第一郡 (已結業)

朋友住港島東區很久，算是地膽，今天與我去食家常越南晚飯。家庭式食店，但客人絡繹不絕，還見到很多人買外賣走。米紙蝦卷$20兩個人食一條已足夠，不過兩條$35平便宜一點。米紙卷裏面有蝦，豬肉，生菜，同埋九層塔或羅勒葉，記得要加埋醬汁一齊食， 甜甜酸酸，又有香草的清香味。Q1麵 $65冬菇白、蘿蔔、帶子與魚肚，湯底不會感覺有味精。冬菇蘿蔔都很入味，可能是之前炆煮完才放入，小粒裝帶子，彈牙有鮮味，中間是軟身的，魚肚主角出現，腍滑入味，份量又多，加上越式檬粉一起食，好味。蔬菜燉牛腩 $55麵包裏面鬆軟，外面脆口，還是熱辣辣的。牛腩一咬即開夠腍，也有咬口，蘿蔔與薯仔也夠味，醬汁有點像罐頭茄汁肉豆的味道，甜了一點點，不過放在脆脆的麵包上吃，味道也不錯。熱鹹檸水 $9跟麵餐平宜了$3，不用加糖，像家中醃製鹹柑桔的味道。牛油果沙冰 $30朋友喜愛飲這個沙冰，軟綿綿的，夠滑溜，牛油果又香。

本身都知呢間餐廳係深水埗都有店，不過就係未試過，今晚終於有機會食到位於天后既呢間分店啦 ! 時間一到大約7:00PM左右，所有座位都爆滿啦，睇黎都真係幾多人支持喎睇睇MENU，其實佢既選擇唔算太多，不過就真係每一款食物都係越南地道美食黎，而且價錢相當平民化，都幾吸引喔 !今晚我同友人都叫左個椰皇飲，都幾爽，幾有越南味道， $25一個既佢，味道非常清甜，一丁點酸既味道都無，入面既椰肉重要好香嫩添，都幾有驚喜強烈推介呢個烤豬肉撈麵 $50 比大家，因為味道真係好正宗，而且非常好食 ! 份量都唔少添架，面頭既配菜全都覆蓋住曬成個麵底，真係一條麵都見唔到 ! 除左大量烤到好香口既豬肉之外，重有好多菜絲及紅，白蘿蔔絲，口感一流啊下面既粉都有好多架，係幼身既檬粉黎，帶有少許醬汁既佢，配埋味道極好既烤豬肉，真係無得頂呢個係三色蛋豬扒飯 $50，同烤豬肉撈麵價錢一樣，除左個飯之外，重有一碗白菜湯及越南醃酸瓜，性價比好似都唔錯 ; 不過個飯先係重點 !個飯最特別既地方有兩個，第一 ，呢個三色蛋豬扒飯入面係無三色蛋係度架 ! 可能係傳統越南菜中一d既名黎既 ; 第二，除左有一塊炸豬扒之外，重有一件蟹膏餅，

住天后的朋友介紹我去一間新開的地道越南餐廳，今日我們就去一試，看看有什麼驚喜先。《米紙蝦卷 x1 $20》檬粉、蝦、豬肉、香菜和生菜，口感爽，菜夠鮮，今次並不是配般的特調醬汁有炸蒜花生和蘿蔔絲，味道特別帶胡麻香，米紙蝦卷蘸上醬油果然變得惹味，怪不得再加醬汁要加$5，我也覺得不夠喉呢！《越式軟包 $33》第一次食越式包，包外層酥脆內軟熟，中間的配料豐富多樣，當中有腩肉、扎肉、肉鬆、酸菜、青瓜、芫荽、蔥、肝醬，整體味道十分夾。《烤豬肉撈檬 $50》店員說越式醬汁已經在最底，撈一撈就食得，烤豬肉舖滿上層，肉質腍軟香烤惹味。《蟹膏蕃茄湯 $50》料十分豐富，湯底看落清澈，但蕃茄味香濃，配上整個蕃茄；蟹膏餅質感像豆腐卜，好鬆軟好吸湯而且蟹膏味極香濃，另外配料還有扎肉、豬紅、香菜、芽菜、生菜等，如不夠喉還可以另加蟹膏餅+$20。《班蘭綠豆糕 $13》班蘭味好香，口感煙韌,中間夾有綠豆蓉，只屬微甜完全不膩，下次可以點兩件！《青檸蘇打 跟餐+$8》清新解喝。《越式滴滴咖啡 $25》最訓愛上滴漏咖啡！比較過幾間發現這間的咖啡味特別出，整體濃而香，甜度亦調配剛好。

