端記茶樓

營業中

休息中

川龍端記茶樓位於荃灣大帽山川龍村，一直係行山人士嘅聖地！呢日就同埋幾個朋友仔一齊行完山就去左川龍最有名嘅茶樓-端記茶樓飲茶喇！呢間茶樓最特別嘅地方就係所有野，無論揾茶位、拎餐具、沖茶、拎點心都係自助式，由於係自助式嘅關係，點心好快一出爐就俾人搶哂，所以等點心都需要啲時間架，不過可以係咁郊外嘅地方嘆茶，慢慢都無所謂喇，而點心款式，都不外乎蝦餃、燒賣、包、腸粉等等，而最出名就係豆腐花同埋西洋菜喇！因為茶樓食用嘅水係來至山水，所以整出嚟嘅豆腐花都特別滑，好好味！西洋菜都係用川龍山水種植嘅，全部都係新鮮採摘架！食落真係好嫩好有菜味！有好多茶客食完之後仲落左附近嘅西洋菜田買幾袋返屋企煲湯添！如果假日想揾個地方遠離塵囂紓解一下，可以考慮下上嚟大帽山行下山，再去川龍村飲杯茶嘆一嘆！

今日遠征，由西貢揸車去荃灣川龍飲茶。呢度冇車真係難搞，假日黎就仲煩，多車難泊車之餘，仲好多Sunday drivers ，泊到d位呢......🤦🏻‍♀️真係攞你命3000。呢度夠哂特色，比起推點心車仲舊式，就係全自助式，自己沖茶，自己行去簡點心，睇啱自己拎埋位，真係全自助。不過如果帶老人家、小朋友去就要小心d，茶檔式環境+全自助式，比較容易整到，有少少危險，如果遇著個論論盡盡既就麻煩。食物質素就中規中矩正正常常，但勝在夠平，五個人先食咗$300。

川龍係我兒時有好多開心回憶嘅地方，細個時爸媽會約埋朋友D小朋友，一齊一大班人去玩！端記亦係必到嘅一part，食飽先有氣力玩💪🏼今次換轉我帶返父母去郊遊走走，食飽後就開始行山之旅黎到一定會點嘅一定系西洋菜🌟🌟要睇季節食呀！食岩時間爽口甘甜😋豆腐花係自助式的，想享用嘅朋友要輕手D‘不’ 唔好整到散哂，如果唔係下一手想食就見到都無胃口再去第二轉，見有茶果出仲好大粒勁吸引🤤好飽滿嘅紅豆，皮做得煙煙unun，好鍾意甘嘅配搭👍🏼端記嘅特色記系乜都自己黎郁手，一手一腳沖茶洗杯碟，好鍾意尼種風味🥰比起市區嘅飲茶文化都好唔同，雖然都係有得食，但會失去咗個樂趣。黎到嘅朋友不防經端記向下走走，沿著樓梯落會有一大塊西洋菜田，水清！好運嘅會有人即摘即賣😊

看了慌張西望推介，特登母親節去大帽山川龍行山。一點鐘到達端記茶樓，超級多人，等了一陣有位。自己出去斟茶，拿食具。排隊取人物人數超級多，10幾分鐘才出爐一次，只有10-20籠，一下子已被取光，又要等下一輪，像一班飢餓的難民等救濟一樣，領取求援物資。好辛苦拿了一籠雞扎，雞屎籐茶果，兩個大包，及鯪魚球。因為人太多，盛載器皿好像沒有洗，油淋淋，食物質素是一般，雞屎籐茶果過硬，真的很一般。準備埋單，聽到隔離枱也埋單，一個抽着煙的肥男人侍應心算了一會話$200得喇，接着那侍應去了另一張枱埋單又心算了一陣，話$300得喇，我相信該男人數學應該很差，也不會用計算機。最後找了個女侍應埋單，比較靠譜，盛惠$90。肚餓時，垃圾也能放落口，難以明白有人特登駕車，或坐巴士上來食。

