等等HEA

營業中

休息中

餐廳位於九龍城，鄰近地鐵站，地理十分方便快捷。和順記招牌生炸神級神脾，韓式醃肉法，特製醬汁醃製，入口味道已經與眾不同，內裏果酸令肉質變得更加嫩滑，高溫油炸，外皮香脆可口，內裏鎖住肉汁，外脆內軟，足足一位成年男士手拳大小，入味又美味，加上價錢平民化，絕對是性價比的選擇。配搭刀削麵，份量十足，烹調時間剛剛好，入口充滿口感。手工芋泥鮮奶，即叫即製的就是這樣的吸引，喜愛這份人情味，入口軟綿綿的感覺，彷如去了另一層次。

今晚約左朋友去九龍城食飯，佢話有間台式餐廳食放題幾抵，所以就去左果度食飯。餐廳門面同裝修都好有台灣feel，見到有書面語繁體字，呢D就係台灣特色。目標鎖定，就係要食雞煲放題。呢度放題都幾精彩，有烤魚、麻辣雞煲同埋南乳豬手，三款mix埋都無問題。另外仲有小食，火鍋配料同甜品等無限添加。台式香辣雞煲：朋友食唔到辣，所以只叫左微辣。雞煲調味都可以喎，唔會話太濃越食越鹹，小小辣，越食越惹味。美國肥牛及炸花支丸小食：美國肥牛口感OK喎，肥瘦適中，真係唔覺得太肥或太瘦。花支丸小食剛炸起，外脆，內裡彈牙。台式芋頭條、澎湖貢丸、秘製冰豆腐、新鮮枝竹及唐生菜：各款配料都係吸汁之王，所以連汁一齊食就一定好食。芋頭條煮得夠淋，好食。唐生菜洗得乾淨，新鮮爽口。阿等麵線 (配阿宗辣椒醬)：細細碗share都幾好，味道唔錯，呢個阿宗辣椒醬真係幾辣，配埋佢一齊食又幾夾喎。和順記古早台式館長肌肉雞脾配台式糖心蛋半隻：呢個係店員推介，新嘢。雞脾比外面D大隻好多，炸得香脆，雖然大隻但內裡雞肉食落都嫩滑，有D估佢唔到。糖心蛋夠流心，好味。飲品 - 黑糖珍珠鮮奶(右)及香芋珍珠奶茶(左)：兩款都夠甜夠凍，珍珠煙韌，加20蚊仲

九龍城有一間專食台灣美食嘅餐廳 入到去好似置身喺台灣咁 台灣夜市嘅大小美食呢度都食得到 3:00啱啱下午茶時間我就叫咗個原條厚鰻魚起司基隆蛋餅 一睇賣相覺得好吸引 真係成條鰻魚上 配埋芝士同埋蛋餅真係一絕 出奇地咁好食 另外加咗個小食 傳統手工魯肉配時菜 滷肉配時菜係最佳嘅配搭 飲品方面叫做奶蓋四季春 滿滿嘅芝士奶蓋令人好滿足 加上係茶底 飲落去會唔會好膩 鹹鹹香香咁好滿足 呢度實在有太多美食 其實都食唔晒下次一定會再叫大班朋友過嚟食

之前嚟食過烤魚都好正，嚟九龍城唔一定淨係食泰國菜～台灣嘢都好正和順記古早台式館長肌肉雞髀配 台式糖心蛋半隻(改)滷肉飯$72一上台真係哇一聲，雞肶大過個頭🍗仲要唔係得個大字，塊皮脆到乳豬皮，咬落去咔嚓咁和順記古早豬扒煉奶流心西多士$62豬扒微微煎和放係西多士上面，再加左煉奶做成流心，好特別嘅西多士～套餐+$15可追加一款小食我地簡左黑松露黃金花枝丸同台式滷豆腐花枝丸上面放左黑松露黃金醬做點綴，滷豆腐又入味