有間食越南麵既店，就近近地去左呢間食！入到去menu 選擇都算多，我就簡左個烤豬肉撈濛，黎到份量好足，先試左塊烤豬肉，入口好惹味，外皮烤得好香，內裡好juicy ,撈濛入面仲有好香菜青瓜等配料，食落就更清爽，濛粉調味剛好 唔會過酸！好開胃呢飲品我就叫左個椰皇，估唔到好清甜，同椰青有得比呢！朋友就叫左杯牛油果沙冰，好似係呢度既招牌飲品，入口好清新 唔會有冰粒 好柔滑 唔會過甜 好飲！最後我地叫多左個肉鬆法包，黎到已經預先幫我地切好左一半，一咬落 烤得勁脆身，配埋酸酸既配菜好夾 黎到一定要叫呢個！本身好想食佢地既甜品 點知已經賣哂，下次早d黎食啦要！

呢間食越南菜嘅第一郡係深水埗已經打出名堂，我食過幾次都要排隊，人氣頗高原來佢係天后都有分店，啲位仲闊落啲添蟹膏蕃茄湯河粉 ($50)呢個蟹膏蕃茄湯河粉/湯檬完全無得輸，我差不多次次都會嗌湯底以蟹肉、蟹膏、蕃茄熬成，味道清甜帶點蕃茄嘅甜酸，試得出唔係落咗味精而係真材實料！配料都十分豐富，包括以蟹膏、蟹肉、蛋漿整成嘅蟹膏餅、扎肉、豬紅、豆卜、蕃茄、生菜、香葉味道方面，主角蟹膏餅啖啖都充滿濃郁蟹香，豆卜同豬紅吸收晒湯汁嘅精華。扎肉有兩款，一款有黑椒粒，較瘦，爽口彈牙; 一款有肥豬膏，較滑。而且仲落左大半個新鮮蕃茄，厚肉又juicy!!!牛腩燉蔬菜 ($55)牛腩炆得夠軟嫩夠入味，蘿蔔同薯仔都非常腍;醬汁味道既帶有蔬菜味，又帶有香濃既肉味，酸酸甜甜，有啲似羅餸湯十分醒胃！就算有包有肉，食落都唔覺滯。法包烤烘得外香脆內鬆軟，點汁食非常之夾！但要撞正星期六日先有得食~烤豬軟包 ($38)軟包同樣烘至外脆內軟，但比起上面嘅法包會鬆軟一點，就算冇醬汁點都易咬易入口餡料方面有咸香惹味嘅嘅豬肉、生菜、芫茜、青瓜、酸蘿蔔絲，一大口落去會食到唔同嘅味道同口感，好有滿足感牛油果沙冰 ($30) & 芒果沙冰 (