相約大帽山遠足變進補增磅飲茶大食會。烈日當空，我當然依舊在北區跳上的士直達村口，再慢步欣賞沿途景色。古式古鄉遠離䌓囂，環境寧靜空氣清新，山上村屋茶樓。為的不是味道，而係鄉土風味！先到樓上露台雅座佔一圓檯，自己開茶拿餐具，在到地下自助餐區取食物，非常懷舊有趣，大開眼界！不幸地自家有機西洋菜晨早沽清無緣一試，唯有去其他區挑食物。點心區、蒸飯區、燒味區、腸粉、粥品油器、炒米炒麵、炸物、包點、甜點湯水，應有盡有，眼花撩亂，樣樣都想食，超級自助餐。作戰第一波，切雞燒鴨、糯米雞、薑蔥牛柏葉、炸蝦角、炸魷魚鬚、蔥花蝦米腸。速攻第二波，叉人燒包、鮮竹卷、蠔油菜芯、豉汁蒸排骨、鮮蝦粉卷、炸釀豆腐、山水豆腐花、可口可樂。切雞燒鴨，切雞外觀美麗討人愛，望落肥美有光澤，胸肉硬韌、髀肉彈實、皮落滑滑。原來是咸雞來的，還要是地獄咸，真的吃不消！如果配白飯應該蠻美妙。燒鴨，還以為係鵝，睇清楚一點無冠的呢！醃味清香甜美，胸髀肉皆上等，緊緻肌膚滲出濃濃鴨汁，襯托著嚥韌香皮，不油膩食得滋味。糯米雞，淡味肥臘腸一咬噴油，肥叉燒肥得像五花，看得見食得到的粒粒肥膏，還混入火腿片及木耳，這種配搭源自那裡鄉下呢？生水味糯米濕潤散發

平時飲茶 就係去茶樓 今次飲茶係需要上山都幾特別 早上6點幾就已經開鋪 好多公公婆婆係度飲茶 呢度既茶特別甜 佢地話係用山上面水黎沖 所以特別好飲 佢地所有既菜都係有機菜 自己種 係呢度嘆住咁飲茶 又可以享受雀仔嘅叫聲 開揚既環境 簡直一流 心情舒暢野食係需要到樓下自已取 不需落單 最後，飲完茶仲落左去個菜田度 搵姨姨買返幾斤菜先走

前2年撘的士上山食過一次，當時11am 依稀記得晏左會無咩野食，所以今次預早少少，10am到左。今次係朋友揸車既， 可能因為星期日，都依然多人！ 要停車喺一個比較遠少少既地方，再行去端記。 主樓係連埋廚房， 所以取食物同埋茶水都喺哩到。另外有2樓雅座可以望到大自然。但係今次我地6位，就坐左喺彩色傘右邊既石屋仔，嗰到都係茶樓範圍，裡面都係大枱，可能朋友仔多就可能會方便D。人多最好就係可以亂嗌野食！ 朋友介紹一個懷舊包點 「麻蓉包」，我大鄉里未食過入面係花生醬甘既味，其實係芝麻做既原來又幾好食。 平時現代化茶樓無得叫家，黎到就食下啦！但提提大家，麻蓉包都幾膩，要share食煎韭菜餃！超正！鵪鶉蛋燒賣，正正！ 豬腸正！蒸魷魚偏鹹，中伏左芋角凍左！ 錯哂另外叫左2個自家種既菜一個係炒西洋菜，一個係炒油麥菜！ 2款菜都同平日街市買既口感同味道都唔同，好有 “生命力” ！ 必食！都好需要自己feel下，相信一定會有人先入為主，都有人有其他感想。

去探朋友唔知咩好，發現好有古色古香的門面，所以坐低飲茶。因為其實我本身都好鐘意飲茶，好鐘意試下邊間茶樓的鳳瓜排骨飯好食。哩度鳳瓜排骨飯也不錯，飯唔太水，好快d飯好濕。

