物熱騰騰出來，龍蝦、串燒、鮑魚、炸物、炒飯都好好味，值得的。大家都很滿足，用餐愉快，會再來幫襯。

沒有抱好大期望，本著同路人撐同路人一試，食物水準，不過不失，但服務比預期中差很遠，不但只漏單，而且埋單時仲受到不禮貌對待，令我感覺是否因為自稱黃店已可以無所謂呢？今次之後令我非常失望，希望同路人能夠好好自我反省，勿令同路人及手足失望！最後，我發誓，以後唔會再去此！頭盆，不過不失，但每度菜也差不多等了半小時，落單時經理說要等長時間，最好一次過落單，之後主菜及其他食物也需時，當然，最後也不歡而散！今次之後，我也需要想剋是否一定會幫襯黃店了！