平時同朋友岀街都係食日本野一係就食韓國野，食得多都好似無乜新意咁，上次見番一個好耐無見既朋友，大家不約而同都話想食間平平地又特別既餐廳，上網見到啲評價都唔錯就走左去食啦。餐廳都唔算難搵，係地鐵站附近，收工過去都好方便，岩曬係港島區番工既我地。去之前做定功課，叫左個招牌菜-蟹膏蕃茄湯檬，本身好怕蟹膏唔新鮮/撈左落湯到會好奇怪，點知有驚喜喎，蟹膏餅撈左蛋一齊整，入口即溶，似冰豆腐，好有蟹味，好香好鮮甜，浸落個湯底吸曬啲精華仲好味，個湯底都好加分，以鮮蟹熬製，不但有蕃茄的酸味，仲有濃濃蟹味，食得岀無味精，似煮左好耐既心機菜。入面有越南野唔少得既越式扎肉，大大塊札肉，豬肉味夠濃，口感好爽口，唔似其他餐廳浸兩浸就淋曬，食到啖啖肉既口感小食叫左米紙蝦卷，餐廳用蕉葉包住米紙蝦卷，半透明既米紙皮好煙un，入面有蝦，香草，豬肉，仲有檬粉添，配料好幾豐富，老闆教我地點埋嗰個用花生碎，酸蘿蔔絲製成既醬汁一齊食，口味更加特別唔講唔知原來蕉葉撕一半食，仲唔洗整污糟隻手添！朋友叫左三色蛋豬扒飯，估唔到呢個都好驚喜喎，入面有塊蟹餅，同湯嗰塊唔同架。呢塊爽口啲，豬扒啖啖肉，夠入味唔會太鹹，大大碟男仔食都會夠飽！野飲方

之前曾經到過第一郡在深水埗總店，那時候要在門外等候了差不多一個鐘，知道係港島區開了分店，我就帶著男友來到。地點也找了好一會才找到，七點前到來還未見人龍，快手就進店。牛油果沙冰 $30必點的牛油果沙冰，味道濃郁，證明十分足料。椰皇 $25而男友的椰皇，清甜解渴，給他下火就最岩蟹膏蕃茄湯檬粉 $50蕃茄湯底濃郁，而重點的蟹餅卻令人驚喜，滿滿蟹肉，鮮味無比，絕對對得起呢個價錢，排隊也值得去食雞絲湯河 $55看似簡單的湯河，但論湯底的味道看似清淡，但卻味道濃郁，而雞絲也不錯米紙蝦卷 $35/2皮很簿，建議配醬汁一起食，米卷十分足料大大隻蝦有米粉還有香葉，很清新，而且好像有限，之後有食客想點也沽清了。吃著吃著很快門外已開始有人龍，我們用餐完畢也趕快交抬，免得食客等太耐。

朋友介紹這間在天后的＂第一郡Q1＂開餐🥢在他公司附近，價格親民，細細間鋪空間感十足，坐得很舒服👍🏻牛展米線內還有豬手雙重味道，牛展嫩腍完全唔嚡👏🏻豬手夠腍，還有很多芫茜和香葉味道一流豬肉撈檬來到發現冇撈檬汁，詢問服務員原來已放好在檬粉底下，起初有點擔心，因為我是一個汁魔冇多汁點過癮，點知撈好味道剛好，濕濕滋潤下的檬粉，不但味道夠好多香葉增添口感，烤豬肉又很入味👍🏻越式法包$40厚厚的越式法包，法包一開二份量足，不會太乾一口咬落豐富的材料充滿在口腔米紙蝦卷$35米紙蝦卷用葉包著，一路食一路慢慢滅落去不但不會整污糟隻手而且很方便聰明的做法，蝦卷大大條材料豐富非常飽肚😛咸檸汽水$15牛油果沙冰$30牛油果沙冰味道濃郁👍🏻鹹檸七清新

想輕鬆食個quick dinner，可以去Q1，價格實惠，食物有質量，晚上未到8點已坐無虛席。店都幾大，多卡位。推薦的都是越南特產。甜品和蝦卷一早賣完，有買請早！主食有粉麵、飯、三文治，都幾專，可以加多d小食。椰皇($25)好大個，多水又清甜。烤豬肉法包($45)烤豬肉、生菜、酸菜、青瓜、芫荽、葱新鮮法包熱的，外面脆卜卜，烤豬肉甘香不太鹹，配酸蘿蔔食好滋味，有很多蔬菜，是健康的組合。而且店家已經為客人切開，兼用紙包住，可以食得好乾淨。蟹膏蕃茄湯檬($50)extra蟹膏餅加$20蕃茄、扎肉、豬紅、香菜、芽菜、生菜、檬粉蟹餅很特別，是方形的，一般都係碎肉上，吃起來很方便，蟹味也特別重。配料竟然有豬紅，大塊又爽口，沒有腥味。配菜也很豐富，大塊鮮蕃茄。湯底不是濃縮茄湯，帶少少酸，很鮮甜。