大大話話都有廿多年無去過，記得當年一班中學同學一齊去遊川龍探索當年 「人肉叉燒包」拍攝🎬場地，闊別多年亭院依舊，就好好懷念一番！今日同家人特別開車到來，由於已是中午時間一眾鳥兒跟主人都已回家去了，上到二樓露台雅座好彩還有二個高高掛，吱吱喳喳叫個不停，這才是青山綠水，鳥語花香，一壺兩件如此詩意確又是另一番樂事！🥢叉燒包都是配合劇情需要，特意攞了一籠叉燒包，人肉就無喇豬肉叉燒包就有二個，醬汁不太濃皮鬆軟，屬兒時食到的味道，一籠二個配一壺山水壽眉茶，壽眉屬白茶入口清香不知是否心理影響，用山水沖的特別甘甜香滑。🥢山竹牛肉剛蒸起山竹牛肉，入口軟滑牛肉味特別濃，由細到大我都喜愛將牛肉浸得滿滿淅醋味同食。😉🥢客家茶粿糯米香糯軟滑，在口裡互相纏綿細膩中帶有點家鄉的感覺👍，餡料簡簡單單就是蘿白絲同蝦米，味道清甜帶些微鹹香，我竟然忘我地把一整個都吃掉😋，太勵害了！除了收錢之外這裡是全自助形式，由沖茶到加水攞點心都是自己決定，不過在場靚姐們都好樂意幫忙，這就是原舊香港本土濃情！$3 位茶錢，真係找不到另一家了。

等了半小時巴士再加二十分鐘車程，為的就是來這裏行山和一試這舊式茶樓，與其說是舊式，不如說他自創了更特別的餐飲模式。這裏由找位置，碗碟準備，沖茶和拿點心都是客人自己去做的。店員只會負責收拾客人用餐後的碗碟，由於今天是假日的關係，人數可以用多到恐怖來形容，因為你根本無辦法可以選擇自己喜愛的點心，所有點心當一出來的時間已經俾人一掃而空，基本上就是他出什麼點心你就吃什麼。點心出餐位置就像廝殺列車般擠擁，但大家都是面帶笑容去爭奪的，純粹好玩。還好我夠眼明手快，算是搶了不少款式點心。蝦餃算是皮薄餡靚，潮州粉果就做得麻麻，因為外皮不太煙靭冇咬口。燒味就尚算可以，叉燒是半肥瘦的，鴨就好多肉，整體都算不俗。最重要一定要試就是這裏有即烚西洋菜，他是茶樓隔離的一塊田新鮮採摘的，川龍西洋菜是十分有名的，可以詢問夥計查詢出菜時間，西洋菜口感一流，帶有濃烈的西洋菜味道。下次一定要選閒日再來。

位於大帽山山腰的川龍「端記茶樓」只由早上六時正開到下午二時。要到這裡喝茶的話，那就一定要早！今早我們二人自駕到目的地，不然的話便要到荃灣乘巴士或小巴到此地，不過班次比較疏。我們十時許抵達，幸好找到一個僅餘的車位。室外坐位都已坐了很多食客。在這裏喝茶是全自助形式，由找座位，找餐具，冲茶和拿點心都是沒有服務員負責。普洱、壽眉、水仙和香片便是這裡供應的茶葉。份量和濃淺程度便是由茶客自由選擇。點心區的蒸籠叠得高高，要吃什麼便要自己揭開蒸籠尋寶。若找不到心儀的，便要回座位等運氣吧！這𥚃每次有新出爐點心，便會作出廣播。想吃的話便要動作敏捷，受歡迎的食物通常很快便給拿光。今天飽類比較多，我們便選了叉燒包和臘腸卷。叉燒腸粉的皮較厚，燒賣的餡料亦爽口。魚肚蒸雞的味道尚可、魚肚亦爽滑。蘿蔔棵子是我第一次吃的，糯米粉來包着一絲絲的蘿蔔和其他醃過的配料，吃起來既煙韌又好味。總括而言，這𥚃的點心只是普普通通，但不可不提的是，來到這裡一定要吃的便是即灼的新鮮西洋菜。菜是在隔鄰的菜田新鮮採摘回來，店員洗過菜後便會用油鹽將菜灼熟給客人即塲品嚐。西洋菜入口爽甜，味道清新而且高纖，絕對不能錯過。今天吃了六個點心和一碟菜，