今日經過九龍城，本來諗住食泰國野，但發現食太耐，太肚餓等唔切就入左呢間台灣野到試下，都比想像中高質噢火雞蔥油飯，呢個飯既蔥油非常之香，上邊仲鋪滿左炸蒜，香味更上一層樓，配上嫩滑火雞肉風味更佳～紅燒牛肉麵，非常入味同埋軟淋既牛肉，份量十足，湯頭亦很濃厚溫和，水準之作～燒雞泡魚干，有咬口，又香口，滋味小食～川貝平果雪梨豬展湯，非常足料，飲落超級清甜，潤喉潤肺～三小碟，作為開胃小食黎講十分出色，份量亦適中

九龍城小店特色小店特別多經過店舖被餐牌吸引無論裝修和格局都很像台灣風格呢間等等HEA真係好似去咗台灣一轉🥰和順記古早台式館長肌肉雞髀配台式糖心蛋半隻$68一直也很想來試試和順記的肌肉雞脾表面炸至金啡色 Size神級的巨型 真係冇得輸雞髀啖啖肉又夠入味 香脆肉厚😆味道幾有咸香 好有滿足感！滷豆腐好滑溜 滷得很入味 豆味濃郁糖心蛋都唔錯 中間做到流心效果追加: 台式滷豆腐$15以一個餐嘅小食嚟講份量都幾慷慨🤣🤣老阿伯拌魷魚 福州丸綜合焿套餐$62加配正宗台式麵線加$8魷魚夠爽口 調味OK 跟麵線很夾🤣麵線的味道頗為清淡 魚丸彈牙 咬開幾有驚喜 有豬肉碎係裡面食落幾滿足同有份量💓雙椰烏雞螺頭燉湯（滋陰補腎、潤肺養顏）$88賣相已經令人流哂口水😻烏雞足料 椰子味超濃真係飲過返尋味😋😋網紅196品牌仙草芋圓 $23仙草非常適合夏天呢個咁悶熱嘅季節享用甜度適中 唔錯唔錯 🥥仲加左少少椰奶網紅 196 芋圓四四方方 口感軟彈牙食落都好煙韌啊👍🏼 套餐包了兩杯野飲～我哋揀了熱嘅桂圓紅棗水，唔使加錢，朋友跟餐配：凍檸水 +$5整體唔錯！最吸引人嘅係巨型炸髀，下次嚟九龍城一定要試吓呢間啊🤎🤎

成日聽聞「和順記」雞脾好味又無咩機會試黎開食台灣野竟然遇著crossover有得食! 食肆間既聯乘感覺好好吖！🍗古早台式館長肌肉雞脾 真身真係好大隻又厚身佢用既非一般港式醃法而係用檸檬🍋、蕃茄🍅、菠蘿🍍、甘筍🥕等搾汁，醃幾個鐘令肉質更香軟嫩滑主打既生炸雞髀，外酥肉嫩中意辣既朋友仲可以揀麻辣添一刀切落去，雞皮薄薄勁清脆肉汁流埋出黎。糖心蛋都做得好滑溜加$10配滷肉飯 🥣香茜陳皮鴨脾燉湯由周中師傅主理既無味精燉湯勁香香茜味加埋陳皮既甘味真材實料，理氣健脾好養生🦪蚵仔滷肉荷葉撈陽春麵 蚵仔大大隻，肥美鮮味用陽春麵做撈麵底吸收哂滷肉既肉汁油香麵條香滑入味，推介😋套餐可配黑糖薑母茶、桂圓紅棗茶，健康暖胃☕️

九龍地任食台灣菜真係好少見， 眾所周知九龍城出名食泰國菜。 裝修新潮嘅台灣菜餐廳真係比較少見。 呢間餐廳最近主打任食烤魚/雞煲/南乳豬手。 我今次三樣都試曬決定黎個大滿足的一晚。 烤魚嘅份量好多，配菜款式好豐富，有豆卜，有蕃茄，雲耳等等， 魚係經過煎煮再上， 睇到有金黃色的色澤！ 今次的揀既係酸菜味，食落都好開胃。 講完個烤魚就講吓雞煲同埋豬手。 餐廳係用一個鴛鴦火鍋爐上菜， 每一次上嘅份量唔算好多所以呢就可以使更加多嘅任食台灣菜。 雞煲味道好惹味，雖然雞件唔係好大舊，但係都啖啖肉。 豬手好軟， 唔會咬唔開都好入味。 最後仲點左鹽酥雞，台灣麵線同一碗豆腐花芋圓。 鹽酥雞炸粉唔會好厚，仲幾juicy.