今日同媽媽過左去天后食lunch，入左去一間越式粉麵店，店內入面嘅位置唔多，lunch time都幾爆場，好彩仲有兩個位，不過就要同人搭一搭枱。見個個都點呢個蟹膏番茄湯檬，可以揀檬粉/河粉，佢哋嘅檬粉似米粉，但再好食啲😋湯底係酸甜嘅蟹湯，好濃郁惹味，又完全唔覺係味精湯，真係真材實料！飲完都唔會口渴😝最特別就係佢嘅蟹膏蟹肉餅，唔知點解可以整到呢個形狀🤔食落係極濃厚嘅蟹膏味，仲有好多蟹肉‼️老闆話原來加咗蛋漿先可以整到咁，出面一定食唔到！除咗呢個，仲有豆卜豬紅其他配料，$50真係相當抵食！而另一碗Q1麵$65有魚肚、帶子、冬菇食真係好吸引！面頭嘅兩大舊白蘿蔔都唔好睇小，清甜無渣，超好食！魚肚又厚又嫩，相當滋補❤️帶子有五粒耶，都是嫩嫩的😝呢碗嘅麵底係拉麵，口感好爽！湯底嘅蟹味濃，味道勁鮮甜💕各有特色，所以兩碗都是推薦的！媽媽想食米紙蝦卷，$20一條，$35兩條，所以我都食一條！米紙皮好煙韌啊！入面有蝦、檬粉、香草、豬肉，配料都幾豐富，但我就唔鍾意香草陣味，同埋豬肉有點兒過肥！但個卷皮好食👍🏻之後點左好杯smooth嘅牛油果沙冰😍真心有驚喜！估唔到食碗麵都可以飲到咁高質嘅沙冰😝飲到陣陣嘅牛油果味

友人係呢頭返工, 話我知呢間越南食店相當抵食夾大件, 叫我去試下!  店內環境平實, 設有兩邊卡位, 格局似係主打區內客望下餐牌有咩食先, 食物選擇相對於其他越南餐廳確係少, 主打湯檬/撈檬/飯, 法包/軟包, 飲品及少量甜品友人介紹我食以下食物 :米紙蝦卷 ($35/2條)唯一一款頭盤, 用蕉葉包住米紙蝦卷打開就見到肥嘟嘟嘅米紙蝦卷, 未食已經見到蝦另有用花生碎, 酸蘿蔔絲及特色醬汁伴食, 撈均後就可加埋入蝦卷度咬一啖就見到裏面有檬粉, 蝦, 豬肉加埋香葉及生菜, 加埋甜甜酸酸又惹味嘅醬汁, 為呢客米紙蝦卷增加唔少分數!蟹膏蕃茄湯檬 ($50)一碗有齊蟹膏餅, 豬紅, 蕃茄, 扎肉, 豆腐卜及香菜, 賣相顏色吸引, 又係勁大碗湯底以蕃茄味為主, 酸甜味幾開胃, 豆腐卜索湯, 一咬湯汁係口腔內咇出黎亮點蟹膏餅外型似海綿, 咬落有係有湯汁咇出黎, 繼而食到濃香蟹味, "好"蟹人士應該會好歡喜!雞絲湯檬 ($55)一碗份量唔少, 食材差唔多舖滿碗面, 湯底有洋蔥及香葉, 用熱湯浸一浸, 香味仲再出D未食前先試啖湯, 入口幾鮮甜 ;  有唔少鷄絲, 醃得幾入味檬粉白滑, 食晒都幾飽肚牛油果軟