一年一度的清明節又到啦. 每次上山前例必到山腳的酒樓醫醫肚先既. 今次就去左端記. 無論上面果間好, 還是下面果間都好, 所有過程都系自助式的. 包括開位, 開茶, 拎點心, 連豆腐花都系自己裝架.城市人黎感受下另一種風格的酒樓都會覺得幾特別. 不過對食物, 店舖衛生的要求就唔好咁高啦.山水豆腐花系我每次必食的一樣食物各類油器各類點心開位, 開茶區

最近天氣驟晴驟雨，星期日起床後見天氣尚算穩定，決定一於出發前往大帽山走走，起步計劃訂在川龍。從荃灣地鐵站有綠色小巴直接上川龍，交通非常方便。總站一落車就見到端記個大招牌，望到附近環境後，滿腦子勾起童年係鄕村長大的回憶。雖然係屋企已經享用了一個輕盈早餐，不過最後2個人都係忍不住想坐一坐，飲杯茶，食番個包先開始行山。小店用鄕村街坊全自助方式經營，先去沖壺普洱，然後再搵個位坐底，呷一口茶，水滾茶靚，對、就是童年的味道。～ 雞包仔一碟 3 小隻，主要餡料為雞肉，另外有少許冬菇、芫荽等，一啖半隻。外皮鬆軟，餡料”實的的”有咬口，非常足料（非一般坊間用水“啤”到鬆一鬆果種），老派師傅出色出品。其實端記實質上係一間服務街坊嘅鄕村式廣東茶樓，啱唔啱食全憑個人心𥚃面把尺放係邊個位置，今次本著行山路過快閃試試，非常期待下次有機會再試多些其它點心同食物。真心支持小店！

三人吹水團，行行食食，去大帽山嘅起點，當然要先幫襯舊式港式茶寮。估唔到店裏食客非常多，下層座位都已經爆滿，只好上上層，上層都差唔多滿座，差啲要去間僻靜嘅大房，幸好有食客從上層欄桿位離開，先搵到個好位，望住山境，飲杯茶食個包。全自助形式，拎了位，當然自己就要去拎壺茶啦，跟住到樓下拎點心，食咩就自己拎啦。第一輪雞扎，一份鮮甜，豬肚、火腿的鮮味汁，把雞扎包圍，美味。應該用上豬油，宜家用內臟等做點心，愈來愈少捧場客；山竹牛肉，牛肉球口感不太嫩滑；蝦餃，外皮過厚，個皮就唔易穿，其實都係食懷舊感；叉燒腸粉，腸粉皮不太滑；叉燒包，食嘅只有醬汁及嘗到微微叉燒肉。第二輪叫了呢啲鮮竹卷，邪惡得嚟，整個腐皮滲入雞油；鵪鶉蛋燒賣，雖然肉味普通，但回憶細過經常叫嘅點心。燒賣，同樣肉味普通。雞屎藤，煙煙靭靭，糖份亦都唔高。終於見到少許藍天上層有兩句關於川龍嘅詩。茶寮上層，果間僻靜嘅大房裡，有食客擺放開籠雀之外，店家也有飼養一大籠蟋蟀。當日早上比較天陰，望住山境，飲杯茶食個包。其實志在感受環境，嘢食唔好抱太大期望。

補寫新一年睇完第一個日出後，成班人渣車提議落荃灣去返川龍既端記飲早茶食第一餐。之前睇過好多介紹都好似好正咁，反正渣開車就黎喇。去到好鬼多車！我諗最好就搭公共交通工具黎會比較好，唔係你齋泊位都唔知等到幾時。去到係好自助式地自己霸位，自己拎餐具同野食。基本上你係要keep住係果度等，一見野就搶（因為實在太多人爭住要，手快有手慢無）而且數量比較少，要等多幾轉先拎到。食既都無乜特別，都係一般茶樓有既野，味道就不過不失啦！無乜驚喜同邊樣比較突出同難忘。反而係等佢「畢」豆腐花比我果時，我見到有蟻係碗野上面，果個人意識到，居然無換過碗，就咁畢走佢就算🥵😡！極之唔衛生。價錢方面唔係話特別平，佢乜服務都無仲諗住有幾貴？根本唔值得再黎，貪新鮮黎打下卡扼like可以既