等等HEA最近跟和順記x 周盅 crossover✨ 菜單的選擇更加多樣化，在九龍城也食到神級的雞髀皇了！🔸台式館長肌肉雞髀套餐越邪惡趁美味😈 點了一份和順記古早炸雞髀配溏心蛋半隻，現點現炸製作需時。這裡的生炸髀用了台式的醃肉方法，把檸檬、番茄、菠蘿及甘筍等製成汁，醃足幾個小時，果酸讓肉質變得更加嫩滑。這個雞髀真的是重量級沒錯，炸得外酥脆內軟嫩，好好吃🤤 🔹雙椰烏雞螺頭燉湯另外試試周盅的燉湯加魯肉飯。奶白色的湯頭清甜順口裡面真材實料，大大粒螺頭燉得又淋又香～ 🔸小食點套餐可用優惠價加配小食，點了台式滷大腸和麻辣軟Q鴨血～ 大腸很入味，鴨血口感一流，又麻又辣，非常惹味🔹飲品套餐可配熱健康飲品，選了養生的桂圓紅棗茶🫖 另一杯加$20選了手工芋泥鮮奶，超濃厚的口味，好滿足💦

一個等等，一個和順記，兩個都係幾出名的品牌，偏偏兩個都未食過，前排睇雜誌見到佢哋兩個竟然有Crossover。九龍城等等Hea分店會有得食和順記炸脾同炸豬扒？和順記想食好耐，但係成日都唔會經過佢哋任何一間分店，今次一石二鳥最好，雖然只係下午茶，但食到兩間出品都幾好。我就係衝著和順記古早豬扒煉奶流心西多士而來，之前係九龍城樂園食過沙嗲牛肉西多士，今次食豬扒西多士，更邪惡。今晚當然要飲一杯冬瓜茶，咁熱嘅天氣一杯凍嘅冬瓜茶完全透心涼。豬扒嘅厚度好驚人，你食西多士驚唔健康，加咗好多菜底俾你。煉奶流心和豬扒係100分的夾，基本上好食到停唔到，麵包翼也炸得非常之鬆脆，最欣賞係嗰舊豬扒，和順記嘅出品，真係有返咁上下，唔怪得開咗咁多間分店。本來想食和順記古早台式館長肌肉雞脾陽春麵，但係始終太飽，留返下次先食，試一試佢嘅古早麵線加柯仔。試一試呢度嘅台灣Menu，加上阿宗麵線嘅辣醬，有台北街頭的感覺。簡單20分鐘就食完下午茶，因為九龍城好難泊車。下次有時間擇日再重賽。

呢間台灣嘢好有驚喜！平時好少搵到有台式店有賣大腸包小腸，思鄉的我見到有就即刻叫咗一份嚟食。好掂，有生蒜、酸菜，再配埋炸得剛好嘅台灣腸，同埋糯米腸，好香口。回味無窮。佢嘅主食都好好食！肉燥拌麵好夠味，麵質彈牙，唔會太淋，配埋紅燒牛肉或者雞扒咁食，非常開胃，又唔會好單調。同埋佢每個主食都可以配一杯飲品，熱飲我就叫咗養生紅棗水。朋友就叫咗凍飲嘅菊花茶/柚子茶，勁大杯，有驚喜呢！整體嚟講非常滿意，呢次嗌外賣，下次要試下堂食！

同店員講外賣自取兩盒和順記雞髀飯及兩盒豬扒飯，店員問需唔需要滷肉飯，我說不用了。番屋企開盒先知得餸，無俾飯我。打番舖頭問係咪俾漏咗四盒飯，原來$66只係得炸雞髀及半隻溏心蛋，$61只得一塊豬排及半隻溏心蛋，要飯的話，另外每盒加$9! 餐牌幅相明明有跟白飯，但餐廳話唔跟白飯的。為免誤會，以後要問清楚跟唔跟白飯及對清楚單據上內容。食物方面，未試過和順記雞髀，唔知有無分別，算大隻，味道普通而且。豬排偏乾，份量正常。