黎到天后 朋友說有間相當出色且價錢便宜嘅越南菜 一於就去試試! 我地夜晚7點黎到 座位已經坐得滿滿 好彩都順利入到 但都要搭枱 過多陣已經要排隊啦!我地點左蟹膏蕃茄湯檬同三色蛋豬扒飯 本身想點多個小食米紙蝦卷 但已經售罄!蟹膏蕃茄湯檬 (可以轉河粉) 配料有蟹膏餅 札肉 蕃茄 豬紅 豆卜 香菜 芽菜 生菜 相當豐富 湯底亦好濃郁 蟹膏餅鮮味十足 店員話係由蛋 蟹肉 蟹膏製成 難怪咁有蟹味 鍾意食蟹嘅朋友一定會愛上!三色蛋豬扒飯 方形嘅三色蛋 裡面有啲蘿蔔絲 豬肉碎咁 味道清淡得黎好食 豬扒烤得唔會太腍 另外佢附送嘅菜湯係出奇地好飲!牛油果沙冰 感覺更像奶昔 因為沒有任何碎冰 入口非常順滑卻濃郁 淡淡嘅牛油果味 滿意!另外 聽聞呢度嘅甜品好出名 我地7點到達 都已經全部售罄 建議如果想黎試甜品嘅一定要再早啲到!

中午成日都唔知吃D麥？同事話有間越南餐廳很好吃，中午去還是挺熱鬧的。好彩嘢吃來得特別快！越式滴滴咖啡$28有得選擇熱飲還是冷飲！滴滴咖啡是保留著咖啡的原汁原味，是許多愛好咖啡者的選擇。烤肉撈檬$50烤豬肉很美味，吃時加上辣椒醬，更是能夠把味道盡露無畏！酸甜的搭配，在夏天炎炎的天氣中享受，正是適合！牛展湯檬$50牛展和牛根都很美味，肉質豐富，口感一流，湯底流露著牛的鮮味，如果你也喜愛吃牛肉，一定值得你去試試！以後lunch多了一個飯堂！

碰巧碰到住在天后的街坊朋友，傾計談到威非路道有間新開的越南餐廳十分受歡迎，於是就擇日不如撞日，晚上約了老公到天后會合。來到都只是晚以八點，但很多款菜色都已經售罄，果然受歡迎。《蟹膏蕃茄湯河 $50》料十分豐富，湯底看落清澈，但蕃茄味香濃，配上整個蕃茄；蟹膏餅質感像豆腐卜，好鬆軟好吸湯而且蟹膏味極香濃，另外配料還有扎肉、豬紅、香菜、芽菜、生菜等，如不夠喉還可以另加蟹膏餅+$20。《烤豬肉湯河 $55》湯河份量好足，湯底香茅味濃，烤豬肉是分開上的烤豬肉滿滿一碗，肉質腍軟香烤惹味；配菜還有洋蔥、芽菜、蔥和香菜等等。《咸檸水(凍) 跟餐+$12》《青檸蘇打 跟餐+$8》《越式軟包 $33》第一次食越式包，包外層酥脆內軟熟，中間的配料豐富多樣，當中有腩肉、扎肉、肉鬆、酸菜、青瓜、芫荽、蔥、肝醬，整體味道十分夾。職員：有禮發爽快，而且還是越南人，怪不得口味相當地道，好吃！

終於終於食到 早前見到上網雜誌介紹 原來已經開了分店(之前一直很想食) 分店位置位於港島區炮台山天后中間 食物主要以飽肚類為主 價值親民 難怪吸引到不少人光顧( 繁忙時間需搭位我們每種類也想試 決定每種也點一款米紙蝦卷 用芭蕉葉包住 食的時候唔使整污糟隻手 薄身的米紙卷食材滿滿 有蝦有豬肉仲有大量檬粉 配上一個自家製的醬汁 勁惹味烤豬肉撈朦 薄豬肉片烤得香脆 加上酸酸甜甜好的汁 味道好開胃越式法包 上枱時一早已經幫手切開兩份 法包脆卜卜 配上肉鬆腩肉扎肉加蔬菜 口感非常豐富斑斕綠豆糕 意外地好好吃 味道不算甜 好濃的斑斕及椰奶味加上中間有層綠豆蓉熱鹹檸水非常開胃(笑)