今日去九龍城食晚飯，去得九龍城，大家都以為係食泰國菜，今次就試吓新口味，食台灣菜，因為見到朋友嚟過食，睇落好吸引，所以今次特登嚟試吓。餐廳叫做 : 等等Hea，感覺非常正宗台式，我哋今次嚟食烤魚放題。-古早酸菜味烤魚湯底非常夠味，酸菜，配料份量非常之多，魚肉非常結實，唔會一夾就散，都係大嘅魚骨為主，好驚有細小嘅魚骨好難去食，整體呢個烤魚係唔錯嘅。-任食菜式有好多小食可以任食，非常豐富，首推蚵仔滷肉飯，滷肉飯味道非常適中，加上蚵仔一齊食，好配合，任飲任食來講，非常出色。另外要推介貢丸，貢丸味道非常濃郁，加上酸菜魚嘅湯汁，令到味道更加昇華。-和順記炸雞髀因為見到附近幾台客都有叫，門口亦都大大個招牌cross-over，本身亦都係炸雞髀嘅忠實粉絲，忍唔住叫咗一份嚟試吓，本身已經飽飽地，都完全抗拒唔到呢一隻生炸雞髀嘅美味，雞皮炸得非常之脆，雞肉多汁，嫩滑非常，醃得好入味，size非常巨型，絕對唔會後悔叫嘅生炸雞髀。-評分 : 6.5/10

這間位於九龍城的等等HEA，現與和順記合作推出多款招牌炸脾及豬扒等主食，另外還與周忠師傅合作，推出多款滋潤湯水，打工仔真係要飲返碗補一補。雙椰烏雞螺頭燉湯用了烏雞、豬𦟌、螺頭、海底椰及椰子熬制而成，燉湯有濃郁椰子香味，帶雞豬的鮮肉味，入口鮮甜無比。和順記古早台式館長肌肉雞脾陽春麵炸脾即叫即炸，表面炸至金黃香脆，皮脆肉嫩，雞脾肉juicy，醃得入味，陽春麵湯底用了牛骨湯，有濃郁牛肉甜味。老阿伯拌魷魚福州丸綜合焿套餐加了阿宗辣椒醬，味道果然完全不同，跟麵線很夾，魚丸彈牙，魷魚爽口，味道正宗。台式滷豆腐&台式滷大腸兩者都滷得很入味，大腸有咬口。最後飲返杯清甜的菊花茶。

今晚又嚟到九龍城，唔係食泰國菜，係食台灣菜，我哋搵到一間充滿台灣風味的「等等Hea」😄😄睇完餐牌上面的台灣不同地區代表菜式，真係好似去咗台灣一轉😅😅日本滑蛋滷肉鵝肝飯 $118（即叫即製，耐心等候）香煎鵝肝外脆內軟，滑蛋採用日本雞蛋🥚正宗台灣瑞穗牧場鮮奶炒成，特別滑同香，再加上滷肉及秘製豉油，一口一口食唔停。餐飲：香甜冰凍的芒果沙冰+$9，香滑奶蓋白桃烏龍茶+$15可以追加多款台灣著名小吃，細細碟份量啱啱好，可以食多幾款，外脆內juicy的士林鹽酥雞$15，入味的台式滷豆腐$15👍👍套餐附送時令台式三小碟和風貓耳朵、醃黃瓜條、炸花生，開胃小食😄😄老阿伯拌魷魚福州綜合焿、嘉義雞絲手炒蔥油飯 套餐$108一個套餐試到兩種台灣古早味美食：清爽鮮甜的白蘿蔔拌魷魚湯焿，彈牙福州魚丸包著鹹香夠味的豬肉餡，回味無窮。古早味油蔥飯，蔥油香噴噴，熱辣辣拌飯拌油菜都一樣好味😋追加甜品：網紅196品牌 仙草芋圓 +$23不得不推介呢款甜品；香滑椰奶🥥甜度適中；芋圓係用咗出名嘅網紅 196 芋圓，芋圓比一般嘅仲大粒，夠哂軟Q彈牙💯；仙草夠滑；食一次就愛上😍真係食過返尋味😋😋